雲貴風正宗雲南米線 (已結業)

谷友介紹過呢間米線好食，黎試下又真係好食喎，諗住再幫襯點知已經無機會，做埋聖誕就結業啦，慘平日下午茶黎都超多人，要去到三點半後先靜返啲，等左好一陣先有枱，入坐後快快落單等食啦。店內筷子全部色彩繽紛，呢個好吸睛叫左白菜餃子+芫荽麻辣米線，但個芫荽漏左，變成另上飲品係叫杏仁茶嘅，但黎左杯檸茶？點睇都似係檸茶，問下店員佢話無錯枱號，咁是但照飲啦，返正無乜所謂，點知飲落係蜜桃茶加檸底黎，意外地好飲喎。白菜餃子麻辣米線，谷友講到好多餸，但點睇都係得兩隻餃子，不過隻餃子幾好食，仲係我鍾意個種勁厚皮多菜少肉款，厚皮餃子真係好好味㗎，點解無人認同？麻辣湯底不麻帶酸味，少少辣又有鮮味，雖然唔係我預期嘅口味，但呢個酸酸的少麻少辣又幾正，唔覺唔覺又飲左大半碗湯。米線吸飽湯汁發到好大碗，食極都有無限增生咁樣。餐牌，除左米線仲有不少小食選擇。飲品勁多野揀，下午茶平幾蚊。今餐叫嘅野好似全部都黎錯咁，但意外驚喜就係咁黎啦，錯有錯著幾好味，哈哈

碗麵等左20分鐘，因為第一次食，遇到漏單真係無奈，😅首先湯底無乜味，我真係食極都無乜味，可能個湯加水太多，味道轉淡！但有一種好濃既中藥香氣，不過無味.....湯夠麻夠辣，夠熱！但就係無味，加埋油得滯.....食完個胃有少少唔舒服。嗌左豬腩肉... 太厚、肉質唔夠淋。嗌左3個餸麻麻地，木耳、金菰、豬腩肉，冇乜特別...米線彈牙，有驚喜，可惜湯底真係唔得，食到一半，開始啲油浮緊上嚟😀唔會再嚟食，食一次夠，坐櫈唔舒服，啲位迫迫地🙂杯凍咖啡都還可以既...😌

行左成個鐘大馬路 由下白泥行到流浮山 大家都攰了 大家系流浮山反元朗既巴士系咁覓食 揀左好多間 但因爲好攰了 所以最後揀左系list 入面個啲都無去🤭 最後比呢間米線既相吸引左 賣相感覺好正 好濃味咁 我叫左 腩肉翼尖小鍋米線小小辣爆多雞翼尖 同腩肉 cp值高 好似食極吾完咁😂 滷水翼尖好入味 湯底吾似酸辣🧐 但吾覺意shhhh面個時啲辣都會衝擊到喉嚨🤭滷水豬手好入味 同埋骨肉好易分離👍🏻 不過有一點吾好 就系佢有啲好多毛 🥴 但好多餐廳都系咁 可能都避免吾到炸墨魚餅同我想像中吾同 佢個texture好似炸薯餅 但入面個餡變左墨魚漿🤨 雞翼味道普通 菜我就無試 所以味道未知😂

2021年10月17日 晴夜晚落返元朗市區唔想排隊等位就揾左間唔洗等位ge 米線舖。魚腐白菜餃子勁辣小鍋米線 $46懷疑佢俾左小辣我, 因為同朋友小辣都仲深色過我...而且佢唔算辣。小鍋米線味道幾好, 有新鮮豬肉碎, 唔太酸, 都幾香。魚腐有4 片, 普通, 中意譚仔個隻多d 。個餃子就麻麻地, 皮比較厚, 有粉味, 得兩隻。鹵水豬手 $28, 豬手幾淋, 都入味, 而且有6 舊, 都幾好食香炸墨魚餅 $22, 好香脆, 但質怠偏軟同淋, 唔夠彈牙同扎實。而且入口有d 油, 有待改善。炸雞翼 $24, 普通, 幾脆, 唔會炸到好老, 但調味不足。

衛生方面，分數很低的米線，期待你的改善：1️⃣有客人用紙巾，拎咗兩筷子放枱面；走咗後，店員諗都唔諗直接放返入個桶入 2️⃣由於有客人轉咗枱，店員先放米線喺我張枱（超過兩分鐘），再拎返去正確客人嘅枱；「正確客人」表示「你俾咗人哋㗎啦喎」，店員回應：「無食過啦！人哋口罩都未除！」；我哋的確無食過，但客人有concern，佢應該聽下3️⃣（其次）坐位嘅隔板好隨意，同埋啲板好細，好似無放咁。米線有辣有唔辣；整體分量偏細。📍 雲貴風正宗雲南米線 (元朗)元朗教育路134號文丞樓地下。回味指數：💛🖤🖤🖤🖤因為衛生普通，份量細，同樣都係良心店嘅米線，我哋仲有得揀；所以短期內，唔會再幫襯。【後記】➡️知道良心店唔易做，但餐廳嘅衛生真係好重要，期待你的改善。

🍜雲貴風在元朗⋄ 小鍋米線小辣 $38✍︎ 聽說有不少人都很喜歡這家米線🤔。米線的口感的確比較特別，有點煙韌，不是一般彈牙的感覺。但小鍋湯底味道比較單一呀，略嫌平淡，還是喜歡重口味一點的(•ө•)這鋪面前前前身是我中學時期最喜歡的米線店100道，超級懷念(´;ω;`)✍︎ 3

先嚟讚咗先每樣餸都俾好多、唔會孤寒💛所以都算幾抵食另外我叫小窩米個湯底都幾OK喎！鹹淡度剛剛好而且佢俾好多酸菜酸酸地幾開胃而豬大腸就好厚身多肉，又冇怪味👍腩肉都係有調味嗰款唔係白烚平平地想質飽個肚嚟講都唔錯不過有啲地方要彈下我叫咗冬菇但一啲都唔新鮮食落有啲怪味🥲而且佢一粒冬菇仲要剪開1/4咁俾你我寧願佢原粒上依家有啲似斬細件扮多咁雞翼佢係生炸嘅雖然味道冇咩問題但就食得出佢係炸完之後再翻炸對比起啲即炸嘅當然就冇咁juicy但都OK嘅

今晚落雨，差唔多9點才來吃晚餐，非繁忙時間沒有太多人，很舒服的吃，點了一碗清湯及一碗小辣小煱米線，今次沒有點水餃，因為上次食覺得D皮淋哂，一夾就力散。價廉物美值得食完再食。

雲貴風絕對係元朗一間最被underestimated嘅米線，係我喺元朗食過最好食嘅。聽聞呢間係屯門出名排隊米線既分店，但元朗呢間舖面就大好多，仲要唔駛排隊tim~雖然佢嘅湯底選擇唔算多，只有清湯、酸辣、麻辣，但佢嘅湯底非常惹味，而且配料好多。我最鍾意就係佢既酸辣湯底，湯底本身包有豬肉碎，酸菜，芽菜，韭菜。而我食咁多次，店員都會好好reconfirm 係咪酸菜，芽菜，韭菜都要tim~配料選擇都幾多，豬腸少肥但惹味，但滷水雞腎就比較硬，個人唔建議。雲耳係爽口嗰種，我通常都會嗌多個菜，而娃娃菜就好掛湯又夠淋。最好食嘅都係佢個米線，係屬於粗身既米線又夠彈牙，係我只會係呢度食到既米線，而且好掛湯，非常好食。總括黎講，佢既米線同湯或都好正，只係佢既配料比較普通。餐廳亦有其他小食、餃子既選擇，但黎得呢度，大家都係食米線架啦~ 

屯門雲貴風好出名，長期都多人排隊，但舖面都幾狹窄，坐落唔太舒服。而位於元朗呢間分店就大間啲，坐得會舒服啲。🍜辣腩肉、娃娃菜小酸辣薯粉 $46★★★★☆雖然叫左小酸辣，食落都幾酸，但我重口味就覺得OK，辣就真係唔太覺辣，食得辣可以叫中辣。個麵有巨量新鮮肉碎同埋酸菜，食落好多料咁。薯粉係幼身扭姣個隻，質地OK，唔會太淋一夾就斷。辣腩肉份量多，唔太辣味道夠。娃娃菜正常，索埋D湯汁食就幾好味。腩肉、雞腎、蘿白清湯米線加底 $53★★★★☆雖然係叫清湯，但食落都好夠味，加埋酸菜都唔錯。蘿白OK，淋但冇渣。腩肉份量好多又大件，夠味夠淋唔太鞋身，雞腎正常，有咬口。米線唔會太淋，今次食都幾煙韌。🌟總括：話超級好味就仲未到，但米線店黎講都中上水準，屬於重口味嘅米線店。同埋佢嘅炸野都出名，之前食過都唔錯。因為住喺附近，間唔時去食下都唔錯。

晚餐點了一碗「小窩酸辣米線」，配菜點了: 麻辣豬肚、蘿蔔、白菜餃。另外也點了一碗「清湯米線」，配菜點了：墨魚丸、魚皮餃。其實每一碗配料的份量也非常之多，味道也非常獨特。唯一挑剔，算係啲白菜餃，皮太淋。

📍 雲貴風🚶🏻‍♂️ 元朗教育路134號文丞樓地下🔎 #foodsnap_元朗👅 豬腸豬脷米線 小麻辣 走青($39) - 8/10🌟呢個配搭真係由中學食到依家啦🤩🤩 最癲一個星期可以食3次🤣🤣 記得以前學生仲送嘢飲 兩餸米線埋單都係$33咋 雖然依家貴咗啲 但相比同類舖頭價錢都好正路 最緊要係好食啊嘛！我個人好鍾意雲貴風嘅米線 比譚仔嗰啲粗啲 好彈牙但同時好索湯 啲餸都比得好多 我最鍾意食佢哋嘅豬脷 煮得好煙韌入味🤤🤤 湯底你睇都知好濃烈🤣 辣得啱啱好🤙🏻 食足咁多年都唔會厭啊😝 必食指數👅💦💦：9/10 (間唔中就會想食下嘅味道🤪)#黃店 💛#hkfoodie #香港美食 #香港打卡 #天水圍美食 #川菜 #黃店 #天水圍黃店 #中環美食 #中環 #壽司 #sushi #香港打卡 #港女下午茶 #元朗美食 #美食 #日式料理 #日式定食 #荃灣美食 #元朗cafe #荃灣cafe #cafehunting #西環美食 #墨西哥菜 #日本菜 #漢堡包

2021年06月28日食個下午茶😀我叫豬肚絲酸辣米線，男友仔唔多食得辣就叫撈薯粉。餸嘅份量幾足👍🏻，米線湯底正常發揮，夠味;但男友仔對撈薯唔多滿意，話一般般。下午茶時間，都好多位，可直入唔洗等👍🏻我唔係元朗人，出面食咁多米線質素都同呢間差不多，呢間無話特別好味或者差，算唔錯，間中係附近，口痕想食米線，可能都會再揀佢，但唔需要特登入嚟呢度食佢試佢，男朋友去元朗人，話呢間係呢度都算出名，可以話係元朗恩物，估佢唔到😹

我真係好鍾意食米線❤️‍🔥雲貴風係其中一間最鍾意嘅米線☺️最鍾意嗌嘅餸係：辣腩肉🐷麻辣豬脷👅另外，麻辣雞肉🐔都好食㗎😋不過炸物今次食就好一般🥲btw元朗店好坐好多㗎🤣

食物有時候，除左好味之外，其中一個好重要ge原素就係，爽！要點樣先為之爽呢？大碗！多料！濃味！刺激！呢個就係我ge定義！每逢心情唔好，又或者好攰，食完呢碗米線必定回魂。豬腸豬耳大辣小鍋米線味道夠酸夠辣夠濃味！又夠大碗！豬大腸好入味，洗得好乾淨，又燜到好淋身，超欣賞！豬耳夠爽夠入味，咬落口架架聲，超正！另外加多左一盤豬大腸同滷水豬手。豬大腸唔使講，一樣水準。滷水豬手大大件有成六七件，又淋又入味！而且亦無咩毛，算好乾淨！