雪糕達人 (已搬遷) 新店位置

真係好耐冇見過啲咁抵嘅雪糕啦。估唔到喺西九會有價錢如此平民，但質素咁高嘅雪糕。呢度係5球雪糕，配個窩夫筒，但價錢只係……只係……只係要$20咋！！真係平到冇朋友。淨係睇外觀已經贏咗。插一塊oreo俾你，上面再放咁多朱古力針同朱古力醬，仲有一片仔嘅薄荷葉，靚爆啊！5球雪糕，分別係：曲奇、士多啤梨、荔枝、朱古力同椰子。味道方面奶味都比較重，但係都食到每隻味應有嘅味道。我覺得朱古力真係比較濃。其他都屬於正常水平。窩夫筒都係脆嘅，唔會淋。整體都唔錯！呢個價錢，咁嘅質素，cp值太高了！！

位於深水埗西九，冇可能唔食嘅雪糕。$10/4球連學生都買得起有餘，仲要好食喎！完全冇任何挑剔！！我覺得豆腐真係必揀，好食得黎出面又少見又平🤩 買完可以去隔離food court 坐住食，住附近真係好🥺

香港人無論幾時都咁鍾意食雪糕，飯後食番個雪糕岩岩好，尼間咁多口味，岩曬選擇困難症既我😆$10/4球$12/5球尼間長期都好似做緊優惠咁，為食既我地更係揀5球啦😋每一粒同哥爾夫球差唔多大。口感比想像中軟綿，無冰粒.冰感，唔會好易融。🍪曲奇：正常發揮～🍫石板街：濃郁既朱古力味，中等偏苦，入面混有軟綿綿既棉花糖，果仁，口感豐富，值得推介🧈豆腐：好清新既甜味，好似低甜版既山水豆腐花，建議食左豆腐味再食其他重口味既雪糕🌿薄荷朱古力：正常發揮～好似食緊中學成日買黎食既薄荷朱古力粒粒咁🤣🧊日本海鹽：🐏羊咩必食推介！濃郁既牛奶味，好似飲左成桶牛奶咁，淡淡既鹹味，夾埋又有fd芝士味咁～🌟整體CP值：10/10！🌟石板街/日本海鹽以$12蚊黎講，食到尼個質素既雪糕都算係咁😯 雖然每球比其他雪糕舖既細d，但一次過可以試曬5個口味又幾正😋

窮遊香港-深水埗西九平民雪糕$12/5球可以賣都咁平 真係深水埗西九龍中心先搵到味道方面 當然就唔可以同哈更大c比但勝在夠平民 而且種類又多 小朋友實食得開心唔計高級雪糕既 其實佢好好味～有近30款味當中🥰薄荷朱古力 👍🏻曲奇 👍🏻蜜瓜都係我最愛🙈芒果👌🏻百香果唔鐘意👎🏻落單嘅時候 可以同店員講加朱古力醬同彩針糖賣相靚靚.#雪糕達人 (深水埗)地址：深水埗欽州街37號西九龍中心8樓74舖.⭐️評分：味道：3.5/5環境：-/5服務：-/5抵食：5/5.

呢間雪糕店係西九龍8樓少有專賣雪糕，學生果時有黎買過果時優惠12蚊5細球雪糕，但是今日搵極價格牌都無，問左先知原來無做學生優惠差不多成年🙄不過都係既🤪明既 太耐無去既人要留意下啱啱同完女朋友食左正餐 之後就食15蚊3球，種類好多選擇 有啲味要額外加錢，不過每球大小比以前係大左，今次就選左 百香果 香芋 同石板街，夠味 夠快 夠便。CP夠高Ps:專登問店員 ，佢話依家20蚊4球 大家衡量要5要甘多 畢竟每球大少係大左

今時今日五球雪糕連埋個威化碗都只係收你$20，去邊度搵呀？！佢啲雪糕嘅味道選擇其實係超級多....我呢啲有選擇困難症嘅梗係直接叫老闆幫我揀就算啦。分別有綠茶，芒果，士多啤梨，豆腐，曲奇🍪味😋😋😋消暑佳品👍👍👍

西九龍中心出名多美食，好多美食都又平又正👍🏻 今次喺food court見到呢間雪糕達人好多人排隊，就知道係街坊最愛啦～ 見到菜單十分抵食$10 有4球雪糕、$12 有5球雪糕，唔怪得咁多人排隊啦！-小編就揀咗五球雪糕，分別係黑芝麻、石板街、綠茶、香芋、豆腐，埋單都係$12咋！雖然每一球嘅size都唔係好大，但成杯來講都分量十足，最好就係每一種味道都可以試到😛 味道方面，全部味道都唔算甜剛剛好，味道亦唔會假。尤其係水豆腐同黑芝麻味都幾出色，下次再試埋其他味道啦！😋

位於深水埗西九龍food Court嘅雪糕達人，價錢非常之合理，非常之抵食，有好多唔同嘅特別口味任君選擇，仲可以用唔同俾錢嘅方式，現金，payme, alipayhk, 八達通

我同女朋友由學生時代開始已經成日幫襯呢一間雪糕達人，貪佢嘅雪糕夠平但係又好好食，仲有好多唔同口味選擇。.女朋友好鍾意食佢哋嘅石板街雪糕，貪佢有粒粒曲奇，食落夠晒足料。.我哋今次食嘅蜜瓜味同埋士多啤梨味都幾好食，食落去冇乜藥水味。.豆腐味食落去夠清甜，淡淡地幾好味。

先說明, 我唔係雪糕粉, 我唔係特別鍾意食甜野.都係窮底, 去到西九龍廣場, 連連鎖店都覺得貴, 走走下去上最頂樓美食廣場, 掃場! (以前掃街)食緊飯時, 一邊睇住D人排隊, 一邊我地就係咁話一陣去試下. 係當人人都食過, 我地真係少出街, 少出去食, 又見$10咁抵, 數埋銀包的碎銀攞去買$10兩公婆食.超荀價$10 四雪球$12 五雪球三十款味道小試牛刀, 買$10兩公婆分試下味, 以免中伏朱古力雲呢拿芒果仲有一球唔記得唔洗講, 我地兩個一致覺得每次來每次都要食! 

今次黎到西九龍，凍冰冰的天氣梗係要食杯雪糕先！雪糕店好多，但我今次就試試不係連鎖店的雪糕達人。叫得雪糕達人，果然犀利，有超過二十種雪糕口味可以揀，有平時係其他雪櫃店叫不到的味道！今次點左4款口味，包括藍莓、蜜瓜、海鹽同柚子！第一啖食左柚子，味道唔算突出，唔係好食得出係柚子味，但再慢慢品嘗，會食到一絲絲的柚子，好特別。相對而言，藍莓和蜜瓜就較為普通，亦較甜，不過雪糕梗係要甜喇！最後食埋海鹽，真係好鹹呀，不過味道出現雪糕店比較少有！店中仲有不同口味，下次一定要再試！

今日同朋友係深水埗食完飯, 想黎個飯後甜品, 就黎左西九龍中心食呢間勁抵食雪糕十二蚊五球雪糕今次叫左呢個十二蚊五球雪糕, 十二蚊就可以買到五隻唔同味既雪糕, 真係勁抵食 我點左菠蘿, 咖啡, 芝麻, 曲奇同綠茶 菠蘿, 咖啡同芝麻味道都ok~ 但個人覺得曲奇同綠茶係最好味~ 又唔會太甜~ 值得encore 間鋪仲有好多其他唔同味既雪糕, e.g.荔枝, 榴蓮, 百香果.... 仲有創新既wasabi味&金莎味雪糕, 大家下次黎西九龍中心都可以去試下

某日黎到西九八樓突然口痕想食雪糕，見到呢間雪糕店甘長龍又未食過就走去睇睇，wa,12蚊5個雪糕球，超抵，仲要甘多種不同口味選擇，真係多到唔知點揀好，花多眼亂，之後揀左5個球。下次有經過一定會再試其他味道。哈哈甘抵食既雪糕而家真係買少見少。仲要甘多口味。推介生果味既雪糕，🍓真係幾好味，如果鐘意酒味既都可以試下提子冧酒。其他就等你地自己去發掘啦。

每次來深水埗都必食之選，12蚊有五球。每次都係食提子酒，咖啡，奶茶味道。每次都有人排緊隊就知幾受歡迎啦。最喜歡佢地咖啡味好濃，口感好滑，其實仲有好多味都未有機會試，第日再慢慢試

黎開西九龍中心呢頭又想食下d 甜品小食，因為天氣太熱又唔想食爆谷棉花糖嗰d.咁咁岩路過見到呢間雪糕點都幾企理，同埋都多家長小朋友買，最吸晴係佢個招牌大大隻字寫住$10. 咁中意食雪糕既我梗係唔會錯過啦。前面d 小朋友都係order 一杯入面有幾個小球。咁樣佢地可以食到多d 味，但我覺得唔夠侯，都係食cone 開心d, order 左朱古力味同cookies 味，正！味道濃郁，朱古力仲有d 粒粒，好有咬口，店主好有心思，喺雪糕上面仲有左粒棉花糖😍