影片
电话号码
29820687
开饭介绍
全南丫島唯一一間日本料理，格局同市區的沒有大分別。當然海鮮一定會較新鮮啦。而且價錢亦不太貴，最貴的都只不過是$60 的什錦刺身，價錢比市區的磪便宜好多。出名的菜式有”神戶凍牛肉”（$50）、“炸鰻干”（$25）、”鹽燒魚”($38－$50) ，至於用什麼材料，就要視乎當日有什麼新鮮啦！！
继续阅读
营业时间
今日营业
13:00 - 01:30
星期一至五
17:00 - 01:30
星期六
13:00 - 01:30
星期日
13:00 - 23:00
以上资料只供参考，请与餐厅确认详情
相关文章
今日叫左一份燒鰻魚飯外賣，苦等半個鐘，好開心終於有得食，打開蓋之後心已死了一半點解死一半？因為睇落可能只係漏左飯，但係望真啲，呢個份量已經包括左飯，外賣紙盒底部直徑6-8cm，飯既厚度大概1cm，被突如其來既外賣份量嚇親，冷靜落黎再望真啲，鰻魚仲多過飯，應該讚老闆鰻魚足料先岩，同時亦反省自己會唔會太大食咁樣既份量盛惠$98，如果唔係我以前有食過幾次，我真係以為原本既樣貌就係咁，咁既份量請問夠邊個食？
继续阅读
星期六的下午，坐船去南丫島，找地方吃午餐，近碼頭有一間日本餐廳。首先叫了三個拉麵，天婦羅拉麵，$78，咖哩豬扒拉麵，$78，雜錦海鮮拉麵，$65。 拉麵味道 一般，分量 可以，反而我覺得這小店的賣點是，即叫即做炸物都是新鮮滾熱辣的。定食，雜錦天婦羅湯烏冬，和三文魚手卷定食，$82， 三文魚手卷分量很多，我未見過那麼肥的手卷，所以追加叫多一份，$28，師傅很有性格，另一份手卷飯量很少，三文魚很大件。日式炸餃子都是即叫即炸，味道偏鹹。在離島找小店，不會要求太高，飽肚就好了。
继续阅读
大家好，為食bb今次會來到南丫島尋找美食，想去南丫島很耐，但總是找不到原因去這次終於有機會，因為和我一起在外國一齊讀書及生活的朋友來香港旅遊， 所以便入去看看風景謙了解美食， 風景一般，但是這裏的美食也很多， 南丫島也有特色美食，就是這間日本料理青鳥居酒屋， 很典型的居酒屋稱號，外面落地格仔玻璃門設計， 就是因為這樣我和朋友就入去進食， 今日可能係星期六比較多人，但是有兩個位我們就坐低， 一貫家庭式作業方式做生意， 見到得一個靚女老闆娘喺度做工作，很落力的樣子，她過來很有禮貌地問我們鍾意食什麼， 先呢個前菜叫咗個味付螺肉，汁多過螺肉， 但是螺肉很好食，煙韌易入口， 朋友跟著照咗嗰餐，鹽燒青花魚+豆腐雜菜鍋定食， 老闆娘很小心地將煮好熱辣辣的豆腐鍋攞過嚟放低， 鹽燒青花魚也很大件， 先食豆腐一夾唔散開， 食落去湯味同豆腐融為一體很好， 仲有其它配料也很低食大件，好地道的煮法， 食落很有回家的感覺， 將所有好味的食材放埋在一起煮熟， 那湯雖然很像味精，但不太鹹， 所以我連同埋食物一起飲曬佢， 很實在滿足的感覺， 那條鹽燒魚味道也也很好，不過有骨， 朋友也喜歡， 最後還叫了和牛粒定食跟飯， 不過有點怪和牛粒很似豬肉味， 不過用來送飯已經足夠， 和女服務員 言談間原來這店也開了很久， 所以也有很多舊顧客來幫襯，最後佢送上兩杯綠茶給我們喝， 禮貌兼備 very good， 其實我仲想吃甜品，不過以我所知南丫島有間整豆腐花好食的舖頭， 叫阿婆豆腐花， 買個關子先下一次再同大家講阿婆豆腐花， 正所謂阿婆走得摩，小心冇鼻哥，Bye
继续阅读
係南Y島行山,辛辛苦苦由索罟灣個邊行到黎榕樹灣,想搵間舒服D既餐廳坐下食下飯,見到呢間裝潢好似唔錯,就入黎食啦~魚缸同埋是日推介~望落幾舒服!我地就叫定食既~首先係雜錦壽司配豚肉烏冬雜錦壽司本身有5舊既,我食左個希靈魚之後,決定影張相,黎分享下.....d壽司全部唔凍既...好似暖暖地....個溫度好有問題,應該無放入雪櫃保存/拎左出黎好耐....呢個溫度其實好易滋生細菌.....至於味道上..都唔算太差既,但個溫度同口感真係好奇怪。至於個豚肉烏冬....個鳥冬好林...好似已經浸左好耐,而已個湯又好淡...無咩味! 入邊條菜係無煮過,就咁放入D熱湯到...好似沙律咁。至於塊豚肉,唔算好老,都算唔錯,但成碗得一舊咁多咋......日式豚肉鍋...嘩!上到黎既時候我地已經呆左!呢個到底係中式野定日式野呢?佢個汁有落黑椒去煮,而且加左好多洋蔥同豆腐落去....我係日本就無食過類似既野啦!而豚肉都煮得比較老,無左本身既味道....唯一好處係個汁幾好送飯....岩哂我行完山好累好肚餓既朋友!不過值得一讚既地方,係個女店員一腳踢,收錢、清潔、落單全部都係佢,好比心機! 不過食物方面,真係有待改善!
继续阅读
烏冬嘛, 這是福街超市的福街牌烏冬嗎? 又爛又糊口. 豚肉嘛, 這也是福街超市的豚肉嗎? 為何又硬又鞋又無味道?餃子嘛, 皮厚肉少這也是福街牌的超特價餃子嗎? 雞翼嘛, 這又瘦又無肉也是福街的冷藏倉底貨嗎?湯底嘛, 感覺好似一碗熱水加少量May姐雞汁, 又淡又難喝. 其實這兩碗烏冬是這樣整的吧, 屋企整都好食過佢, 仲要無平.霜降牛肉鍋, 個急凍劣等牛請問邊部分係霜降呢? 從冰櫃扲出黎嗰陣黏左冰櫃D霜? 可能冷藏技術嘛嘛, 血水走晒所以很淡.另外個牛肉的份量也非常少, 九成半菜半成牛吧, 有沒有二十克呢?鐵板鰻魚炒飯, 鐵板在那裡? 味道也很一般很鹹, 不值得.什菜天婦羅, 汁少天婦羅難食, 食天婦羅味薯片好過. 這真的是日本菜嗎? 日本人都食這些的嗎? 突然好同情日本人.
继续阅读