雲桂香米線專門店

营业中

休息中

平時成日食雲桂香外賣但第一次堂食 所以想食原條魚既米線!!之前係另一間食過炸魚既米線就好念念不忘 (但果間已經結業 就無再食過原條魚米線)叫左原條桂花魚都幾鮮味 可能佢想有魚自己既鮮味 無咩鹽但如果加少少鹽會更加好食(或者我下次試下自己加鹽)另外佢既蒜泥白肉原來咁好食!平時我食另1間米線 會自己捲一舊蒜泥白肉食呢度會捲好 仲有青瓜 令到成個蒜泥白肉唔會好油膩我覺得好食過另1間連鎖店!

其實一直都好鍾意食雲貴香嘅米線，因為個湯底好正，而且啲芽菜同埋配菜都非常之入味，但係今次嚟到尖沙咀呢一間嘅雲貴香真係令到我十分之煩躁食到，首先佢啲座位非常之狹窄，而且午餐仲要好多人，令到食嘢嘅地方可以話近乎係冇，第二，佢嘅舖頭出邊係用玻璃隔住舖頭同埋路，一去到午餐時間陽光係直接射入窗邊直接寫住晒啲客人，令到食嘢嘅時候係超級熱同埋殘眼，根本連隻眼都擘唔大，建議舖頭應該加返一幅窗簾或者防曬紙，如果唔係真係完全唔知點樣可以食到野坐窗邊嘅位嘅話

平時食雲桂香都係食小鍋米線多，今次望到佢個蟲草花雞湯米線原來係酒味雞湯底，就試下先本身諗住嗌小辣，點知原來雞湯係冇得加辣架，我加咗個紫菜做餸，比起三哥呢度嘅餸份量係多好多嘅，呢點抵讚👍🏻不過個湯飲落真係唔係好覺有酒味，呢點有少少失望🙈雞件算多，6，7件都幾滑，仲有d生菜同少少蟲草花加埋，食完都夠飽，如果當佢係個純雞湯米線其實係ok嘅#foodie #醉雞麵 #醉雞麵系列 #hkig #hkfoodieblogger #hongkonger #foodblogger

Mixian is always the comfort food. And here is always the place to go. I’m not a fan of spicy food, this place offer a lot of choices of soup base, such as Fish, chicken and pork. I can also just order the sour-flavored soup without the chili. The portion was so big and definitely worth the price. Rmb check this out!

幫襯左雲桂香好多年，每間分店都食過，尖沙咀新舖同其他分店一樣咁有水準。當日叫左豬頸肉小窩紅薯粉同腩肉小窩米線，豬頸肉香口脆身，但紅薯粉偏un，𡁻開就要用多d力水啦，但整體都keep到水準；腩肉方面就同其他分店一樣出色，軟身入味，食落非常開胃，唯一缺點係份量太少，男仔食會建議多配一份小食。飲品都係茶啡檸水，唔算特別但絕對擺得落口。新舖環境企理，可惜位置唔多，同埋坐邊都好似風口位咁有風射住，怕凍既朋友記得著多件衫。

一直都有食開 已經幾年 都算半個老客仔今次等搬新鋪我都好開心睇到餐牌好似多佐幾個餸不過今次都無試到我都多鍾意打包返屋企 路程短短幾分鐘令到味道更加深入我次次都鍾意食開 小窩米線 多酸 中小辣每次加餸我都會變住黎加咁先無咁悶不過新地方開張 都照顧坐低慢慢嘆見到爆曬棚 唯有都係打包返去下次一定要揀個少d人嘅時間坐係窗邊嘆住杯凍令茶 食住碗米線 哇 諗下都開心Anyway 我會寫出我真實的食評你地見到我有評論好壞 實無錯因為我口味都幾下