雪糕達人 (已搬遷) 新店位置

今時今日，響食店可以用10蚊食到一個甜品，已經可以叫抵到無朋友喇，宜家仲要講梗嘅係10蚊已經有四球喎，每一球先2.5蚊咋，真心講句，以2.5蚊一球嘅貨仔，其實都唔應該有咩高要求（只要夠衛生，個味無伏就得！）去得嘉頓山，自然順便去行埋西九龍中心。響food court食左個飯，坐響呢間鋪前面，見到買雪糕嘅人緣緣不絕，無咩停過，真係有種好奇心想知有幾抵食同有幾好味。當然，女仔一向對甜品都有兩個胃，加上好奇心下，就排隊買4球黎試下。哈，又估唔到喎！10蚊4球竟然可以都有咁多選擇 （有少量味道需補錢）。除左常見的雲呢拿味，朱古力味，草莓味之外，其他味道仲有豆腐味，奶茶味，西瓜味，香蕉味等。如果有選擇死懼症應該都幾難決定下。排左一陣，最後買左綠茶味，榴槤味，蜜桃味，藍莓味和荔枝味。雪糕的奶味也蠻重，所以也算滑，不會太重冰味。另外雪糕配料（朱古力粒，細棉花糖粒）可以自行加上的綠色：綠茶味（正常）橙色：蜜桃味（少伏，蠻甜，藥水味重）紫色：藍莓味（少伏，藥水味有一點重）白色：荔枝味（正常，味道清甜）另外也試了朋友的海鹽味（湖水藍色），個人覺得味道有點怪，我自己不太接受這種味道，反而朋友就讚不出口，說跟

於西九龍8樓吃完晚飯，總有個理由來這裡吃雪糕。10元已經有4球，平價飯後甜品，味道超級多，連青綠茶，chess味也有供應，還有朱古力針與朱古力，草莓醬免費供應。海鹽味：是藍色的，鹹味雪糕，很特別。提子霖酒：提子很大一粒，而者很多豆腐，番薯：味道較清還有新的味道-薑汁撞奶味：15元大球連脆筒，姜味比奶味濃。

已經好耐冇黎過西九龍中心，係呢度發現左間隱世雪糕店，其實都應該幾多人知，因為有好多人排隊。呢度有成20幾款味可以揀，味道仲要都好特別😶，有薑汁撞奶、芝士、焦糖、百香果等等，當然有啲係要加錢啦，但係都係超平👍！學生只需要$10就有5球，唔係都淨係需要$12，平到喊出黎。😭.味道其實都好唔錯，唔會太假，但當然唔好咁傻豬🐽，以為入面會高質到有果肉啦。強烈推薦海鹽👍，粉藍既顏色超夢幻，鹹鹹地幾搞笑，出面一球都要$30，真係想係呢度嗌曬5球海鹽算😜。

$10 4球雪糕一直在面書流傳，享負盛名，小弟路經西九，順路試食雪糕。大約在下午六時，有七、八人排隊，店員服務態度良好，小弟等了約十分鐘，選$12 5球雪糕，一些特別味道如乳酪、益力多、榴連需加$4，小弟選了綠茶、百香果、檸檬、蜜桃、荔枝，繳費後可自己加上朱古力漿/士多啤梨漿。百香果和檸檬酸酸甜甜，味道清新，檸檬味口感似雪芭。綠茶、荔枝味道較淡，在5球中不算突出，蜜桃一球內有果肉，有驚喜。當時不算人多，有位坐。普通店鋪數十元一球雪糕，此店性價比高，果然名不虛傳。

之前有一間10蚊5球雪糕係西九被逼走上曬報紙 以為黎到無機會嘗試 點知原來有第二間都係咁抵 不過球就細D同埋要出示學生證 叫「雪糕達人」有啲特別味道要加錢.距有三十款味道揀我地三個朋友分兩杯 夾埋總共試左十種味道 有驚喜有失望啦 好視乎你揀成點 好唔好彩啦 以下係我個人意見：.好味系列薑汁牛奶 - 呢款要額外加$2 件球 一開頭食落好似普通奶味 但係繼續食就有一陣薑味係口度好特別 好似薑汁撞奶果隻味提子冧酒 - 入面真係有提子乾架 酒味香濃特濃咖啡綠茶 - 當然就唔係綠茶專門店果種架啦 不過都有茶香 少少似Haagen Dazs果隻綠茶口味.有待改善系列檸檬 - 唔講唔知係檸檬 以為係話梅 好奇怪 同想像中落差太大 咸咸地豆腐 - 好淡 唔太覺得有豆腐味日本海鹽 - 個人好唔鍾意咸嘅雪糕 雖然藍色好奪目.其他包括 桂味荔枝 石板街 雙重朱古力 不過不失啦.太多雪糕擺埋一齊有時真係分唔到 勝在性價比高 細細球可以一次過試不同口味好過癮

喺西九嘅 food court 食完晚餐，梗係要食番個甜品先完滿啦。平時出面食雪糕，閒閒地都幾十蚊1球。係呢度只需$10，$10仲要唔只1球，係$10/4球，$12/5球，個價錢平民到咁，時光倒流嗎!？款式選擇多，成30幾款雪糕，可以試左味先買。 貓山榴槤 (+$2) - 極力推介，超級好味，榴槤味極濃。日本海鹽 - 藍色嘅雪糕真係好靚， 而且味道好特別，鹹鹹地。蜜桃之戀 - 桃味ok，仲有小小果肉。海盜蜜瓜 - 蜜瓜就比較普通。總括: 雪糕雖然唔算幼滑，但以咁嘅價錢嚟講，絕對係超級抵食，值得推介。

海鹽真係唔掂🤢，海鹽個名一聽就覺得正，係日本沖繩旅行果陣食過好多次海鹽雪糕，超好味，而呢個擺到明係色素味。🙈豆腐真係好淡冇乜味，如果唔係食多幾啖，真係唔知道佢係豆腐味。🙊蕃石榴呢個係四個之中最好食👍🏻，好似真係食緊石榴甘。綠茶我真係超鍾意食綠茶，但係呢個雪糕係一丁點既綠茶味都冇架！除左個色係綠茶之外。😂😂不過總括嚟講＄10蚊4球都唔好奢望咁多，附近食完飯當甜品甘食下都OK嘅。🙂🙂

雪糕5球（$18）👅黎西九食下平靚正既雪糕先😆😆😆前幾日黎到見到有檔雪糕啲人排到打哂蛇餅😳應該就係捧場就黎唔做個檔雪糕🙁我地既目標係另一間叫雪糕達人😎都要排一陣隊😗呢間有廿幾三十種雪糕味道，好多味都好特別咁😍😍仲要$12/5球，係有啲味道就加幾蚊🤓証明平野都有好野嫁🤗🤗我簡左椰子、薑汁撞奶、豆腐、芝士同海鹽🤗🤗得海鹽係藍色，其他味都係白色😂😂搞到我要load下自己食緊咩味🙈椰子係食到咁椰子粒嫁😍好fresh!薑汁奶真係好夠薑😂食到有薑絲feel咁🙈豆腐味係我食親雪糕都會簡😋😋芝士都幾濃有啲似食緊cheesecake咁😳而海鹽味就有啲失望🙁似vanilla雪糕多啲，海鹽味唔出～不過咁抵食咁多味道簡😍好滿意嫁啦😘😘輕鬆一人啪一碗😌

黎到西九龍梗係會順便去埋foodcourt食抵色又多口味既雪糕💕💕見到10蚊4球 12蚊5球呢個價 即刻😍😍😍因為食左飯 所以我地就買左12蚊5球雖然佢講到名係小球 如果大啲就好似有其他配搭 但小球都唔小🙈🍦🍦🍦🍦🍦睇一睇佢痴係牆到既口味 真係up得出既味都會有lol🤣🤣經過深思熟慮後 （刨左好多食評得出黎😂)揀左山水🌁豆腐 Haha今次係我第一次食豆腐雪糕 食落真係好似豆腐 好fresh 好健康既感覺😂 由於佢比其他重口味啖（但絕點唔係淡！）所以要食先🙈推介呀！泰國椰子王🇨🇷其實好似隻隻都好值得推咁😝😂 呢個都算係無咁重口味 但濃過豆腐啲 都係食落好椰子😂仲有一粒粒椰子粒💕香蕉曲奇🍌🍪(+$2) 呢個係我覺得算重口味嘅 個人唔太鍾意香蕉同朱古力 所以都冇乜感覺 但男朋友幾鍾意呢隻味 佢話夠曬味😂芝士雪糕🧀(+$4) 呢個個口感幾特別 食落好得意 好濃芝士味👅同日本海鹽💙呢個係藍藍的一球😋咸咸地幾好味 總括黎講 唔好預呢個價食到幾靚幾正既雪糕呢到12蚊咁多款絕對抵食！🍦🙈Ps foodcourt個燈好黃😢影得唔靚

好耐冇去過西九龍中心，食完生煎包就過左去睇下有冇雪糕食~真是大鄉里，都唔知呢度來多左咁鬼多野食，平時都係平平地食手作之店~大大球雪糕原來仲有間雪糕店雪糕達人有超多味道雪糕可以選擇，閒閒地30款烤蕃薯、芝士雪糕、提子冧酒、桂味荔枝、薑汁牛奶，味道都幾特別，除左雪糕，仲有涼粉~五雪球 $12/5球10蚊4球/12蚊5球，我見佢細細球，當然揀5 ball~收銀處仲有朱古力醬、草莓醬、彩針任加日本海鹽：味道突出，鹹鹹地嘅雲尼拿味，好食薄荷朱古力：薄荷唔夠薄荷，朱古力唔夠朱古力，比較普通曲奇妙趣：味道唔濃，都係普通貨色，仲唔知點解食到拖肥味海盜蜜瓜：蜜瓜味香，但甜得滯泰國椰子王：食到椰子肉碎，味道幾真，唔錯比較好食係海鹽、椰子如果曲奇、薄荷朱古力就手作之店好食啲-其實12蚊有成5球雪糕，仲有自由選擇，都唔會太高要求，整體合格有餘！款式又夠多，性價比高！3蚊唔洗一球，唔好講細唔細滑，至少感覺唔差。如果同手作之店相比，味道款色各有千秋。雪糕達人以小球多款作賣點，手作之店則大球取勝，難怪各有粉絲~

本身好鍾意食雪糕差唔多每個禮拜都會去食三四次呢間係我其中一間特別鍾情因為價錢平30幾款揀$10幾蚊有4，5球啲雪糕唔係維記嗰啲味道唔會假特別推介芝士味！好香好滑

本身好鍾意食雪糕以前喺呢度返工所以得閑都會上嚟食因為鍾意呢度夠多款價錢又平你冇睇錯＄10有四個球＄12有五個球抵到爛當然如果你要食特別款式就要加錢我要左榴槤，提子冧酒，紅豆，柚子同椰子榴槤超有果香味！提子冧酒真係有一粒粒提子椰子紅豆椰子全部都有果肉食完之後非常滿足而且呢度嘅雪糕都比較有口感， 亦都有好香嘅奶味

同老婆去開深水埗 據聞呢度有間非常好食嘅雪糕店所以專登入西九龍中心試吓一是難忘喜出望外揀咗五球都只係＄12仲要有好多口味選擇仲可以自己落配料彩針同朱古力醬士多啤梨醬

-見到尼種一球球既雪糕，司令一般都唔抱好大期望，因為來來去去都係個幾款味🤔。但西九尼間雪糕店，望落同一般既雪糕店冇乜分別，但行前望真啲，有超多好特別既味！-有幾特別？拿司令食過既有藍色海鹽🔵、薑汁撞奶🍼、芝士🧀、益力多、韓國柚子蜜🍯、烤蕃薯🍠、榴槤、椰子。係啊冇錯司令已經食過咁多款味都唔記得介紹佢😂。唔好以為啲味得個名，每款雪糕入面都真材實料，例如薑汁撞奶入面真係有薑絲，柚子蜜入面真係有柚皮😱。-講返司令最鍾意既味，首先係芝士，食落好似New York cheesecake既味，好香濃😋。然後仲有烤蕃薯，係咪烤既司令食唔出，不過蕃薯味真係好香甜，正😼！海鹽味似帶少少鹹味既牛奶雪糕，唔膩，仲要係Tiffany Blue，岩曬少女心。-講咁多，到底幾錢？佢款款唔一樣價，最平單位數，最貴都係十幾蚊，司令食兩球加脆筒，都係$22，去邊到搵啊😫？

放假放一放鬆👯👯‍♂️ 三個90後吃貨食出屯門 去到西龍中心8/F 平民美食天堂掃食🙋🏼 不得不介紹呢個 #雪糕達人 $12 5球 雪糕 可自己加配汁 有朱古力醬 士多啤莉醬 彩針 無限加😂 #大廚美食廣場 #kitchen.偽文青想試多幾隻味 點了$12/5球 等我逐一介紹：1.韓國柚子蜜(+$4）季節限定 淡淡柚子味 不太甜 但真係有柚子😱細細球都食到幾粒柚子 2.紅豆 開頭都驚伏 點知有粒粒紅豆 食到超開心😂3.香蕉曲奇(+$2)香蕉愛好者可以一試 加埋曲奇 令口感更豐富😍 超香香蕉味👅4.藍莓 都係有藍莓果肉 🙆🏼好味道！5.草莓 最失望 普通草莓味 完全無果肉😰因為有兩款是特別味道 所以需要加錢 但值得 抵👍🏻.而大胃D就食大雙雪糕球$13(開頭）😅 1.海鹽 藍色 勁靚 咸咸的 幾好味 完全被藍色吸引住了😋2.曲奇妙趣 就是曲奇妙趣味😬😂3.芝士雪糕(+$10）後加，大胃D點會夠喉啊！得兩球😆 勁香 勁重 芝士味 滑身 正啊😜..雪糕達人 仲可以先試味後買 食得岩心水 先買又得😁 我地都試左幾隻味先買 哈哈 大胃D試左榴連貓山王 都吾錯架 但要留意真係食完勁大陣貓屎味😝..同