霸王山莊 (已結業)

侄女正日生日，我地全家8個去咗奧海城嘅玩具反斗城買禮物。買完禮物後已經8點半，因為當中有老人家，所以我地揀左中菜食。去到排隊，見到都幾多人排隊，但我地好好彩，好快就有張大枱埋單。我地喺門口見到原來生日有優惠，當月生日有折扣，生日嗰日食仲有片皮鴨同壽包送我地點左醉雞、羊肉、雲呑雞、小籠包、流沙包、酸辣湯、黃金蝦、賽螃蟹、炒飯、海蜇頭、高力豆沙同紅荳餅。當然，我地無放過片皮鴨同壽包啦叫完野好快就上菜，以下係我對食物嘅評價:1)醉雞-酒味係有而且香，但雞肉有少許霉2)羊肉-好鐘意個羊肉夠香同埋有羊味3)雲呑雞-我剩係食左菜，但係屋企人評價唔差4)小籠包-係好食嗰種小籠包，皮唔厚而且多湯汁5)流沙包-熱辣辣食係會流哂啲餡出嚟6)酸辣湯-夠酸夠辣同多料7)黃金蝦-佢有蝦同豆角，好味8)賽螃蟹-呢個真係麻麻，好嚡9)炒飯-正常野10) 海蜇頭-幾夠味同爽口11)高力豆沙-好食12)紅荳餅-正常的13)片皮鴨-我最期待嘅片皮鴨係令我有啲失望，片皮鴨唔熱唔脆唔香。餅皮係好夠熱，但真係唔係好食嗰種不過送嘅話就唔可以期望太高喇整體嚟講，食物水準中等啦，但員工有禮貌，所以我會再嚟嘅

全文重點1: 叫小籠包送免費片皮鴨!!!!全文重點2: 此優惠已結束霸王山莊既片皮鴨同風沙雞, 一向係我既至愛!♥而家黎左大角咀返工, 更多機會黎食飯~~~不過今晚黎既主要原因 係因為突然見到facebook先知道佢做緊一個叫小籠包就送片皮鴨既大優惠! $v$!!只要係指定既6個星期一,二晚上叫一客價值$40既小籠包+facebook like & share就送你價值$198(半隻:四位或以上)/$368(全隻:八位或以上)既片皮鴨抵到爛♥$♥$♥$♥$♥其實佢既食物overall價錢都合理... 最貴個樣都係片皮鴨呢隻好緊要既霸王小籠包$40/4隻 XDD個人覺得小籠包都係翡翠好食D~ 呢隻係不過不失其實飯類黎講 呢度既霸王炒飯係最好食!! *v*不過唔知點解最近兩次黎都心血來潮想食乾貝蛋白炒飯$86...呢個炒飯飯粒分明, 偏乾身 唔會油膩~ 而且瑤柱, 蛋白同菜粒都好多 所以每一啖食到既層次都豐富 *v*(不過下次黎一定一定要叫返無得輸既霸王炒飯\___/)今晚既主角黎啦!!!! *v*!!! 免費既北京烤鴨(半隻)原價$198本身都有一刻擔心過... 咁著數 會唔會比d低質素

千萬不要叫風沙雞，我們等了六十分鐘，追過Ｎ次，次次說炸緊炸緊，但是出來是凍的。我們有三個人，四人枱侍應夾硬取走一張椅，轉圓椅。整體上服務差了，茶都不懂沖，其他餸勉強合格。

霸王山莊，作為本地京川滬連鎖店先鋒。小時候最大的印象就是以瓦碗當酒杯，霸王氣勢，鋒芒畢露。這次特地為片皮鴨而來據聞所用的東北鴨子是從中山農場養殖，吃五穀長大，成長至78日，約重4斤半時就會宰殺。而店中的烤爐亦是從外國特別訂造回來，造價近5位數，務求做出最好的效果。但最終失望而回。油香欠奉，外皮不夠脆，仲有點韌。鴨肉本身味淡，加上片得太厚的緣故，吃起來啖啖肉，像是吃鴨件多一點。另一重點是「皮」，以蒸蘢盛載。送上面前時熱辣辣。皮薄質地適中，但15分鐘後開始因為放涼了而偏硬，外邊最為明顯。一蘢有大約10-12片。整體來說，比一般酒樓坐得舒服，空間感充足。一般小菜合格，但片皮鴨質素麻麻。

位於奧海城三期的霸王山莊，七時許入座率，接近8成。點了霸王小籠包、蒜子上湯浸翡翠苗、半隻北京烤鴨和四寶烤麩。這裡的烤麩十分不錯，很入味，更有少許雲耳和上海毛豆。翡翠苗的賣相很精緻，不要以為碗子小小的，但份量也不少，菜苗煮得剛剛好，不會煮得過軟。霸王小籠包也值得一試，入面湯汁很多很飽滿，所以夾起時要小心，不要弄破。最後一味是北京烤鴨，入口很多肉汁，用送的蒸餅包著烤鴨、京蔥、青瓜和甜醬，又有一番風味。

有別於香港其他餐館所做的北京烤鴨,我認為這店的北京烤鴨做得非常有誠意,特別是那些附上的配料,除了有京蔥及青瓜以外,還有新鮮蜜瓜、哈密瓜及菠蘿,給本來口感重的烤鴨帶來清新的味道,值得一試。

賽旁蟹淡淡地，係我呢餐飯的最愛因為人事比較多，煎餃子我係無食到，但個樣算幾吸引的算留意叫咩名，干，無味，我唔得炒得都算干身，幾香，如再來可以再叫白兔仔叫來畀小朋友，我無食小籠包，汁多，皮薄

想食北京填鴨。朋友二話不說帶我黎「霸王山莊」。我地兩個人。order 咗半隻share 。半隻份量都幾多。鴨肉唔👟口。個皮脆卜卜。果然係招牌菜。塊皮用點心紙隔住。唔會出現皮痴皮嘅情況。窩心

今次主要係口痕為左想食片皮鴨同小籠包皮好薄 青瓜再加片皮鴨一d都無濟既感覺2個人食order都半隻鴨 大致上都夠食半隻雖然睇落份量有d少 但包埋d皮🤔再加青瓜同d葱 食幾舊已經飽所以2個人半隻是夠的小籠包皮薄多汁少少燙口 好新鮮如果要穩缺點就有少少咸左d不過大致上都接受到都屬好味的糖醋魚(唔太記得個名了味道夠就夠濃 但係太甜本來以為要多碗飯可以送飯點知送飯都5會有一啖接一啖既感覺碗飯冇郁過但d魚肉都幾好食 岩岩炸起金華火腿娃娃菜um⋯⋯d菜ok既 幾有菜味叫佢系因爲想餐飯健康d不過不失la火腿香味就無乜了

開年飯點都要俾d主題嘅！上次去老牌中菜冇食到片皮鴨，今次就一於喺霸王山莊食返次。之前幫襯過都已經想食，可惜侍應話冇預訂，已經賣晒。今次一打去訂枱即刻表明來意！預留一隻席中開片！家中長輩話交由我發板，我當然老實不客氣！冷盤黎個雞年主打粉皮再上個乾煸四季豆再黎假蟹！仲有個霸王炒嘅飯同小籠包！千呼萬喚，主角登場！二食仲有個生菜包，可惜佢一上枱已經香氣撲鼻！眾將士已經按耐不住！蜂擁而上！特別一提片皮鴨嘅荷葉包比較細片，但係估佢唔到，包片皮鴨啱啱好！好在今次有預訂，唔係又走寶！

想食片皮鴨三條友去左霸王山莊黎黎去去都係叫開嗰幾味估唔到咁驚喜開始雞絲粉皮好多油多到只有油嘅味道小籠包皮薄但肉有酥味食半粒已吐炒飯多水 淡而無味 微溫 完全唔掂仲有 分量比以前少一倍算 因為都冇人食賽磅蟹同黃金蝦有番少少水準最期待嘅片皮鴨 鴨肉乾爭爭 冇味同埋薄餅又係唔熱京葱咬唔斷以前至少食七至八塊今次食左兩舊就停手平時出街食唔哂嘅食物我地都會打包Sorry 呢次我真心食唔落只有一件事值得一讚戴眼鏡陸軍裝嘅男士服務態度好好但都補救唔到實在太 難食埋單竟然要自己攞張單出去埋唔講以為去左茶餐廳盛惠1000大元 心痛以前嘅水準 我覺得值而家 你請我都唔會食諗住有張會員卡幫補下點知收銀話會員卡已經過左期好耐啦我地有通知架喎Blah blah blah哦 唔緊要橫掂都冇下次完

一早已訂了位，一心想著為同事farewell，因為同事喜歡這間的片皮鴨，本來是很開心、又好味的一餐，記得上一次食完係有糖水送，問她今次是否有，原來係無…咁算啦！ 照叫…埋單果陣，以為會員咭有折，點知她們說已取消了這張咭，又話轉左經營，已經 email 給會員，但我們係無收到，而且那個經理態度差，好似無錢比佢，要乞求果九折，講真為左少許錢，得罪客是否明智，如果張咭係停用，是否貼在門口提示，又或者坐低果陣講聲，這間霸王山莊，已經例入黑名單，以後都唔會食，奧海城食店多的很…為左啖氣😒，永不再來

因為屋企人係會員, 每年生日都會有$100現金卷 & 九折所以就相約今晚黎食片皮鴨啦~~~ 平時多數會去尖東店, 今日試下黎奧海城店....佢係奧海城三期... 如果係奧運地鐵站行黎 有d遠..有d難搵係朗豪坊行黎既話會近d呢!我地6點就黎到喇~ 有限食1個鐘零3個字... 有少少趕急不過呢度環境係好過尖東店~ 都坐得舒服d~好多款京、川、滬、杭傳統美食 <3 每一款都好想試 ;D最先上既係期待已久既片皮鴨 (半隻) $198 (味道:8.5/10, 份量: 7.5/10) 黎呢度食片皮鴨係一定一定唔會令人失望 !!!鴨皮夠薄夠香脆 肉夠鮮嫩 最重要係唔會好似其他地方食咁好大舊肥肉食指大動 <3<3<3(連包鴨既麵粉皮都搓得好薄 又夠熱~ Good)黑醋小排骨 $85 (味道:7.5/10, 份量: 6/10) 黑醋味真係好濃... 濃到食唔到排骨本身既味肉質好鮮嫩 好易咬開~ 乾煸四季豆 $78 (味道:8/10, 份量: 7/10) 肉碎同四季豆既比例剛好~ 肉碎夠味 成碟炒得好香同惹味乾貝蛋白炒飯 $85 (味道:8/10, 份量: 7.5/10)

今天來到位於奧海城的霸王山莊食晚飯。到達時，大約六點，門外已有不少人在等位。等了半小時終於可以入座。我和友人兩個點了四款菜：糖醋排骨、、霸王炒飯、流沙包、北京片皮鴨。糖醋排骨是一個冷盤，份量偏少，不過味道不錯，甜酸度剛好，排骨肉質不會過硬，作為一個開胃菜剛好。（7/10 ）霸王炒飯是其中一個這裡推介的菜，以餐廳名字命名，所以決定一試。果然不失所望！飯粒粒分明，但不會炒得太乾，仍有少許濕潤。其實炒飯的配料很大眾，有蝦乾、鮮蝦、蔥粒、蛋等。不過大量的蝦乾卻爲這看似簡單的炒飯帶來鮮味，令人想一添再添呢!（8/10 ）流沙包是我小時候和家人飲茶必叫的點心，不過近年都少食了，因為不少茶樓都沒有了這個點心，即使有，試過幾次都中伏，包裡面根本就沒有流心。然而，這裡的流沙包卻令我重拾兒時的味道！包子熱呼呼上桌，有別於茶樓慣用的蒸籠，這裡是用一個木盒子裝著三個包子。包子之間不會重疊，避免了一不小心弄破，裡面的餡漏出來。包子軟綿，咬開裡面的餡流出來，香濃的蛋黃流心，好味非常! 一點點美中不足的是流心不夠滑，不過這或許證明了裡面是真材實料的蛋黃吧 ! (9/10)到了這裡的招牌菜 - 北京片皮鴨，我們點

難得可以早放,所以就約左屋企人去食附近比較高級的霸王山莊因為人數少既關係,唔敢嗌片皮鴨,只係嗌左佢d小菜食今次一行三人 總共嗌左5樣餸菜有霸王炒飯($86), 霸王小籠包($38),滬式魚香茄子($72),四川樟茶鴨($98),老重慶擔擔麵($53)老實說覺得好食的只有霸王炒飯,滬式魚香茄子先講霸王炒飯,雖然材料唔算多,但師傅炒得好,色香味俱全,咸度適中,粒粒都係金黃色的滬式魚香茄子同我地平時食開既魚香茄子亦有好大分別,呢個滬式係甜既,就算空口吃亦都唔會覺得好咸,不過老一輩就未必能接受平平無奇的就係霸王小籠包和老重慶擔擔麵霸王小籠包同金滿庭比就較為失色因佢個皮唔夠薄,食落入面個湯只係微暖,而個味道係唔錯既,不過就皮厚左d會有扣分老重慶擔擔麵就同普通擔擔麵冇什麼差別,因為佢係只有麵冇餸既,靠既只係湯黎吊味,如果只係一個人吃就會覺得好濟下,而且佢係偏辣的,比想像中更辣我覺得最差既就係四川樟茶鴨首先原來這味餸是煙燻煮出來的,煙燻味道太濃,食落去只吃到煙燻的味道而不是鴨的味道其次是肉質比較厚實,冇想像中既嫩滑再者係佢附上了盬比我地用鴨肉點黎食但是鴨本身已經是咸咸的,再加上盬食落就咸到不能入口以