雲興隆小廚 (已結業)

九龍灣雲興隆即將結業啦😿喺佢執笠之前支持埋最後一次🥲成餐飯$230😀都街坊價👏🏻老實講份量唔算特別多🤔不過兩個人食都足夠😀1️⃣臘腸滑雞煲仔飯比想像中多餸👀啲雞都夠滑身😀臘腸就偏濃味🧐飯焦唔會太燶😎等25分鐘即叫即煮👏🏻2️⃣金銀蛋浸白菜仔幾清淡👏🏻合乎期望😹想清清地唔會太鹹同太油🤝3️⃣土魷煎肉餅新鮮煎起夠香口😽不過食落真係食唔到魷魚🦑🤡

呢度係小炒煲仔飯為主椒鹽鮮魷好出色 炸得酥脆魷又鮮味,仲好鮮甜,包住魷魚上面仲灑滿炸蒜香又惹味鹹魚鷄粒炒飯 炒得乾身粒粒分明 炒得好靚好爽口 啖啖飯香有獲氣煲仔飯亦係呢度的招牌 焗得剛好有飯焦又唔會太乾身有焦味晚市一個飯都係50蚊起好抵食消費$200Shop H, Tak Bo Garden, Ngau Tau Kok Road,

今晚2個人食飯,去呢間小菜店炒2味時菜腩片,金沙大蝦,煎大蠔餅 金沙大蝦,走油大蝦再上咸蛋牛油,連蝦殼都食得,又脆又鮮味蝦肉爽甜鮮味,咸香既醬汁特別惹味 炒時菜肉片 用腩片炒芥蘭菜 脆綠爽口 肉片夠嫩份量又多 好食新鮮蠔仔混合粉漿 猛火煎炸而成 入口香脆,蠔仔份量多,入面仲有蔥同蒜,食落特別香口平均消費$250評分8/10Shop H, Tak Bo Garden, 3 Ngau Tau Kok Road, Ngau Tau Kok

秋前煲仔飯搵多幾間介紹下! 呢度食小菜小炒 仲有煲仔飯係呢一區非常出名 大花菇鮮雞煲仔飯 燒汁炸豆卜 原條蒸烏頭 皮蛋咸蛋上湯時菜煲仔飯由幾十年經驗既專家出手 一開蓋香味就大爆發 食之前加少許醬油拌勻佢用上冰鮮雞,肉質特別香嫩 爐火猛高速煮熟雞件 雞肉既油脂同肉汁與飯粒結合,味道更香更豐富飯身乾身,食到鍋底仲有飯焦邊,非常香脆 仲有日本花菇特別厚肉鮮甜原條鳥頭 原條蒸熟 肉多骨少便於食用 而且肉味鮮美帶油香 配以少少鹽或者豆豉醬食鮮味更加突出小食 炸脆既豆卜加上日式燒汁 用鐵皮上 脆卜卜既口感配啤酒好夾既餐前小食平均消費$200評分8/10牛頭角牛頭角道3號得寶花園H地舖

今日去左牛頭角搵朋友，夜晚唔知食咩好，見呢間冇乜人就入去試試啦！突然好想食咸蛋蒸肉餅，又咁岩呢度又有！不過佢係煲仔飯咁上，仲正啦有飯焦可以食😂值得一提既係鼓油係另上，因為好多餐廳都係姐姐幫你淋埋。講番個肉餅，佢肥瘦適中，所以唔會太乾身太硬又或者食落啖啖都係肥肉。而且大細岩岩好，餸唔會太少令到你最後要齋食飯，餸同飯既比例合理～飯方面有時煲仔飯既關係會有機會令到d 飯會乾，但今次又冇呢個問題，同時間又控制到有飯焦，正呀！食飯既時候見到隔離枱d小炒都好似好正咁，睇餐牌見到晚市先五十蚊個餐勁抵，下次有機會一定要試！

堂食左咁多次，冇一次會失望！次次食都好正，夠哂鑊氣，又夠哂新鮮熱辣。今次因為第一次用Open Rice 叫外賣自取。(冇辦法啦，多過四個人，分枱坐好麻煩)食物水準完全Keep到！下次要埋煲仔飯外賣🤣

我唔明點解啲人成日話隱世小店，話晒香港都已經係一個已發展的大城市，今次我終於明白點為之隱世，就係你無去過而作者有去過，甘咪隱世囉。今日來到附近見到成個商場的食店都改頭換面，係唯獨有幾間仲依然係度，梗係要入去看看啦。食個lunch set就可以知道廚房的班底得唔得啦。 佢地樓面後生仔企枱好好，俾足夠時間大家睇書甘睇個menu,因為真係好多選擇呀，最後都係叫返個午餐啦 午餐好食呀😃😃店內環境就係有一份香港茶記情懷。

今日四條友係Megabox睇咗一套恐怖片，比佢嚇餐死，諗住去食番餐好嘢平衡翻個心情，就上openrice 揾咗呢間食店，評價都幾高，咪坐的士去試吓啦。去到唔使等位，坐低後店員極力推介食蟹，於是我叫咗個沙嗲粉絲蟹煲，好都快上菜， 但只蟹d肉又”梅“又淋到離曬譜嘅， 食豆腐仲有質感過佢呀，我從未食過d蟹係完全冇蟹味嘅， 我懷疑佢地將死咗好耐嘅蟹介绍比我地食。仲要收$298一個沙嗲粉絲 蟹煲，裡面得一隻"梅"蟹。 離曬大譜。好失望的一餐，以後都唔會幫襯😓

終於到咗食煲仔飯嘅季節😍🥳。以前會去廟街食，到咗今時今日梗係唔會再去啦，好彩屋企附近嘅雲興隆小廚煲仔飯都堅出色。三個人食，叫咗兩個煲仔飯：豉椒排骨同北菇滑雞，另外再加名物豆腐鹹魚芥菜湯，同埋半隻沙薑鹽焗雞。煲仔飯要等大約廿分鐘先上枱，一打開蓋，已聽到嗞嗞聲響，等一陣，再用鐵羹刮底，一大塊一大塊飯焦已經成形，又香又脆，超級好食😋。食完飯焦再食餸，排骨肥瘦適中，又醃得入味，好食👍；北菇滑雞呢...um...我冇食，唔知呢，不過見我媽食得津津有味，水準應該都唔會差得去邊啦😁。

好耐冇食大排檔，主要想食下椒鹽白飯魚。雖然未到冬天，但見到有煲仔飯好難抗拒，所以叫左咸魚肉餅臘腸煲仔飯。重點黎啦！竟然全個底都係飯焦，仲要係金黃色冇燶，望到我眼發光，完全冇諗過會咁高質素。冬天要多多幫襯。另外仲叫左碟炸大腸，佢同白飯魚一樣炸得好鬆脆，而且冇油益味，抵讚。一定會再幫襯。

好耐無食過煲仔飯喇，竟然比我揾到呢間良心小店2個人叫左4樣野好貪心🙈🙈·北菇滑雞飯。雖然要成7十幾蚊，不過d餸既分量其實都好多，2個人食都可以食到好多件雞👍🏼煲仔飯就梗係要有飯焦啦，佢有滿滿既飯焦呀，太正喇🤤椒鹽豬扒。正常分量但對2個人黎講就好多金銀蛋白菜仔。分量正常，食菜好重要😆蒜蓉粉絲蒸花甲。見到人地叫個樣好靚仔，吸引左我叫，2大2細不過無乜鮮味，個蒜蓉粉絲好正🤤Yeah，冬天有良心煲仔飯食喇☺️💛

看網上雜誌推介，寫得咁好，想試好耐，今日抱住興奮心情一試午餐。無需等位，午餐時段只有三枱客。落單後等約15分鐘上菜，相信即煮，很期待美食！但例湯鹹得似海水！幸好湯裏半件粟米新鮮好味！咖哩汁好似豆粉水加咖哩粉！ 淋在幾片白灼牛肉上，唔入味！牛肉用了太多鬆肉粉，很霖但無牛肉味又太假！很失望！雜誌食評名不乎實！希望食評人用良心寫，不要為廣告費而活！

2020/03/31外賣自取 一個水煮魚腩同一個辣子雞$110分開兩個盒裝以為有好多 夾晒所有魚肉出嚟之後 數下有7舊魚肉咁多 加埋睇落應該都有半邊魚咁多啦 俾$110買一堆芽菜幾舊酸菜仲有若干隻辣椒 加兩碗辣味水 希望咁多位睇清楚先好叫外賣啦

終於有返一星期冬天的感覺🌬所以把握機會去食個暖笠笠煲仔飯黎到九龍灣一間街坊式小廚各式小炒海鮮煲仔飯總有一款啱心水臘腸滑雞煲仔飯即叫即做 熱辣辣香噴噴足料一整條臘腸同雞件係面煲仔飯豉油香而不會有怪甜味煲仔飯當然要食飯焦！煲底飯焦香脆但略嫌可以再燶少少金黃更正飯味濃又香好好食而且能夠起哂所有飯焦見到煲底已見出色絕對係唔錯唔錯小菜方面推介冰梅骨 大大嚿肉質依然鬆軟酸甜醬汁勁惹味啫啫通菜 惹味但欠鑊氣 比想像中碟頭較細椒鹽九肚魚 外脆內嫩 合格之作

鋪位細細, 其實無7人檯, 係用一張細圓檯加大比我地嗌0左好幾個菜, 蠔餅, 四季豆… 不過不失都唔值得講, 要講0的比較突出同比較差0既平日夜晚都算幾多人, 我地叫0左鴨臘腸煲仔飯, 田雞煲仔飯, 一上檯打開煲蓋就好香,兩個都好好食, 重點係飯焦, 好香好脆, 屋企人話原來廚房師傅同煲仔飯師傅係唔同,原則上唔會一個人做兩樣野, 所以識整煲仔飯係一種專業。haha..點0左個西蘭花鮮魷, 上碟已經唔靚, 因為西蘭花唔係翠綠色, 都幾黃, 再食的魷魚真係唔掂, 好明顯唔新鮮。點0左扇貝, 好大隻又新鮮, 熱辣辣即食, 好味