雞少雞飯

营业中

休息中

呢間位於石籬商場新開嘅新加坡菜，菜色選擇好多，點咗兩個下午茶套餐，份量一啲都唔少。🐓輕盈招牌海南雞飯 $44轉脾+$8🐔雞肉勁嫩滑，份量都幾足，點埋醬汁更惹味😋，雞皮都好滑口而且脂肪不多。個餐湯充滿椰子🥥味，好足料。🐓古方口水雞翼尖（十隻）+$22呢個口水雞翼尖唔算太辣🌶️，夠晒鹹香，點嚟送飯🍚一流。🥓碳燒豬頸肉飯一人餐$70豬頸肉入口好柔軟，外面嗰層食到焦香😚，而且薄切方便入口，點埋個醬汁先至係精粹之處🤩🤩。平時太淋嘅豬頸肉🥓我會覺得好難食，但係呢個嘅調味再加埋個醬汁真係幾好食🤤。套餐包一人蝦湯浸時菜🥬。🍤石叻吉列鳳尾蝦（3隻）+$22蝦肉新鮮，炸到外脆內軟🍢雞肉串燒/1串 $16呢個串燒火候控制得好好，同樣都係個醬汁同個串燒勁夾。飲品：🍯檸檬蜂蜜柚子茶（熱）+$6🍋凍檸檬百香果蘇打+$12整體而言：冇諗過喺街坊小店都可以食到好味😋又正宗嘅新加坡菜🥢，而且價錢合理，每個菜式嘅醬汁都好有特色，令成個餸味道層次感豐富，值得再來💯💯💯。

🔎 雞少雞飯 (葵涌) @youngchickrice 今日喺石籬商場地下發現一間性價比好高的新加坡菜餐廳！呢度主打海南雞、喇沙、肉骨茶～人均$6x就有餐，仲包住家湯🥣未到食飯時間就已經滿座到食飯時間仲要排隊，人氣超旺🔥【新加坡海南雞喇沙】 $75⭐️⭐️⭐️⭐️ ⭐️必食！喇沙湯底好濃郁😋充滿椰香同香料味，麵條可2溝！海南雞都好嫩滑！【星洲咖喱豬頸肉配米飯】 $64⭐️⭐️⭐️⭐️ 咖喱味濃郁惹味，豬頸肉烤得外皮香脆，內裡軟嫩，拌飯一流🍚$64仲包埋住家湯真係好抵！【牛肉&雞肉串燒】 $16⭐️⭐️⭐️⭐️ 2款肉質都鮮嫩，調味啱啱好🍗！【星馬斑咖映多士 】$22⭐️⭐️⭐️⭐️ 呢個價錢真係好抵就順便叫埋！多士烤得金黃酥脆，係用咗麥包～夾住香濃嘅斑咖映醬同一整塊牛油🧈好邪惡！！呢個價錢有呢個質素冇嘢好挑剔🥳唔怪之得咁多街坊都鍾意食呢間！如果我屋企樓下都有我應該會日日去食喇沙🤣

今日經開石籬商場一期，發現新開咗一間主打馬來西亞星加坡菜嘅餐廳。一於去試試！店內裝修有馬來西亞特色，燈光明亮，座位坐得舒適。已經下午茶時間，但係好肚餓，所以就叫咗正餐，嚟到時大大份！1）新加坡去海南雞飯- 依間餐廳嘅招牌菜海南雞係用上三黃雞，肉質鮮嫩，皮薄骨細。套餐包括薑黃飯，椰子雞湯。飲落食落都好滿足2）檳城蝦湯面（豬肉·大蝦）掺掺- 湯底香濃，米粉同油麵好掛汁，配上大蝦同燒香咗嘅豬頸肉，一流！3） 一人蝦湯浸時菜、叁巴醬怡寶芽菜、獅城黄金炸蝦餅及牛肉串燒/1串- 我哋加咗錢叫咗小食,唔係好貴，細細碟，好滋味！ 時菜同芽菜都配上唔同嘅醬汁，咸鮮味十足，好惹味！ 另外蝦餅同串燒，肉質爽彈，一試難忘

今日係探婆婆既日子見佢樓下開左新餐廳，都幾多人排隊喎，一於就去試下😌🛎 $60 新加坡去骨海南雞飯 我仲加左$12轉髀😋海南雞髀非常嫩滑👍🏻無骨超方便食用～搭配香噴噴白飯（仲有油飯可以揀！）一流💯有醬油/蔥油/辣醬配搭，味道好正宗🤘🏻🛎 無味精住家湯 係南瓜蘿蔔粟米湯😍味道十分健康，搭配雞飯感覺好滋潤！🥣🛎 +$7 一人蝦湯浸時菜每一餐都要有蔬菜～$7咁平更加要加啦🤣🥬🍤有啲蝦醬既風味咁，咸咸地都唔錯🛎 $75 新加坡去骨海南雞喇沙 另外仲叫左個喇沙～濃郁嘅椰漿同香料真係令人欲罷不能😋豆卜索晒湯汁勁正，芽菜又夠爽口仲有半隻靚蛋🥰好飽呀～🛎 龍眼冬瓜茶

雞少雞飯葵興石蔭商場1期1樓A109號招牌新加坡海南雞飯 $60滑嘟嘟的雞脾肉肉質彈牙充滿光澤油飯裡炸洋蔥令整個飯充滿香氣飯粒軟熟香烤雞配油飯$60推薦雞扒大大塊面頭佈滿香料切到一口大小非常貼心斑蘭咖央多士$29大大塊牛油擦抹斑蘭醬多士烘得香脆蝦餅$294塊炸得香脆金黃咬落唔油檸檬寒天荔枝梳打寒天帶點粉紅色非常少女荔枝梳打夠清新凍奶茶甜度剛好茶味夠濃由於晚飯時間坐位都幾滿上菜快手坐位以梳化為主坐得舒服

原來石籬開左雞少雞飯，環境舒服乾淨，燈光明亮，座位闊落，唔會逼夾，好適合同朋友聚餐🥰！⭐娘薏大蝦海鮮喇沙摻摻⭐湯底又濃又香，椰香味十足，仲有少少辣🌶️，勁惹味！配料超豐富，大大隻蝦🦐、鮮甜嘅帶子🐚、彈牙嘅魚蛋同埋好多豆卜，撈埋摻摻（油麵同米粉）食，口感一流！👍⭐義順香茅雞中翼（3隻）⭐雞翼外皮脆卜卜，肉質嫩滑juicy，仲帶有淡淡嘅香茅味🌿，好香口！😋⭐新加坡海南雞飯(雞脾)⭐海南雞出名肉嫩🐔，雞脾肉多又滑，啖啖肉！🤤油飯粒粒分明，油香十足，但唔會太油膩🍚！三款醬汁（薑蔥蓉、黑醬油、辣椒醬）各有特色，點邊款都好夾😋！⭐無味精住家湯⭐湯底清甜，材料足料，有粟米，籮白，雪耳，飲落好舒服😌，完全唔覺有味精！⭐一人蝦湯浸時菜⭐蝦湯鮮甜🦐，時菜爽脆🥬，清淡鮮美，係一個好嘅配搭！⭐獅城黃金炸蝦餅（4塊）⭐蝦餅炸得金黃香脆，蝦肉彈牙🍤，蘸埋沙律醬一流！😋⭐西洋菜蜜（熱）⭐熱辣辣嘅西洋菜蜜，甜甜地，好暖胃🥰！⭐佛手金棗茶（熱）⭐金棗酸酸甜甜，飲落好潤喉！

今日下晝去咗石籬探朋友個BB, 順便係附近商場食埋飯先返屋企! 太耐冇嚟過呢度, 原來而家石籬已經變咗好多呀, 呢個石籬商場有一期同二期, 地方都幾大! 雞少雞飯就係一期, 餐廳都幾大, 光線充足, 比較多卡位, 坐得舒適, 沒有擠迫的感覺, 食飯時間都幾多街坊幫襯。揭開餐牌食物種類都好多, 除咗新加坡海南雞, 娘惹厚切豬扒, 喇沙粉麵, 仲有多款套餐, 又可散叫, 有2人, 4人, 甚至10人套餐都有, 一家大細或朋友聚餐就啱哂。新加坡去骨海南雞飯 - $60海南雞飯套餐仲包一碗無味精住家湯, 去骨海南雞份量都幾足料, 我地要咗雞胸, 肉質鮮嫩, 唔會鞋颯颯; 旁邊配上三款秘製醬汁, 有新加坡黑醬油, 青辣椒醬和蒜醬, 蘸上雞肉更惹味! 配上油飯, 色澤金黃, 有飯香亦都有雞油香, 但食落唔會太油膩, 好味呀!輕盈檳城蝦湯麵配大蝦+豬頸肉 - $47我就要咗個下午茶, 輕盈檳城蝦湯麵配大蝦+豬頸肉, 呢個就真係好有馬來西亞嘅風味, 配咗豬頸肉同蝦, 食完覺得好滿足, 麵底採用大馬正宗嘅「摻摻」做法, 即係米粉+油麵, 米粉盡吸湯汁, 加上爽口滑嘟嘟嘅油麵, 每一啖有齊粗幼軟韌不同口感

平日都會幫襯尖沙咀分店今日發現屋企附近新開左一間緊係去試試一坐底成張枱下面都係飯餐具都好污糟餐牌同尖沙咀有分別食物都唔洗講豬頸肉差好遠好薄又細塊就係幾近都唔會再黎太失望