雷橋燒肉日本料理 (已結業)

壽司船既三文魚同鮑魚好新鮮，燒肉我就覺得佢地既豬肉好食過牛肉！特制既燒菠蘿，酸酸甜甜幾好食，完左原來有#Movenpick 食 <3 ！呢間野有少少問題，就係落單既方式。佢哋無得寫件數，變左每次叫既份量都唔清唔楚，有少少令人懊惱。環境都幾唔錯，燈光令人感覺放鬆。侍應人數唔多，但服務唔錯，可能因為我地坐左係走廊位。銅鑼灣仲有其他既放題既，但呢間既感覺就係令人放鬆d ，而且野食都唔錯的。經過的朋友可以去試試！

在Christmas 時訂了這裡， 食物質素算中等。 環境還可以， 而食既野好多係自己燒，如果作為平日的晚飯是不錯的選擇。由於係燒野， 所以餐廳開始人多時就會開始大煙， 但大煙可以講係氣氛好。岩人多都岩兩個人食，當然應該好少人會得一個人去自己燒野食。服務員可以接受，沒想到好大的問題。在銅鑼灣的地方 價格算好有優勢。由於住新界，所以再去銅鑼灣都會試下其他野， 如果有朋友問我呢間餐廳，我會覺得都仲係可以去的。 因為比較大圍去地方，傾計可能需要大聲d

銅鑼灣其他放題落order係寫件數，但依間只能劃剔號，即係你廿個人都只能劃一個剔，而且等嘅時間係非常之長，但全場只有幾台客，剌身沙津唔洗煮都要等勁耐，仲要追極都唔出，最差嘅放題！

接到傳單知道有八折優惠就決定試試，跟朋友五人行到達時店中氣氛熱鬧，坐位比想像中寬闊。上菜速度一般，食物種類有點驚喜因有些食材在外比較少有。燒肉整體上味道屬中上上，本人比較喜歡吃牛腹肉、牛舌及豬頸肉等，肉汁不會因加熱而流失！好味道！！對肉食獸的本人來說真的好滿足！若上菜時可更美觀就更好。超級香泡菜味加濃濃芝士味！這個泡菜芝士鍋未上台香味已經到了！一開始芝士像雪榚球，溶化後跟湯底超配！燒肉怎可以少了啤酒，雖然啤酒任飲，但本人決定加錢要這個生啤！真是一分錢一分貨！上面的泡泡比較像沙冰，第一次嚐這類型的生啤，好美味！

系銅鑼灣搵燒肉，竟然搵著間伏既。全餐飯都同一種味 好似樣樣都一樣。首先個爐好污糟，一睇就知洗得吾乾淨，扣左一大大分。未叫野食之前，員工送上二人份既菠蘿，丸類，雞翼等等。菠蘿沒味仲有d酸，其他味道一般刺身好大雪味，叫左一轉就沒再叫。令我最失望既系燒肉既味道普通之餘，仲好似舊舊一樣味，沒肉味，而且好油而且佢既環境既通風做得吾好，食完系殘流一種油"億"味仲要系好勁個隻。唯餐廳員工服務態度吾錯，d呀姐態度好好，收碟上菜都好快。當中有推薦$100一板海膽比我，價錢幾吸引。熱愛食日本既既我雖然好想一試，但感覺餐廳食物質素麻麻，吾系好夠膽叫黎食。

100分好難食，日式放題但刺身同海鮮都唔新鮮，刺身送黎時又冇冰底真係難食到嘔，壽司選擇唔多賣相同味道都好差，D燒物送黎時睇到都唔想食（特別係個煙肉），有D燒咗既野都冇食因為冇晒胃口，食左咁多次放題，今次比2百幾蚊係道食苦，慘！慘！慘！

特登開個account 黎留負評，真係食到成肚氣既放題係yahoo 團購左平安夜八點到十點既燒肉放題，預約既時候，職員已講明要八點十分先有位，唔緊要咁我當日大約八點就到左，一出lift 就有一大堆人塞左係門口，等左幾分鐘都冇職員嘗識疏導一下人流，幾經辛苦終於塞到接待處，但係接待職員一直處理緊其他事務，講左多次話預約左都被無視，再三催四請先開始跟進，途中更有微言（其實我地一早講左要八點十分先入得，唔知點解會有咁多人走上黎），奇怪既係係我等緊既時候，分別有兩批walk in 既人入左席，最後我地係八點十五分左右入席入席後，職員就說明會有頭盤送黎，咁我地就點住野食先，然後睇住附近既枱送上一盤又一盤食物，但係我地點既食物一碟都未上，甚至連頭盤都冇。等左十五分鐘左右，我地向一個職員表示頭盤仲未送到，佢就聲稱會跟進，如是者再過十幾分鐘，依然係未有食物，然後我地再催職員，好快就送上第一碟食物，但係依然未有頭盤既影蹤...食完幾碟後，已經冇晒食慾，最後食埋甜品就埋單走人呢餐飯真係完美咁掃左我興。首先，你有齊預約名單，你一早知道人流有幾多，點解唔安排下職員去疏導人流？點解唔安排多d 職員去做接約工作？第

見聖誕有優惠就試下呢間新雷橋，點知有驚喜！ 有D野飲出面唔常有，荔枝味好好飲，而且啤酒清酒任飲！我唔係好鍾意飲清酒，但朋友叫左熱清酒就試下，我竟然覺得好飲！清酒我覺得只係得酒精味好難飲，不過新雷橋既熱清酒酒精味唔會好重，而且好暖胃。 燒肉同D海鮮都新鮮，特別係蔥醬，好入味！不過如果可以排靚少少就好啦！ 炸物好脆口而且熱辣辣上台，入口唔會有食緊粉團既感覺。我最愛食蠔，炸蠔緊係唔放過！呢到炸得好好，個皮唔會太厚，咬落去個蠔唔會太老仲幾新鮮，正！因為係walk in上去，所以本身都唔抱太大期望，不過估唔到有驚喜！食物新鮮好食，環境因為聖誕關係佈置得好靚！另外訂位去仲有85折！！！我下次一定訂位去！

一入門口就感受到聖誕氣氛，中間大公仔戴左聖誕帽好可愛！問左職員，原來佢係叫達摩，好可愛😁 我最鍾意食花之戀，呢到既都幾足料，仲有蟹籽軍艦加埋帶子，變左帶子蟹籽軍艦，都幾特別XD～我地肚餓得滯，唔記得影靚靚刺身頭盤OTZ，只好影返唔知第幾轉既刺身😝😝 刺身好新鮮，我平時好怕食八爪魚似食香口膠咁，不過呢到個D好爽口唔錯，所以返點左幾轉，燒肉好好味，不過食野成個過程好忙，又要燒又要食又要同FD傾計，所以都冇點影相⋯⋯好飽好滿足，下次再去我地一定會影多D！

有朋友黎過所以推薦左新雷橋比我，所以朋友聚舊黎左呢度。 店面都幾大，都有唔少人，但好快就有位坐啦。呢度暗暗地，岩曬我地班老友傾計。侍應人唔多，但服務都算周到，會有侍應推薦我地食咩好。 坐低既時候就比左杯野我地，話係Welcome drink，每人只有一杯，唔知咩嘅黎，但飲起黎甜甜地，又幾清新。 我地最鍾意食刺身，呢度既刺身都唔錯，幾新鮮。炸物脆而不油膩，食多幾個都無罪惡感。芝士年糕有流心唔錯，海老天婦羅外面脆脆，裡面蝦肉有咬口，幾好。我們幾人食左好多燒肉同刺身，燒肉有好多種可以揀，都幾新鮮惹味，肉燒過都唔會好「UN」，我比較鐘意蔥醬肉類好入味。喜愛食水果既話可以試試菠蘿，夠甜又多汁。整體上都幾滿意，以後聚餐會考慮再去。

好耐之前曾經有黎過，食物不俗一段時間後再來，更有驚喜是日訂了枱 7點半 兩位準時到達，可能閒日關係唔算太多人馬上就安排了座位，店員算是有禮貌未叫野食之前先出去拎野飲，飲品種類好豐富，差不多有十幾款驚喜的是好多餐廳冇的道地飲品佢都有檸檬玉露更是我最愛拎完飲品馬上點食物食物種類唔算少雖然主力燒烤，亦有炸物沙律刺身鍋物依個時候店員介紹了升級版餐單餐單都幾吸引便決定升級店員還介紹了三色蠔和海膽我地點左幾隻三色蠔三色蠔好快送到蠔上面加了魚籽同海膽，食落口幾match幾新鮮$9一隻價錢算抵食(但冇影相之後好快有刺身同前菜刺身略為有d薄，希望可以厚d同排靚小小下次舖番小小冰底食落口都冇雪味可以接受八爪魚仔同螺肉夠凍炸物都好快送到食落口feel到是即炸的好脆，配炸物湯汁食一流主菜當然係燒肉燒肉種類多不勝數，我個人比較鐘意牛同雞，好新鮮好夠肉味，只是肉汁有點多搞到成碟都係海鮮方面有蝦，海螺，墨魚片同扇貝海蝦新鮮彈牙有蝦味，係墨魚片爭小小菇同茄子我都覺得唔算差(又係冇影相)升級版食物終於到甜蝦大隻鮮甜冇雪味，有瘋狂翻單蟹腳一般不過不失吞拿魚同鮑魚仔都好新鮮，有keep住嗌鵝肝方面真係幾有驚喜，凍凍地食落口

你想食而家想有好服務態度，就要睇哥日係邊位員工反工同睇員工哥日既心情啦，除非。。。你係老闆嘅朋友 。。。。。。。。。。。。。。。。。。。。。。。。。。。。。。 不值一試

無論任何天氣，香港人都係喜歡打邊爐同BBQ，只不過天氣凍就去拎住支叉，呢個天氣就去韓燒日燒去左呢間雷橋度B一B先食材好豐富，食完再減是常識吧！有生，有熟食，真係不怕未燒熟野時會無野食呀。因為坐低無幾耐，就已經有食得既野放係面前準備作戰了，來吧！食下沙律先啦，有刺身架，不會生菜咁簡單咁Dry。再來就食左扮健康既野，就係菇呀，椒呀個D，跟住先到肉同海鮮其實食日式韓燒烤，好食不好食都係自己整既，所以，只要有好食材，就無得怪人啊！幾個人真係咩都有食下，有D被燒焦了，就當然無食啦。而最好食既係五花腩片， 因為燒左之後，油已經流左D出來，無咁肥，大可以大大口去食而海鮮亦都幾新鮮，波蘿又夠甜。幾好幾好！

刺身唔新鮮,燒肉又難食,未解凍！攪到唔食刺食唔燒肉食下支豆啦喂,未解凍,冰黎架好啦好聲好氣,問下個侍應啦一句,係咁架喎！當堂吹漲好，算！食甜品叫乜無乜，乜都話無返貨呢間野，可一不可再！團購都話條氣順d啫最慘唔係,求飽都唔掂囉

本人選下極上放題$268任食二小時，機本二小時只送三次野食來，魚生不新鮮，二位男年輕服務員太差，叫食物要最少等20分(當時全店只有四張卓枱進食中），仲要吹幾次先有（點菜單每次都不整全），整體來說無下次再惠顧！