雲貴川米線

营业中

休息中

Very nice bowl of rice noodles with a fairly low cost $33 is their signature rice noodle bowl, with a fairly large amount of minced pork and pickles The pickles are really sour! -which is very good for those who prefers strong taste!! Very friendly staff

#雲桂川米線 好耐冇上 #西九龍中心美食廣場，今次唔食海南雞飯，想試吓新野，重點係邊間收支付寶，因為我有張$2劵今日到期🤣見到依間米線都有唔少人買，價錢又幾抵，就整個肥牛酸辣米線小小辣，單點冇叫野飲，$33。其實食依類米線最緊要係個湯底夠唔夠味，好似之前食尖沙咀星林居個湯就真係正，餸都係幾次。依度既湯底當然唔能夠同星林居相比，但以依個價錢都算相當唔錯。米線係我鍾意食唔會過淋既質感。肥牛就一般啦。係佢隔離果間都有唔少人買，下次都可以上4吓🙂@foodiehck2022#港飲港食平靚正 #深水埗美食 #酸辣米線 #小店

米線$31包一個餸，買滿$36就會送杯嘢飲，可揀豆漿或菊花茶。米線同芽菜俾得好足，算大份。但嗌咗麻辣湯底，食唔到太多麻辣味道，反而湯底偏鹹，小辣幾乎冇辣味，鐘意食辣要嗌中辣以上。另外，態度方面普普通通，老闆娘唔係好理人，全程黑面，同埋用「喂」嚟嗌人，覺得有些許不禮貌。所以呢家店唯一嘅優點係平，算西九中心最平嘅川式米線。同場仲有好多川式食肆，我反而推介fd食嘅另一家嘅酸辣粉，雖然貴少少但辣味足，服務態度都好啲。

話說講到最好食嘅米線，一定要講呢間，雖然外貌唔出眾，冇宣傳、冇廣告，靠嘅係實力，呢間餐廳嘅米線真係食完一次會念念不忘😝除咗味道，佢價錢真係好抵食，$31 米線已經包一個餸，加$5 多一款，而且滿$35 仲送飲品今次要咗雞肉+豬紅米線，湯底就要咗麻辣，點解講到咁好食，真係要講個湯底，我係出面食唔到更好，湯底濃，麻中帶香，小辣既食到麻味又不失辣香，唯一就係間中食到啲花椒😅餸方面其實份量都幾多，單豬紅都有4-5 件，雞肉更係6,7件，算嫩滑，而且吸曬湯汁☺米線今次食就比之前軟身，但吸曬湯汁，真係好正😋雲貴川米線🌟深水埗欽州街37號西九龍中心8樓美食廣場8F20號舖

尼間米線鋪頭係我中學既回憶💕講真每次返嚟都會同啲朋友一齊黎尼到下午茶😂冇錯我哋嘅下午茶係食米線🍜😂😂咁多年來都冇變過味道，一樣係咁好食😋鍾意酸味重啲嘅人必食！講吓環境先，佢呢一度係平民商場，就一定冇高級商場咁好，同埋都略污糟，枱上面可能會有啲油油地。不過勝咗佢嘅米線值一切😣😣！其間都見到好多中學同學黎呢度食嘢-👅：雲貴川酸辣米線$40佢係即叫即整嘅，會喺舖頭見到佢係材料連埋個米線放入個鍋度一齊煮，大約五至10分鐘。除了自選材料，還有肉碎，芽菜之類的配料。自選材料我就揀咗肥牛、雞肉、芝士腸，佢嘅雞肉唔會好似坊間咁無味，佢嘅雞肉會索哂湯汁嘅味道😋😋另外會再送豆腐，我幾鐘意佢既豆漿，完全無甜味，似無糖🙆🏻‍♀️🙆🏻‍♀️

好耐無食呢間，以前係深水埗返工，諗唔到食咩就會近近地食呢間酸辣米線。今次再黎，叫左以前既配搭，豬扒加墨丸酸辣米線。佢既湯底係超酸好開胃，加入米線配料係鑊到即整。豬扒有炸過，好大塊，不過放入湯已經好快軟曬，味道就有少少油，不過份量無得輸。至於墨丸就一般啦，差過譚仔既墨丸，唔特別好食。佢會送一杯免費菊花茶，係佢地自己煲，淡淡地，用黎解下渴都ok既，不過一定要再另外買野飲，因為食完會超級口乾，不過40蚊左右食到呢個餐都叫做好抵，無加價，當重拾回憶。

呢日又喺西九Food Court搵嘢食，想食嘅餐廳無開或太多人，見到依間米線平平哋就試下啦😬。小店由一男一女(中年)經營，佢哋都幾友善嘅，但成程不斷讚美支付寶有幾方便😅，不過我俾現金的...。除咗米線外，小店亦有賣客飯同炒粉麵，但我都係想試下米線多啲🍜。招牌小窩米線連一款餸定價$29，湯底可揀酸辣、麻辣或清湯；每碗附有酸菜肉碎、韮菜同芽菜。有乜唔啱食同要幾辣同老闆講就得👌。我要咗麻辣米線配🐮肥牛同🐔雞肉，多一款餸加$5，有少部份係$6餸。凡惠顧滿$31就送自製豆漿或蜂蜜菊花露一杯，叫多款餸就啱啱好！我叫咗少辣，所以老闆都無落好重手，我接受得到的。餸料同米線量都幾多，仲有兩片生菜，但肥牛就比較肥😓。不過更加恐怖嘅係個湯底有愈食愈油嘅感覺，其實本身望落都比較杰身，奇奇怪怪，又好似落咗啲花生醬咁..。食多兩啖，我頂唔順，直頭將湯同麵分隔開，唔想繼續油落去😳。總括嚟講，一個字講哂「油」，好彩佢杯菊花露都清清地、幫手解下。我唔知係咪因為麻辣湯底令到佢咁油，可能清湯都一樣。定價係平啊，但老實講應該唔會再幫褅🙈。

本人其實甚少幫襯food court, 今日過去西九龍中心本想一試水門，怎知去到時仍未營業😩所以周圍走走時見到我喜愛的米線，免得再走來走去， 便一試吧！本人還是第一次望到一碗米線的誕生，廚師即場將所有材料放入鍋煮，大約五分鐘便完成。大大碗，熱辣辣，賣相不錯！我點了麻辣湯，辣度足夠但並不麻。除了自選材料，還有肉碎，芽菜之類的配料。我自選了豆卜，蘿蔔及肥牛，材料新鮮，豆卜絕無酸味，蘿蔔亦沒有渣。整碗米線只欠湯頭不夠惹味，其餘都好穩定。喜愛這裡的豆漿，完全無甜味，似無糖的，不過年輕人未必會喜歡😊

呢間小店是由一對老夫妻經營的，簡陋的廚具，普通的食材，沒有宣傳，沒有廣告，靠的就是佢地的人情味，吸引了一班熟客支持。我也是其中一份子。一次生，兩次熟完全能在這裡體驗到。第一次到這裡，不抱期望地點了一碗米線，一食便愛上。第二次，我認真選了自己喜愛的材料，與老闆娘自然地談起上來，幫我在這碗米線中加了很多獨特的「調味料」，更令我會心微笑！如今我第N次回到這裡，照舊點了雞翼，肥牛，生根米線，小辣，飲菊花茶。我特別喜歡吃這裡的雞翼，沒有經過花巧的調味，卻吃出一陣陣媽媽的味道。加上肥牛，用大火加上秘製的湯底，令肥牛非常入味！為求飲食能夠平衡，每碗米線都會加上少量生菜，極其細心。最後老闆娘會在米線上加上小小肉碎，令整碗米線更添口感。配上老闆自家沖製的菊花茶，既解渴又解辣，為這餐畫上完美的句號。

我本身唔係好食得辣,但又覺得米線要食辣先好味喎! 所以叫咗個超小辣腩肉小窩米線.首先配料好足芽菜,韮菜,酸菜,炸醬肉碎,由於配料有酸菜所以湯底會有D似酸辣. 米線份量好多,煮得剛好,仍然爽口,加埋湯底更覺開胃! 而且惠顧滿$21送自製豆漿 或 蜂蜜菊花露.

以前中學經常吃雲貴川米線，這次有機會來到堂食，當然要回味一下。24蚊普通酸辣小辣米線，加了4蚊豬肚，學生有免費豆漿。雲貴川的米線一向較油，不過與清甜的豆漿中和了，感覺不會太膩。這次的酸辣米線酸味不太夠，但辣味就很足，整體吃起來似吃麻辣米線多一點。 米線感覺有點兒泡過頭了，沒什麼口感，但吃起來還能接受。豬肚跟配料炸醬真的一流，很有香味。特別喜歡他的服務，嫂嫂對我總是很親切有禮貌，有機會也回再回去吃!

今日年初六開工大吉，新年係屋企成日食米線，搞到返工都想食米線，所以去西九龍中心foodcourt食雲貴川米線。我叫左清湯豬扒米線，有杯免費蜂蜜，都係$21only!!米線本身有炸醬肉碎，獨特的味道，同湯底好夾!而且米線夠大份又夠彈牙，下面仲有大大塊生菜，夠哂健康~

上FOOD COURT搵野食 見好多人都食米線就去食呢間 先叫野食 比錢 再等拎 見佢系即刻煮既~我系酸辣湯底+豬潤 ，另外送菊花蜜，佢呢個湯底同出面個D唔同 唔系太辣 但幾酸 好開胃~出面多數個湯底都唔會有酸味 系得酸菜酸，豬潤好軟，好粉 煮得岩岩好唔會煮到硬哂過熟， 反而米線就煮得唔夠淋，系爽口個種。菊花蜜不值一提 無乜味 不過FREE的又可以點要咩水準！

補回之食土步西九龍內， 要搵野食醫肚其實選擇不多，若要數出色的，一定是近期大熱xx拉麵工房， 今天我和老婆的目標是平，平同平，所以食街絕對是首選。由於上次在這店附近聽到有熟客指定要光顧他，我們心想，在這地方竟有捧場客，加上我們都喜歡吃川菜，就搵日試下吧；我們就選上這天。看過網友的介紹，點了「秘製豬扒飯」及「麻辣肥牛米線」首先講 「秘製豬扒飯」，雖然好多網友都推薦,但我食落又真係覺得冇咩特別, 汁也不是很多,只可說OK.跟住到「麻辣肥牛米線」，這個反而令我覺得唔錯,辣味十足,帶點麻香,牛肉算是不過不失,有一樣不可不提的,就是食完這2樣食物,我們不覺得有十分口喝的感覺,這與他們店標示無味精的字句應驗了。總結來說,平均$30 一個人,食到這樣的水準,性價比來說,是合格有餘的,若不是秘製豬扒飯扣了今次的分數,我會比笑臉,值得下次再光顧。

從地面乘撘扶手電梯，兜兜轉轉經過跳層，方能抵達8樓的美食廣場，這就是西九龍中心的設計特色，不常來的人或許有如我第一次到訪有著不耐煩的感覺，幸好沿途有不少 "同路人" 陪伴。可是當第二趟到來便完全識認了，人確是善變的！不過對西九龍中心的印象仍舊是停留在剛開幕時那轟動的過山車階段，相信只有義工日的覓食機會，才讓我踏進差不多被遣忘的舊地方。本來今次的目標是60號檔位的雲一，可是60號已變作一日本拉麵，令我沿著食檔盲摸了兩遍。全場就只有雲貴川一家雲南米線存在，攪不清何故，心想一嘗雲貴川也無妨。走到20號雲貴川的食檔前，把餸料及湯底選好，付款後便直接站在原處等，地方狹窄，只要不防礙其他顧客購買便可。看到廚師大哥馬上煮沸開水，跟著放醬料和有序地放下其他食材等，不到5分鐘，一碗湯米線便出來了。原來雲貴川的米線是逐碗現叫即煮的，沒有預先調較湯底，味道全由廚師即場掌控，生的食材隨滾湯馬上灼熟，精華全留在湯底裡，真的原汁原味。先試小辣的酸辣湯米線，配料選了蘿蔔、炸醬、鴨紅及豬潤的套餐，配上菊花菜一杯。蘿蔔炆煮得不太軟腍，清甜而不覺寡口。炸醬有著恰好的醬香，8分瘦中帶2分肥，味道不錯。鴨紅較豬紅具口感，一咬