雲桂香米線專門店

营业中

休息中

叫左個兩餸米線，蘿蔔同豬肚。上檯見到有三舊白色唔透的蘿蔔，正常煮得熟嘅蘿蔔應該係有些少透明，但係呢三舊咬落口又硬又唔入味；豬肚仲離譜，有五條比牙菜粗少少的豬肚絲......雖則冇寫明包幾多舊豬肚俾你，但係都唔係少到咁，一隻湯匙都裝得落有位淨，扺唔扺食就見仁見智啦！唯一好嘅野就係個米線同湯底味道如舊，但係點都係冇下次。

週末晚上9:30 來到這家雲桂香吃晚飯， 店裡人客不算多，還有若七成座位空著。 坐下後想叫店員落單， 叫了數分鐘仍無人理會。 明明食客不多， 但侍應仍應接不暇，相當無奈。。。 終於點了一碗冬菇紫菜重慶酸辣米線(小辣) 和一碟皮蛋，侍應拿來的單卻漏了皮蛋。 反正沒下單的東西不收錢， 算了吧。 轉眼侍應端上一碗米線， 眼看是一碗清湯紫菜米線， 因為單上已有冬菇的價錢， 於是便告知侍應補返冬菇給我。。 米線湯底味道大不如前。。 很是失望招呼不周， 侍應入漏單，廚房睇錯單， 食物味道差勁的一餐。

一個人放假，就係好晏都唔去搵野食直到要出去買野先順便食今日嘅第一餐落雨唔想四圍行，經過見到無乜人就揀啦呢到係幾好，好多二人位啱曬一個人食嘅我，搭檯機會又低咗有三排都係二人位，大檯係繁忙時間就要等了🙈🙈(我明明叫咗走飲筒架！！唔關我事)唔好睇佢紅噹噹，其實唔係好辣咋就咁望以為好少餸，都有撈過湯入面以為唔係好多，點知食極都有，差d食唔晒！咁鍾意食墨魚頭嘅我點會剩返一舊半舊(以前都有墨魚頭定新加嘅呢🤔🤔)好耐好耐無嚟食過喇因為覺得個湯底無之前咁好味其實我都自己嚟食過但果次完全係因為成碗米線入面勁多“獲撈”所以怕咗好耐好耐都唔嚟食！

中學的時候經常吃雲桂香，皆因$30就可以吃到一碗配料極足的米線，有芫茜、蔥、芽菜、肉碎、酸菜，我會說比譚仔/三哥更足料呢，不用點其他東西也可以吃得飽。但是因為太抵食，所以每天lunch時段都會有不少的人在排隊，人手不算很多，繁忙時間時平均來說等10-15分鐘。味道方面，小辣得很惹味，但對比譚仔的小辣的話還是淡了一點，但是如果叫中辣是超級辣，完全吃不了，簡直是譚仔的大辣一樣。有一次才知道原來可以叫中小辣，這個程度才是剛剛好吧。湯底真的不錯，可能因為用了很多配料煮出來吧，比較濃味，平時去開譚仔間中來這裹也是不錯的。另外，它的蒜泥白肉都不錯，是麻辣汁，肉包著青瓜，我更喜歡青瓜的清爽，喜歡辣的朋友也可以點。

屯門起咗西鐵站之後，我去屯門的次數也頻密很多了，食肆也有很多，尤其是屯門市中心附近，起碼有超過10幾間嘅米線專門店，雲貴軒就較為出名啲，所以今日我就試吓另一間雲貴香米線，每星期試一次唔同地方嘅米線😬我揀咗三樣餸， 有雞翼尖，蘿蔔，金菇菜！金菇菜吸入湯底嘅味道好好味，而且蘿蔔都夠林，雞翼尖就經過滷水汁烹調再放入湯上面，但是是凍的😫配菜有芫荽和蔥花在米線上面，湯底我要求小辣，但完全沒有辣味份量都好多，用筷子一夾起，就知道好大碗米線每張枱都坐滿人加左$7 有杯凍飲😬

好嬲呀，要乜冇乜！明明上open rice睇last order係夜晚10點45分左右，我10點半左右到佢同我講折左單😤仲有外賣可以冇左兜麵，得d芽菜同餸既送外賣d姐姐態度又唔好，叫外賣可以冇錢找既！仲有次星期六，我估鋪頭好忙啦，諗住打電話叫外賣，冇聽電話，一係cut我線。聽一聽電話話好忙，暫時唔送外賣會死咩你地忙咁又點，忙唔可以係一個藉口囉！又唔見其他餐廳忙會咁多甩漏？打開門做生意，唔通得閒既時候先去train up你地d態度咩

系屯門附近翻工 ，放工肚餓就系附近穩間野食，記得呢間米線之前都有同事提起過 就入左去食，夜晚七點幾 五洗一分鐘就等到位，我叫左碗小鍋米線 加左生菜同雞翼，生菜量夠多 ，d麵五淋 可以接受呀，個湯底我覺得偏鹹同酸，飲完好口渴既感覺，整體中中廷廷啦

心情好想去試下，誰不知落完單後半個鐘都未有野到，就問waitor係咪未落單，但佢又話落左，話多人要耐啲，等多十五分鐘，點知我見個個出晒單，而我同朋友仲未有單，就再問，跟住佢又話有落話可能漏左我再幫你寫多次，心諗無就早講啦，又扮哂野話有落，晒我時間，玩野咩師父。。。。。。一野走人，餓左我成個鐘都無野落肚，我發誓我以後都唔會再幫襯依間野。。。。。。。。。。。。。。。。。。。 。。。。。。。。。。。 。。。

我最愛食酸辣米線，每間酸辣米線店舖都有它的味道，而雲貴香也是我最愛之一雖然雲貴香有很多分店，但是我總是覺得屯門這間分店特別好味，份量特別多，情意結啊。腩肉薯粉 雲貴香的腩肉偏瘦，啱晒不喜歡吃肥肉的我，每次都必點，腩肉非常入味，薯粉也非常彈牙，酸辣湯底非常開胃，薯粉配合肉碎芽菜一起食吃，真的非常回味豬軟骨水晶粉，雲貴香的豬軟骨也是必點的，有三大塊豬軟骨，份量很多，豬軟骨爽爽脆脆，連肉一起咬碎，口感好正另外我們還點了腐乳通菜，夫妻肺片，麻辣雲耳，都是必推小食。很喜歡雲貴香的味道，她專屬的雲南米線味道

對，又是米線，我太愛吃了，不過大部份朋友都不太喜歡吃，所以大多時間都是我自己獨自一人時才吃。雲桂香米線專門店相信大部份人都有所認識，在我讀書時我久不久都吃一次，連鎖米線店來說，雲桂香算不錯的。配料控的我一口氣點了蘿蔔，豬頸肉，魚肉春卷與雲吞，辣度則挑中小辣，我記得當年吃大辣與中辣都失敗，所以退其次辣度。湯底的酸辣度不是說笑的，光看橘紅深不見底的色澤，已能想像它的辣，儘管酸辣得起勁，我依然想喝，就是喜歡這刺激的酸辣。蘿蔔鮮煮得半通透，亳無渣滓，嚐起來鮮甜得很，與湯底形成強烈的對比。米線也煮得不俗，爽口彈牙，軟硬適中，當米線吸受酸辣湯的滋味，與芽菜，酸菜，韭菜品嚐，蠻惹味的。魚肉春卷與我想的有所不同，它原來它用墨魚作餡料，比起魚肉，我更愛吃墨魚，以腐皮包裹著的墨魚卷彈性十足富嚼勁，外層的腐皮吸附湯汁一流。豬頸肉是眾多配料中最為出色，豬頸肉用香茅醃漬後酥炸後入味之餘亦不會乾柴，保持脆彈的口感，並有一定的厚度，吃時嘴巴絕無空墟的感覺。最差的配料非雲吞莫屬，雲吞皮超級的厚，厚到我不想咀嚼，第二顆雲吞皮直接不吃棄在湯中，菜肉餡料粗嚡，既沒有肉香，亦沒有菜味，感覺用料不新鮮。

總會想食重口味啲，其實係時候要醒一醒。再認真食一餐，$37一碗麵，又真係唔會畀真肉湯你嘅。所以打邊爐味精湯做主調，入到條脷嗒到酸味，到喉嚨先有辣嘅刺激。之後，一整個晏晝都會因為個湯而好口渴。所以食嘅唔係酸辣湯，而係對自己身體嘅背叛。天氣有啲尷尬，叫熱飲食凍嘢又奇怪，凍飲又唔多舒服。唯有叫少冰Reference 一下，少冰大約有咁多。倒晒啲冰出嚟，杯茶又唔會太凍，又唔會室溫咁。茶底唔錯，足紅茶味。因為隔離都係賣水貨嘅舖頭，所以多自由行食。門口好多啲喼打晒交咁，出入其實都好逼。

又係米線時間 ，真係超愛米線 ，去開屯門市中心 ，都係一定會去食架 ，雖然每次水準都有分別 例如：餸一時會多，一時會少，一時會好辣，一時會少辣，所以每次食米線都要撞下口神，睇下廚師重唔重手 ，最鍾意食佢既腩肉少少辣，好咪，炸醬就唔駛講，一個字正，少少辣豬腸又係好味，每次食都係腩肉炸醬豬腸，太好咪！記得呀 雞翼都好好食 但冇影到相 因為每次一到朋友都好快食哂 又係必食既 其實每次食完真係會好飽好飽 因為都好大碗架 又夠味道諗起都想再去食🙊🙊

喺附近返工，咁岩今日放工想食雲桂香，就打去叫外賣自取，點知突然醒起唔記叫分湯（因為我住元朗），去到同姐姐講，點知佢話立即幫我去廚房睇下，真係好意想不到呀！！！勁好人拎外賣出黎俾我係另一位姐姐，都好好笑容好好禮貌！！真係好令我意想不到！加油呀！

今日諗住去睇戲前食野醫肚先，本身想去果間譚仔裝修，所以就轉戰附近依間'雲桂香'啦，一入去就聞到好香，同埋都好大碗咁，坐底左就即刻搵下有無酸辣湯底，yeah係有ge，二話不說就揀小鍋米線酸辣啦，揀咩配料都揀左一段時間，最後就揀左木耳絲、腩肉，個fd就揀左小鍋麻辣小辣（豬肚、魚腐），再叫左個口水雞因為見到隔離枱果碟都幾吸引口水雞食落都唔錯，不過覺得可以再麻d，我碗酸辣反而覺得唔夠酸，唔係好食得出係酸辣，同埋木耳絲並唔係絲😅同我想像有點出入，味道不過不失，反而鍾意個fd果個麻辣湯底，麻味都幾香，配料方面就無咩特別，係可以填飽肚子而已但下次有機會就試麻辣湯底啦

一直都覺得雲貴香既小鍋米線好好食 味道唔同譚仔 湯底濃味過譚仔 如果叫辣湯底會配有小小肉碎 清湯既話就冇肉碎 配菜方面都有好多選擇 今次簡左雲吞同豬耳 雲吞好大隻 入面係白菜豬肉豬耳份量都好多 食哂成碗米線飽到上心口呀！