雲南啊老表黑山羊湯鍋米綫

营业中

休息中

今天來到呢間叫雲南啊老表黑山羊湯米線,實在唔能錯過佢哋的招牌米線。第一眼見到餐碗時,就已經被湯底的深棕色吸引住,看似濃郁醇香。食落之後,果然口感濃厚,帶點酸辣,真係超適合我呢種喜歡刺激味蕾的食客。湯底入餡肥瘦適中的羊肉也很軟嫩,入口即溶,加上彈牙的米線,真係完美融合。另外,擺盤也很講究,配襯有特色的陶瓷碗,給人一種優質食店既感覺。雖然環境比較簡單,但一點都唔影響用餐體驗,反而有種返回家鄉的感覺。而且店員非常熱情友善,對於食客的需求都能即時滿足。總體黎講,呢間店既羊肉米線真係又好味又超值,特別係對於喜歡吃重口味既我黎講，枱面其實仲有擺D調味料例如酸醋，辣椒油同埋菜圃等等俾客人自由添加。同埋如果有大胃口的朋友,不妨都可以試下加大份量,因為個碗看落真係幾夠味。由於味道夠吸引,我相信只要再多次光顧,一定會成為我最愛的米線店之一。

基本上天氣一轉涼，或者落完雨涼少少就有情意結嚟呢度食碗羊肉米線。今日落完雨又係涼涼地有觸動到我呢個食羊肉嘅念頭。每次嚟都係食大碗藥，早幾次嚟嘅時候見佢個羊雜米線都想試，今次就轉下口味。先問咗佢楊集裏邊有冇羊肉，侍應話冇，所以另外加咗$30加咗一份羊肉，因為之前見隔籬枱嘅人，嗌羊肉米線嘅時候都會會加羊肉。因為試新嘢都係唔好嗌咁大碗今次嗌咗細碗嘅。一見到玩嘢，就出事啦，原來啲羊雜係切絲。主要係有羊肺同羊肚，另外食到兩條羊腎嘅感覺嘅絲狀物體。食落去嘅口感唔多好索索聲。好彩加咗份羊肉打底，下次都係乖乖地食返羊肉大碗米線穩陣。

觀塘非常出名山羊米線，主打雲南正宗味道，價格親民所以好多打工仔都會食午餐!! 🐐- 羊肉大碗米線 HK$65 🐐🍜必叫招牌菜!!湯底清甜散發淡淡羊肉香氣，山羊肉香氣十分濃郁，香而不羶，肉質細緻緊緻，羊肉控一定要試!!- 羊雜酸辣細碗米線 HK$56 🐐🍜🌶️酸菜超好食!!羊雜米線係隱藏菜式，識叫先會叫到，係香港比較少見羊雜。每款羊雜都會有少少，充滿羊香氣，口感爽口。酸辣米線每碗都會有大量酸菜，咸度酸度辣度都岩岩好，食到停唔到手。除左酸菜仲會有幾粒豬油，炸得香脆可口，超正!!

鍾意食羊嘅朋友，必試觀塘呢間米線平時已經人來人往，假期都一樣咁多人呢度米線有分細碗同大碗份量超級多，如果係女仔，一碗大碗應該食唔晒🔸牛羊米線佢可以混合搭配材料，今次一次過試哂羊同牛。羊肉蘇味較少👍🏽，牛腩則較諗身👍🏽👍🏽米線份量多，價錢性價比高🎉🎉加$1 可以多酸菜 配料添加酸菜令到米線味道更加豐富如果想食更多羊肉，建議叫羊架，串燒肉量相對較少。但地點校格攝，距離地鐵站都有一段距離😵‍💫

踏入呢間小店，濃濃嘅香氣就撲鼻而來，絕對係食客嘅心頭好。叫咗碗魚蓉米線，湯底鮮甜而且魚蓉係歇夠滑口㗎，真係叫人一啖又一啖。啖啖魚肉，咁平價得嚟咁正，嘩，食得太開心呀！🍲燒賣真係一絕，珠圓玉潤嘅外表之下，入口即融，豬肉同鮮蝦輕輕地交織出一個好滋味。🥟炒牛河嘅部分，呢個就係我嘅最愛啦！河粉爽滑，牛肉嫩滑多汁，翻炒得恰到好處，熱辣辣一碟爽口得黎又唔油膩。揀嘅時候我仲喺諗會唔會太普通，點知食落絕對驚喜，想唔到平民價格都可以食到咁上菜色呢！🍜服務又唔錯，啲員工親切，叫咗隻涼茶，佢仲即刻建議埋啲小菜，正！去到食飯時間一定要早啲，唔係就會滿座喇！週末想食個悠閒brunch，呢度絕對係不二之選。轉角遇到愛，個人真心推介呀，食貨們千祈唔好錯過呢家寶藏小店！👍

今晚點咗羊脾、羊架、羊串、韮菜餃、白菜餃，羊肉味十足，又唔會太騷，有一碗好膠好甜好似涼粉嘅糖水，幾特別幾好味，腐乳炒通菜$13掋到爛，全部都好好食，食咁多嘢先$216埋單，一定會再去食。

之前見佢係佐敦開咗分店，就去試一試，點知佐敦店份量太少，但都係觀塘店最好食。例牌都係叫咗個大嘅羊肉米線，以前喺觀塘道可以選有皮冇皮，而家轉咗過嚟呢邊雖然冇得揀，但係今次有驚喜啲羊肉係有皮。其實佢個羊肉再加埋啲菜甫真係一絕，好可惜佢d小食大部份都係會出事，今次試吓呢個羊肉串燒， $19兩串，份量唔算多，味道係好食但比較乾身。雞翼之前試過賴嘢，上枱嘅時候都係凍嘅，今次俾多次機會佢。今次叫麻辣，唔算卜辣亦好入味，如果可以多番少少芝麻嘅話就會更加完美。今日唔知係咪假期，好似下午茶冇送嘢飲，但係佐敦嗰間咩時段都冇嘢飲送。不過重點都係羊肉米線，真係無法取代。

觀塘工廈真係好多好嘢食🙆🏻‍♀️平時都好鍾意食羊,但唔常有!呢間餐廳竟然有羊肉米線食!叫咗碗黎試,湯頭好重羊肉味,羊肉煮得好腍好易咬開,一啲臊味都冇😍肉嘅份量都唔少 唔錯唔錯

應該係觀塘打工既朋友都識得呢間餐廳，食過既朋友都一致好評！羊肉大碗米線$68小編今次因為冇食早餐太肚餓啦，所以就點左碗大既，份量係超多。其實正常食量既朋友點細既就夠啦~湯底充滿羊肉味，味道香濃但唔會太羶。羊肉片係薄切，份量都唔少呀。另外仲配有大量蔥花同豬油渣，香味充斥係成個口腔內~店內環境寬敞，位置都好多。推薦靠窗口位置，採光非常好坐得好舒服。其實每次喺樓下望上去都以為佢冇開，要懷著緊張既心情行上去，見到有開心即刻開心左～

成日經過門口都聞到好大陣羶味，今日lunch諗唔到食咩，經過門口就比佢陣味吸引左入去試下😋😋 餐牌都幾多選擇，有飯、湯飯、米線。我就揀左羊肉酸辣大碗米線，真係好大碗🤣🤣🤣細食既女仔嗌細碗米線都夠飽！ 原本以為啲羊肉食入口會好大陣羶味，點知又唔會喎！入口無咩羶味，但係啲羊肉又幾嫩幾好食！仲有啲豬油渣同蘿蔔做配菜😋😋😋 雖然佢湯底望落似清湯，但係入口又真係酸辣湯黎，愈食愈辣tim!真係好惹味😆😆

睇觀塘有咩推介米線介紹見到又過開黎就試下餐廳都算幾大假期都有6-7枱客黎到當然要叫羊啦羊肉酸辣大碗米線羊肉入口吾會好重羊騷湯底愈食愈辣一碗大的份量夠2個人食湯吾會好油膩水餃10隻雖然餃子皮厚身左點不過餡好好食凍檸檬茶好甜

一直有幫襯開由舊舖開始，無論佐敦、尖沙咀，始終都係觀塘呢間最好食。米線大碗、羊肉清新、加埋啲豬油渣真係好好食。但最近呢幾個月佢越嚟越鹹，食完好口渴。唔緊要，返去飲多兩杯水囉。今晚再去食，埋單時拎出現金券。店員：呢張唔係我哋嘅現金券！我：吓！唔係你哋現金券？店員：總之我哋冇出過呢張現金券！冇㗎冇㗎！我：張券有晒你哋舖頭名、地址、公司印喎！店員：總之我哋唔收！你拎返$5出嚟！其實重點真係唔係$5，如果佢同我講，而家老細話唔收、限期改早左，我都OK。但係，佢而家意思係：我拎部單反相機，去佢門口影佢張Banner，然後用Photoshop整張現金券，再拎去bannershop印，再去搵印章大王整個公司地址印，呃佢$5？我唔想同佢嘈，放低$5走人但真係唔會再返去食。

「雲南啊老表黑山羊湯鍋米綫」聽就聽得多，今次終於約到朋友一起去試試，畢竟不是每位朋友都食羊～預先在openrice訂座，但到店後才發現平日晚上不用訂座也可，偌大的店舖，客人只得小貓三四隻。餐牌分類簡單，就只有飯﹑清湯米線及酸辣米線，配菜選擇有齊羊﹑牛﹑雞﹑豬，還有水餃，餐牌一目了然！另有一堆小食可選～～我選了羊肉細碗米線，朋友則揀牛羊雙拼米線 (細碗)，再叫了一份美味口水雞。羊肉細碗米線，羊肉份量恰好，還有香脆的豬油渣及白蘿蔔作配菜。羊肉質感軟嫩易咬，味道不會好羶，米線爽滑，湯底味道稍為清淡。牛羊雙拼米線 (細碗)，朋友分了件牛腩給我，牛腩肥瘦均勻，帶點牛香，不錯！美味口水雞，以小吃來說，份量算是OK。雞件的肉質不會太過粗糙，醬汁帶點花椒香，辣度十足，雞件夠入味，好惹味，愈食愈過癮～～～招牌羊肉米線的味道尚可，但未至於好食到令我想一再光顧。可能是個人比較喜歡羶香一點的羊吧！

出名食羊肉米線既餐廳一入門口已經聞到好香既羊肉味餐廳提供多款小食及唔同種類既配料鍾意清清地嘅你，可以選擇清湯而想多少少味嘅，可以選擇酸辣羊肉多之餘唔會好膻味配埋餐廳自家製嘅菜脯，好正

最近天氣凍想食羊先知佢哋搬咗鋪，位置而家比較近麗港城。不過味道一樣好。🥢羊肉大碗米線（大）$65大碗比起細碗嘅份量都好多，但係價錢只係差$10。羊肉肥瘦有緻，羶味唔算重。豬骨湯底望落清澈，其實味道濃郁。🥢蒜泥白肉 $30 五花腩切得厚身，保留到口感。白色嘅蒜泥辣味十足。🥢滷海帶 $20海帶充滿蒜頭、辣椒同麻油嘅香味。🥢白菜餃 $7/2🥢韮菜餃 $7/2呢度嘅水餃唔算薄皮，但多餡飽滿。白菜餃好清甜，韮菜餃比較濃味。