霞飛點心拉麵 (已結業)

今天是母親大人生日正日, 本來提前致電去金滿庭訂位,電話中, 金滿庭的女職員說: 呢度無得訂枱, 只係WALK IN.於是我7:30PM去拎位!點知門口接待職員話今晚有人訂左枱, 要我地8:15PM交枱. 真係火都來埋!馬上改去POPCORN其他餐廳!看見翡翠小籠包好多人等位, 唯有放棄!後來上網見到將軍澳中心有這家上海餐館, 不如去試下吧!到達時, 職員表示可以入座, 及無限時交枱.^^ 有這一句真是很開心!這才算是正常餐廳的服務態度!家人都開心地點了几款菜.鮮肉小籠包4件HKD34網上食評, 所言非虛, 真係好細粒,皮比較薄, 內裡亦充滿湯汁.入口的鮮味, 是好過翡翠小籠包果間好難用小籠包公式來形容鮮味!@某位在上海居住10年的美國食家(男), @自創小籠包公式 :@（湯汁重量+餡料重量）÷外皮厚度＝總分@註: 只能檢測小籠包形狀大小重量等數據, @但未能用作檢測湯汁的化學物質(鮮味的來源)含量蔥油拌麵HKD 46只係普通的麵(上海麵?) 撈左特別的醬汁,再配上一碗雲吞雞/醃篤鮮白白地色的湯底.當作係今晚的澱粉質吧!口水雞HKD 68雞骨見紅, 雞肉嫩滑, 還看到調

霞飛因為鋪面夠大，除非大時大節一般都好少坐滿，平日更加唔需要等位，唔想等位既時候黎就岩哂啦。今次嗌左碗擔擔麵，味道夠濃，但辣味幾乎冇乜，鐘意食辣既我就有小小失望啦，份量都唔錯，女仔自己食一碗都已經夠飽。另外嗌左兩個特價小菜，分別係黑醋骨同埋涼拌茄子，黑醋骨岩岩上檯既時候熱辣辣，份量都好多，酸酸甜甜咁。涼拌茄子真係要大讚！凍冰冰咁，上面啲汁極好食，連平日唔多鐘意茄子既哥哥都食左幾舊，十級開胃，因為係冷盤既關係，上菜速度都極快呀。最後既松子魚，賣相已經不得了，$178一條，以呢個份量同質素黎講真係唔算貴。啲汁酸酸甜甜咁，用黎送飯真係一流，不過即叫即整，就要等耐啲先有得食啦。晚飯最後仲送西米露俾我地，味道都唔錯架。

-失敗到爆的葱爆羊肉！D醬汁是好的，但羊肉勁鞋而且有跟，靱到爆炸。-牛肉餅，有肉汁但無牛味又唔香口，包皮又油又膩，不夠熱。-小籠包一般。-比較好食的鳮肉煨面。有鳮肉香味，面身林且滑，可惜雞肉唔多見囉！-再黎失敗就是焦糖燉旦。明明上海菜又賣法國甜品，結果唔熱又唔凍，蛋漿鞋口睇樣就唔想食，就連伴碟的士多啤莉都乾哂水，唔新鮮！ 服務差，人手唔夠，倒瀉成杯茶落地無人抹，侍應上菜竟然喺小朋友則邊上。發生意外邊個負責？仲要收$5每個人茶$

冬節前想吃中菜，但所有酒家都全場滿座，終於找到此上海拉麵點心店，為此店亦提供廚師小菜。餐牌上的小炒不多，我們點了：糖醋明蝦球蝦球不算大隻，份量亦不多，糖醋汁校得不錯，味道仍頗香口。京蔥爆牛肉同樣份量不多，京蔥和牛肉爆得不錯，不過鬆肉過度，大片牛肉也吃不出牛肉味。漁香茄子用肉絲及茄子做，吃不到鹹魚香味，較像是用超市包裝醬料加獻汁炒出來的味道。宋嫂魚羹湯底濃稠度不錯，熱度及味道亦可，惟薑辣味太重，掩蓋了其他味道。擂沙湯圓麻蓉餡很香濃，皮也做得很好，有水準。整體而言，不過不失。

第一次黎霞飛用膳，首先唔好講食物質素。晚上大約6:45入座，餐廳內只有一兩檯食客，我們一家剛坐下，但覺得位置不好，想轉另一位置。但店長卻說“不設轉檯“，再次跟店長說出需要，但仍說“不設轉檯“，但我們覺得連茶都未斟，為何不可轉檯呢！! 這位沒有禮貌店長竟然沒有回答又不望着我，這時我心中無名火起，不過我亦有禮貌問她“可否回覆我呢？“，她都是沒有回答及望着我，她只是吩咐她員工轉檯。今時今日竟然有此服務態度......失望!

自從被調到將軍澳開工後，飲食方面對我黎講又係一個新煩惱，皆因舊時係杏花邨可選擇嘅放飯地點唔多，商場各名店又貴又唔好食，加上要乎合營養師指示嘅餐館更加少之有少 ，諗都唔駛諗，晚晚都係去同一檔就可以醫飽個肚。上兩星期到埗後曾經四處尋覓健康餐（油雞燒肉飯走汁）嘅代替品，但講真效果都唔太理想。適逢今日年初四，要我返工所已經sad到爆，仲要我搵似樣嘅燒味飯真係無乜心機。忽然想起不如叫埋呀爸呀媽黎一齊食飯丫，橫掂佢兩個今晚都係出街食。上去開飯網左搵右搵，最後揀左霞飛點心拉麵。呀爸話食小籠包都好喎。準時放meal break就一個箭步飛去搵已坐低睇緊menu嘅爸媽，我地order左餐前小食醉雞，小籠包，鱔糊炒拉麵，煎牛肉餡餅同埋上海炒年榚。由於大家非常肚餓，相都影唔切就已經開動左...唔好意思啊大家! 講到醉雞，可能問十個人會有十種唔同嘅要求或期待，口味嘅野真係好難講。霞飛嘅醉雞溫度適中，唔會雪到結冰亦唔會暖住送上（無吹水的，兩個情況都遇過）而醉雞汁有香濃花雕及唔會過甜，不過呷過一啖後都怕一陣吹波仔會超標。小食醉雞比我地印象都唔錯，之後送上嘅有鱔糊炒拉麵同小籠包。聽過有人話小籠包開蓋後要rest一陣

在天壐玩完就去左呢度食個dinner,先回家。小籠包 評：內有肉汁，夠薄，幾好，8/10牛肉餅 評：內有牛肉汁，不過D牛肉好重醃味，外皮煎得好脆。6/10兩麵王 評：不是兩麵王，普通肉絲炒麵，炸完都唔夠脆。4/10呢款鴨夾熱騰騰的包 評：正，肉OK，皮脆香，不蘇，加堆海鮮醬好好味，7/10 總評：呢度都OK好，坐得舒服。

星期天總愛睡得很晚，無他的因為工作太忙碌，根本沒有時間睡得好，唯有放假補睡一下。時間不早，唯有在附近吃個下午茶當作午飯，在將軍澳區有兩間差不多的中菜館，一間是翡翠拉麵，而另一間就是霞飛點心拉麵，今天要來的是後者。 兩間食店的分別在於價錢定位，霞飛點心拉麵定價較高，但原來下午茶的定價較大眾化得多，只是$50-$60。原來霞飛點心拉麵不經不覺已經有三間分店，當然霞飛會館亦是他們姊妹店之一。 先來的是紅油抄手，四川的點心當然以辣為主，餛飩伴著紅椒粒等弄製而成。餛飩皮薄，餡料用上鮮豬肉，而且還算鮮嫩，配上紅椒粒其實真的頗辣，但也十分惹味，是一個不錯又開胃的前菜。 再來是上海粗炒，其實上海粗炒只是個名字而已，在上海根本不會有太多地方吃到上海粗炒。單看相片大家也知道這個粗炒蠻油膩的，但筆者過往也吃過不少粗炒，其實也很少地方做得不油，相反太乾身也不會好吃。粗炒的麵線長度均等，而且挺爽滑，配上少量椰菜和瘦肉，吃起來算是很不錯的。 之後來的是四川擔擔麵，這個擔擔麵吃起來真的很辣而且還帶一點麻呢，湯底有點過稀，層次感非常一般，除了辣的就只吃到辣，味道太一般，還是粗炒比較好吃。 最後來的有春卷，春卷份量不少

由開張初期每每大排長龍, 到今時今日週末都不用等位, 可想而知此食肆在這一年多退步得有多快。先不說先前的經驗, 就今天, 足夠令我們以後都不會再光顧。午巿人不多, 不用排隊, 舖內位子約一半有人。入坐後, 下午1:25點了一客小籠包、上海粗炒及豬排擔擔麵。不久小籠包及上海粗炒先後端上1) 小籠包: 有4件, 皮薄、肉嫩、汁多, 保持水準。(2) 上海粗炒: 味道剛好, 不太多油, 但敗筆的 - 粗麵碎濕濕, 像吃銀針粉多過吃粗麵。以前不是這樣, 以前每次吃, 都差不多完美。然後等等等, 小籠包吃完, 上海粗炒吃完, 一整壺茶加過水, 豬排擔擔麵還沒來。旁邊的客人遲來先上岸也有湯麵吃了, 我開始左右張望表現不耐煩, 但侍應不是在吹水就是視而不見; 終於舉手叫了人跟進一下, 又等了10分鐘, 還未有得吃; 又叫了另一人, 我說麵未弄就埋單算了, 一言不發轉身離開, 30秒後終於送上, 時為1:50: (3) 豬排擔擔麵: 豬排炸得好, 不過是冷藏豬所以有點粉紅色, 麵不太熟透, 擔擔湯很油, 花生味不夠但不知何故很麻, 卻整個湯底沒有辣味。兩個麵食一客小籠包, 埋單$161, 加差劣服務,

又貴又唔係特別好食，服務態度超差的食市嗰日係星期日，大約2：35，我和朋友行過呢間野門口見到個下午茶餐menu睇左一陣（個經理都見住我地有興趣），望下裡面見都冇咩人，就入左去幫襯點知一坐底，開哂茶個waitress先話“下午茶冇喎，要等三點”，我地話“下，咁你唔好放個下午茶餐牌出黎呀”跟住佢立即同個經理咬耳仔，還回望一望我地，當冇事發生過好啦，本來我嬲到想立即走，但我朋友話算啦，開左茶。。。好樣衰好，簡左野啦，舉手三分鐘只見waitress們一群在吹水我嬲得大聲一叫“唔該”先有人理我。。。我唔係好明囉，第一，個經理見我地2：35研究佢個下午茶個牌，正常係咪應該會話比我地知係呀未有架3點先開始，但佢冇囉。第二，我已經唔係第一次幫襯呢間野而見佢地一群waitress吹水.客又唔多，下午茶都要五十幾蚊一碗麵，又唔係特別好食，以後唔會再幫襯！

最近, 病病的, 想吃一點清淡及熱的食品! 於是選了這店!由於是星期日的晚上, 都要等十張枱才到!先來一個小籠包, 送上來是熱熱的, 皮簿得很, 而且裡面有很JUICY!!! 再來煎餃, 冷冷的...而且硬硬的, 唔好食......!!最後來個雪菜肉絲粗炒......份量不少, 味度尚可!!總括而言, 送餐得快, 感覺食物是預先造定!!

我同女朋友平時鍾意去食翡翠拉麵小籠包(就係隔離商場)，但係因為未食過，就諗住試下霞飛。我地好早去，差唔多六點鐘，所以唔洗等位。一坐低就發覺佢比左廚房門口個位我地，係非一般的嘈。我問待應呢個位好嘈，可唔可以坐第二度，佢竟然提議我出翻去、囉飛重新排隊！唔可以換位唔緊要，但係唔洗叫我出去呀？一句 "唔好意思，無其它二人台" 有幾難？我地睇餐牌想叫冷盤，見到"是日冷盤"，就想話問個待應即係咩野，佢竟然話係門口有叫我出門口睇，我好愕然咁 "下" 左一聲，佢就話有木耳，咁我同女友都正好鍾意食木耳，就問佢係點整法，佢答我 "涼拌囉" .... 我就話，咁涼拌都有好多種架喎，佢先話 "有d酒咁喇"，我都費是同佢講，就繼續 order。之後個待應全程黑面我地仲叫左凍魚、牛肉餅同南瓜湯浸苗牙菜。個木耳係有醋、酒同些少辣椒，味道一般，唔夠酸亦唔夠味。個凍魚好好食，如果我再去會再點黎食。個牛肉餅就好一般，而且煎得好油。個菜幾好食，賣相都幾靚。食完想點個甜品，就叫左豆沙窩餅，追左兩次先到。老實講，都幾後悔叫左個窩餅，豆沙無乜，餅皮就幾層厚，所以又唔好食又油膩。印像中做得好既豆沙窩餅係好簿身，中間夾少少豆沙，而且

因為將軍澳站上面餐廳選擇不算太多而本人又中意上海菜，故來過幾次。菜色選擇不算多，亦都不是個問題，因為這裡本就不是走素材好創意好的路線，中規中矩的菜色作為普通一餐可以接受。是日點了魚香茄子，紅燒元蹄，和小籠包一份。魚香茄子本人倒是常點，幾次下來這裡都算是比較辣的，本人尚接受到，各位可酌情選擇。紅燒元蹄同不遠的翡翠拉麵小籠包相比，價錢同數量都算少些，肉汁的比重比較少，肉質倒還算嫩，只是上面莫名其妙鋪了一層不美觀也不美味的綠菜，令人有些費解。食物本身不想做太多評價，我相信一個餐廳一定是以整體而論的，大家出門吃飯也不是為了找不開心。但這家服務令人不滿的幾率達到100%。本人次次去都被人有意無意地難為到。滿場都是服務員但一個也叫不過來；等位又讓人數多的不停插隊（比如當日我等了30十分鐘，而有4人兩分鐘便請了進去） ，這個問題看到之前也有朋友給過評論，令人十分不滿。整體給人的感覺還不如茶餐廳讓人舒服。我本是不喜歡給人差評的，只希望這間餐廳可以聰明一些，周全一些，不要做爛自己。

七時多要看電影，所以六時已去吃晚飯，一直想試霞飛點心拉麵，但每次都看到門外人山人海，令我卻步。今次早到有著數，不用等位，馬上入座。可惜食物製作需時，我以為最快出現的雞絲粉皮竟然花了近十分鐘才出現，正當我想催促之際，其他食物都陸續送上，效率一般。我們吃了～雞絲粉皮($52)：比拌冷麵更貴，不算實惠，但味道的確棒！雞絲既多又不會嚡，粉皮夠滑，厚薄適中，最重要是調味有極香的花生醬味，十分醒胃。鮮肉小籠包($32)：熱騰騰，皮夠薄，小心翼翼地把它送到口中，噢，那些精華一滴不漏地被我吸吮了，正！麻醬拌冷麵($38)：單看賣相以為那些調味料與雞絲粉皮的是同出一轍，豈料這個麻醬竟然有芥末味，更要愈拌愈辣，我的味蕾覺得很刺激呢！霞飛招牌大排擔擔麵($66)：在$56的「擔擔麵」和貴$10、多一塊豬排的「大排擔擔麵」二選一，結果選了後者。可是炸得金黃色的豬排外脆內「韌」，只是普通質素，下次還是省掉十元吧！擔擔麵沒有鹼水味，麵質不會太軟，條條分明，湯底夠濃，花生味若隱若現，只有微辣，感覺正宗，好！食量大的我們花了$218吃晚餐，卻不算很飽。霞飛點心拉麵雖然有質素，可是以價錢來說，並不經濟，我只會偶一為之喇

這家店的小籠包是好吃的, 其他點心尚可但不算便宜, 湯麵的湯底老實說真是不行, 上海粗炒勝在有鑊氣. 然而縱然食物再好, 這店在座位的安排上絕有可能令人拂袖而去. 第一次光顧是剛開張的週末,需長時間等候是已預計的情況,然而最不滿的是永遠只以人數多寡為安排入座順序.在等候的個多小時內,即使等候二人檯的人流甚多,接待的人卻只會先安排3-4位入座,即使該3-4位是遲來的一批.可以肯定的是這並非由於座位人數所限,只因眼見部份3-4位所安排的是近門口由2張二人檯合併的位置,絕對能夠將其分拆以加快疏導等候二人檯的人流.於昨天晚上7時半後光顧,眼見舖內空位甚多(入座率以目測只有6-7成),仍獲安排坐於只有數吋之差的鄰座已有顧客的二人座.稍後當我的丈夫到達,因身携大背囊一個便希望移至兩張尚未有人的卡座(只因眼見有安排其他2位的顧客坐卡座),竟獲告知所有卡座已被訂座(然而其時已達8時,而我眼見之前的2位顧客入座卡座時職員將訂座的牌移至旁邊的卡座,感覺似是為阻其他顧客要求卡座多於訂檯.若真是訂檯不是應留住固定座位的嗎?!)!更令人氣憤的是重覆說完已訂座後該職員便即時離開,而沒有打算給我們換一張大一點的桌子