雲吞皇麵食

营业中

休息中

成日食集團經營嘅冇咩特別～好耐冇食過牛筋河～就試吓依間啦～鋪面唔算大～都有幾枱客香滑牛筋河多汁～河粉份量偏少～河粉硬度適中～不過比想像中多牛筋～有蔥花、芫荽碎、蒜蓉粒～令個湯底更香～不過正常湯底偏淡～好彩叫多腩汁～好香五香味～炆得好淋好入味～一咬即爛唔會黐牙正宗嘅粉麵舖一向都存在衛生問題～枱油、碗油、匙羹油～食得都已經有心理準備～不過依間地板真係十分油+污糟～真係要小心慢慢行～比其他鋪惡劣～冇下次

行過見到我諗住普通麵檔應該正正常常實冇死喇，點知個湯完全係水+2滴鹽嘅感覺，味精都唔捨得放，淡到冇人有，啲米粉仲要又硬又難食，雲吞麵$32得四舊雲吞又唔係好食…….服務態度又差又唔衛生又難食絕對唔會有下次

由讀書年代食到而家，由唔洗廿蚊，到而家雙拼要四十蚊，純粹只係老店的味道。牛腩：唔會係好冧果種；鮮蝦雲吞：蝦肉味唔太明顯；油菜(芥蘭)：唔會成啖油响面，真係就咁碌熟就上碟。

行過太子見到呢間粉麵檔，睇相好似好正(我認係我太天真), 於是就入去試吓。見佢 $50 一碟崩沙腩飯仲有野飲，覺得價錢ok 就叫左一客。點知阿姐一拎碟飯擺上枱，真係「X」左出聲。我即刻問阿姐有冇落錯單，佢話冇。我問佢呢 d係崩沙，佢又話唔清楚，於是我就直接問切緊牛腩既師傅，點知佢竟然話係崩沙腩，只不過咁啱係邊位，所以個樣有唔同。算，反正我肚餓，唯有食左去。咬落去真係好似擦膠咁，d 肉勁鞋，同煲湯瘦肉冇分別！名副其實既「崩沙」，咬到崩牙，鞋過沙紙。勁後悔入左呢間粉麵檔！呢 d 劣食真係要俾大家知道，大家如果想挑戰咩叫難食，不妨入去試吓！

好耐冇食港式粉麵, 到左秋天好乾燥, 好想食暖笠笠嘅湯麵食晏時間落樓見到雲吞皇麵食嘅牛腩麵望落唔錯, 一於外賣返office慢慢嘆<崩沙牛腩河>今次嗌左比較肥美嘅崩沙牛腩河牛腩好多好足料, 大大啖肉食個夠崩沙牛腩比較肥, 唔可以成日食河粉份量都可以, 湯底味道好足, 食到一半可以加入辣椒油轉味, 香

係太子食飽飯突然想食菜！上OpenRice諗住睇下附近有冇雲吞店可以食個油菜！見到呢間雲吞皇20年時有人post過都係10蚊個油菜！諗住呢家都係差唔多15蚊內！點知頭先去買成20蚊一個菜！算叫左照要！買完反去一打開得5條！無錯係5條！啲菜又苦又老！成口渣！另外話就話油菜姐佢就油浸菜食到我成口油！

叫外賣雲吞牛腩粗麵走青，生菜全走（$50）無雲吞！無走青！俾菜心唔係生菜！😡我仲要撩極都搵唔到雲吞，一粒都好，仲要筷子都有刺😔旺角區外賣黎講一啲都唔平😖仲要俾錯野食，早知行遠啲去番亞皆老街買其實叫外賣好難check，仲要成間鋪得一張單 ，生菜全走仲要個師傅都聽到😓😓點解都可以俾錯疫情期間無咩生意都做到咁，又無人又無單，店入面都有兩個伙記，已經唔講啲野好唔好食😰😰😰平時唔好食或者漏野我都唔會理，點知今次又貴仲要中曬兩樣，唔好食同錯單🙄🙄

lunch唔想食咁貴， 就求其揀間附近魚蛋麵舖， 上次附近食過嗰間 裝修好但食物質素麻麻， 今次就咁附近另外一間呢間嘅魚蛋河賣25蚊，外賣加一蚊，算係價錢合理， 魚蛋有些少粉，但都算彈牙，有魚味， 魚片都彈牙，河粉軟硬度正常都幾滑， 湯底唔算濃厚，不過都夠熱， 叫外賣後五分鐘內就有得攞都算幾快

今日趕時間，經過哩間餐廳見唔多人而且價錢好平所以就入左去一下！我叫左個韮菜餃子面，盛惠23蚊，好平！份量是足夠的，有4隻韮菜餃子，而且都中等size唔會好細件，味道亦正常，韮菜配豬肉，我最鍾意的餃子味道。幼麵的麵質就一般，沒有很彈牙，但是可以接受的。湯底無乜味，比較淡。整體來說是標價同食物質素係成正比的！食完先醒起無影相。。。。。可能我對個麵沒有抱很大希望，所以我亦無失望！下次如果趕時間又經過的話，都會再幫襯的。👍

平絕旺角? 23蚊起一碗粉麵金魚街個邊餐廳一向多,今次就搵左間粉麵鋪食下見到佢門口寫住23蚊起好似好抵食,一於試下佢,原來最平個種係手打魚蛋,牛什牛腩個D就貴少少,26~34蚊不等款式都好多,牛腩牛丸菜餃水餃,牛什豬手,魚片肥牛,魚皮餃,金錢牛肚,四寶丸,炸醬麵,有20款~雙拼價錢另加8蚊,3拼就加10蚊不過其實一人叫一款,自己換都可以變雙拼~我自己就食炸醬撈麵有碗清湯跟餐,飲品另加十蚊杯,亦可加錢要埋油菜炸醬係肉絲,食落甜中帶辣,拌埋麵底食就岩岩好,清湯無咩味,份量都夠食另外一碗係雲吞麵,匙上放了蔥蒜,唔要記得提早講走蔥,4隻大雲吞,廿幾蚊收貨啦皮夠薄,咬開係豬肉餡同一隻蝦,蝦肉唔夠爽身,可能將貨就價,明白既,但整體味道唔錯性價比高,平絕旺角 廿幾蚊碗粉麵仲要多選擇平均消費$40 評分7/10旺角西洋菜南街212號地舖G/F, 212 Sai Yeung Choi South Street, Mong Kok

今日送完囡囡上堂.. 見到依間雲吞皇有京都炸醬麵賣..一於買外賣返屋企食等外賣期間見到店內比客人坐既檯有隻大強.....店員熟手拎張紙巾捉左就算 無清潔返張檯覺得好嘔心原本我係想叫水餃炸醬麵 但佢話水餃未有.. 叫我轉魚蛋..咁我就轉左魚蛋炸醬麵 $35+$8=$44麵底份量係多 有兩個麵餅但炸醬唔知點解係酸 好奇怪我無食落去 驚佢壞左....跟麵既湯係好味 雙拼既魚蛋不過不失啦我諗佢其他湯麵會好食好多既...最後我變左食齋湯麵咁😂 因為炸醬真係食唔落口兩小時後我又痾又嘔咁....嘔清先好少少咋

今日午餐突然有個念頭想食久違既豬手。順便補充些骨膠原…就去了雲吞皇。咁好彩十二點半去到竟然唔使等位！一坐底唔使諗即叫豬手河。不過見到此時已經門口排隊。期間看到旁邊的枱, 客如輪轉！座位有點擠逼. 等了大約5分鐘。豬手河便上來. 有三隻大豬手。南乳味好香 滲曬落豬皮同豬肉度。真係好味到不得了⋯⋯豬手清理得好乾淨，一條毛都無。我覺得煮得唔夠耐稍為遜色⋯⋯可以再淋啲就完美。河粉相當滑....湯底濃郁令我忍唔住 一口氣飲哂碗湯。點解我唔叫麵叫河粉？根據本人的心得！事關河粉好吸味 吸哂啲南乳汁。所以我叫親牛腩同豬手食物會跟河粉...但這碗份量唔多，男士一定唔夠飽！服務上, 雖然客似雲來。但店員的態度保持友善！服務上可以給五粒星...

三月中下旬週末，中午時間。今天下午跟閨密美髮，由於趕出門，坐完地鐵後我們的肚子都很餓，在美髮店附近看到這家麵店，她提議來個快吃。進去這種標榜便宜的麵店其實不會抱任何期望，索性不看菜單就點了餐。我點了一份魚蛋麵，魚蛋軟身，味道有點鹹，魚片薄切，口感不大，兩者的魚味不夠，吃不到魚旦魚片應有的口感跟味道。想要夾麵條上來是夾不到的，應該是煮完以後放乾放久了，然後再後加湯，導致變成麵餅黏在一起，要小心的用筷子把它們弄散，這點很扣分。飲料方麵點了凍檸檬茶，用熱茶直接加冰塊，上桌後1分鐘全融掉，變成檸檬涼茶。加減吃的快餐，不會回頭，所以也不用太考究。

琴日係太子個頭返返下工，晏就又食得少少野，覺得有啲肚餓，之後就周圍行下去搵食，大家都知旺角太子呢啲地方好多餐廳架啦，見同事食牛腩河，抽起條筋又想食，於是就周圍望下邊間便宜，離遠睇到有間大大隻字寫住全場23蚊起粉麵，望入到都見到幾多人食緊，脆脆地一於試下啦，入到去地方都幾乾淨企理，幾光猛，見到有姐姐係到包緊雲吞，望下餐牌，即刻叫左個牛腩湯河，盛惠26蚊，河粉夠淋，但有啲太散，個湯其實都幾好飲，少少咸左啲，飲完會幾口渴，至於個牛腩就都ok既，但其實啲肉都幾韌，好zip牙，個人認為似食緊牛肉多過牛腩，但總括而言以26蚊既價錢都係可以一試的

 行到太子附近,見到一間招牌寫$23起麵食咁就入去試下啦提供粉麵,客飯,淨食,撈麵款式有牛腩,牛丸,餃子,水餃,牛什,魚蛋魚片,豬手,肥牛,魚皮餃墨丸,牛肚,魚片頭,炸醬撈麵客飯由$48起麵食由$23起雙拼款加$8 點了一款魚蛋麵,雲吞麵 雲吞4隻,麵,蔥放匙上雲吞幾大隻,飽滿,味道不太濃,餡料爽口湯底味好淡,加辣油食比較好招牌魚蛋份量都多,每款3件魚蛋幾彈牙!同樣湯底唔夠味,不過可加少許辣油提味牛什麵,客飯客飯份量十足差不多有十件牛腩地址 旺角西洋菜南街212號地舖G/F, 212 Sai Yeung Choi South Street, Mong Kok