霸王山莊 (已結業)

七人的晚飯,被安排坐房。先來小食,鴨胸芽菜,很快被吃光。醬汁雜菌,感覺在冷氣下放了許久,凍冰冰,汁一pet pet,仲發現一條頭髮添! (收費:人頭x$5)Oh! No……!小籠包$32/4隻,肉汁多,略嫌肉不夠鮮味,但皮薄通透,拿回不少分數。擔擔麵$42,只是麵條好吃,軟中帶彈牙。但湯口沒什麻醬味,只有「辣」字。不好吃。黑醋小排骨$69,排骨size一點也不細小,醬汁很快”琼”著,麻麻地。黃金蝦$135,極難食,雖然黃金十足,但蝦沒味,炸得太勁。黃金蝦,都是連殼的好。片皮鴨$258,鴨肉不油潤,吃到尾,更見乾忟忟!韮菜花煎餅$30,皮脆太薄,與淨吃韮菜粒無異。糖醋松子魚$158,肉不算多,皮更多。在上海吃過最好的松子魚,香港應該沒哪做到好水準。砂鍋雲吞雞(例)$82,雲吞四只,餡很多肥肉,湯濃好飲。蒜子上湯浸翡翠苗,賣相靚,翠苗上的粉絲令立立,有如鑽石啊,但味道較淡。曾幾何時,很喜歡「霸王山莊」,沒想過現在......淨番小籠包好吃咋!

環境寧靜舒適，中午時段客人少，所以冷氣很淡薄，令人月食月坐月熱。見到d客係咁換位置，搵冷氣，可見冷氣不足。我食完，都要快快走，去商場仲多冷氣﹗食左二碟食物，加一服務，盛惠一百零六元。但食物質素的確高，價錢合理。而服務態度和質素肯定有待改善。鮮肉小龍包($32/4隻)：是全香港 的number 1，我品嚐過上海婆婆、王家沙、湘川浥、翡翠拉麵小龍包、鼎太豐、金牌小龍和阿拉廚房等等。還是霸王山莊小龍包最好吃，皮簿得很，搓皮功夫好，湯汁多而鮮味，肉汁甜而香濃。鮮肉入口有濃烈的肉味，做得非常好。我經常光顧，仍保持一定水準。嫩雞煨麵：份量足，有菜碎和有很多雞肉粒，有口感。奶白色的湯淆得清純香滑，有雞味。麵身不硬不林，軟身幼麵做得恰到好處。與王家沙、湘川浥、翡翠拉麵小龍包和阿拉廚房比較，霸王山莊嫩雞煨麵仍然是number 1~溫馨提示： 荃灣的霸王山莊門口有一行好高的梯級，請注意，雖地上有貼紙提示小心梯級，但相信這梯級是時常發生意外，因為梯級已貼上黑黃間貼紙作提示。食客仍請小心行路。因最近成座大樓裝修，去霸王山莊的路也變得很不方便，沒有扶手電梯。而本人也不幸中招，拗傷腳跟，在家休養中。

錦魯雲吞只得三片炸雲吞皮！經理說是這樣的！真霸王！小弟吃了四十年錦魯雲吞！今回真的大開眼界！二十幾元買三塊皮吃！街邊十元都有六件！裡頭總有魚肉家！做食市總要有良心！錢是賺得有良心！

放學後一班同學到此搵食，八點幾入座，當時入座率約4成，我們被安排在最後的大枱，奇怪的事便發生。客人唔多，明顯有充裕的人手，但招呼亦唔見得好。好幾次叫人，揮手被視而不見，要好大聲叫 "唔該" 先有人行埋黎。其中一次，一直叫人，老遠的接待處有幾個侍應在傾計，肯定望見我地，仍然唔行埋黎，還笑笑口繼續傾計。其中一位 senior 在對講機講話，接着經理在轉角處出現。唔通我地嗰邊有鬼，啲人驚行埋黎心中已滿不是味兒，都唔記得食咗咩？又無影相。到九點幾，人流開始多，可能呢度多消夜客啦，其時隔離的大枱有客人入座，之後開始有侍應招呼，應該係招呼隔離枱客，這時我地搵人斟下茶都有人應，唔使好大聲叫 "唔該"，之後等好耐先有人從轉角處 "閃出"。食物方面唔太差，但真係無心機品嘗，甜品都無食，傾完計就離開。

上次本來係去呢間食飯，但係我遲到，所以今次再去都一次…… 今次我因為唔係好想食麵，加上我驚要等得耐，所以預先叫男友叫定嘢食。我地叫咗紅油抄手、小籠包、霸王炒飯同埋蔥油餅。紅油抄手上0個陣時佢係醬油雲吞分開上，細心。小籠包尚算皮薄。炒飯普通。唯一唔係咁好食既係蔥油餅，唔係整得唔好，而係唔係咁啱口味，唔係咁想食……

是晚晚餐吃得唔飽,成晚都囉囉攣想食野~最後到11點幾都係忍唔住,同bb揸左車去路德圍食o野~o係芸芸既選擇之下揀左吃霸王山莊~有我要求既小籠包, 口水雞, 即蒸牛肉球 同埋bb要求既雞絲粉皮~捧霸王山莊場要追溯到大約8年前,佢得尖沙咀分店,佢唔係好出名既時候lu~o固陣覺得佢既小籠包好好食!!唔排除係佢退步左,所以而家冇咁好食....但係我諗以前冇而家咁多好地方食小籠包亦都係一個原因~我覺得牛肉球正常, 幾好味~bb覺得雞絲粉皮都ok, 但唔算好好食~我地兩個都覺得最好食係口水雞! (其實係我上次叫過, 覺得真係幾好, 所以encore~)我倆皆嗜辣, 呢度既口水雞做得幾滑又夠辣, 所以我地都好鐘意~唯一係個麵係平左俾你, 但係亦都細碗好多~一個人食都會嫌少~埋單總數大約$110出頭~算係好滿足咁走~

參觀完中學的開放日，剛好是午飯的時間，看見學校附近沒有甚麼特別的食肆，於是便向大集團入手(質素有保證)。一步入店內，立即有人帶位，服務不錯。店內燈光足夠，環境算是不錯。洗過碗筷後，點了雞絲粉皮、美味熏魚、霸王小籠包、菜肉雲吞、黑醋骨炒粗麵和老重慶擔擔麵。五分鐘後，菜式已經陸續上枱。雞絲粉皮的賣相不錯，望落去材料尚算新鮮。但，它是冷盤，原則上是應該冷的，但這碟冷盤竟然是熱的!! 一食落去，好明顯冇乜點熏過，有的只是大量味精。此外，魚骨不能咬碎，要小心食用。擔擔麵一上枱，看到賣相不錯，心想：終於有番樣似樣的食物。一食落去，麵和湯好像是分開煮的一樣，各有各味。除此之外，麵質竟然和即食麵差不多!!湯底除了辣之外，完全沒有任何味道。待應打開蒸籠，熱烘烘的煙立即湧出來，我便立即先吃為快。皮不是太晶瑩剔透，而且比較容易貼着蒸籠上，要小心。溫度尚算夠熱，肉本身是沒有味和乾身的，但包內反而有大量的肉汁，令我聯想到人造味精汁。菜肉雲吞有鹼水味，味道毫不特別，以這個價錢來說，太差了。整碟粗炒是酸的，麵質十分差勁，好像是臨時放落去的。埋單二百四十幾，走之前見到牆上掛了一個獎，是最佳小籠包獎......(吓?唔

其實好多地方如有小朋友4..5歲以下都唔會收茶錢, 今天我地個小朋友只得三歲, 此店境然收茶$, 待應話手抱先唔收!! 當然呢個係食店自己點定都得, 吹佢唔漲...友人check 單時, 我地得9大1細, 收咗12位茶錢, 當然要問下la, 但個待應服務十分串差到爆咁回答......只有手抱先唔收...一個茶錢唔係比唔起囉....................以後都不會再光顧.....................食物已經唔得...再加埋咁既服務order 咗個12人餐半席有10 樣食物同一樣甜品, 份量十分多!!五色拼盤 ~ 熏魚同雞絲粉皮ok...完全唔得錦繡河蝦 ~ 即係腰果炒西芹蝦仁, 蝦係無蝦味!!芙蓉三鮮 ~ 炒蛋白裡面係d魚,..只食到一魚其如兩鮮唔去咗邊!!紅燒花膠翅 ~ 幾多料, 味道ok!!冰糖小圓蹄 ~ 好淋幾juicy!!糖醋松子魚 ~ 魚太實唔滑, 無魚味!! 霸王風沙雞 ~ 乾柴...一d 雞味都無!!乾貝小棠菜 ~ 木須肉炒面 ~ 炒得幾好味, 仲好大碟!!霸王炒飯 ~ 十個fail!!高力豆沙 ~ 好油...散叫咗.........小龍包 ~ 一般貨

當晚是工業學院六位舊同學的叙餐, 佳港島區的攪首選荃灣食店, 以配合其中三位住新界的同學佬, 真夠細心.鄰近地鐵站的霸王山莊雖已作裝修, 仍需先乘兩條燈光昏暗的自動電梯才到達, 也許當晚是(一), 故沒有全場滿坐.選信用卡優惠的六人套餐, 我當然同意以經濟抵食為先, 但不會對食物品質有期望, 這是過往食店的大優惠經驗告訴我的.首先一讚餐前花生脆口.信用卡六人優惠套餐 ($999 荼芥及加一後為$1160) 五色拼盤五項凍食材包括餚肉, 诲蜇, 素鵝, 雞絲粉皮, 千層峰, 我隨意試了其中二項, 便繼續聊天, 每件小食切至型狀平均, 賣相吸引. 小籠包每人一只, 釀着豬肉為主, 吃不到其他味道, 唯湯仍熱騰騰.黃金蝦大蝦被厚厚的鮮黃色的鴨蛋黃包圍着, 分量不俗, 蝦味也被炸鴨蛋漿味蓋過, 我要暫時忘記什麽是高膽固醇, 吃完先算.紅燒雞絲翅幸好不是鯊魚翅, 否則我又设有面目加入反鯊羣組了, 份量夠七人分享, 味道一般.糖醋松子魚賣相豐富, 魚肉味一般, 也許味道被酸味重的糖醋搶過, 但我喜歡酸味, 若是甜酸味更佳, 配料還有數隻蝦. 紅燒诲參魚肚诲參不能每人一件, 連同魚肚及菜胆, 份量

琴晚我地一行9人去左呢間店食晚飯,間店安排左一個角落頭比我地,勁迫,又冇第二張枱,坐得好唔舒服.叫左小籠包,雞絲粉皮,五香牛展,雲吞雞,四季豆,宮保雞丁,擔擔麵,一個不知名炒飯同黃金蝦,老實講佢d主菜唔錯,尤其係雞丁同四季豆,好好味,但雞絲粉皮同牛展就乾到嘔,唔知點解,埋單一人$165,我就覺得唔太值啦,但都可以一試的.

由於n年前曾經同家人黎lee度慶祝生日,阿媽就揀lee度一家人食餐晚飯, 黎慶祝佢今年生日我地一行3人, 叫的食物有︰雞絲粉皮($55)︰雞絲有D"鞋"口, 不過花生醬味道好香, 粉皮又整得爽口, 算係一味好的前菜脆皮素鵝($55)︰由於幾日前o係稻香食過同一味小食, 稻香整得又香又脆好多, 大碟過lee度lee度的皮反而淋, 而且份量少, 味道仲係一般般, 不過都ok好味的~小籠包($29)︰係lee度的名菜+推介美食, 絕對有保證, 好食!!不過確實好貴好貴, 飲茶食一籠都係$10以內...已經變得唔抵食!!螞蟻上樹($55)(唔記得影相)︰只係一小碟碎牛肉撈粉絲, 超級唔抵食~味道還可以的~但下次唔會再叫!! 薺菜鮮魚羹($69)一窩︰好fresh的一個湯羹, 唔駛下下都飲雞湯的, 偶然飲一個清淡有多菜的湯, 健康之餘又可以試新野, 不錯!! 韭王鱔糊($85)最唔抵食的一道菜, 配料多過主菜, 加上太咸喇!!!!!>.<平時o係小店食的一道好味小菜, 黎到霸王山莊竟然變成咁, 失望!! (小店食都係$4x一個客飯套餐!!!)霸王山莊計$6一位茶錢, $3一位酸菜

米奇同米妮同米妮屋企人一齊食飯～叫左個麵餐黑金剛即係紅薯粉，雞肉好夠味，紅薯粉煙煙韌韌好好食外皮酥脆，但係好重麵粉味，如果多d蔥會香 d霸王山莊ge小籠包咁出名，冇理由唔試～～米妮好小心咁拎起個小籠包，發覺，呢個小籠包唔係好易穿ga wor，望真d，原來入面ge湯好少平時米妮點小心法，都好易穿ga ma……食落真係好一般，唔明點解會咁出名好食，外面係薄薄脆脆ge，入面好足料，見到多到出晒黎，不過就油左d好細碟，得幾啖米妮好鍾意食雞絲粉皮ga ma><好鍾意個種麻香味，唔係好夠喉……好細碟，估唔到d炒年糕係長方形ge…… 平時食都係偏橢圓形ge…… 味道唔錯，但係份量好少呀因為唔知係乜野黎ge就叫左，原來係齋黎ge，好重味，又鹹又甜咁，米妮唔係好鍾意waitress上個陣剩係得個醋同餃子，當我地正奇怪佢個紅油去左邊個陣，佢就行到返來俾個甜豉油mix辣椒油俾我地la～個醬好香，唔係好辣，唔錯唔錯，冇諗過個甜豉油同餃子會咁match食物唔錯，但係價錢偏貴，同埋成日叫waiter/ waitress個陣好遲先有人過黎

估唔到星期五8點來到都唔駛等位!環境及服務都不錯, 燈光好柔和, 而且剛剛坐正電視位。侍應一叫就到, 而且食物叫了唔駛10分鐘就開始送到, 快手快腳, 正! ! 霸王小籠包都okay, 皮夠薄, 又多湯在裡面!黃金蝦本人至愛沒有殼的黃金蝦, 因為蝦肉會好有鹹蛋味。雖然這裡的黃金蝦都是沒有殼, 可惜炸粉實在太多蜜汁火腿方幾特別, 個汁甜甜地, 幾好味!東坡肉入口即溶, 勁好味, 個汁又做得好好, 一定要再食! ! ! !青瓜海浙頭麻麻地, d味好怪, 同一般的不同, 不過海浙頭都幾爽口。 金華火腿津白勁難食! ! ! 津白勁老, 金華火腿有怪味! ! !手撕雞一個字---"差", d雞完全冇味, 個汁又怪! !

廣東人好重視做冬, 連好多公司都特別放早俾員工早少少回家同屋企人食飯做冬, 但我們俩小口因為返工關係要到夜晚十點半才放工, 同佢一齊既所有節日我都希望可以一齊慶祝, 做冬呢個大日子我更加不想省略, 本來還諗住咁夜還有邊間食肆可以, 八點幾時, 佢打來叫我上網查荃灣呢間霸王山莊晚上幾點打烊, 估唔到佢都諗過一齊做冬慶祝, 聽完個電話心裡甜絲絲的, 當然立即行動, 當知道呢度收一點時, 開心到即刻將呢個好消息話佢知.放工後, 我們即時坐MTR返荃灣, 原來呢個時候巳經係宵夜價錢, 比平時抵食好多. 佢叫左我最愛的生煎包, 我當然亦不會忘記佢的至愛-小籠包, 我知佢又為左陪我一齊食飯一路無食野, 所以我特登叫左個炒飯, 另外叫多兩個小菜.呢個時候餐應內不是太多人, 兩個人坐張四人枱, 好舒服好寬敞, 而整間餐廳望落好光亮好乾淨, 一諗起我們一齊做節, 我就由心度笑左出來, 可能宵夜時分, 所以d食物好快上枱, 小籠包熱辣辣冒住煙的, 佢夾左一支俾我並吩咐我小心燙, 小心的咬開簿簿的皮, 入面熱烫的肉汁流入口中, 再一口吞埋成個包, 中間的肉團好少渣, 水準都唔錯, 而生煎包亦煎得底小小脆,

成為VIP後，很久沒有來荃灣這間霸王山莊了。今天因為某些原因，所以跟老婆來了幫襯，沒想到竟然巧遇一班中學同學，真是有緣。入座很快，荃灣霸王山莊一向人數不多，尤其是一至五。但集團一向有宵夜時段，點心頗抵食，唔怪得我地食完走既時候先見到有人入座。前菜是醃紅／白蘿蔔和青瓜，未能說好，也未能成為開胃的目的。點了一客霸王小籠包，小籠包皮薄多汁，是一貫霸王水準，但略嫌肉味不夠濃，而且皮也比我在其他霸王山莊吃過的易穿。不過味道還算不錯的。黑醋小排骨醬汁味道不錯，如有白飯真的一絕，但排骨不到位，不是太老就是太肥，完全黐骨黐牙，咬得辛苦，而且個別一兩件排骨近乎只得肥肉，真是棄之可惜。沒了辣味的老重慶擔擔麵果真欠了靈魂，因為老婆暫未吃得辣，所以下單時問了經理可否走辣。果然是一點辣味都沒有，只有花生醬味的感覺是沒有層次感，當然問題在於不吃辣的顧客如我，但其實我相信霸王山莊能做得更好，例如增加肉味等。乾煸四季豆是全晚最差，油多，味道過咸，而且四季豆有渣；本來是想叫個菜平衡下，但看來選擇是嚴重錯誤了。霸王山莊，我可說差不多幾間分店都吃過，荃灣沙田尖沙咀，甚至已關門的灣仔分店都吃過。荃灣，是當中水準最不穩定甚至最