青花 (THE FOREST)

//16 09 24 晴天🌞20:00 旺角 The FOREST@atumchampak鬧市中的小綠洲 ☺︎大自然嘅柔和感，舒適嘅環境，將新派煮意糅合，除了享受一頓充滿繽紛色彩嘅「泰菜🇹🇭」，更將獨特嘅東南亞風味🌴，逐一呈現給大家~𖤐ˊ會有加一服務費🔻芒果蟹肉沙律 HKD$118ꕀ新鮮蟹肉加上清甜芒果果粒 及沙律菜 已經顯得格外清新 再將炸乾蔥 & 芒果醬撈勻後 甜中帶鹹嘅味道 滿滿東南亞特色作為開胃前菜 的確唔錯🔻雞皮卷 HKD$82ꕀ薄薄一層𝘘彈雞皮 緊緊包住裏邊嫩滑雞肉咀嚼嘅時候 同時會感受到 油香跟肉汁喺口腔內 不停互相交織 🔻油酥手抓薄餅 (3片) HKD$52ꕀ外皮酥脆 內裏鬆厚柔軟 自帶濃濃嘅奶油香 非常誘人🔻香辣蟹蒜炒麵 HKD$118ꕀ炒麵夠鑊氣 有海量鮮味蟹肉 配料豐富；椰菜｜紅蘿蔔｜粟米仔｜洋蔥｜菇…其中炒碎蛋 簡直係神來之筆再加埋帶少少微辣 食起嚟相當惹味 🔻班蘭椰汁糕 (4件) HKD$48ꕀ賣相整到好似朵玫瑰花入口暖暖哋 做到軟糯煙韌嘅質感而且每啖都會散發出淡雅嘅班蘭香氣🔻蝶豆花椰子奶蓋 HKD$48ꕀ夢幻嘅粉藍色 十分吸引當香滑濃郁嘅椰奶 搭上鹹香滋味嘅

琴日早左收工就去左朋友家探貓貓同狗仔~同佢哋玩完一輪後就食埋個晚餐先返家，朋友建議係附近THE FOREST到食，最後我哋就去左食泰菜~.惹味拼盤(小) $96 拼盤有大份細份可以選擇，我哋就揀左細份，可以叫多啲唔同野食。拼盤有雞皮卷、酸腸、魚餅同雞棗。每樣都惹味，酸腸幾特別，而我最鐘意係雞皮卷，雞皮煎到微脆，內裡雞肉嫩滑有肉汁~.荔枝菠蘿紅咖哩大蝦 $128由於係用左荔枝同菠蘿煮嘅關係，所以呢個咖喱係會比一般咖喱甜。第一啖食會有少少酸，大蝦爽彈鮮甜~除左蝦外，仲有好多配料，有茄子、秋葵、菠蘿、腰果同荔枝。荔枝同菠蘿嘅甜味提升了咖哩既層次好特別，唔食辣既朋友都岩食.香辣蟹蒜炒麵 $118呢款炒麵我揀左少辣少油，用左蒜同辣椒黎炒令個炒麵好香好惹味，而且面頭鋪滿蟹肉勁滿足。不過少辣對我黎講都有啲辣，如果有微辣就更好.油酥手抓餅(3片) $52叫得咖喱當然唔少得手抓餅！手抓餅好酥脆，最重要係唔會好油膩！配埋咖喱食真係一流.班蘭椰汁糕 (4件) $48椰汁糕整成玫瑰花形狀，賣相精緻。有淡淡既班蘭同椰汁香，呢個要襯熱食口感煙煙韌韌，凍左個邊會有少少硬

Book咗兩個位，去到俾咗一張二人枱同隔籬嗰張枱應該只有五個cm嘅距離，真係等於同枱食飯一樣，好在後來成功換咗去另外一張靠牆嘅二人枱，否則一整晚都會好尷尬。點咗一個炒椰菜，味道比較重鹹咗啲。另外一個咖喱蝦，味道比較偏甜帶小小酸，唔係平時食開嘅泰國咖喱，都幾特別。仲有一個生菜包豬肉，呢一碟菜都算好味。仲有我點咗三個包，呢個包都幾酥脆用嚟點咖喱食都唔錯。最後我點咗一杯飲品上面有啲糖𢇁，起初我會以為係好甜嘅，但係其實又唔會喎，我覺得咁多樣菜裏便呢一杯飲品我覺得係最好味。

之前有食過泰國菜既串燒囡好鍾意食！之前去旺角行街就 去左青花到食飯啦！！係商場一樓一上電梯就到！非常方便~環境裝修都非常靚！！帶埋小朋友去都坐得好舒服“🤭第一時間一定要叫牛肉串燒同豬肉串燒食餐廳仲有好多別緻既菜式🍢🍡擺盤都好靚架😀😀都叫左幾樣野食每樣都大大碟！ 味道都唔錯！特別鍾意個金邊粉同大蝦🍤好好食😋個菠蘿炒飯都好特別!! 加起來味道好好👍🏻我就最鍾意食個菜!! 好大碟～ 加左櫻花蝦仔好香大朋友小朋友都滿意既一餐!!!!唔錯

今日去咗位於旺角鬧市中的泰國菜食晚餐，餐廳裝修充滿田園風味，座位都幾闊落坐得舒適，食物主打東南亞風味。馬沙文奶油咖喱雞咖哩散發濃厚的香料氣味，有淡淡的棕櫚焦糖味，仲有花生堅果風味和微辣感，醬料濃厚Creamy偏甜，無骨雞件數量唔少，煮到嫩滑多汁，加上有其他配菜蓮藕、薯仔、秋葵、茄子及洋蔥等蔬菜好入味，相當豐富。篤篤炒卜卜蜆卜卜蜆嘅數量都唔少，好有泰式風味，蜆肉肉質鮮甜，小小辣食落幾惹味！炭燒豬肉串燒沙嗲豬肉串燒燒到好香口，肉質軟嫩，配搭埋沙嗲汁帶花生香，味道好濃郁好好食！青花旺角奶路臣街17號THE FOREST 1樓107-108號舖

今日同友人身在旺角鬧市中，想找一個靜靜地的地方傾下計，友人推介了這間泰國餐廳，環境十分舒適，裝修風格時尚，彷彿在鬧市中的綠洲，推介俾大家誠意推介：大蝦冬陰功（小）泰國菜必嗌冬陰功，飲落去酸酸，味道濃郁，唔算太辣，仲配一隻大蝦，份量十足，蝦肉彈牙泰式虎蝦金邊粉可選少鹽少油更健康，兩隻虎蝦去邊去腸，細心周到，金邊粉煙靭彈牙，口感十足藍蝶花蟹肉菠蘿炒飯賣相美觀，味道也10分美味，蟹肉味好重，食落很有口感，另外採用新鮮菠蘿，入口好多汁，多重味覺挑戰芒果糯米飯芒果新鮮，糯米煙韌度啱啱好，椰香味足，食落很有口感

呢間餐廳雖然位於鬧市旺角，但係商場人流唔算太多環境比起同區餐廳嚟講算靜，係旺角又想同朋友傾計傾耐啲嘅都會考慮佢🤓▫️泰式虎蝦金邊粉 ($138)泰國必點嘅地道美食，我每次吃泰菜都會想叫炒金邊粉。金邊粉加埋虎蝦、花生碎、蛋碎同芽菜炒到乾身，配合有少少茄汁味嘅醬汁，酸酸甜甜幾開胃。▫️馬沙文香料牛肉咖喱 ($128)咖喱香甜微辣好creamy，牛肉大大舊入曬味，除咗牛肉仲有好多蔬菜，薯仔、蓮藕同茄子配埋咖喱汁都好好食。我哋仲叫咗手抓餅配咖喱食，手抓餅好酥脆又唔油膩，成個配搭冇得輸😎▫️斑蘭椰汁糕 ($48)一份有四件，整成玫瑰花形狀好可愛，上枱嘅時候暖暖哋，有淡淡既班蘭同椰汁香味，咬落煙靭但又唔會黐牙🤤仲叫咗兩杯飲品，泰奶味好濃郁，同我係泰國飲嘅，餐廳仲有唔少泰國特色飲品，值得一試噢😆▫️泰國珍珠奶茶奶蓋 ($48)▫️泰國奶茶 ($48)店內嘅落地大玻璃窗採光一流，日頭到訪有自然光照射感覺好舒服，餐廳仲有室外位置，遲啲涼啲坐戶外都幾爽。而食物賣相都好打卡able，份量又夠多，幾啱同朋友一齊分享。

今日約左老best去旺角食飯☺️約左佢黎想食好耐嘅青花🥳次次經過都勁香又排長龍嘅餐廳～今日食lunch又唔洗排隊😝餐廳入面嘅裝修好有東南亞渡假feel，仲有室內同室外座位，超級chill☺️而且食物都好靚好適合打卡架～＊＊＊＊＊🦀🍍藍蝶花蟹肉菠蘿炒飯 $138🍛🐥馬沙文奶油咖喱雞 $118🥭🍚芒果糯米飯 $78🌶️🥗酸辣鳳爪沙律 $82🍭🍹龍鬚三色冰奶蓋 $48超級推介咖喱雞🫶🏻咖喱creamy、非常之香嘅椰汁味🥥雞肉又大塊又嫩滑～入面仲有秋葵、薯仔🥔、蓮藕、腰果🥜等等嘅配料👍🏻另外芒果糯米飯都係必食架😻個芒果又大又甜、糯米飯熱辣辣，調味少少鹹，配搭芒果食口感味道都好 match 🥰＊＊＊＊＊

旺角鬧市中一點靜😆餐廳裝修色調超柔和，又舒適仲設有室外打卡添呀！🔸馬沙文奶油咖喱雞超推薦💕食落超creamy，好香奶油味食落唔算好辣！雞肉份量都算多超鐘意佢仲有好多蔬菜類！蓮藕好爽脆，茄子都好入味🔸油酥手抓薄餅（3片） 叫咗咖喱點可以唔叫番個薄餅！3塊份量都夠哂，仲好脹卜卜🔸豬腩生菜包估唔到呢個山菜包嘅豬腩咁大嚿！食落都好惹味～包埋生菜食真係一流🔸炭燒豬肉串燒沙嗲 申燒值得叫，沙嗲醬超濃郁豬肉仲好juicy唔會好乾身🔸馬拉盞炒芥蘭芥蘭食落爽口，仲好濃嘅蝦醬味，超惹味 📍 青花 (THE FOREST) (旺角)旺角奶路臣街17號THE FOREST 1樓107-108號舖#旺角美食 #旺角泰國菜 #泰國菜 #旺角好去處 #旺角打卡

約左勁耐冇見既朋友去呢間餐廳gathering
環境舒服 服務唔錯可能咁啱去果日人流唔算多我地傾左2個鐘都冇催我地
完全係傾計打卡既好地方👍🏻
✨泰式虎蝦金邊粉 $138+
兩隻虎蝦都勁大隻 夠新鮮彈牙擺盤勁打卡able
金邊粉煙靭,炒得有獲氣星星推薦度：⭐️⭐️⭐️⭐️/5
✨冬蔭公單骨炸雞翼 $82+
初初食第1隻,有d辣喎
再挑戰第2隻, 又辣得幾過癮
之後就一隻接一隻咁食
單骨方便食星星推薦度：⭐️⭐️⭐️⭐️/5✨芒果糯米飯 $78+
芒果少少酸 個人覺得可以接受到
但如果甜d會更好糯米飯加左蝶豆花幾特別 加埋椰子碎食多重口感味道主要靠椰漿去carry 唔會甜到膩 唔錯！星星推薦度：⭐️⭐️⭐️/5✨三色冰奶蓋$48+
好震撼 勁多龍鬚糖係杯面既三色冰
但個人覺得太甜太膩
飲左一半飲唔到落去星星推薦度：⭐️⭐️/5

今日揀依間餐廳，因為佢無咩人，又好多位，所以入去試吓。但係一入到去，就係一個惡夢嘅開始。首先，我同朋友拿住袋嘢，無位放，想將物品掛喺張枱側邊個勾，但又放唔到，一放d嘢全部跌晒落地下。咁問經理同職員，佢哋幾次都好悔氣話冇位可以俾我哋放嘢，佢哋話公司係冇依個服務俾我哋。但係個經理同幾個職員專登之後就狂安排啲人坐喺我哋側邊，好似趕我哋走咁。最離譜係個經理同幾個職員，一路咁講我同我朋友壞話，好大聲咁比說話我哋聽。當佢哋出菜嗰陣時，我見到啲職員行行企企，只掛住傾偈，但都唔攞啲餸俾我哋。最激氣是服務台嗰個男職員，佢專登攞個BB凳搬過嚟，又好大力撞我，當無事發生！最離譜係個經理同職員叫我啲嘢掛喺個勾，但會掂到地下。我同經理同職員講，兼做埋俾佢睇，餐廳地下又有餸汁同埋打瀉左d飲品，好唔衛生，經理竟然仲話冇問題。咁我同經理講，可唔可以抹咗地下啲餸汁同飲品先？佢話佢唔做呢啲服務。最後咁我話有咩辦法、我可以放到嘢呢？經理話乜都唔得！！！一間沒有服務、兼且不顧地方衛生的餐廳，不吃也罷！

今日朋友約我到旺角The Forest的青花食泰國菜第一次來到The Rorest商場眼見好多食店、商店，食完晚飯仲可以行一陣添。青花餐廳環境相當闊落，園林設計感覺好舒服，仲有室外座位供享用食物擺盤好精緻，味道水準高，推得推介芒果蟹肉沙律 $118鮮甜蟹肉配上新鮮芒果、爽口的沙律菜，開胃又健康荔枝菠蘿紅咖喱大蝦 $128大蝦新鮮爽口，帶點微辣好惹味，仲有茄子、菠蘿、荔枝、秋葵、腰果等配料，十分開胃藍蝶花蟹肉菠蘿炒飯 $138一上枱已經覺得好靚，有蟹肉、腰果、肉鬆、菠蘿的炒飯，炒飯用蝶豆花炒成，色顏悅目，口感豐富，值得一試泰式奶茶 $38泰式奶茶茶味濃郁口感又滑菠蘿熱情果茶 $34菠蘿熱情果茶味道清新可口

想食青花好耐喇💛 呢間泰國餐廳食物選擇好多、環境又靚、價錢仲好抵食，朋友食過都好推介🥳🦐 泰式虎蝦金邊粉 （$138）金邊粉好香好入味，鹹甜得宜又唔會太重口味🥰 仲有兩隻大大隻嘅虎蝦添💕🥘 馬沙文香料牛肉咖喱 （$128）呢個牛肉咖喱好特別🍛 唔同平時食開嘅泰國咖喱，佢香甜，唔會好辣，裏面有好多餸～除咗牛肉仲有薯仔🥔、蓮藕等，好豐富呀😝🐷 炭燒豬頸肉 · 酸辣青醬 （$118）豬頸肉勁好食🤤！ 炭燒出嚟果然特別惹味，特別香口！🥬 馬拉盞炒芥蘭 （$78）最後仲叫咗個馬立盞通菜，健康又好食😚📍 青花旺角奶路臣街17號THE FOREST 1樓107-108號舖

在旺角同個同事僅得壹個鐘頭食飯, 今日快上咗the forest上面間泰國嘢食lunch, 大家都係叫午餐set, 我叫咗個牛舌船麵，佢就叫咗個豬手飯，佢話個豬手個汁味唔係太好，唔係太啱佢口味，不過眼見好似都幾大塊豬手片，但如果大食男仕應該未必夠食….到我個牛舌船麵，個麵正常，但個牛舌比較少份量，同埋個湯的味道比較怪，可能又係唔啱我口味啊😂😂😂…..好似之前我記得都食過一次夜晚飯同一次下午茶，嗰兩次感覺上都比較良好⋯⋯埋單$16x

甚小行去呢個商場，所以入面有啲咩食其實都唔係好知🤔原來入面有間食泰菜嘅餐廳，咁就不如入嚟試吓喇🍴؄🪐 大蝦冬蔭功材料比較多，除咗大頭蝦之外🦐都仲會有好幾粒脹卜卜嘅草菇同蕃茄🍅味道偏向酸味多啲，有辣香不過就唔會係好搶喉嗰種😌可以用佢嚟做餐前開胃湯！大頭蝦嘅蝦膏好多，如果鍾意食膏就啱晒👍🏼§🪐炭燒豬頸肉·酸辣青醬豬頸肉嘅份量比我想像中多，每塊都切到大細平均🤏🏼燒過嘅豬頸肉滲透出油香，面頭已經加入咗調味粉🧂味道較為刺激啲，辣得過癮！想再加重味道層次的話，可以沾埋個酸辣青醬，咁就會變得酸酸辣辣🌶️§🪐 馬沙文香料牛肉咖喱呢個咖喱真係不得了，配菜極之多，仲好大嚿，人少少都未必食得晒😲馬沙文咖喱以甜甜地嘅味道為主，有咖喱嘅香氣，但又唔會有辛辣感🥘可以考慮配油酥手抓薄餅或者香草蒜蓉包，佢哋都係唔錯嘅選擇🥠؄呢度仲有唔同嘅泰式甜品同飲品🍹唔夠喉嘅都可以選擇食埋甜品先走😝؄🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼7️⃣🌟