霸嗎拉麵 (已搬遷) 新店位置

好喜愛日本菜的我，今晚看戲之後，就來到登龍街覓食，一來又有少少肚餓，二來又可以緩和看了dunkirk那種緊張感（是籍口吧？）登龍街是拉面街啦，很多間有名氣的拉面店都有插旗做生意，好不熱鬧最後見到一間好有和風的門外裝修就入去了—霸嗎拉面今晚來到就有位了不用等，原因是星期一的十點左右，晚上平時都有小小的人龍。拉面主要分豚肉和雞肉。店員都有介紹說喜歡濃味就選豚如果想比較清淡少少就食雞拉面啦我見好多食評介紹這家的豚肉是不能錯過的，就選豚肉！而且要吃玉—糖心蛋碗面很快就到。先是視覺，嗅覺都已經很滿足湯的表面有少許油很香濃，上圖都沒有修圖的！先飲一口湯，很有肉的香味。因為是炙燒過所以湯的味道更加濃郁。面的軟硬度都可以選擇。我選了適中，不會硬但又有少少的口感。很喜歡豚肉是很厚的一片，又有一半肥一半瘦，吃下去非常有層次又有濃濃的香味。外面一般吃到的薄薄一片叉燒是兩回事。看見有食評說飲了全部的湯，我都好想，但怕第二日水腫就放棄了。因為其實真的很香很濃另外，點了小食，沙拉唐揚炸雞如果你喜歡吃炸雞，一定喜歡這裡的炸雞。是新解炸而且雞肉很嫩。再加上個沙律汁平衡了炸雞的肥滯感覺。除了沙拉汁，下次還想試試辣汁。除

我先唔講佢主打嘅拉麵心血來潮突然間想食炸雞賣相好靚咬落去夠熱夠脆點知個粉真係勁厚好似娶咗個好靚嘅老婆返去 但係落咗妝會嚇親你一樣我唔知日式炸雞係咪應該咁厚粉 但係成件炸雞 個粉漿 同雞嘅比例差唔多係 55%係粉如果有人喺度見到 其實日式炸雞應該係咁樣 咁唯有我認係唔啱我口味除咗厚粉之外仲要好乾不過舊雞係幾滑最近佢啲辣味拉麵都係唔夠辣不過湯底仲係勁濃郁麵條非常彈牙唯一美中不足係佢啲蒜頭非常之乾散咗落湯麵浸咗一陣之後 都係硬嘅好似有啲小石仔不停喺你個口度滾動no one wants to refill your water

同友人係TIME SQUARE睇完戲後都晏了，就近近地係附近覓食！見到呢間每次係見到喺尖沙咀都大排長龍嘅霸嗎拉麵，難得呢間分店人唔算太多，決定要朝一朝聖。由於唔算太餓我地只嗌左碗辛辣炙熱豚肉加餸同幾個小食醫肚。估唔到嘅係佢嘅加餸係有別於其他日式拉麵店只係輕微加係麵上，而分開超大一碟碟的上！！！相當抵食！辛辣拉麵濃而不膩，辣度適中，唔會係狂飲水都沖不去嘅麻辣味，餐廳仲好貼心的準備了雪米滋解辣~豚肉口感好好，肥瘦亦適中，味道都夠味。溏心蛋係非常加分嘅菜式，一切開蛋黃流心滿溢，超正！！餃子亦係另一加分菜，整碟係冒煙的上~皮薄而且超脆，但又保留到餃子嘅肉汁鮮味！反而另外order 嘅雞叉燒略嫌有啲失色，肉質比較韌，而雞皮亦有啲肥。不過以中上嘅價錢，能食到如此水準嘅日本菜亦係值回票價的。以後拉麵又多一個選擇！

之前每次去親TST都見到呢間拉麵店排哂長龍, 今次同朋友經過CWB永光中心分店未見有龍, 就襯呢個機會試下啦~先黎餃子，外皮好脆，內裡好Juicy，如果比多幾隻就好了，唔夠喉~主角出場 - 辛辣炙燒豚肉拉麵，中途覺得太辣仲可以問店員拎雪米滋，好體貼! 解辣又得，當甜品都得! 辣度岩岩好，個人可以再食辣d。豚肉口感鬆軟，一半肥一半瘦，加埋溏心蛋，真係好滋味。拉麵最靈魂嘅地方就係湯底同麵，湯底雖然辣但唔會蓋過豬骨湯嘅味道，亦唔會好油。而麵度可自行選擇軟硬度添!豚肉食左一塊唔夠喉，額外追加左一份，仲加埋栗米同野菜。店員一拎黎真係呆左，以為栗米同野菜會加一湯匙份量到係碗拉麵入面，點知黎到係一大碟!係一大碟! 係一大碟!良心店舖啊!今餐飯比預期中抵食同飽~下次試埋TST個間先…

約咗朋友去銅鑼灣食飯， 知道登龍街有好多拉麵鋪， 唔知揀邊間最後決定揀最多人排隊嗰間 ，一定有質素保證 。入到去食咗個炙燒豚肉味玉拉麵， 個湯底非常之濃，絕對比美日本嗰啲拉麵， 食完個口有黏住嘅感覺， 隻蛋又好流心，湯底又有好多香蔥 ， 正。結果我成碗麵都食曬連個湯都飲埋， 成碗麵嘅份量都好正常，但因為個湯好濃，所以食曬成碗都係非常之飽。朋友叫嘅雞叉燒味肉雞白湯拉麵， 個賣相非常吸引，雖然我冇試過但下次一定要試叫咗個和沙律炸雞 ，如果個沙律醬多啲會更好 ，但係個炸雞一啲都唔脆 ，仲要好大嚿， 始終都係覺得韓式炸雞好食啲。

今日心思思 突然間好想食拉麵 記得之前係日本旅行既時候 第一次食拉麵既印象都吾係太好 因為完全想像吾到個湯底竟然會係咁咸同咁濃 搞到番到香港之後都冇再點食過拉麵本身對太濃味既野就冇乜好感 聽朋友講 有間拉麵係銅鑼灣幾好食 登龍街都出哂名多野食架啦其實 經過幾次 今次終於去食 霸嗎拉麵咁我呢今次就叫左一個雞叉燒味玉雞白湯拉面🤤🤤個人而言 吾太中意食豬骨湯拉麵 因為覺得太咸啦 另外 再加多左栗米同一個味玉碗面睇上去好似冇人地果啲咁吸引 因為冇左靚靚既紫菜😂😂 食拉麵第一時間 緊係先食啖湯 完全係岩哂我口味 湯底清甜得黎絕對吾會帶肥膩既感覺 但又可以又果種飲哂啲骨髓落肚既feel😍😍 叉燒係我食過幾次以黎 最正既一次 因為佢每一舊都係半肥瘦😍😍 雖然好邪惡 但真心講句 完全係入口即融😫😫😫 味玉流心得黎味道清甜 食哂兩隻 岩岩好 加埋栗米落湯到 好有口感中意有層次既人記住要試下小食方面我就試左 做羽根燒餃子同埋唐揚沙拉炸雞 雖然呢間係專食拉面既鋪頭 但係啲小食都絕對吾馬虎 餃子夠哂特別 有層炸皮 同 好多汁 菜味好濃 夠哂健康 炸雞份糧又夠食 吾似出面細細舊 又吾好食野飲方面 我就叫左蘋果梳

又到星期日同朋友去行街嘅時候啦～今次我哋去咗銅鑼灣瘋狂血拼朋友買咗好多衫好滿意 所以我哋夜晚就決定要再食餐好嘅! 最咩我哋鎖定左目標----係要食一碗美味的拉麵!!!!鎖定左目標我哋就第一時間去咗登龍街,大家都知登龍街有好多間拉麵舖進駐左揀右揀最尾我哋去間最多人排隊嘅嗰間霸嗎拉麵! ～佢個門口出面勁日本feel 佢有一種好神奇嘅魔力 令你好想入去咁樣! 好喇終於都入咗去啦一開門入到去其實已經人山人海, 好快就去坐低左啦再睇睇Menu, 佢主要係用雞量少選擇我呢就揀咗雞叉燒味玉雞白湯拉麵$88，我朋友呢就揀左炙燒豚肉味玉拉麵$88 再加支綠茶可樂$25  先講講我嘅雞叉燒先,佢個湯底我因為叫左少油所以比較清同平時一般拉麵嘅濃郁湯底好唔同我本人比較鐘意～講完湯底就到到麵質: 麵我就揀咗軟身嘅掛湯力都算ok ah~ 至於主角雞叉燒佢有兩大塊而且外面微微燒焦效果好惹味至於朋友既豚肉 佢就話豚肉半肥瘦適中再加上外邊微微燒過 感覺一流樣樣野都好完美唯一美中不足嘅係我既流心蛋變咗半熟蛋希望下次可以流啲啦 吖仲有最後既綠茶汽水本來勁驚可能會伏點知最後覺得味道都唔錯wor ! 喺口腔回一回既時候綠茶味就

相信好多人都聽過霸嗎拉麵，由日本開到黎香港，有五間分店，又有幾多人真係試過呢？今日我同朋友就去左銅鑼灣登龍街試下依間拉麵店，我地未到七點去到，唔洗等位，食完七點半已經有長長人龍係出面等候，再四圍望一望，發現間間拉麵店都排哂長龍啊！果然登龍街嘅拉麵店係極受歡迎。我簡左豬骨豚肉紫菜玉子拉麵，$98，如果唔要果4塊紫菜平$10。湯底夠味，係食到最後有d油，拉麵彈牙，份量足夠，有一件厚厚既豚肉，最出色係個玉子，流心，好正。朋友叫左碗辛辣炙燒豚肉味玉拉麵，佢覺得偏鹽左少少，但辣味十足，要點嘅朋友要諗清楚，最後職員會比粒雪米茲你解下辣啦。我地仲叫左個辛口燒餃子5件$38，餃子個辣醬係淋係餃子上，有d油同咸，我地都麻麻地。總括而言，拉麵係可以一試，而且無加一嫁。

平時見佢咁多人排隊 終於可以一試佢既大名😍入面既坐位吾算多 好多都係好似食迴轉壽司咁真係要拉面情侶或者拉面閨密 小小地人先岩食！平時個人對拉面無咩好感 因為實在太稠身同咸！吾係我口味😂今次食完 完全改觀！ 個湯底濃味但吾咸！我叫左炙燒海苔豚肉味玉拉面同沙律炸雞同埋綠茶可樂！個豚肉不肥不瘦 份量係成個碗咁大！好入味！拉面湯底好濃好香 但一d都吾咸 吾會食幾啖就吾想食！ 可選擇軟硬度🙇🏻‍♀️都係個人口味選擇黎！ 硬面吾算好硬！ 但吸哂d味！ 有得加其他調味料，好似七味粉，黑胡椒粉，蒜粉等等⋯⋯味玉略嫌吾夠糖心🙇🏻‍♀️🙇🏻‍♀️加埋蔥！ 好正😍😍但係枝綠茶可樂都幾特別🤔 真係成枝可樂味！茶味好淡！包裝好靚！ 打卡必備😍😍個炸雞就比較干身 但上果陣熱辣辣！配埋沙律醬就好正😍😍

今日試食尼間拉麵，係open rice見佢咁多個，又唔使排隊，於是入去試試⋯我地叫2款拉麵，辛辣炙燒豚肉味玉拉麵同炙燒豚肉味玉拉麵，簡單黎講即係辣同唔辣先講原味，湯好似好濃，但食唔到一般拉麵濃骨湯味，而所謂辛辣，真係一d都唔辣，只係比原味重味左少少⋯只糖心蛋係最令人失望，原全唔入味，蛋黃太熟，原全做唔到糖心既效果！而件叉燒就夠厚夠大件，但好似冇醃製過，感覺好似就咁煎熟一樣⋯另外再叫左餃子同炸雞，每款加十幾蚊，算抵食，冇諗過竟然炸雞有驚喜！炸得唔錯！整體黎講，唔可以話佢係差，只係唔算好食同唔難食囉！好在唔使排隊，如果唔係就更加唔值啦！對於食拉麵有要求既我，應該唔會再試啦！

炙熱豚肉味玉拉麵$88好食指數:6.7/10🤔一年之後既今日再食 好似退步了係登龍街雲雲拉麵店中 揀左呢間 空間感大少少 坐得舒服少少既拉麵店叫左原basic 既炙熱豚肉味玉拉麵落單等左大約十分鐘上枱都算有效率🍳味玉方面有d 失望 有點過熟 大概係七成熟 不過同行友人的就比較靚 有流心蛋麵質係幼麵 不過都造到彈牙 掛湯力佳青葱以細切上 比較容易與麵條一起夾 帶點香味湯頭比較重口味 而且屬過咸 口乾到臨訓前要飲多杯水 建議唔需要飲湯甘筍大敗筆 有一陣蘇味😥 好似豬肉既蘇味 食左一條唔想再食叉燒就唔太岩我食 佢既肥同肉既比例係大概6:4 實在太肥膩結論如果你係肥肉同重口味愛好者 可以一試----------------📍銅鑼灣登龍街28號永光中心地下

今日遇到的啲令到自己唔開心嘅事，所以要搵返啲窩心嘅食物，彌補自己心靈嘅空虛！因為食物會帶來開心，好嘅食物可以令你忘記咗不愉快嘅事！就係我最愛嘅拉麵仲有要肥美嘅叉燒那些年嘅登龍街只不過係一個電車廠電車總站，只不過係有一啲簡陋嘅大排檔，依家就完全唔同啦成條街變咗食街所以嚟到呢度食飯都有另一番嘅滋味一碗完美嘅拉麵係要配合濃厚嘅湯底，而且麵條要彈牙，啲叉燒就係我哋香港人最重要嘅主菜，要肥瘦均勻而且一定要經過🔥香嘅嘅程序咁樣先至係達到甘香可以令到人哋唔開心變開心嘅一碗完美的日本拉麵⋯⋯所以我今日就點左特盛炙燒豚肉拉麵＄118再加替玉＄20～～來個豐盛人生人哋話不醉無歸我就不飽不歸羽根燒餃子＄35餃子餡脹卜卜，外皮炸到非常鬆脆唐楊炸雞＄35雞件非常大隻，而且肉汁豐富，好好味今日呢一餐就可以紓解到我今日嘅唔開心啦⋯⋯

星期六夜晚七點幾到達，等左10分鐘就可以入座。劃紙仔落單。可選擇是否要配料、面嘅硬度同湯底嘅油量。唐揚炸雞 ($35) 好食！大概有五件炸雞，每件都幾大塊，雞皮油香脆口，外面脆裏面Juicy，調味不錯。辛辣炙燒豚肉味玉拉麵 ($93) 好食！湯底用濃厚嘅豬骨湯加上辣油，好惹味！肥叉燒好食，邊位肉有啲啲鞋。雞叉燒味玉雞白湯拉麵 ($88)雞白湯不算濃，口味較豬骨湯清淡。第一次食雞叉燒，啖啖肉有咬口。玉子流心有蛋香，無乜醬油味。雞叉燒大塊厚身。總括來講，係一間幾有水準嘅拉麵店。

最近來吃兩次都變沒以前味道好，豚骨味沒了，麵填了硬麵來又太軟，上次吃我就覺得有落差，今天再來吃竟然還讓我吃到一個酸掉的溏心蛋，以前我真的最愛這家拉麵，沒想到退步好多。。。

第一次食霸嗎拉麵，感覺非常掂當。這間位於銅鑼灣登龍街的拉麵街，門面非常宽濶， 裝修日式化， 猶如置身在日本拉麵店內。進入餐廳， 由於剛過了食飯時間，所以座位有很多可任揀， 我便揀了靠牆的2人座位，一则坐得舒適，二則可慢慢品嚐。我想了一陣，由於很肚餓原故，便點了炙燒豚肉海苔味玉拉麵$98和辛口燒餃子$38。不消片刻， 熱騰騰的拉麵很快出现眼前， 賣相非常吸引，我忍不住來一啖湯先，味道香濃而不黏口，正。麵質方面，粗幼度適中，很有咬口，非常彈牙。而豚肉很稔身，肉味濃郁，口感嫩滑，肥膏不多，加上肉身輕輕燒過，令味道更出眾。而三塊大紫菜非常爽脆、溏心蛋的香滑、配料的新鮮，令整碗拉麵更上一層樓，濃湯拉麵，確實與眾不同，令味蕾滿足至極，差不多連湯也飲哂。小食辛口燒餃子不要小看，辛辣得很，餃子皮很薄而又煎得好香脆，餡料豬肉很新鲜，肉汁鎖於內，令口感、味蕾很滿味，掂！因辛口燒餃子實在太辣，所以一支飲料不足，前後2支才掂。 信州蘋果梳打$28和三矢梳打$20，超值的日本直送飲料，味道不太甜但很清新怡人，解渴解辣佳選。