露絲咖啡

营业中

休息中

之前餐廳老闆話出咗款新蛋糕，我見到張poster已經覺得我唔會有機會試到呢個cake，因為我幾乎次次都係一個人嚟。😥今次終於有機會啦，日本同事生日，我哋幾個人訂咗呢度同佢慶祝生日，我當然成機話訂呢個鮮果脆脆鹹奶油蛋糕啦！😂我哋叫咗日式蒲燒鰻魚飯，我平時好少會食蒲燒鰻魚，因為怕啲汁好甜又驚啲魚有骨。今日呢塊鰻魚又大又厚仲冇骨，啲汁唔似一般出面買嗰啲一層好甜厚厚鋪喺面，而係均勻掃喺魚面，塊魚肉質鮮嫩，味美而不濃，上面啲芝麻令成個賣相同味道加分。😋😋每次嚟都好想試新嘢，今日試咗呢個挪威比目魚白汁海鮮焗意粉，個焗意粉面頭金黃色嗰啲就係我最鍾意食嘅芝士，啡色嗰啲係炸完再焗嘅菇，入面啲海鮮真材實料。比目魚厚肉嫩滑，意粉口感唔會太腍，如果你唔係一定要啖啖肉嘅，可以考慮試呢個。😋😋👍🏼👍🏼上次嘅經驗話我知，炸雞一定要盡快起哂啲雞胸肉，我好快手就攪掂咗，果然啲雞胸肉係嫩啲。我估唔到我個日本同事竟然鍾意食梅菜扣肉，我唔係好敢試呢啲咁邪惡嘅嘢，自己一個就更加唔會食，今日有機會試吓啦😅。梅菜唔太甜，扣肉入口即化而且唔會好油膩。最後到主角出場啦，打開個盒發現個蛋糕同張poster唔同樣，老闆埋嚟話因為啲士多啤梨

通常好少食完即刻出review，除非係好激氣或者勁好食，今日呢個係後者。上次見到隔離枱個年青食客食呢個燒雞餐好似食得好開心，忍唔住問佢好唔好食，佢話「正」。今日諗咗好耐，終於order咗試吓！😊我想影張「全家福」，特登等埋碟雞嚟先至開餐。😂碟上半隻雞雖然冇牆上面餐牌嗰隻望落去咁juicy，但係色澤均勻，雞髀位「漲卜卜」，外觀唔錯。我用餐刀揭起隻雞髀發現有煙湧出嚟，即係話個雞殼仲好熱，如果唔將啲雞胸肉即時離骨，就會overcooked!😅我好快咁將個雞髀同雞翼切開，然後極速起晒啲雞胸同雞背肉。隻雞整得啱啱好，好容易就起晒啲肉！👍🏼👍🏼我仲用把刀喺啲骨罅中間撩埋啲碎肉出嚟。🤣🤣我個人覺得如果一隻雞連雞胸都整得好okay,嗰隻雞就真係好食。今日第一時間試食一件胸肉，仲點咗跟餐嗰個醬汁，okay喎！跟住夾埋啲沙律菜一齊食仲「正」。當我食完個「雞肉沙律」，切咗少少髀試吓，再食多幾條薯條，已經飽晒。😂我唔想做「大嘥鬼」於是將雞髀、雞翼同沙律菜「外帶」返屋企，諗住今晚拆肉整雞肉沙律。😂上個月嚟食嘢已經見到佢哋有推介北海道牛乳布甸，今日有機會試吓。入口第一感覺：超滑，牛奶味好濃但係唔酥，重點：唔係好甜

自從發現咗呢間有驚喜嘅工廈餐廳，雖然未至於特登走嚟食，不過，今次嚟到火炭忍唔住又上咗嚟。😂上到嚟見到牆上面嗰餐牌轉咗，心諗通常見到新餐牌即係加咗價，點知細心啲睇原來係加咗新嘅菜式，最驚喜就係竟然有啲嘢係減咗價！👍🏼👍🏼好好人嗰個姐姐話佢哋有新嘢，仲介紹我食燒雞，我驚食唔哂，同埋講真我驚啲雞唔好食，特別係雞胸，老細都話佢哋啲燒雞正，外脆內嫩，都係等下次同埋friend 一齊嚟先試。😊最後我點咗黑松露帶子蝦仁雜菌卡邦尼意粉。卡邦尼意粉係其中一樣我經常食嘅嘢，不過好多時因為太多芝士所以好滯食唔晒，加上今日好晏先食早餐，諗住一定唔會食得哂。今日呢碟送到上嚟完全超出我想像。見唔到平時意粉面鋪滿嘅芝士，望落去幾乾身，食咗一啖，發覺連口感都唔同。呢碟意粉份量非常足夠，但係我竟然全部清晒，只係剩返幾隻蝦尾殼🤣🤣。今日呢個黑松露帶子蝦仁雜菌卡邦尼意粉，食材新鮮，嗰三隻帶子同三隻蝦都唔係細細隻嗰啲，其實係鮮蝦唔係蝦仁！😋😋意粉有Al Dante feel，少少煙靭嗰種口感。我個人好鐘意食西芹，但係好怕西芹外面嗰啲「根」，今日呢碟意粉有好多西芹仲要係非常嫩，唔會有渣。真心講我覺得呢間餐廳啲員工，真係有用個心

自從發現火炭工廈都有好嘢食，每次嚟到都想去返上次嗰間餐廳試吓老細介紹話出面食唔到嘅午餐。今日兩點幾嚟到火炭，梗係去試吓啦。🤣今次去到餐廳入咗另一邊，原來呢邊環境靚好多。坐低掃完QR Code發現唔記得上次老細介紹邊個餐。搵咗個餐廳職員，都係幫唔到我，點知佢竟然叫咗老細過嚟😅😅。我話唔記得咗佢上次介紹話出面食唔到個餐，佢話：「我哋呢度好多嘢出面都食唔到㗎。」😅😅老細介紹咗幾個，最後佢問我食過佢哋嘅焗豬扒飯未，我今次係第二次嚟，上次食喇沙米線，即係未啦😂😂，佢話要試吓，咁就試吓啦 (其實唔知幾多錢，不過應該唔會好貴嘅）😅。幫我落單個姐姐問我要湯定沙律，點知老細話兩樣都俾啦。😊😊👍🏼👍🏼一片青瓜入口已經知道沙津夠新鮮，個羅宋湯湯唔會太咸或者過酸😋😋，平時只飲白湯嘅我要對紅湯改觀啦。😂呢度焗飯都唔算等好耐，大約20分鐘，個飯一嚟到，我先俾中間啲黑松露吸引住，影完相，試第一啖，從未食過咁香口嘅菇！忍唔住問佢哋點解可以咁好食，佢哋話先炸咗啲菇再放喺飯面入焗爐焗。飯入面嘅菠蘿同蕃茄都好新鮮。顧住講配料，差啲唔記得咗講主角-豬扒。😅豬扒唔係原塊上而係「碎上」，已經幫你切開一件件，肉質鮮嫩，唔會焗到乾晒

平時lunch time 喺火炭，就會覺得一定冇啖好食。今日嚟拗背彎街做嘢，十二點幾放lunch break由街尾行返上街頭搵嘢食，忽然見到有工間工廈門口個易拉架寫住：樓上好食D、舒服D、抵食D，我正想搵好食啲嘅嘢，於是停低望清楚個餐牌，見到啲價錢唔算好平，不過如果真係好食啲又舒服啲，我都唔mind俾多少少。😊間餐廳好近𨋢口，所以都好容易搵，去到門口已經有人招呼我坐咗喺張二人枱，佢哋問我係咪一個人之後就收咗對面嗰套餐具。OMG, 冇諗過工廈嘅餐廳都唔使搭枱。😅呢度都好先進用QR code落單，午餐仲有好多款式揀，真係有啲花多眼亂😂。我本來想健康啲食個牛油果南瓜藜麥沙津，最後見到佢哋餐牌上面有海鮮雞扒喇沙米線，而且$72都唔算好貴，一於試吓。碗米線好快就嚟，本來都冇諗過要影相，見到碗嘢個賣相咁正，唔影對唔住自己。🤣🤣仲未影完，有個餐廳姐姐問我要唔要湯，佢話係羅宋湯好好味㗎，其實我個心諗我叫嗰個係湯米線，所以就剔咗唔需要餐湯，不過既然佢咁有誠意，我就要咗佢啦。😂碗湯細細碗，但真係幾好味。😋起初食碗米線時覺得有啲辣，我問俾湯我嗰個姐姐攞杯水，佢問我要唔要冰水（又幾細心喎），食落發現好食到停唔

一連幾日嘅復活節假期完結，又要回歸返工嘅日子，每次返工都要諗去邊度食晏，又諗唔到有啲咩idea喺邊食？於是沿住條坳背灣街斜路一路向下行，行到中間金豪工業大廈見到露絲咖啡既易拉架，睇落有好多午餐可以選擇，於是就上咗露絲咖啡食晏，上到12樓好易搵，係一個相連單位餐廳，門口有個貨架擺放咗盒裝嘅湯包，餐廳人流都好多，但係等位都唔算耐， 5分鐘左右就有位，坐低見到餐牌有10款以上嘅餐，今次叫咗個海鮮雞扒喇沙米線，味道都唔錯，下次可以再嚟食過。海鮮雞扒喇沙米線喇沙賣相吸引，份量十足，鮮蝦帶出喇沙嘅味道香濃，最欣賞係豆卜可以吸收喇沙湯嘅精華，可以encore再食

【沙田區】【露絲咖啡】講講吓好似好耐冇做火炭工商業區系列，不過大家體諒吓，我唔係成日有機會過嚟呢邊做嘢，係有一排多啲咁解。所以就冇得好恒常咁出，又或者咁講，呢排連紅館系列都少咗機會做，做我呢種 foodie 係真係好難架其實。咁今次講呢間火炭工商業區入面嘅餐廳係一間西餐嚟，乜都有得食嗰隻，選擇都相當之多。我因為做嘢關係實情都去咗呢間嘢四五次，不過有影相嘅就得兩次，所以就講呢兩次啦，我覺得都好夠架喇，附近又冇乜類似選擇。兩次我都係食午餐嘅，呢次見到農夫包覺得好吸引就想試吓，因此就叫咗 $108 嘅「清酒白汁海鮮芝士焗農夫包」，個汁幾香幾好食，芝士味都有。加 $5 配埋「凍薑蜜」一齊食，感覺唔差，雖然 $113 喺工商業區好似唔算平。我最想食嘅始終係扒，之後有次就食咗 $78 嘅「美式黑椒汁肉眼扒」跟「薯菜」，仲有「粟米湯」送。上菜係茶記薄牛扒 feel，成件事即刻冇晒 mood。加 $3 飲「熱咖啡」多奶，咁樣就 $81，咁樣食法成件事就唔算好抵喇。其餘嘅用餐體驗，我記得都係平平無奇，所以冇咩好寫。本身係想再食一次先寫，但睇落已經冇乜機會，再加上喺美國返嚟之後嚴重脫稿，有乜就寫咗先喇。唔

去到火炭工廈重陣，難得搵到一間坐得舒服少少，冇咁趕客嘅餐廳。單睇餐牌真係好多選擇，原來依間係火炭辦公室名物。食物方面 - 午餐照燒雞扒鯖魚飯︰加購餐湯已經有四款選擇，羅宋、忌廉、南瓜、仲有一款湯唔記得。原本想點南瓜，聽講太受歡迎，已經售罄了。最近試基本野 - 羅宋湯，意外驚喜。絕對唔係是旦求其例湯咁簡單，滿滿一碗濃湯加雜菜料，幾粒真正牛肉粒。飲起嚟舒服，香濃牛肉味，酸甜度剛好，令人開胃。大件厚雞扒肉質嫩滑，又唔會雪藏到完全無雞味。鯖魚外圍煎得脆口，厚厚一層魚塊，用料十足。少少魚咸香，細心附上檸檬塊好開胃。照燒汁微甜濃郁，白飯偏濕軟，加上蛋絲增添味道層次感，無意間就食晒全部白飯。總結︰工廈區一般餐廳都係打工仔速食店，露絲咖啡唔趕客，座位算闊落，上餐速度快。如果跟同事一齊午餐，可以選擇慢坐亦能快食，兩者兼得。價錢相宜、食物味道、材料質素、份量等，全部都用心製作，性價比中高。

露絲咖啡嘅咖啡係咪好掂我就唔知喇，不過佢嘅西餐又真係幾唔錯喎。露絲咖啡佔左1/4層工廈，出𨋢一轉左就會見到佢佈置得好靚嘅走廊，同埋殷勤嘅侍應，成個氣氛好輕鬆。不過我就黎叫外賣嘅，佢午餐牌有成20幾個餐，花多眼亂最後揀左個三色芝士焗吞拿魚煙肉螺絲粉，加$5配個熱薑蜜。可能係焗野等左都差唔多20分鐘，不過拎到返屋企重好熱辣辣，佢個餐重有個羅宋湯，味覺酸酸地帶少少甜，好好飲。個焗螺絲粉真係好夠熱，芝士味咸咸地咁好夠味，有啲青紅椒絲同西芹絲，吞拿魚夠多，煙肉有煎過夠咸香，整體黎講係唔錯嘅焗螺絲粉。薑蜜都夠晒薑味同夠熱。一定會再幫襯🙂

星期六日工廠區搵食，向來都係一個大難題，尤其星期日。但自從駿洋邨入伙後，都總算多左選擇，好唔好食就後話啦。今次星期六到火炭食lunch，就望下附近有咩好食，其中睇到兩間工廠大廈嘅樓上食店比較吸引。不過諗住樓上cafe，一陣上到去唔啱食或者唔開星期六，就連腳骨力都嘥埋。但又咁啱得咁橋，比我路過呢間樓下，見到佢有一大個易拉架企左係度，咁即係開左門啦以呢個價錢黎講，其實都唔算太貴，話晒茶餐廳都要$50啦，同埋佢嘅選擇都唔少，加上呢度啲坐位都唔算窄，都算坐得舒服初次報到，主力留意下啲👍，而自己都鍾意食咖喱、芝士同麵包，所以係Q1, Q2 都諗左一陣，到最後選擇左Q1 咖喱牛筋牛肋條焗農夫包。先是送上一碗南瓜湯，味道都幾濃，但個湯嘅質感又唔算好濃，唔肯定會唔會係開水沖果類。因為南瓜話晒澱粉質都重架，若果味道咁濃，理應質感都濃。主菜一上場，個擺盤都唔錯，除左裝左滿滿咖哩牛筋條嘅農夫包外，連空出來嘅麵包內都經過烤焗後放到旁邊，仲有半碟沙律，同一碟仔咖喱汁沙律新鮮清甜。麵包本身點上咖喱汁已經成一件事，不過食開中辣嘅我，覺得咖喱汁真心帶到辣味，並唔係出面果啲虛有其名，搞到啲10小辣嘅人仲以為自己真係食

只係路過見到地下有個易拉架話樓上有餐廳，就無意中試下。坐低之後店員好有禮貌咁介紹有咩食，又推介俾我哋聽，感覺幾親切！未揀好野食就俾左個湯我哋，係南瓜湯，雖然杰身咗少少，但味道唔錯，南瓜味都好突出忌廉海鮮農夫包 - 超級推介工廈食到呢個質素其實好唔錯，$118又唔算好貴，份量大，農夫包好香脆，但海鮮唔算多。不過有沙律菜伴碟又加咗唔少分數！咖哩牛筋牛肋條 - 炆得幾稔，咖喱唔係好辣但惹味香口！店員見我哋話肚餓仲主動再俾多一碗仔飯我哋添😂

火炭番工既人唔會唔識露絲餐廳，性價比超高，又平又好食👍🏻仲要上餐係超快，對於得一個鐘食飯既我黎講真係好重要👍🏻豬手配薯菜豬手黎講真係必點，份量多又抵食！豬手外脆內軟，加埋黑椒汁真係好惹味😋😋仲要沙律跟埋，感覺好fresh 🤣唔好睇佢咁樣好似食唔飽咁，實質食完會捧住個肚走🤣日式鰻魚飯呢個我滿心期待，不過味真係好平常。如果汁可以多啲或者鰻魚份量多番少少就好了！如果你想食沙律🥗，呢度你絕對可以食到好飽，佢呢度沙律既份量比起出面係多出一倍🤣🤣

環境清幽 雖然位於火炭工業區 但係餐廳望向山景 超級療癒 💜💜💜最近開始探索香港素食 $68食到個雙色牛油果南瓜野菌藜麥焗飯 超美味 tongfujin而家新式cafe 食類似素食健康菜色平均都$1xx 😭餐廳顛覆我對素食既概念 ☺️ 店員態度超好 完全感受到香港🇭🇰人獨有既人情味This is a very high quality but affordable restaurant. The vegan meals are absolutely delicious. Really surprised me and I love it 😍 The staffs are nice and friendly. Full of human warmth

同事介紹這間幾好食就走去試食，結果係不愉快的經歷。那天叫了個焗飯，等了20分鐘都未到就問送餐姐姐，她的回覆說：焗飯要耐啲你等吓。Ok，我等下。這時候隔離枱來了其他客人而其中一位叫了同一樣的焗飯，但係5分鐘後就送到。我就再問送餐姐姐為何我等了25分鐘我的焗飯還沒到，但是隔離枱叫了5分鐘後就有？送餐姐姐同一個回覆：焗飯要耐啲一係幫你追下。這位姐姐說完就去了其他枱執拾餐具，她所說的”追下”就是要人繼續等。到埋單的時候向收錢姐姐反映此事，她的回覆：比較忙，啲單亂啲。其實那個時候peak hour已過，店舖只坐了一半人，而那些客人大部份是已經食完的。這個說法，真的嗎？坐滿五成你都這樣說，到座滿的時候你點樣做？

今天火炭見客，客人帶我去這間 Rose Cafe。這間 Cafe 不是地舖，是工廠大廈的樓上舖。剛剛坐低，侍應已經放低兩碗羅宋湯，羅宋湯有好多湯渣，茄味香濃！美式黑椒汁肉眼扒配意粉$68感覺好正宗，黑椒汁同牛扒係分開上，牛扒味道都唔錯，不過不失。德國脆皮鹹豬手配薯菜$62外皮香脆，豬手半肥瘦，一片片件上，方便食用。薯條好香脆，沙律菜新鮮香甜。熱薑蜜加$5有驚喜，好多餐廳嘅薑蜜都係沖劑，呢間自己煲，有薑絲，好有薑味！