雪園會館

营业中

休息中

念念不忘從前北角的雪園飯店，今晚趁老媽生日，－家人終於有機會嚟到紅磡重現嘅雪園會館，再嚐舊日淮揚菜的滋味。紅磡雖然係舊區，但呢度位於新建築物內，環境十分典雅寬敞企理，最緊要係泊車方便，車停在附近家維邨行過嚟唔使5分鐘。冷盤六小碟最特別係重未試過的酒釀牛脷，主菜各具特色，份量十足，最愛香酥鴨，入口嫰滑又鬆軟。連甜點都有酒釀丸子加高力豆沙，大滿足。

雪園會館係灣仔雪園壹號嘅姐妹店，一間正宗嘅淮揚菜食店，佢哋必試嘅菜式，去一次都食唔晒😌🫰🏻蘿蔔絲海蜇皮 $108用上風乾嘅海蜇皮，食店介紹係由切絲、浸泡同調味都係全人手，所以做到海蜇皮又爽又彈，要有番咁上下手藝嘅師傅先至做得到！🫰🏻經典雪園生煎包 $72/4隻曾經受到名人追捧，日賣1000個，果然名不虛傳。生煎包食落柔軟，湯汁岩岩好，唔會爆出嚟，而又令到豬肉餡料充滿湯汁。🫰🏻招牌小籠包 $60/4隻同樣有番一定嘅質素，皮薄餡靚多汁，唔會失望。人多可以計番人頭咁加番粒數，唔使驚一客唔夠分。🫰🏻老上海燻魚 $118做法正宗，燻魚外皮酥脆，唔會太乾身，醬汁酸酸甜甜，內裡嘅魚肉保持香滑鮮甜。🫰🏻津白肉絲炒年糕 $118味道似炒回鍋肉，好夠鑊氣，除左津白之外，仲有好多配菜，好野味。🤞🏻高力豆沙 $18個/兩個起呢個甜品不過不失，豆沙餡料唔會太甜，如果更加鬆軟就更好食喇。🐷🛎️ 必試指數 : 9.5/10🌟

聽過佢個名好耐，早過好多間上海鋪而享譽全港的經典生煎包，可惜係南洋酒店嘅分店約過幾次都食唔到，今年開番灣仔點之後，紅磡分店都開咗，我近紅磡，當然食紅磡啦。呢一晚終於食到，佢嘅火瞳雞燉津白湯，睇就知佢同樣做到皇仁舊生會佛跳牆個膠質效果，而且煲得好好，基本上如果你過嚟食，你一定唔可以錯過呢個湯。除咗個津白湯之外，好多個菜式都有番咁上下水準，而且好多菜式都係要早一晚預訂。前菜食左好多個蘿蔔絲海蜇皮，醉香乳鴿，酒糟牛脷，口水豬手，各有自己特色，蘿蔔絲海蜇皮同平時嘅都唔同，加上蘿蔔絲勁爽勁脆，絕對係只此一家。牛舌食得多，酒糟牛脷就未試過，淡淡的酒香，而且牛脷好薄，刀功盡顯。醉香乳鴿個酒香濃得多，飲開酒就當然鍾意呢個多啲。不過口水豬手又係另一個濃味之選，口水做法同平時有少少唔同，用上好多嘅蔥花，香氣更加茂盛。尾段同樣係前菜嘅鎮江肴肉，老婆勁鐘意，因為佢話未試過肴肉味道咁濃烈，加個醋後係真心夾。火瞳雞燉津白湯就咁得菜同雞同火腿都可以做到咁嘅效果，真係好精彩，同皇仁舊生會覺佛跳牆味道有得比較，真心正，不過又係飲兩三碗就已經會好飽，津白甜到好似食糖咁。揚州素黃雀，聽呢度嘅員工介紹，呢一個菜式嘅做法非常之

一直非常喜歡上海菜，香港所有上海餐廳基本到訪過，看到近來很多報導關於這家餐廳，因此特意過海到訪。午餐平日有套餐，價格合理。選擇了蔥油麵，上菜已大感不妙，上海蔥油的蔥居然是京蔥？！實在哭笑不得🥲，明顯沒有認真準備什麼是地道上海蔥油拌麵。這些知識隨便上網一查便有吧？明顯是廣東廚師製作底部湯汁過多，應該收乾醬汁才傳統鍋貼-質地淋淋的，底部完全不酥脆，油淋淋🥲🥲🥲🥲-可能這裡提供的是廣式上海菜，希望只是剛好這兩道菜是如此。

相信雪園飯店這大名對於老饕來說絕不陌生！出賣年齡也要介紹這一間由蔣標先生伙拍門生朗志輝師傅的新店，將淮揚菜承傳下去讓舊客好好回味，新客人則有機會品嚐這傳統滋味。新店名叫雪園會館地點位於紅磡Y83一樓，內裏優雅骨子的裝潢實而不華，這夜兩圍一起共餐也坐得非常舒適。有車爸爸在喝杯紅酒也是常識吧！可幸有酒友陪伴不用獨自飲悶酒快樂也。打頭陣的是一系列的冷盤美食，海陸空的全部有齊非常豐富，先由車爸爸品嚐酒糟牛脷＄168，是淮揚菜中少有的牛脷菜式，用上最嫩滑的牛舌芯來炮製，最特别的是以清酒、昆布和鰹魚絲等材料用日式方法將牛舌芯慢煮，車爸爸大讚牛脷口感香軟不羶，而且帶上幽幽香甜的酒糟味道很吸引。這個蘿蔔絲海蜇皮＄108真的要好好品嚐，皆因為了保持獨特口感和味道，餐廳堅持由乾海蜇皮至成品一手一腳製作，吃下口感爽脆充斥新鮮蔥油香氣味道美妙之極。然後這客是我首嚐的楊州素黃雀＄128這個是非常傳統的素菜，皆因賣相像一隻隻的小麻雀而命為素黃雀絕對是手工菜！腐皮包裹著紅蘿蔔、荀和沙葛等蔬菜，經油炸後再用自家調製的湯汁浸泡調味，黃雀吃下鬆軟不油膩索盡香口湯汁的味道很可口。鎮江肴肉＄108弄得層次分明賣相吸引，吃下口

年輕時經過北角雪園，總是有點遙不可及的感覺，直到2000代光榮結業，以為就此在香港飲食圈中消失。原來近日其中一位老板，靜稍稍地在紅磡重新開業，並改名為［雪園會館］。其實原址是一間單幢式酒店，在疫情下亦支撐不住，幸好附近有大學，所以搖身一變，成為大學生的 Apartment，而一樓就成了［雪園會館］的新址。餐廳前身是主打Buffet，家陣部份位置改得更具時尚感，給住客休息上網，而另一邊就是雪園所在。雪園除了大廳外，尚有幾間廂房，但設有最低消費。蘿蔔絲海蜇皮 （$108）近年食得海蜇頭太多，轉食海蜇皮口感多了一份柔軟感，而加入蘿蔔絲更有清爽的感覺，陣陣麻油香下，不錯。醉香乳鴿 （$148）乳鴿並非浸過夜，避免有酒的苦澀味，反而臨上檯先加入酒，令鴿肉有酒香，而肉質保持嫩滑。楊州素黃雀 （$128）有時真係佩服香港人的聯想力，由於生根先炸後滷，色澤似禾花雀，所以索性叫黃雀，而生根又入味。酒糟牛脷 （$168）淮揚菜中少見的牛肉菜色，牛脷薄切後以酒糟滷過，牛味不單沒有流失，卻又有軟綿的口感，很精彩的一道菜。口水豬手 （$118）同樣只在川菜中出現的菜色。豬手啤水處理得相當好，皮質位爽口彈牙，而辣

平安夜唔食西餐吃中菜也是不錯的選擇。是晚來到新開業約兩個月的雪園會館，又試下得唔得。因為只得兩個人不能吃太多款式就叫了一冬筍醃篤鮮湯，小籠包，酒糟牛舌芯，蟹粉炒粉皮好蟹粉炒粉皮蟹粉炒粉皮和炸銀絲卷。冬荀是當做鮮嫩，湯頭鹹香鮮甜朋友十分喜歡。小籠包皮薄湯汁多可見肉餡是新鮮肉製，真想多食幾個。牛舌心酒味適中十分入味。蟹粉是店舖人手拆的沒有一點腥味只有鮮味，配襯粉皮能吃到真正的蟹粉味。銀絲卷內脆外軟，很久沒有吃到能夠有一絲一絲的銀絲卷了十分鬆軟好吃。看到餐牌有很多味餸都想試，急不及待和家人下次再來。說完會館是一間食物好服務亦很貼心的店舖值得推薦。

冬至喺閒日。屋企人都係黃埔之友，見有間新開上海餐廳就決定冬至嚟食飯。第一次嚟，係食一圍嘅菜式。頭盤有口水雞(汁同肉都幾好味)，素鵝同海蜇都ok，肴肉好食，涼拌鮑魚就份量少啲。跟住有清炒蝦仁同翡翠蝦球，原來係用蝦同菜打成好似魚蛋咁，我覺得有啲似魚腐，好特式，唔油又好味。食上海嘢必點䓤燒海參，味道好好，海參quality OK，Q彈入味，但當然如果去留園食呢個餸更好食。湯係火朣燉菜膽，個湯充滿火腿香，飲完暖笠笠。火腿分量好多。重點係配埋芝麻大餅，上海菜不能缺少嘅點心。上海油淋雞，好似粵菜炸子雞，有個䓤油汁點。雞肉唔乾夠juicy。年糕炒蟹，蟹唔係season，蟹肉唔夠結實，但味道及年糕搭夠補返分。另外仲有炒沙錐魚。咁細條魚全部起晒骨。魚肉炒得嫩，唔錯。（唔記得影相)其實已經食到好飽，最後仲有招牌生煎包。甜品有酒釀湯圓同埋高力豆沙。整體滿意，餐廳職員亦有禮，冬至圓滿。見餐牌平日有午市套餐幾抵食，會返轉頭再幫襯

繼上次同太太試完後..今次再同朋友嚟食生日飯. 早就跟Tracy訂定檯. 4條友吃了10個小菜. 抱住個肚走人..好滿足 今次試了其他小菜都不同凡響.有幾款Tracy姐特別留的：紅酒有皮牛尾, 必須要預留的 及牛舌我就喜歡食黃金蝦球..但下次不能一齊吃 會撞得太飽😀😀最後甜品杏仁豆腐簡直係清泉 將之前太濃味的都化解晒👍🏻👍🏻👍🏻今次有幸認識了雪園第二代老闆蔣先生..才知到蔣老先生最初是在北角始創. 承傳到現在…預計12月尾會好多人慕名而來. 肥滔哥嚟緊會幫手宣傳. 想食既就要快嚟試啦😍附上真人相片

期待已久的「雪園會館」在九龍紅磡開幕啦~ 其精美淮揚菜與灣仔店「雪園一號」是否同樣高水準？當然要試一試。「雪園一號」小弟就幫襯得多，今晚同班老友首次幫襯「雪園會館」，一早訂定招牌菜式：火膧雞燉排翅；還有季節美食：8両大閘蟹，蟹粉小籠包！入座後第一時間單點其餘餸菜，精美前菜不在話下，主菜再點有：翡翠蝦球/葱燒海參/山東燒雞/蟹粉豆腐窩粑/蟹粉豆苗/「火膧雞燉排翅」湯頭充滿火膧甘香，排翅滑溜爽口，滋味餘韻悠長；別以為湯渣就是棄料，煲過湯後的火朣配以香檳或紅酒更是一絶！「翡翠蝦球」採用河蝦製作，外觀精緻，口感彈牙又有獨特河蝦香味，正！「葱燒海參」海參軟滑Q彈，汁濃葱香，撈其汁配「銀絲卷」就一流！「山東燒雞」皮香肉嫩，雞味濃又帶有煙燻香氣，送酒佳品！「蟹粉豆腐窩粑」蟹粉鮮甜濃稠，豆腐軟滑，混入一些雪園會館自家調製的香醋，滋味無窮，齒頰留香，配上香脆窩粑品嘗，絶！「8両大閘蟹」肉甜爆膏是理所當然，「蟹粉小籠包」皮薄爆汁亦是必然！但個肚再飽都要叫一客「招牌生煎飽」，肉餡鮮嫩，飽底煎得香脆微焦，冇得彈！真係太好味太滿足啦！完全確定「雪園會館」與灣仔店「雪園一號」的出品同樣出色！！飯後我立即訂定枱再嚟

疫情以來都很少外出食飯. 話說太太今晚想吃口水雞. 我又在紅磡附近收工.嗱嗱臨睇下附近有冇好野食先. 去到門口例牌安心出行掃針卡..店員都很有禮貌. 我要求想坐較涼快的位置亦安排到👍🏻👍🏻👍🏻坐低後點了菜叫起. 我們點了以下幾款1: 四小碟 （原來要師傅隨意的）2: 口水雞 （太太食吾到咁辣, 安排了醬汁分開上）皮亂肉滑 必食推介👍🏻👍🏻👍🏻👍🏻👍🏻3: 東坡肉 （入口即熔, 好似食A5和牛咁. 聽佢地話每日限量供應）必食推介2 👍🏻👍🏻👍🏻👍🏻4: 炒豆苗 要求小油小鹽小糧 5: 生煎包 正常 不過不失飯後差不多有位經理過來關心我們. 評價一下食物如何？有嗱需要改進？ 呢位經理好有心..佢介紹自己叫Tracy. 之後還請我們吃甜品. 真的很多謝亦好有禮🙏🏻. 原來呢間外省菜是分店. 主店在灣仔酒店內. 主理廚師長亦由灣仔調過來. 應該下次叫埋朋友一齊嚟試其他菜式

小弟少出街食飯，第一次入雪園會館好震撼，成個場好靚。有兩間房一間大房。 必食推介： 小籠包/蟹粉小籠包 小弟唔係第一次食小籠包，之前食啲餡豬肉好大臊味。今次係雪園食唔係同一回事，皮薄餡靚又多汁。 水煮牛肉真係冇得頂，夠辣，少少麻，牛肉好嫩滑。個湯底唔同其他店，飲落去都唔覺得特別鹹，員工同我講湯底係佢哋自己熬，犀利 無錫脆鱔又係一個極品，酸酸甜甜，仲要係起骨淨肉，好考師傅刀工。炸到酥脆，好味到呢！ 真心推介呢間，回味無窮