雲興隆小廚 (已結業)

入咗冬咁耐都冇食個煲仔飯同埋小炒所以今晚就嚟到九龍灣德寶呢一間雲興隆小菜食飯以前一間鋪喺牛頭角下村嘅但係重建之後就搬咗嚟德寶地下我一坐低嘅時候就即刻叫咗一個蠟味油鴨煲仔飯今日應該真係好多台客啊所以都等左成個鐘先至上煲仔飯呢度嘅煲仔飯係有品質保證嘅啲飯煲到入味但係唔會太生太熟另外出邊有好多煲仔飯都會燒到個飯焦燶哂係呢度嘅煲仔飯係可以食到一片金黃色而香脆嘅飯焦另外亦都叫咗一個蝦醬豬頸肉同菜煲原本嘅配搭係介蘭嘅但係可惜我哋八點鐘嘅時候已經賣晒啦一個煲入邊份量10分大通才爽脆香滑 豬頸肉切得好厚身大約都有10件左右送飯一流見到隔離枱叫咗一個椒鹽九肚魚賣相極之吸引我哋忍唔住都後加咗一碟可以見到佢嘅椒鹽九肚魚係好肥美嘅調味喊到適中配上佢送嘅喼汁係好開胃一餐真係食得好開心因為份量大啦又抵食最重要嘅係味道好啱我哋嘅口味不過要一點提一提嘅係呢間鋪頭都幾受歡迎㗎有可能等位都要大概半個零鐘

星期五晚收工，大概6點半去食，未係好多人，侍應（唔知係咪事頭婆）好好服務又攞凳尼俾我地擺野，好醒目兩個人食，叫左個豆豉鯪魚油麥菜，好香嘅，不過覺得濃左啲，送飯可能好啲今次主要係想食煲仔飯、見天氣涼左比我地想像中細啲，但食得出啲鱔係靚嘅同埋好香，都有飯焦，整體都好唔錯 ，等左大概三四個字就有，都好合理

在牛頭角，要找有傳統小炒風味的小店，已經愈來愈難，因為住在這兒的街坊也知道這幾年間連鎖食店已一間又一間進駐，今次要介紹的是雲興隆小廚，它原本在牛下，現在已搬到德寶商場外，服務街坊已有好多年了！裡面位置不大，座位之間也要遷就，但今次就要吃回兒時傳統美吃，叫了半隻霸王鷄，作為冰鮮鷄而言，只賣98元一隻，性價比已沒得輸，疆葱豉油也蠻香，而士多啤利骨也格外醒胃，酸甜的煮法更能引出肉的油香，算驚喜之作！另外，叫了黑椒豬肚湯，已特別吩咐落重黑椒味，果然不負眾望，味濃而豬肚也很爽，天衣無縫之絕配。最後，也叫了皇牌的排骨煲仔飯，醃過的排骨很惹味，吃到底的飯焦更是幸福感滿瀉！

喺九龍灣住咗咁耐都未食過鼎鼎有名嘅小炒。所以今日就聞名不如一試，果然不負眾望。乾煸四季豆 $58非常推薦嘅一碟小菜，香口而且濃味，同埋佢有少少肉碎一齊炒，有油香嘅味道，非常惹味。椒鹽鮮魷 $88炸粉略厚身，而且魷魚冇咩味道，建議下次可以食其他炸物。鹹蛋肉餅煲仔飯＄68煲仔飯飯焦非常香口，但肉餅比較淡味，唔係好送到飯，下次可以食其他餸嘅煲仔飯。啫啫滑雞煲 $72呢個比較出色，肉質鮮甜，上菜時仍然有啫啫聲，下次黎食會再點。👅好味指數:7/10 💸抵食指數:6.5/10 🍽餐廳環境:6/10 👨🏻‍🍳服務質素:7/10 ❤️呃like指數: 6.5/10 💃🏻回頭率:70%

朋友食左幾次哩間小菜話好好食，適逢香港最凍時期，就提議黎雲興隆食暖笠笠煲仔飯！講真，聽幾個朋友都話幾好食，係有些少期望‥‥‥果日約左六點，餐廳仲未有客，我地就一坐低order左兩個煲仔飯先！聽講要等成半粒鐘嘛分別叫左臘腸雞同田雞煲仔飯臘腸雞煲仔飯睇圖都見到其實幾足料，雞件都算多。雞件肉質硬實，唔會軟淋淋，雞本身ip過，唔會話淨食雞係無味。臘腸有驚喜通常係出面食既臘腸都係比較肥同無香味，但哩到既臘腸除左係厚切、有口感之外，仲要係瘦既臘腸，食落有臘腸既香味又唔會過咸。連平時淨係係屋企先會食榮x特瘦臘腸既我都食左一舊，值得一讚煲仔飯熟既程度啱啱好，飯粒乾身唔會硬，粒粒分明，唔會似粥。食到最尾仲有飯焦飯焦金黃，完全無黑左既焦，時間把握得恰到好處至於田雞煲飯仔，田雞肉就唔多，食落其實無咩特別，勝在夠健康，想食煲仔飯又怕太油，揀田雞就啱曬啦！哩兩個飯相比，個人認為臘腸雞略勝一籌雖然田雞飯較清淡、脂肪含量低，但味道黎講，臘腸雞更惹味，食完一啖會繼續想食！唔講配菜，單純就飯而言，係幾高質既！除左煲仔飯，我地仲叫左干煸四季豆、金銀蛋白菜、雜菜煲、水煮牛同冇影到既炸雞軟骨！干煸四季豆，係我地每次食小菜必叫

今日同一班朋友冒名去左呢間雲興龍度食飯，第一次食，板燒豆腐，士多卑利一字骨，仲有四季豆，乳鴨....覺得非常好味，夠曬🔥喉。其實樣樣都想試，樣樣都好好味，老闆娘推介所有的咖喱，如青咖喱，黃咖喱都好好味，老公最愛的煲仔飯聽過也很出名搞到樣樣都好想食。可惜肚得一個，確實食唔落甘多野！下次一定要試，就連明星都幫襯的小店，當然唔會差得去邊。真係小店食出高檔貨，雖然細細間，但要乜有乜泰國菜有，四川菜有，粵菜當然有了...

服務何其差，漏單唔認不特止，仲要遲來先上岸，仲要死拗話人哋叫先。。。我入座時都未見嗰枱入。。。除非可以電話落單啦。失望。以後唔會再來。阿姐仲話:係呀，係好耐㗎。我:我知要等，但唔係人哋遲入先有呀

我喺牛頭角區返工，當晚買咗飛睇演唱會未夠鐘，突然想食煲仔飯，即刻打開OpenRice查吓附近邊度有煲仔飯！咁入去見到呢間食評都OK所以就試一試啦⋯⋯呢間啲價錢都唔算平！不過睇下可能有啲驚喜都唔定！我哋一行三人每人煲，我叫了臘腸排骨煲仔飯$77，另外一煲係薑蔥魚腩$67，再跟住係一煲臘腸雞煲$75臘腸排骨飯，臘腸略嫌硬了一點，牙力小D都唔掂我哋叫咗後都要等大約25分鐘才送到，一煲熱騰騰嘅煲仔飯送到面前，味道尚可，略嫌臘腸硬了一點，煲仔的size不是大，是小的！我一個人完全好容易咁K.O.左！總括來講不過不失，只係冇諗過門面不是太光鮮的一間餐廳，竟然會有這些價格！

今晚同黃兔食我最喜歡的煲仔飯，這裡有超過十款煲仔飯選擇，每款都好吸引，有選擇困難症的我最後揀左:蝦乾排骨煲仔飯上枱時熱辣辣，店員一打開個蓋，氣味已經撲入鼻了而且賣相吸引。另外豉油可隨個人喜好自己落！蝦乾有咸香味，排骨配以豆豉醬份外合配，飯吸收左蝦乾同豆豉香味，加上軟硬適中，好食呀而且煲底有香脆飯焦，脆卜卜的好香口呀勝瓜魚肚湯材料豐富份量十足，有勝瓜（好淋），魚肚（吸收左魚湯，好入味），雜菌同粉絲。配以鮮甜魚湯，好鮮味！士多啤梨骨用士多啤梨醬淋上煎好的手抓骨上，香脆甜美，肉質不會乾身，惹味配上可樂，爽呀！

同老公晌九龍灣搵野食，嚟到雲興龍，見涼涼地就食下煲仔飯。估唔到佢啲小菜好食之餘煲仔飯都有啲驚為天人既感覺。佢款式多之餘仲有我最愛既咸旦肉餅煲仔飯，味道唔會太濃又有飯焦香。唔小心一個人食晒一煲。佢啲小炒都好有鑊氣。仲有啲招牌菜如士多啤梨骨，炒蟶子，煲仔小菜都好正。坐得舒服，環境一般茶記但係乾凈，招呼又好唔over我見平時都多人既，有時冇位要我一陣，但係等候時間都接受到。價錢唔算平架，不過接受到,覺得性價比okay

其實只係想同爸爸搵間食小炒又有冷氣又有啤酒飲嘅地方。揸車落嚟德福呢頭食，原本諗住食酒樓（因為爸爸係大爺黎，鐘意有人服侍同坐得舒服）但係間間都人山人海。我咪帶佢落去食有冷氣又係小炒嘅呢間野。爸爸話有啲印象以前係牛下食過。茶記格局，安排拍牆二人枱都幾迫爸爸無咁俾後面迫住坐，well打開餐牌都打左個突普通小菜都＄70-80起🌝希望我碟餸值得呢個價， 叫咗個普通腰果翠玉瓜炒肉丁同埋豉椒炒聖子。1枝啤酒1碗白飯1罐汽水！叫普通小菜就睇個廚得唔得，肉丁係幾好味，平凡嘅嘢都炒得OK。炒聖子用啲聖子殼墊底擺盤，賣相幾靚，聖子唔大隻份量都唔多，聖子幾爽唔韌唔腥幾新鮮。但係配菜洋蔥青椒就好多，味道惹味既有鑊氣唔錯。埋單唔使加一$240🙈我覺得性價比唔過架

觀塘街坊小廚麻辣口水雞 (半隻$118)雖然話係半隻，但上枱似一隻咁多份量喎😂！麻辣口水雞都係招牌之一，果然係名不虛傳👍🏻，辣唔算太辣🌶，但食到舌頭有好爽既麻痺感。加上雞件夠滑，件件連雞皮架。-菠蘿咕嚕肉 ($70)咕嚕肉炸粉唔算好多，肉質都冇被炸到老晒，芡汁酸酸甜甜🍍，送飯一流！-鐵板日式燒汁豆腐 ($68)鐵板燒汁豆腐都算係用心之作，鐵板又真係燒到熱辣辣，上枱時淋上燒汁，豆腐被煎到「吱吱」聲，令人食指大動😍。豆腐咬入塊夠滑，出面仲包左層魚肉，點少少燒汁食岩晒。

煲仔飯係呢度既招牌菜，一試難忘。薄薄脆脆既飯焦，食得出師傅既功架。我地一家人黎到以往都會點吓唔同款式既煲仔飯，但次次發覺臘味煲仔飯永遠都係最搶手，其他既都比下去。經典之所以能成為經典，係因為經得起時間既考驗。無論經過時代變遷，男女老幼，都一致喜歡臘味煲仔飯勝過其他。臘味經過醃製同風乾既過程，將精華都鎖住體內，同生米一齊煲吓煲吓～香味同油分就發輝曬出黎，再滲透到每粒米飯之中。粒粒飽滿既飯粒，成為一啖接一啖既滿足。肉餅都好食，但豬肉較多肥膏。梅菜係甜梅菜，我喜歡梅菜既甜。鐵板豆腐，豆腐嫩滑，可惜食唔出豆香。不過勝在鐵板上咋咋聲夠曬熱辣。蠔餅既蠔粉量太少了，而已好細粒又碎碎的，粉漿太多，no good。香口小吃炸雞軟骨，用黎送啤酒一流。仲有腰果，新聞話於飲食中攝取適量堅果可減低心臟病風險，我都要多多注意我既堅果攝取量啦～

今日收工約左老公食飯﹐老公比較喜歡食小菜﹐所以去牛頭角雲興隆小廚食飯﹐因為係亞女推介話這間小菜好正的﹐所以特去品嚐一下﹐門口貼左很多有關呢間小廚報紙推介﹐都有很多人在等座中﹐我哋等左30分鐘便有位﹐小菜款式很多﹐我哋叫左亞女推介的啫啫通菜煲、豉椒炒聖子﹐而老板推介五香肉丁肉餅煲仔飯(自選雙拼)，老板娘話成日推介比其他客食之後都大讚)﹐等來過啫啫通菜煲好香夠嘢味﹐跟住上豉椒炒聖子﹐炒得岩岩好﹐爽口﹐而煲仔飯老板娘真係無介紹錯﹐好好味，飯焦底又香又脆。埋單$279 連2柸凍O茶都可以接受

今日收工約左老公食飯﹐老公比較喜歡食小菜﹐所以去牛頭角雲興隆小廚食飯﹐因為係亞女推介話這間小菜好正的﹐所以特去品嚐一下﹐門口貼左很多有關呢間小廚報紙推介﹐都有很多人在等座中﹐我哋等左30分鐘便有位﹐小菜款式很多﹐我哋叫左亞女推介的啫啫通菜煲、豉椒炒聖子﹐而老板推介五香肉丁肉餅煲仔飯(自選雙拼)，老板娘話成日推介比其他客食之後都大讚)﹐等來過啫啫通菜煲好香夠嘢味﹐跟住上豉椒炒聖子﹐炒得岩岩好﹐爽口﹐而煲仔飯老板娘真係無介紹錯﹐好好味，飯焦底又香又脆。埋單$279 連2柸凍O茶都可以接受