青藏牛肉麵 (已結業)

Came to the restaurant quite late, so all of the lamb noodles were sold out We ordered a beef lo min and a beef noodle soup. Also, grilled eggplant and spicy lamb racks. The lo min was quite spicy and garlicy, which I like, but the more you eat the more salty it gets, luckily, they served soup on the side so I could wash it down. The soup noodle was good, and there was a good amount of beef in both noodles. The grilled eggplant was ok, nothing special. The lamb rack took the longest, but worth

然後肚仔咕咕叫念緊去邊度食野時, 搵到呢間, 一睇個價錢都幾抵食, 最後叫左：【青藏羊肉扁麵】好濃既肉骨味, 食落有種溫順暖胃, 芫茜香味還算是濃烈, 羊肉片好香, 經過又想暖下胃既可以黎呢度一試。【生薑蜂蜜茶】有d後悔叫左....我念我之後會自已沖黎飲..嗯

尼幅圖好有老味道既feelings 好有愛🥰令到我食住都有啲溫馨既感覺尼個牛肉麵係我食過 擁有早特別既湯底佢嘅湯底係同平時食既好唔同個陣味道好難描述 但是真心覺得好好飲而且又多牛肉食尼個燒茄子一般般反而，味道偏淡尼兩串串燒記住要襯熱食 我就凍左先食凍晒

原本無諗住寫食評所以連相都無影……加上有點肚餓既關係所以一開始食就停唔到口，無停底落黎影相😂但係真係覺得好抵食同好好味 所以想推介下嗌左兩碗青藏牛肉麵 ($42) 一碗扁麵一碗拉麵 個人中意扁麵多d 因為感覺煙韌d 湯底好濃帶點膻味 但唔係羊肉個種膻味 係好味既膻味牛肉都好有牛味 白蘿蔔都好甜依個係孜然雞腎串 燒得好好 孜然粉好香但對於唔食得辣既我地黎講有d too spicy🌶食碗碗麵之後終於記得影相😂絕對會再黎試👍🏻

咁岩係北角附近覓食，Lunch time間間野都人山人海好彩都算等5分鐘左右就入左席間野叫青藏牛肉麵、一於就食佢！叫左個個套餐💰$48揀一款小食（涼拌雞絲/煙鴨胸/香酥腐皮卷）+面（牛肉/羊肉）+飲品碗青藏牛肉麵，上面超多芫茜重點係牛肉份量一啲都唔少先試個湯底！係重牛肉味 比平時食開既pho濃味少少但味精味都有少少整體來講係好味😋 岩哂重口味人士揀左拉麵，口感似上海面既幼版～而且面量又係好多其實午餐來計都份量多！食完好飽係面下 仲有三舊白蘿蔔（係無味既）不過有啲蔬菜類都好 健康啲！小食，煙鴨胸好食啲唔會太咸 good!!朋友叫左酥炸雞排飯💰$48一望就知好dry!而且有少少乾，無汁 咩都汁我就未必考慮啦，唔太推介不過店舖都幾乾淨好坐店員臨走又熱情say byebye 咁又加番少少分Lunch time之選

今日我又來啦～每一次來北角同朋友聚，想唔到有咩好食，就就會來尼間，第一次來食，都係朋友介紹我來，到後尾，每一次食都覺得滋味十足，次次來都係點反最出名招牌菜青藏牛肉麵，每一次都會點佢個粗麵，因為本身都好鍾意食尼d麵，而且佢尼間粗麵又真系彈牙又入味，而佢個牛肉一d都唔少，完全係落足料，夜少少仲有串燒，係落足孜然粉，味道都係一流，不過串燒覺得有d少貴，總得來講都係幾好，次次見到張相，又會忍唔住流口水，想再食

非一般的青藏牛肉麵喺北角地鐵站附近一個小巷行到最高，唔容易搵到，門口環境唔算好，但勝在獨特嘅青藏湯底味道，其他地方好難找到。喜歡吃扁面麵，感覺夠咬口，可以選牛肉或者羊肉兩款都唔錯，但失色嘅係蘿蔔唔淋唔入味。另外串燒推介🔥燒秋葵、🔥燒茄子、🔥燒羊架，孜然味最好食，青藏烤肉串係鴨肉，味道都唔錯。假日夜晚好多時要等位，羊肉扁面好快賣晒😫另外座位比較迫，唔夠舒服😣飲品選擇唔多，不過好彩有豆漿😸　

最近搬到北角，從屋企附近開始搜索美食沿住呢條細細嘅樓梯有各款菜式車仔麵、BAR、CAFE、台式嘢都有夜晚特別有 feel，有少少似中環的感覺！第一間試的就係呢間青藏牛肉麵第一次要試試最 ordinary 的牛肉麵 (走了荽)以為地方菜多數都係重口味但係啖湯好清吓不過好濃牛肉味，好飲！我鍾意然而... 一食牛肉就覺得好出事勁似打邊爐嘅雪藏肥牛 LOL起初以為係我唔識食，係自己問題啦但一路食一路睇 Blog發現有個 Blogger exactly 就係咁樣形容！驚訝得嚟又有點失望麵條就... 無乜特別，都係一般蘿蔔完全唔入味好彩另外嗌咗一串翠玉瓜串燒燒得好好，好多汁，夠惹味彌補返對碗麵嘅失落感店面算大，坐得都舒服，唔會太嘈雜當晚 7 點零去食都 full house可能因為唔算貴掛，所以都多人但我覺得唔太抵食，未必回頭了

今日午餐去左食青藏牛肉麵。😉佢既午餐幾抵食，$50 包前菜、主食同埋飲品。🥳前菜我地叫曬香酥腐皮卷同埋涼拌素鵝。佢個腐皮卷都幾鬆脆，而且唔會太油膩🤪。佢個素鵝就正正常常，冇咩特別。🙂主食我叫左羊肉麵，佢有唔好塊羊肉，而且唔係太肥，但又唔會煮到好硬，煮得啱啱好🤩，不過好可惜係，佢有少少羊肉既騷味😔。成碗麵都有好多芫荽，中意食芫荽既我覺得好香😃，如果唔中意既話就一定要記住走芫荽😎。佢既麵條有得揀拉麵定扁麵，個人認為扁麵比較有咬口😉。至於餐飲我揀左豆漿，佢既豆漿都幾濃，唔係淡淡既水味👍🏻。而且甜度適中，為成個午餐劃上完美句號😃。

書局街小巷中隱蔽位置不易找到。店內只有五十個位，回枱速度快，必食青藏牛肉湯麵，湯底沒味精，但清甜可口，莞茜配合得天衣無縫，特色牛肉麵味道一試難忘，別處難找。燒烤羊架，孜然味道剛好，不會蓋過羊肉的鮮味。必食燒翠肉瓜醬汁特別，不乾又爽翠，火候控制剛好，一食不能停口 。烤菠蘿，汁多並鮮甜，要食要食。燒烤蒜蓉茄子，如果喜歡蒜蓉必定要試，每口啖啖蒜蓉，茄子肥美，如果配白飯可以食哂成碗飯。整餐回味指數爆燈，店員友善招呼好，日後路過一定再食。

-青藏牛肉麵😍（$48）依個Lunch Set 都幾抵食，前菜就揀左煙鴨胸，而飲品就揀左豆漿！$48包左前菜＋麵＋飲品😎依個青藏牛肉麵份量都幾多😋，而牛肉麵就揀左拉麵，麵條幾好食同煮到岩岩好😚，湯底清甜☺️，不過蘿蔔食落就麻麻，不太入味😢，可能煮耐少少會好食d同更入味🤔，牛肉都煮到好淋，幾大片牛肉，另外仲有好多莞茜，好香🤩而前菜就係3片煙鴨胸，味道正常，不太特別，而豆漿都好好飲😀-PS Lunch時間去真係好多人排隊，而且店員態度一般，一食完就好快趕人走😒-Name🏠: 青藏牛肉麵 Beef NoodlesLocation📌:北角錦屏街41A號地舖（港鐵北角站 B4 出口, 步行約3分鐘）價錢💰: 青藏牛肉麵（$48）

以係港島返工有時會黎北角食午餐或者晚餐當中青藏牛肉麵係我的最愛😍由小鋪搬到大搬人流愈黎愈多到後來需要等位但味道始終如一👍而家唔係港島返工咁啱上星期晚路經北角好耐冇食牛肉麵🤩就同男友黎食個晚餐我地叫左4樣野師傅蒜香撈麵(牛肉$42/羊肉$45)我唔食羊 因為怕羊肉騷味🐐牛肉蒜香撈麵 好香蒜蓉味 仲有少少辣 🐂鍾意食蒜的我會另外再加蒜撈麵會配一碗牛肉湯湯味濃郁涼拌蒜蓉西蘭花$36又係蒜蓉呀超級香西蘭花都好多 堆到成個山丘咁🥦孜然雞腎串$12孜然味好香😲上枱時就已經聞到豆漿$12係預先包裝好的豆漿食完蒜味濃郁的食物用黎中和返d蒜味🤭我次次黎都係食撈麵同蒜蓉西蘭花最鍾意可以自己加蒜👍食到個口好清新呀🤣

呢間由中學年代陪伴住我既一間麵店，數數手指都已過左n咁多個年了🤣🤣今時今日唔貴又好味既羊肉麵可以去邊搵到？嚟北角食就啱啦👏🏻🍴青藏羊肉麵 (拉麵/扁麵) $42/$58 加底🍴串燒-青藏翠玉瓜/雞腎/雞軟骨 $12@🍴汁燒秋葵 $28特別介紹下佢地個湯底，非常入味，肉味十足，不過由於味道較濃，建議食後飲番多啲水，同食番幾粒香口膠，因為生蒜任落🤣 40幾蚊一碗羊肉麵你地可能會覺得會肉少麵又少，但其實佢肉麵份量都多，絕對唔洗擔心唔夠食😉👍🏻👍🏻✨FOOD PRESENTATION: 4/5✨TASTE: 4/5✨EFFICIENCY: 4/5✨CLEANLINESS: 4/5✨STAFF: 4/5p.s. 今次小編叫左個午餐套餐，小食 香酥腐皮卷 涼伴素雞 二選一 + 青藏牛肉/羊肉麵 + 汽水 (揀牛$48 揀羊$50)

位於北角一個好飲閉嘅地方入面有一間都開咗好耐而且都幾受矚目嘅青藏牛肉麵餐廳你一間餐廳我自己都試過幾十次每一次嘅水準都同我之前食開嘅一樣咁好而我自己最推介嘅就係最傳統嘅青藏牛肉麵而麵質有拉麵同埋扁面俾你揀而我自己就推薦拉麵因為係平時冇咁容易食到個湯底係純正天然牛骨煲出嚟所以淡淡都係精華而且牛肉都並唔係普通嘅肥牛而係用新鮮內地牛每日建設去整所以絕對食唔到冰鮮嘅味道完全係純天然無添加餐廳入面仲有好多串燒可以揀更體驗到雲南嘅風味亦都食到一種係北角獨有嘅風味，

之前同男朋友去咗北角行街街，諗住搵下啲唔同啲嘅米線食。我地見都冇乜食過青藏菜 ，就決定試下呢間餐廳！雖然間餐廳叫做青藏牛肉麵，但係佢都有提供羊肉麵嘅。話說我同男朋友都鍾意食羊肉，所以search到呢間嘢有羊肉食嘅時候簡直雙眼發光！睇完menu，我地梗係嗌兩碗羊肉麵嚟食啦！麵類係有得揀扁麵同拉麵嘅我同男朋友都揀咗扁麵因為比較鍾意食啲粗啲嘅麵條。碗麵一嚟到，不得了！上面超多芫茜！鍾意食嘅朋友一定會好興奮！唔食嘅朋友記得落單嘅時候就要講走芫茜啦。羊肉都算淋， 啲麵都唔會煮到爛溶溶，都幾有咬勁架！ 湯底方面係比較偏清淡嘅，食開重口味嘅朋友可能就唔太適合。 不過性價比真係幾高下。我地仲叫咗兩個小食，分別係青藏串燒翠玉瓜同埋青藏蒜蓉燒茄子。茄子一嚟到，我哋都非常滿意！茄子上面鋪滿好多蒜蓉，而且仲有少少孜然粉，超級惹味。 串燒翠玉瓜都幾出色， 上面亦都係用孜然粉嚟調味。 燒得啱啱好，唔會太乾，咬落去仲有啲噴汁添! 呢餐食到肚腩都飛哂出嚟！滿足！