青越亭 (華欣樓)

营业中

休息中

因為訂唔到附近間cafe walk in 又唔夠位，去第二到又唔夠時間，就是但入左呢間食。叫左個南瓜冬陰功海鮮焗飯，等左25分鐘，仲以為佢原個南瓜上所以咁耐，事實證明我太天真。終於上菜，只係一個兜裝住既焗飯。無所謂啦，外表既野…食落口，D汁根本無冬陰功味，無南瓜味。但最精彩都係D 所謂既魚塊。我一時衝動放左一舊入口，頂，咬唔開既???? 獲利回吐出黎，用刀切開黎見我啦，點知係咪包左塊膠黎炸!一切開，根本就係炸粉包空氣! 一滴魚都無喎! 68蚊喎! 炸瑞士山區空氣??? 成兜飯最入得口既，係個飯底，起碼係白飯!同行同事叫撈檬，落成半支sauce都話淡... 但口味呢D野各有所好啦，可能大家都想健康D呢...唯一值得提下既係個水吧，D 飲品名好有特色。但要入去堂食，又要加一，又要等，又難食，咁就絕對唔使再去啦。

柴灣無乜嘢好食大家都知，呢間近地鐵站，但一直都無試過，今次想食番啲清清地嘅嘢食，就嚟啦！上菜速度快，侍應又幾有禮貌，裝修幾骨致。木瓜沙律好正，酸酸甜甜，勁fresh，雖然有豆芽菜，但都無影響到整體味道嘅。另外就係香茅豬扒！真係好特別，一啲都唔油，食落有青檸嘅香味，好清新，仲有葱花配埋一齊，配搭起上嚟一啲都唔輸蝕。最後個set有個芋香鮮草芋圓，又比佢惊左下，係熱嘅，真係估佢唔到。啲芋圓幾有本身材料嘅味道，真材實料嘅最特別係個底唔係平時見開嗰啲西米，係薏米🤣咁熱食又幾啱嘅！

2019年10月20日晚上8點多進入餐廳當時餐廳人不算多待應叫隨便坐，坐低幾分鐘都未有人俾menu。叫左一個呀姐俾，又話唔得閒等陣，之後仲走左去，見佢做完野都冇拎menu黎。叫過第二個算。到叫野食，又係叫左好多次，一係扮聽唔到，一係扮忙，仲西口西面仲要叫不同人最後先有人幫手落單。水又唔主動俾，又係叫左幾次先有。態度差都算叫左個泰妃雞飯，好失望，雞肉鞋身，右邊個汁唔知點解澀口，最後冇點到個汁只點薑蓉。咁的質素$75一個飯真係唔值。埋單發現仲要加一服務費？！俾過d咩服務？憑咩值得收加一，咩都要三催四請先肯做。垃圾服務。真係冇下次

公司又有同事生日🎂喇！Lunch當然要一齊食飯慶祝下啦，公司附近有間食越南菜餐廳，啲食物抵食又大碗，而且仲有特色飲品。好彩食12:30，仲有行得快，唔洗等位就有位喇！遲多半個鐘就要排隊喇！因為附近工廠區都放午膳。我好快就揀左越式豬扒湯檬，仲揀左杯特飲：芝芝芒果，特飲跟餐只須半價就可以有得飲喇！出菜時間好快手，而且碗粉仲係好熱辣辣的，快得黎之餘一定唔係預先煮好左ge食物。一如既往都係大大碗粉，仲好細心將啲炸左豬扒分開裝上，咁就唔會令豬扒比啲湯浸淋啦。食完碗粉已經好飽，好彩杯飲品用左外賣杯裝，可以拎住返公司慢慢嘆。

順化三寶撈檬喺公司附近想搵間好食嘅餐廳其實係好難， 柴灣新翠花園附近全部都係連鎖店，係唯獨呢間有啲特別，今次去試咗呢度嘅三寶撈檬，入面有札肉、香茅雞翼同香茅豬扒，估唔到個撈檬都幾足料，而且好大碗 ，豬扒同雞翼好好食，加埋必落嘅魚露，又凍又爽口，我仲意呀😋

今日午餐去左呢間餐廳度食，呢間餐廳裝修好靚，好特別嘅。噉我叫咗個香茅豬扒湯麵，我覺得呢碗麵嘅湯底太清，個人認為一般。另外呢個香茅豬扒都唔係話十分好食。不過反而杯熱朱古力，就好香好濃，同埋好有奶味。

今次係柴灣食左呢間越南嘢今次食左佢地最出名嘅火車頭湯河粉🤔以呢個價錢黎講都算幾大碗，啲河粉份量超多，本身未食之前係勁肚餓，食左大半已經飽到完全唔想食😂證明佢都係落足料我今次叫左河粉，可能河粉容易吸湯嘅關係所以會更加飽，相信叫檬粉會好啲肉嘅種類都好多，有牛肉，扎肉😆咁多款肉我覺得牛肉最好食，入左湯嘅味佢個湯清得黎都好有味，我諗應該係真材實料煲，唔係味精湯總括而言，雖然未去到好好食，但咁嘅價錢有呢個份量同質素都算係咁

今日返工lunch食飯嘅時候嚟咗呢間越南嘢度食飯，食咗個椰汁咖喱雞飯，點知對呢個飯都有啲失望啊，因為啲雞唔好食嘅，好似隔咗夜噉，另外啲雞呢仲有少少凍嘅，噉嗰啲咖喱汁又唔係話特別香，唔值得推介。

來到柴灣的青越亭，剛剛是下午時段，肚子餓了，這附近比較有特色就是這間店了。店內外都叔計得美觀，是個拍拖好地方。看了看餐牌，本人喜歡吃雞，於是點了貴妃雞飯。油飯金黃入香入味，貴妃雞整隻都滿滿的雞香，肉質幼滑，份量充裕，點上醬油和蔥油令雞味更加份味，加上油飯令味記層次感進一步提升。配菜蘿蔔絲正正是開胃的配料，酸酸甜甜開開胃胃，吃得我滿滿足足。凍飲凍檸茶一樣冰清鮮甜。這餐雖然價值62元，有加1服務費，但是味道是很不錯的

今次分享一間越南餐廳－青越亭，位於柴灣工業區，柴灣地鐡站B出口，一碗我從未食過超xxxxxxx難食的生牛肉粉，全碗有兩片生肉，其中一片如圖中，好明顯面🔪刀也切唔開嘅牛肉，你估我可食得落嗎？點解有咁冇誠意嘅餐館？生牛肉粉對越南餐廳簡直是指定的入門食品，唔係主打都唔可以求求其其呀，本人對此餐廳有以下提議：1）執咗佢2）盡快執咗佢3）搵人執咗佢#垃圾餐廳#生牛肉粉#執咗佢啦

🤬🤬🤬🤬🤬🤬🤬等左好奈好奈野食仲未嚟，去櫃檯查詢先知原來冇落單，點知之後啲野飲同野食再錯完再錯🤬🤬🤬🤬🤬🤬🤬，我搵佢嘅投訴電話，完全whatsapp 同電話都係運吉，佢完全冇覆番我……有相為證🤬🤬🤬🤬🤬🤬🤬

今日放假，吃厭了平時快餐店的早餐，想來一個特別的早餐，正好試試這間青越亭。這間餐廳早餐供應時間到11:30，比大多餐廳供應更長時間，非常合適我呢種放假瞓晏左既人去食～點解呢間餐廳吸引我去一試，因為佢有好多唔同種類既早餐，除左一般常見既經典早餐，仲有野菜沙津、全日早餐、低卡早餐（女士最愛）、甚至連中式早餐都有，真係非常多選擇！今日我就試左一個黑椒雞扒拼炒蛋，因為雞扒要煎所以需時較長，但等絕對值得，黑椒汁非常濃味，而且雞扒大大塊，啱啱煎好夠哂香～另外凍飲亦夠大杯，唔會幾啖飲哂。到走先發現早餐時段仲會有燒賣等小食賣，比返工人士外賣，真係非常多元化。

一家四口去揾食，有驚喜！ 叫了個$288的餐，份量足夠四人食。我們最喜歡當中的花膠煲，真係4片大大片花膠，冬菇好入味，真的驚喜👍🏻炸子雞上枱，樣子好像不太多，想不到入口好 juicy，皮脆脆的👍🏻

食青越亭下午茶，門口嗌位既阿姐望左兩眼，用普通話講左句「不管你了，我都餓死了」就行開左。食野期間，啲阿姐同隔離枱用普通話大聲吆喝，我真係以為自己翻左大陸。食物方面，以前安格斯牛河粉係好食既，依家仲衰過香口膠，一啲牛味都無，同以前相差好遠。以後唔會再黎，大陸職員，食物難食，咁既服務態度仲要加一？環境一啲都唔乾淨，隔左好耐都唔會收野，啲阿姐就坐喺到㩒手機，仲大聲向其他職員要求攞其他野食。非常惡劣，呢個環境，服務，食物用呢個價錢，太過分！

三色迷你漢堡 配啤酒薯條 ($73).柴灣都有高質burger食😻呢個三色burger 分別係: 蝦餅、墨魚餅、和牛蝦餅同墨魚餅好滑好彈牙和牛好juicy.啤酒薯條雖係配菜，實為重點！薯條新鮮脆口，用上啤酒漿黎炒，食落會有啤酒嘅香味😻😻.不過價錢以下午茶黎講比較貴，當午餐就差唔多！