雷公子海鮮串燒大排檔 (已結業)

早前專程與朋友去九龍城為的為是吃泰國菜但沿途經過一間食店被門口的海鮮吸引住 最後, 大家決定改變主意到吃間小店吃海鮮雷公子主打海鮮串燒店主經營新鮮海產批發公司每天把海鮮從外國入口並將各類海鮮變為招牌菜式當中以避風塘金沙炒蟹、椒鹽瀨尿蝦等最弛名 雖然用上大排檔的名字店內給人的感覺卻非常整齊坐下後待應即時送上一碗免費老火湯給大家而這天的例湯就是冬瓜湯冬瓜湯味道清新, 消暑得來又能清熱而且這個湯應該沒有添加任何味精感覺非常健康~ 籠仔荷葉花彫蒸刀貝 賣相相當不錯刀貝以籠仔裝著的送上上面放上荷葉及刀貝 入口時蜆肉內帶有荷葉清香及酒香而且刀貝蜆味道鮮甜, 貝肉雖然不算厚身但勝在貝肉柔軟中帶了爽口彈性, 非常鮮味 海鹽手插蝦驚喜真的一浪接一浪海鹽手插蝦送上來時大家都在研究該怎樣享用是否要待職員點火, 把手插蝦燒一會才可以吃~ 不過大家都估錯了, 直接把錫紙撕開就可以吃到被竹韱直插著的鮮蝦了手插蝦經油泡及椒鹽調味後變得極級惹味, 每一口都帶有濃郁的椒香而且蝦肉非常新鮮, 口感爽彈, 令人回味無窮 銀山火焰桶蠔以鍚紙包著美國桶蠔再於錫紙旁灑上玫瑰露酒燃點後便出現了銀山火焰效果 說實, 每一隻美國桶

今日又到九龍城, 見到有海鮮串燒, 便試一下: 簡直名如其實, 著晒火.炒蜆又辣又鮮, 風味十足, 夠晒入味.冰梅骨, 甜甜酸酸, 勁重口味.名符其實, 著晒火, 重勁大火, 有得食又有得睇.插插插, 鹽香加上新鮮海蝦, 食完會不自覺地啜手指.有形加上創意, 令到便宜的家常菜都做得很高貴.今日食上一餐有形又有味道的海鮮餐, 視覺同味覺都同樣享受, 不過最好飲番杯涼茶先好呀.

住咗係屯門放假都懶出外，亦好耐冇出城探亞爸亞媽，咁今個禮拜就做下考順仔出去探下佢地同帶佢地食下好野先！佢地想食海鮮，又唔想食一般酒樓食啲千遍一律嘅菜式，但老人家又唔多like西餐同日本菜！真係比佢地考起下，上網揾搵揾⋯⋯比我揾到嘞.......九龍城雷公子海鮮串燒大排檔是也！雷公子座落在城南道⋯⋯正是泰國街。大概七點鐘到達，因為有訂座，很快就安排到枱！話係大排檔，但係坐得都好舒服。一坐低，侍應就比碗免費例湯我哋飲：雪耳木瓜南北杏煲豬骨！話係例湯，但係好真材實料，清潤又無加味精。點菜嘞，侍應介紹咗幾款招牌菜燒BB鴿3隻 $68/只每人半隻，簡直外脆內軟！外面脆卜卜，入面肉質軟滑而且超多肉汁，估唔到BB鴿都有咁多肉。而且醃得非常惹名，堅難係其他地方食到！正！鹽焗東風螺 $88辣酒煮就食得多，呢個煮法就第一次食！果然特別，可以食到螺的鮮味！！惠州梅菜炒菜芯 $88以為係普通的小菜，但又出奇的惹味！梅菜唔鹹並且爆到脆卜卜，菜芯又炒得好有鑊氣。最重要係一啲都唔油，食到碟底都唔見有油！師傅真勁！蒜蓉燒元貝 $48/只扇貝好鮮味又啖啖肉, 呢度唔似一般嘅酒樓咁配粉絲，呢度用什菇墊底⋯⋯效果果然唔錯，

我中意食大排檔，一大班朋友，吹吹水，飲下啤酒咁，氣氛真係好好。不過今次有女仔一齊去佢地唔太喜歡真正大排檔既環境。唯有搵d乾淨既海鮮小炒地方啦！朋友介紹搵左間係九龍城，叫雷公子，話就係大排檔，不過餐廳環境好好，我會形容為一間高級大排檔餐廳。今次人唔多，得四條友，所以叫左幾個餸咋，當然要叫店員介紹下，先黎一個銀山火焰桶蠔（$288）出場時氣勢十足，d蠔好大隻，又鮮甜，個汁食落甜甜地，好香口呀。再叫左個蜜桃冰梅骨 （$98），平時食生炒骨多，今次呢個肉多d而且唔酸，好惹味。立體3D芥蘭($88)，芥蘭本身好甜，廚師將菜葉炒脆，再加理炒肉碎，一脆一鮮甜用黎送飯一流。蛋家佬炒蜆（$78），食落有少少辣香，d蜆無沙，咬落仲好有海鮮的甜。海鹽手插蝦（$198） ，d蝦食落好鮮甜，而且配左炸蒜好香口。整體黎講呢到既海鮮都好新鮮，又鮮甜，小菜又夠火侯。

上星期日日做到無停手，村長朋友相約晚飯, 說了很久, 還是找不到時間。這次已, 幾個鋪位都叫爆滿, 外面還有人等位。先來，一人一碗老火湯，無味精的雞腳湯，飲完唔口乾，清甜鮮味想再來多碗。再來一個籠仔荷葉花雕蒸刀貝 ,用荷葉配上蒸的方法煮製，花甲甚為鮮甜味美,配上荷葉清香, 花甲甜香, 蜆肉爽而有彈性。味道一流。火焰桶蠔仔：用上美國肥蠔，蠔大而肥,上菜仍不斷燃燒配上洋蔥和酒心醬汁，入口難忘， 一煲大約有8隻, 隻隻新鮮， 熟度剛剛好, 用來送酒必備。避風塘炒蟹：大排檔風味炒蟹，用上香港仔的扁仔蟹，蟹肉鮮甜，蟹榚又多又野味。泰式胡椒炒蝦，外殼炸到脆卜卜原隻連殼都食埋，脆卜卜的，好正。泰式胡椒入口甘香，慢慢漏入舌頭，勁野味3D芥蘭，有肉碎，芥蘭葉，芥蘭莖，配上蛋白炒飯和肉碎撈一起。送飯一流。

見做野做到攰, 收工就即興約班同事食餐好, 有人提議食海鮮,搵呀搵,見雷公子食評都唔錯,就試下呢間啦…6.45黎到, 人流唔多, 可能平日又早既關係啦, 一黎到著住制服既小二先每人送上一碗紅蘿蔔煲黃瓜湯,湯唔夠熱, 但味道都幾濃,只係偏油左少少第一味餸係蛋家佬炒蜆, 一入口有點辣, 不過好惹味, 味道有D似辣版XO醬,到最後仲食到隻小蝦米再黎蜜桃冰梅骨, 排骨炸得偏乾, 肉汁不能多, 配上酸汁係幾開胃既, 蜜桃似罐頭桃下一道菜就係海鹽手插蝦, 盤入面先用鹽圍位, 內裡一拆開錫紙就好有避風塘既味道, 蝦夠晒大隻,炸完後蝦肉仲好彈牙,蝦殼仲好脆添立體3D芥蘭, 全因為3D呢個名而點的, 但一上菜後都諗唔通點解要咁叫,講返野食先,芥蘭是炸的,但都炸到幾香脆, 而葉炒後好似紫菜, 配上肉碎, 都幾特別壓軸火焰桶蠔, 上菜時真係有火, 好有氣勢, 講返味道, 蠔夠晒大隻,好肥美,泡油後變得更加香口, 入面既洋葱都吸收晒蠔既香味總括今既海鮮餐都幾好, 試到海鮮除左蒸之外,仲有其他煮法都可以咁好食, 唯獨份量唔係好大份

九龍城呢個地方真係好特別，地方細細，搵食既地方多多，買野既地方又有，街市又好行，所以我呢個C9最近都好中意黎呢個地方。今次，約埋幾個C9去九龍城食大排檔海鮮。去到門口，見到有好多海鮮放左係門口，而且望落好光鮮，呢到真係大排檔？入到去，好乾淨，牆上有好多推介菜式既相片。侍應都好有禮貌，最有趣既係佢地著既制服上面寫住小二，哈哈。最後我地四個人，點左五個餸，有海鮮，有菜，有肉。蛋家佬炒蜆（$78），炒得好香，又惹味，最重要食落無沙，而且蜆肉都好肥美。少少辣，食完一隻又一隻。海鹽手插蝦（$198），八隻蝦用竹簽串好後，一隻隻插起，用錫紙包住，錫紙外仲有大量海鹽，打開錫紙，好香既海鹽味傳出黎，每隻蝦都好大，沾上左炸蒜，辣椒等，好香口既避風塘滋味，蝦，好新鮮殻好脆，肉好甜，而且仲好彈牙。銀山火焰桶蠔（$288），一上枱，就俾佢既火焰吸引住，錫紙入面包住既桶蠔，每隻都肥大肉厚。咬落鮮甜肥美，而且好香既酒味，食落仲甜甜地，真係想食完一隻再一隻。蜜桃冰梅骨（$98），賣相好精緻，冰梅骨炸得好甜，飲落甜甜地，不過無梅味，加上芝麻，更香口呀！立體3D芥蘭($88),見openrice好多人都有試過，而佢又講

又到星期五, craving for 燒海鮮. 無意中搵到依間小炒店.作為大排檔, 佢太新, 太企理. 不過都好, 可以食得安心D. 依到免開瓶費, 所以差不多每檯都有酒menu裡面唔係話好多款海鮮, 不過一般大路既都有, 瀨尿蝦, 海蝦, 龍蝦, 聖子, 蜆, 蟹... 每款海鮮都有幾種煮法. 依到既亮點係可以一隻一隻叫. 對於少人食飯既我地係非常好既安排. 唔洗另加煮功之餘, 又唔會最少5隻以上. 咁樣可以食多幾款.所以我同老闆兩個人最後都叫左6,7 樣野. 1)瀨尿蝦凍食 - 蝦肉係有花鵰酒味, 不過細隻左D2) 油鹽水花甲 - 胡椒粉太多, 食唔都太多蜆味. 不過都幾多蜆3) 清酒燒聖子 - 有酒味, 不過聖子超細仔. 同埋過熟, 肉質變得唔彈口4) 手插海蝦 - 有小小避風塘風味, 好野味5) 汁燒鮑魚 - 真係好細隻, 不過用汁燒完都仲食到鮮味, 正明係超新鮮6) 沙拉骨 - 唔好睇佢外表好似流流地. 不過佢好好味整餐唔算平, 不過真係可以食都好多款食物, 過過口癮都幾好呀~

是日晚上到九龍城搵食由於本人十分喜愛食龍蝦 以及openrice有一蚊coupon所以就一試呢間餐廳但係點知就中伏了入到餐廳感覺都幾乾淨睇左陣餐牌就叫左一個2人set 同少少野食當然唔少得1蚊隻燒扇貝叫完餐就上左花生同橋頭小食正常，預左收少少錢，中菜廳必備之後上左乳鴿，味道普通，皮唔太脆食到一半，就上左白灼蝦眼見一隻大碟入面只有6-7隻蝦，一人3隻?之後再上鮑魚，只有2隻咁大把.......仲要唔係大隻既鮑魚，只係d細細隻既鮑魚仔唔講仲以為d鮑魚好貴Ok, fine 可能係d海鮮貴啦最唔可以忍受既係碟龍蝦入面得2舊龍蝦肉，仲要炸到乾晒身，一d都唔好食加上2邊冇肉既龍蝦頭炸蒜就大把，唔講仲以為自己食緊避風塘炸蒜唯一安慰就係2隻1蚊扇貝叫做正正常常總括而言，食完好似冇食過野咁，食左陣風咁唔知係咪食set既關係，食物份量同質數都好差講真，500蚊唔係話好多，但係都唔係淨係食果3隻蝦仔+1隻鮑魚仔+2件難食龍蝦。真心講句，第一次食到咁難食既龍蝦！第一次食完飯好似冇食過野咁！Anyway No Next Time！

海鹽手插蝦我一個咁中意食蝦既人黎講真係好正好好食,呢個本人極力推介比好友呢個銀山火焰桶蠔中意食蠔既人試過都話佢好味,錫紙外層仍然有火著住,因為落左酒,講反裡面,D蠔好鬼大隻又厚肉,仲好似炸過,但唔會炸到D蠔肉散哂,又冇腥味,好野黎3D芥蘭個名同賣相都好特別,主要是肉碎同芥蘭碎合炒而成,非常香口,D肉碎同白飯混埋一齊食,簡直一流最後我揀左個燒豬肋骨做結尾,因為可以同D朋友一邊吹水一邊食再飲啖啤酒真係幾爽,講返個燒豬肋骨燒得真係好香,咬落去成口汁正到下次黎都伯再食多一次

繼續九龍城搵食, 最喜歡人情味小店, 朋友話呢間海鮮新鮮, 而且做法好正, 唔係傳統中式去到門口見到個名, 哦...BBQ! 咁咪要食好多串先會飽....??!坐低就由我朋友發板!老闆娘二話不說就放低左人頭咁多碗例湯俾我地! 我諗, 可能驚我地太熱氣吧! 平時我都唔太飲例湯, 都係味精肥油水, 不過當時有D 渴就飲下啦, E? 好似無落味精WO, 有雪耳味, 認真野, 就飲多兩啖啦!同行4人, 先黎一個紅燒BB鴿BB 鴿- 都幾有肉同大隻, 而且醃得好入味, 唔係平時個D 生炸鴿, 仲有D 皮脆但唔油, 肉又嫩, 應該唔係炸, 係真係燒既! 好好味!梅菜炒菜心 - 第一時間諗, 又話BBQ, 無啦啦食炒菜心??!! ANYWAY 我見上面有D 深色既野, 一試, 發現原來係走過油既梅菜，帶晒D 甜味出黎, 連埋菜心食, 又甜更香!鹽焗東風螺- D 肉好脆好爽, 而且鹽焗帶出螺內面淡淡海水味, 食得出既新鮮味蒜茸燒元貝- 入門口前見到, 大大個字寫 9:00 後$1!!! 嘩, 呢個size $1 都絕不欺場wo! 大過我隻手掌ar! 而且上面有d菇, 索晒d 精華,正秘制燒豬肋骨睇落好

話說上次跟飯團朋友開飯後, 意猶未盡, 決定再來encore多次!!! 加上九龍城算係我半個「主場」, 實在沒有拒絕的原因吧, 平日夜晚時間尚早, 幸好不用等位, 就安排坐在近門口的一張圓檯, 感覺食飯既話, 坐圓檯會親近一點, 西式餐桌反而一頭一尾會好疏離 首先, 是海鹽手插蝦, 出面真係有好多海鹽, 用錫紙包住已用竹籤串好的蝦, 估計可保持食物的溫度拆開錫紙後, 入面用了椒鹽及少許辣椒調味, 蝦的肉質是鮮帶香, 食海鮮還是動手去殼才是王道, 你懂的~再來一遁海產類, 炒硯, 好似係豉椒炒........是輕量辣, 怕辣朋友應該都可以食到吧! 吃多幾隻, 愈食愈惹味, 起碼食下去沒有沙, 呢位雷公子在事前處理食材相信也花了一番功夫, 要知道有沙的硯, 是很剎風景的皇牌菜式, 3D立體芥蘭, 今次確實有點失手, 上層的肉碎偏辣, 咸度有點過火, 而中間的炸芥蘭葉亦沒有上次那樣香脆, 實在有點失望呢最後是龍蝦芝士伊麵, 還記得上次食的是菠菜麵, 今回配搭對了, 原隻切件放在上面, 芝士汁超濃郁, 食得出唔止一種芝士, 芝士迷一定超歡喜伊麵沾滿了芝士汁, 龍蝦當然也沾了芝士汁, 吃時可能要

來到食肆臨立的九龍城區多會來吃泰國菜,這區超多泰國食店,小店等等,不過這一次是來個海鮮宴吧~這區那麼多美食,慢慢來試個夠~在餐廳門口前,有不同的餐牌給客人查看.可以了解收費和菜單,看會不會識合吃.有次去到西貢的海鮮店,收費不明的.一張單上超多個銀碼.有了經驗後,會了解收費後才進店.那就不會吃得不愉快的晚餐了.餐廳有圓枱可供2-4人長枱可供10-12人,識合不同的組合公雞碗很有親切感已往家家戶戶都是用這款來做家碗椒鹽瀨尿蝦店內的名牌菜瀨尿蝦體型有半隻手掌那麼大一隻瀨尿蝦剪開4份,炸後的殼很脆易開得多了.瀨尿蝦大隻的好處是~啖啖肉~殼內的肉保持鮮味而爽口,在蝦頭位置,沒想到有那麼多蝦膏,可以慢慢地享用.海鹽手插蝦鍋內圍住了粗的鹽,被錫紙包有內的蝦,蝦經過煎炸後再焗,真的是海鹽味道,是用了中型蝦,蝦肉鮮而彈牙,有重鹹味帶惹味的辣食蝦我都是用最原始的方法用手拆殼是最好味道的.火焰桶蠔個個都要讓路~震撼地上場的火焰桶蠔鍚紙包有8至9隻桶蠔,每隻都肥美厚身,加上蠔有醃了酒和帶蔥味,更令我想食多隻.3D立體芥蘭創新的煮法製作,令到芥蘭可以多食的方法把菜葉用油炸了後,吃下似紫菜的質地,味道帶一點鹹,脆

朋友話呢一間雷公子，有好多好特別嘅嘢食，又好味又抵食，身為為食怪獸既我，點可以唔試下呢哩到d野食個名，同相，全部都好吸引，特別係哩個火焰桶蠔，淨係個樣已經夠晒氣派！睇相係咪已經好吸引呢，冇錯，佢係史上我食過最好味既桶蠔，外脆內軟既桶蠔，會令人食到停吾到口，真係一試難忘😋😋洋蔥又夠晒入味，差啲連d汁都飲埋😜就係呢個招牌餸，令我一次又一次返嚟幫襯，試佢唔同嘅菜式，當然火焰同好係每次嘅必食😁3D芥蘭，聽個名已經知道夠晒特別，芥蘭心爽甜，芥蘭葉炸到脆口，肉碎當然就係送飯一流la，哩個係大人細路都啱嘅一個菜式，就算吾食菜嘅小朋友試過從此都會愛上食菜不得不讚下呢到個大廚，夠創意夠諗頭👍👍👍旦家老炒蛽，食蜆最怕就係唔夠新鮮同埋食到滿口都係沙，呢個炒蜆唔單止醬汁野味，蜆肉冇沙不特止，仲要係鮮甜又唔會比個醬汁蓋住，越食越過癮避風塘金沙炒蟹，又一傑作，啖啖肉總之就好好味呢度嘢食味道一流，實在有太多好嘢食不能盡錄，呢度嘅海鮮值得推介夠新鮮，當然小炒都好味，服務態度又一流，食海鮮當然就多殼，服務員不停幫我地換碟好貼心，又有濕紙巾提供，仲有個超窩心嘅充電區，嗰日啱啱電話冇晒電，又冇帶尿袋，突然服務員同我講門口有

 上星期跟一班舊朋友聚舊, 其中有朋友提議到九龍城晚飯, 因為以我所知九龍城這區有很多不同美食, 最後我們選擇了'雷公子海觧串燒大排當'因我們被鋪面外一張海報所吸引呢! 9時後惠顧可以以$1享用蒜蓉燒元貝一隻! 除了元貝外, 還有其他美食味道不錯, 有些款式亦很特別, 我們亦是第一次嘗試到的, 找到這間好介紹都要多得openrice了~先介紹一下雷公子門面, 門牌清晰可見及地點容易找到, 最搶鏡的當然是門外那張大大張的宣傳海報, 9時後惠顧可以以$1享用蒜蓉燒元貝一隻! 另外門外亦張貼很多張美食相片供大家看看呢~場內環境很舒適, 不算太擠迫, 每張枱都保持適當距離, 空調足夠不會太焗, 地面清潔沒有水漬及茶具都十分清潔無污漬, 亦會有濕紙巾同時供應, 配合大家如要食海鮮時可以用到, 很體貼顧客們的基本需要呢, 牆內亦有很多張美食相片, 增添場內色彩鮮艷呢! 另外侍應服務亦很週到, 很有禮貌及笑容滿面的, 值得一讚是每當見我們碟上滿了便會幫找們立即更換, like! 電公子除了可以散叫外 (包括串燒食物, 小菜, 精選海鮮), 亦有多款套餐供顧客選擇的, 款式亦包蘿萬有呢~用餐前先上了一