雲長小龍坎老火鍋 (已結業)

👧🏻🥚兩個去打邊爐，揀咗一間又好坐又舒服既雲長小龍坎，裏面係主打重慶麻辣鍋。湯底揀咗我地【Spicy and Tomato Soup紅油蕃茄鍋$138】兩個湯底都紅卜卜🛑，一邊係正宗既重慶紅油麻辣鍋🔥叫咗小辣啱啱好👍🏻另一邊係用新鮮蕃茄🍅熬煮既蕃茄鍋，鮮味十足，兩邊既鍋底都好味等緊既期間仲叫咗一碟小食，【椒鹽炸粟米🌽$68】哩個係👧🏻好鐘意既其中一樣小食，香港唔多地方有，好簡單一碟炸咗既粟米配埋椒鹽，簡單簡單，已經令人食唔停口👅而家餐廳做緊優惠，只要打卡同讚好就可以優惠價【🦐🐚海鮮拼盤$99每位】裏面有蝦、有鮑魚、有蜆仲有蚌👀每一樣海鮮都好新鮮👧🏻係名符其實既食肉獸，打邊爐緊係要叫番盤靚牛啦【極品手切肥牛🥩$228(小)】睇相都見到肥牛既脂肪分布得好平均，唔係一般街邊貨式，餐廳亦都好細心睇每一項餸菜下面都會寫明要煮幾多分鐘，方便一啲客人唔識得因應時間，而將食物煮得太熟或者太生。【殼飼黑豚肉🐖$108】砌咗3隻好靚既🌹花，睇得又食得，豚肉好淋，而且唔會有豬騷味【白豬仔🐖午餐肉$48】打邊爐必備👅餐廳仲好細心咁樣砌咗個心形♥️【小龍黃喉$98】黃喉唔係間間餐廳都有，主要係食佢爽脆既口感【成都

「🐱🐶中國特色火鍋店🏮🍲-雲長小龍坎」.不嬲我哋都中意約埋三五🐱🐶得閒去烚吓烚吓🍲。今晚我哋就約咗好朋友🐒阿笨去📍尖沙咀金巴利道28號「雲長小龍坎」嚟嗰🎵開心時刻小龍坎😋.本身我哋想試佢哋最出名嘅「🌶️紅油麻辣湯底」，不過🐒阿笨話驚太辣食唔到，於是我哋就揀咗嗰唔辣嘅🥗🍅田園番茄藥膳湯底，清清哋唔淆底🤤🤤.❄️雪花牛立方- 雪花分佈平均，牛味重、肉汁超多，不過記得要碌大概3分鐘先可以食～🌹手卷牛舌花-成朵玫瑰花由每片牛舌組成，層層相扣、賣相甚有心思👍🏻🐑內夢蒙羊肉片-羊肉並無腥羶味，輕輕喺藥膳湯底下浸泡20秒後擺入口，藥材味感豐富，羊肉嫩滑🤤.再配合埋其他港式火鍋必備配料🍲🌽🍡🥬，食飽飽捧著肚皮大滿足🤰🈵️.店主話，👍🏻Like埋Facebook即免費送一份豆沙窩餅，飲埋個飯後甜品「熱情果沙冰」，⛄️🔥冰火甜味暖入心❤️.總結評分：7.5/10番啅指數：⭐️⭐️⭐️

今次再同食得辣既朋友黎到呢間位於酒店內的過江龍麻辣火鍋店。我們大概下午5點來到，初時都不太多人，但大概7點餐廳已經座無虛席。幾個人點了很多不同款式的火鍋配料試下。紅油麻辣蕃茄鴛鴦鍋($138)，這裡的湯底唔算好貴，蕃茄湯夠酸，麻辣點了小辣，味道都很夠麻夠辣!極品手切肥牛($328)，牛肉油脂分配平均，牛肉味濃，肉質鬆軟。手捲牛舌花($78)，牛舌切得厚薄適中，牛肉味濃，牛舌捲到好似花朵咁，很精緻。黑松露墨魚丸($108)，好香黑松露味，墨魚丸爽口彈牙，好有口感!鴨血($58)，近排去食其他麻辣火鍋時都點唔到鴨血食，黎到呢間終於可以食到!鴨血放於麻辣鍋再食特別惹味，而這裡的鴨血亦好滑口!花雕雞件($98)，雞的份量都算幾多，雞件唔會切得好細件。雞肉嫩滑，有淡淡的花雕味!功夫土豆片($58)，自從有一次同事介紹我食麻辣火鍋要食土豆片之後，次次食都會點。這裡的土豆片切得很薄，而且還整到好似花球咁，睇得又食得，土豆片吸了麻辣湯的味道非常惹味!只要like他們facebook專頁便可免費得到消暑沙冰，沙冰是熱情果味，臨走前飲返杯不但可以解辣，仲可以舒緩熱辣辣的感覺。一定會再同朋友黎十下十下!

有屋企人外地嚟玩，話想試吓香港嘅打邊爐，於是帶咗佢哋嚟lee間都幾岀名嘅舖頭食飯。湯底嗌咗一邊麻辣一邊蕃茄湯。唔辣嗰邊勁香蕃茄味，咩都未落飲啖湯都好好味。四個人食，嗌到一枱都係。有幾樣特別值得推介:花甲王，太極雙滑，即炸紫菜響鈴。花甲王好大隻，夠新鮮，仲要全部都開到，唔會死咗食唔到。太極雙滑，即係蝦滑同墨魚滑，兩隻都新鮮，蝦滑爽口，墨魚滑夠彈牙，仲要好大盤，差啲食唔曬。即炸紫菜響鈴，真係即刻炸，上到枱仲係熱辣辣，就咁點甜酸醬已經好好食，沾湯食又另一種風味，因為咬落入面仲有紫菜，令響鈴脆得嚟多咗紫菜味。屋企人對今餐讚不絕口，話下次自己同朋友嚟食

深圳火紅的火鍋店開到來港 終於有時間食原來是明星陳柏宇引入香港🤣🤣 連尖沙咀也開了分店 所以來探店一下我們在未開門就到 幸好店員給我們進去坐可以在入面坐著等真好 可以周圍拍拍照也不錯環境挻中國風格 有點像電視劇看到的場景呢這裡是散叫的 所以我們就叫自己想食的因為不想浪費食物 食光了才再點就好了🤔·麻辣清湯鴛鴦鍋湯底 HKD$138·穀飼黑豚肉 HKD$108·跳舞田雞 HKD$68 ·即炸魚皮 HKD$48 ·唐生菜 HKD$38 ·玫瑰豬頸肉 HKD$58 ·鮮冬菇 HKD$38 味道不過不失 因為湯底才是食物的靈魂所在呢味道取決在湯底 麻辣湯底那邊起初食沒太大感覺之後我們愈食愈麻辣 挻刺激的感覺🤭另一邊就是芫茜皮蛋清湯 但我們不想食芫茜一來到拍完照片就被夾走🙄 湯底挻清香的皮蛋有潤肺養陰的功效 食完麻辣再用清湯食菜應該是不錯了吧 會沒有這樣燥🤣🤣

因為店好近公司，每次經過見拉客阿姐好落力，都想揾日試下，今日下午好大雨，去試左，有張紙仔比你填，有四款湯底可選，四款肉可選，另外有D小白菜，肉丸，水餃，烏冬等，食晒剛剛夠飽，包左一罐飲品，包左醬料的，但原來吾包麻油，不過都系十元姐，可以接受，因為無左E罐油真系差好遠，肉類系有D少，預計同大家樂差吾多，不過湯底好味好多，夜晚食價錢有D貴，大家可以下午去試下先。

原本以為係酒店入邊嘅餐廳會比較好服務啲，所以今日特登屋企人生日去咗小龍打邊爐。估唔到佢哋啲職員都幾西下， 可以話係服務差，語氣都唔多好，仲成日吹你還枱。價錢又唔係平，四個人食好少少兩千蚊走唔甩，最mainpoint 嘅係唔覺得好食， 首先個湯底叫咗麻辣， 紅油嘅比例唔啱，湯底冇用咗好多調料，蕃茄湯底都唔夠濃郁，本身個湯底已經輸蝕咗。嘢食方面食材好多都偏貴，一份牛肉都要$358，大概每人食到兩塊左右，唔值咁嘅價錢。好食嘅大概係土豆片不過都要$58。 總括來講一開始嘅服務我已經對呢間野冇咩好感，加上佢哋嘅湯底唔好，食材又貴，唔會再去。

一間好特別既火鍋餐廳,佢既位置仲要係酒店樓上,地方又大,裝修又靚,用既枱用木做,碗個D就用膠,因為木容易有細菌,非常細心,至於材料方面都好多選擇,有辣有唔辣,黎得呢到當然要辣到飛起啦.材料方面我選擇左鮮蝦雲吞,栗米,炸魚皮,鳳城水餃皇,韭菜餃,最最最特別有呢個山藥片,姐係平時煲湯個隻,因為本身冇味,所以煮落去辣湯到,特別好味,鮮蝦雲吞D蝦大大粒,鳳城水餃皇,韭菜餃皮夠薄,餡料好多,栗米超甜,又大舊又多,呢個性價比最高.最後叫左杯養生圓肉杞子菊花茶,又冰涼又清甜,甜度岩岩好,補血,養顏,超級健康既飲品.

尖沙咀一間好有特色既麻辣火鍋，如果你好鐘意食辣？呢到岩曬你，入門口第一下已經嗅到超勁既辣味，店員見到我地即刻帶位，好好服務。其實佢地方都真係好大，每張枱都比較寬，成個裝修好有特色，好有古代感覺，最重要服務真係非常好，店員會拎幾個圍裙，方便我地唔會彈到，最岩我呢D咁唔小心既人。枱上每個人都會有一樽油，你特製既，特別香，其他調味料就要出去拎，都有幾款選擇，得意在有蠔油，呢個真係比較小見，未點餐之前會送上一碟鳳爪，呢碟鳳爪真係好正，又香又夠味，小小辣，非常開胃，跟住就開始點單，只有一張紙，款式唔算多，但都好岩食。咁岩今日大家都唔係好舒服，所以選擇左唔辣既田園蕃茄藥善湯，一邊蕃茄一邊藥善，任你選擇，跟住在叫左幾樣材料，生菜，豬腦，白鱔，粉腸，薯粉等等，白鱔非常爽脆，令到魚既味好出，豬腦清洗得好乾淨，生菜都係貴價個種，特別爽甜，薯粉睇落份量唔多，但其實越煮越粗，配返個藥善，真係唔覺唔覺食左3-4碗，好好味。最後每人會送一杯沙冰，用呢隻非常有特色，好似宮廷入面個D酒杯咁，初初飲最底個時會比較甜，但等沙冰溶左之後就岩岩好，清涼舒服。下次一定要黎食辣個種，睇下係咪真係咁正！！

而家喺香港食打邊爐越嚟越貴 ， 郁郁下都兩三百蚊真係食火鍋放題好過。見到呢間好似都幾多好評，所以就黎試吓， 揀咗星期三嘅夜晚去食，估唔到七點幾都冇咩人食，可能真係價錢太貴啦。呢度嘅價錢都真係唔太平，，想食好少少食多份牛都一定超過$500，仲要茶位都要$25.1個好貴。同埋一去到都幾多款材料冇貨，畫走左叫咗個黑松露餃，都要成$108，反而我覺得佢哋嘅黑松露味唔太香比較普通。另外都叫咗個桶蠔$188，呢個就真係貴啦，通常出邊都係$108就有，本身以為佢哋嘅質素會好啲，但係只不過係普通嘅桶蠔。另外叫咗個手切肥牛， 都要成$328，都真係幾貴。兩個人食咗差唔多$1000都唔太飽，特登叫咗啲烏冬頂下肚。價錢偏貴仲要唔係好多嘢食如果兩個人來簡直食唔到啲乜嘢

呢間應該係由大陸落嚟嘅分店？大陸啲麻辣打邊爐一向都好出色，呢間都唔例外，講真果句係好好食嘅，我哋10幾個人食咗五六千蚊，眼闊肚窄，好多都係叫咗又食唔晒！然後啲嘢食一嚟就即刻落水，所以冇影相，實在太肚餓！中國味道的牛脷，包裝到一對玫瑰咁樣，鮮肉粉紅色，又靚又好食！日本富士山中國肥牛，唔知啲係咩產地我估係中國掛？但肉質鮮嫩好好食鴛鴦湯底真係無得輸，喜歡辣嘅朋友可以繼續食啦，個湯底卡路里真係好強勁，好多肥油辣油，不過真係好好味！健康就一啲都唔健康！另外一邊可以叫唔辣的湯底，有好多種不同口味，我哋呢個啊就叫了酸菜，超級開胃🤭🤭🤭打邊爐必飲的竹蔗茅根，絕對百分百夠料，每一樽入面都有材料喺度！而且個樽都非常特色， 有自己店舖嘅名稱，後面還有是日金句！可能係我飲過最好飲最有心思嘅竹蓆茅根💕😍

大型連鎖式餐廳雲長小龍坎，深圳有好多間，香港係尖沙咀同銅鑼灣都有分店，味道偏辣而且辣味停係口都耐，鐘意食辣嘅岩晒，最近試咗尖沙咀分店食物❤️❤️❤️味碟醬料茶位費$25人湯底：紅油藥膳鍋$138❤️❤️內蒙羊肉片$108❤️❤️❤️自制韭菜餃$38❤️❤️❤️龍哥牛肉卷$48❤️❤️龍坎花千骨$52❤️❤️❤️炸魚片$48❤️❤️❤️❤️❤️紅薯粉 $38❤️❤️❤️沙冰(Free) ❤️❤️❤️❤️❤️滋巴(Like fb free)❤️❤️❤️❤️ 份量❤️❤️❤️啱啱夠飽，但份量唔算多環境❤️❤️❤️❤️個裝修都幾靚又有特色，全部卡位，好座，抽風好，好👌🏼 服務❤️❤️❤️❤️尖沙咀分店係酒店入面，同事都幾好禮貌。價格❤️❤️尖沙咀地段，加上酒店嚟講唔算貴，經過嚟開尖沙咀試吓可以，最出色嘅係環境，上面加晒每人$300，但要食得暢快嘅我諗每人$500-$700左右就差唔多。

港式/日式火鍋經常食，但川式第一次試。.食物-紅油藥膳鍋（$138）🔺鴛鴦鍋，紅油鍋越滾越濃越入味，好像變了掛湯，湯汁掛滿了食物；藥膳鍋藥味濃郁，但可更強。-極品手切肥牛（大）（$328）🔺油脂分佈平均，肉嫩多汁，配上紅油鍋一絕，而且不要全熟，保留更多牛味。-太極雙滑（$118）🔺黑松露墨魚滑加蟹子蝦滑，非常彈牙，黑松露份量適中，與墨魚滑混和不會搶味，非常好吃。-美國桶蠔（$188）🔺大隻而且新鮮，煮耐左亦吾會大縮水，蠔肉實淨，非常鮮味並帶有海水味。-白豬仔午餐肉（$48）🔺午餐肉是我火鍋的必點，本身已經軟軟的午餐肉落鍋後除了更軟身，而且濃濃的湯汁在午餐肉（午餐肉是混肉，所以肉內會有很多微小空間）的肉身中掛起來。-即炸紫菜響鈴（$58）🔺非常香脆，加上特調辣汁更惹味。-韭菜餃（$68）🔺全韭菜素餃，韭菜足而且味美，難得沒有肉也這麼美味。-松葉蟹棒🔺一貫質素，不要放太久因會散開-紅糖滋巴🔺第一次吃，幾好吃加上紅糖香甜加香脆。

雲長小龍坎老火鍋 (尖沙咀).🌶️成都正宗麻辣火鍋，鴛鴦湯底配埋個藥膳鍋，正呀！食材好新鮮，據聞係靚仔陳柏宇引入架！大陸有200間分店，裝修都非常古色古香.🥘麻辣&藥膳湯底小編只係叫咗小辣，越煮就越辣，食唔到辣嘅都可以試吓呢個野味煲！ 藥膳湯底就咁飲都好飲，配埋食材唔會太有藥感，好清甜養生。.火鍋配料食材夠新鮮，🐃碟雪花肥牛好重牛味，入口即溶，略嫌小左d。.🦐黑松露蝦滑墨魚滑好彈牙，好鮮仲有個美國筒蠔，大隻新鮮🤤佢嘅午餐肉好似用咗韓國午餐肉，好香喔！.好食指數：😍😍😍😍😍😍😍😍😍8.33/10 .地址：尖沙咀金巴利道28號君怡酒店1樓.人均消費：$220

朋友約食飯下第一次係香港食麻辣火鍋🌶店舖位於君怡酒店1樓環境都好寬敞同裝修都好有心思👯‍♀️.麻辣藥膳鍋🍲紅油既量唔會好多 而且湯底係香辣既 好似岩漿咁愈來愈濃郁 愈來愈辣🔥小編覺得小辣已經剛剛好 幾岩香港人口味💁🏻‍♀️鴛鴦既藥膳湯底 中藥味幾足 用黎烚菜一流😌🥬🥦岩哂想淺嚐辣鍋既朋友仔👫.火鍋既配料當然係重點🔸極品手切肥牛入口即溶 好有牛肉味🐮🐮🐮.🔸美國桶蠔 勁大隻同多肉 食落仲好滑漏鮮甜😋.🔸其他白豬仔午餐肉 自家製韮菜餃 太極雙滑質素都好高🤤.醬油方面 仲有一罐仔既麻油做油碟 可以幫助食物降温同減辣係正宗既做法👍🏻.總括黎講 火鍋既素材不錯🙃不過價錢相對內地係會貴啲💰但同朋友家人聚會 都係唔錯既選擇🙌🏻另外 依家用餐like Facebook仲有一客紅糖糍粑送🤤每人仲會有一杯熱情果沙冰減膩解辣🍧.人均消費：$240推介指數：👅👅👅👅👅👅👅👅😋（8.5/10）Encore 指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）