青鳥居酒屋

营业中

休息中

今日叫左一份燒鰻魚飯外賣，苦等半個鐘，好開心終於有得食，打開蓋之後心已死了一半點解死一半？因為睇落可能只係漏左飯，但係望真啲，呢個份量已經包括左飯，外賣紙盒底部直徑6-8cm，飯既厚度大概1cm，被突如其來既外賣份量嚇親，冷靜落黎再望真啲，鰻魚仲多過飯，應該讚老闆鰻魚足料先岩，同時亦反省自己會唔會太大食咁樣既份量盛惠$98，如果唔係我以前有食過幾次，我真係以為原本既樣貌就係咁，咁既份量請問夠邊個食？

星期六的下午，坐船去南丫島，找地方吃午餐，近碼頭有一間日本餐廳。首先叫了三個拉麵，天婦羅拉麵，$78，咖哩豬扒拉麵，$78，雜錦海鮮拉麵，$65。 拉麵味道 一般，分量 可以，反而我覺得這小店的賣點是，即叫即做炸物都是新鮮滾熱辣的。定食，雜錦天婦羅湯烏冬，和三文魚手卷定食，$82， 三文魚手卷分量很多，我未見過那麼肥的手卷，所以追加叫多一份，$28，師傅很有性格，另一份手卷飯量很少，三文魚很大件。日式炸餃子都是即叫即炸，味道偏鹹。在離島找小店，不會要求太高，飽肚就好了。

大家好，為食bb今次會來到南丫島尋找美食，想去南丫島很耐，但總是找不到原因去這次終於有機會，因為和我一起在外國一齊讀書及生活的朋友來香港旅遊， 所以便入去看看風景謙了解美食， 風景一般，但是這裏的美食也很多， 南丫島也有特色美食，就是這間日本料理青鳥居酒屋， 很典型的居酒屋稱號，外面落地格仔玻璃門設計， 就是因為這樣我和朋友就入去進食， 今日可能係星期六比較多人，但是有兩個位我們就坐低， 一貫家庭式作業方式做生意， 見到得一個靚女老闆娘喺度做工作，很落力的樣子，她過來很有禮貌地問我們鍾意食什麼， 先呢個前菜叫咗個味付螺肉，汁多過螺肉， 但是螺肉很好食，煙韌易入口， 朋友跟著照咗嗰餐，鹽燒青花魚+豆腐雜菜鍋定食， 老闆娘很小心地將煮好熱辣辣的豆腐鍋攞過嚟放低， 鹽燒青花魚也很大件， 先食豆腐一夾唔散開， 食落去湯味同豆腐融為一體很好， 仲有其它配料也很低食大件，好地道的煮法， 食落很有回家的感覺， 將所有好味的食材放埋在一起煮熟， 那湯雖然很像味精，但不太鹹， 所以我連同埋食物一起飲曬佢， 很實在滿足的感覺， 那條鹽燒魚味道也也很好，不過有骨， 朋友也喜歡， 最後還叫了和牛粒定食跟飯，

係南Y島行山,辛辛苦苦由索罟灣個邊行到黎榕樹灣,想搵間舒服D既餐廳坐下食下飯,見到呢間裝潢好似唔錯,就入黎食啦~魚缸同埋是日推介~望落幾舒服!我地就叫定食既~首先係雜錦壽司配豚肉烏冬雜錦壽司本身有5舊既,我食左個希靈魚之後,決定影張相,黎分享下.....d壽司全部唔凍既...好似暖暖地....個溫度好有問題,應該無放入雪櫃保存/拎左出黎好耐....呢個溫度其實好易滋生細菌.....至於味道上..都唔算太差既,但個溫度同口感真係好奇怪。至於個豚肉烏冬....個鳥冬好林...好似已經浸左好耐,而已個湯又好淡...無咩味! 入邊條菜係無煮過,就咁放入D熱湯到...好似沙律咁。至於塊豚肉,唔算好老,都算唔錯,但成碗得一舊咁多咋......日式豚肉鍋...嘩!上到黎既時候我地已經呆左!呢個到底係中式野定日式野呢?佢個汁有落黑椒去煮,而且加左好多洋蔥同豆腐落去....我係日本就無食過類似既野啦!而豚肉都煮得比較老,無左本身既味道....唯一好處係個汁幾好送飯....岩哂我行完山好累好肚餓既朋友!不過值得一讚既地方,係個女店員一腳踢,收錢、清潔、落單全部都係佢,好比心機! 不過食物方面,真係有待改善

烏冬嘛, 這是福街超市的福街牌烏冬嗎? 又爛又糊口. 豚肉嘛, 這也是福街超市的豚肉嗎? 為何又硬又鞋又無味道?餃子嘛, 皮厚肉少這也是福街牌的超特價餃子嗎? 雞翼嘛, 這又瘦又無肉也是福街的冷藏倉底貨嗎?湯底嘛, 感覺好似一碗熱水加少量May姐雞汁, 又淡又難喝. 其實這兩碗烏冬是這樣整的吧, 屋企整都好食過佢, 仲要無平.霜降牛肉鍋, 個急凍劣等牛請問邊部分係霜降呢? 從冰櫃扲出黎嗰陣黏左冰櫃D霜? 可能冷藏技術嘛嘛, 血水走晒所以很淡.另外個牛肉的份量也非常少, 九成半菜半成牛吧, 有沒有二十克呢?鐵板鰻魚炒飯, 鐵板在那裡? 味道也很一般很鹹, 不值得.什菜天婦羅, 汁少天婦羅難食, 食天婦羅味薯片好過. 這真的是日本菜嗎? 日本人都食這些的嗎? 突然好同情日本人.

聽聞係南丫島唯一一間賣日本菜既餐廳，就決定去試一試，叫左個B餐: 什麼壽司+豚肉湯烏冬定食同F餐: 七味豚肉鍋+餃子雞翼定食，壽司係ok既不過個烏冬真係好差，個湯底好似公仔麵味都算，成個烏冬既味都好淡，難食七味豚肉鍋又濃味得濟！同市區同一個價錢，但味道真係差好遠，如果大家去食既話真係要諗一諗

炎炎夏日突然想食日本野，我倆就選擇了南丫唯一的日本餐廳"青鳥"這裡款式不多，壽司並非特別出色，而且價錢相對外面的比較貴，通常我倆都會選擇"定食"作為晚餐。 我倆選了C及D餐 : C餐 — 什錦天婦湯烏冬+三文魚手卷定食 (付前菜) D餐 — 鹽燒青花魚+豆腐什菜鍋定食 (付前菜及飯) 前菜是小小一碟螺肉，賣相極差，味道一般，一口可吃完！首先來三文魚手卷定食，紫菜是"林"的，三文魚份量尚可補夠。什錦天婦湯烏冬是分開上，天婦羅的兩隻炸大蝦、炸茄子及炸南瓜都好好味，但有件炸蘿蔔味道怪怪的！而再來是豆腐什菜鍋和飯，味道ok，什菜鍋湯味道似出前一叮味 @@最後來鹽燒青花魚及烏冬，這燒魚份量是最給引，味道亦很好，可惜是一早吃完了天婦羅，而烏冬就等了很久~ 上菜次序及時間令食物配合得不太好，沒有什麼服務可言，而且常常只招呼相熟客人，令外來的食客都等很久，幸好的是這裡免收加一！ 這裡特別是你可選擇到戶外用膳或室內，我倆發現原來牆上的日本風情畫，仔細一看有南丫特色溶入其中！都幾特別！

見大家都話呢間野好好食,一於去試下,結果好失望我地大約7:30P.M.入到去,都已經有人食緊野,而大部份人都係叫套餐,但因為我同我媽媽想食多d元化GE 食物,所以叫左以下食物....什菜天婦羅,霜降牛肉鍋(在此一提,英文程度較弱的朋友一定比佢瞞騙,因為英文譯成:雜菜牛肉煲,我到食O個陣先覺得與名字不符,先再望英文個名)鐵板鰻魚炒飯(但上枱時唔見左個鐵板)燒雞翼什菜天婦羅:無乜驚喜,一般貨色,天婦羅汁很少,要不停點,好彩同阿媽去食,如果同普通朋友食,真係唔好意思...霜降牛肉鍋:其實正確名稱叫什菜牛肉鍋配公仔麵湯底...並不是講笑,我真係見到出前一丁麵GE湯底顏色同芝麻...."霜降牛肉"只係一d牛肉粒..食落...都係大家在家中煮GE公仔麵味,好口渴...仲有,上菜GE時候真係一個驚...因為佢係用大家煮公仔麵GE煲上枱GA,不過唯一好之處...有一碗白飯送LO(但事前完全唔知)鐵板鰻魚炒飯:上枱時...無左個鐵板..個飯林PAT PAT..唔乾身,而且好咸!!!!!!!!!!佢應該d鰻魚燒汁落得太多去炒...真係好難食!!!燒雞翼:一般,一半表皮面積燶左...整體都可以合格GE食左1

朋友食過話幾好，介紹我們黎試下。二人餐包六款野食 ($198)：蟹籽沙律：菜絲爽，蟹籽多，好味！什錦刺身：質素一般，份量較少。炒雜菜：炒得唔夠香。加洲卷：足料好味！燒鯖魚：燒得剛好，香之餘保留了魚鮮味，正！豬骨拉麵：豬骨湯底雖唔算濃郁，但都幾香，拉麵有咬口！以上野食除什錦刺身和炒雜菜外，份量和味道都幾好，食得過！

差唔多個多月僧入嚟行下, 我隔離個個勁鍾意食日本野, 入到嚟唔例外昨晚比較大風, 坐室內好d, 地方細小, 座位比較窄, 好彩剛剛有人走, 唔係就要等位d餐差唔多食過, 都幾抵食今次就散叫...1. 蟹子沙律 ***** 有好多蟹子 (HK$38.00)2 什錦刺身 - 有三文魚, 吞拿魚, 北寄貝, 鯖魚, 八爪魚, 牡丹蝦 (各兩片), 甜蝦同帶子 (各4片) ***** 都好新鮮 (HK$168.00)3 什菜天婦羅 - 有八件 (青椒, 南瓜, 茄子, 蕃薯) ***** 種類唔多, 粉醬少, 好味道 (HK$38.00)呢間家庭式日本料理, 食物好味,新鮮又唔貴, 仲唔加一

上星期入左南丫島渡假, Day 1.....1- 神戶涷牛肉 ($ 5x)*** 醬汁酸酸地 係個唔錯gee開胃小吃2- 咖哩豬扒飯** , 3文魚手卷, 螺肉, 麵鼓湯 套餐 豬扒炸粉唔多, 脆得黎唔太油膩, 咖哩又夠香口 3文魚好新鮮, d 3文魚食到底都仲有.... 3- 鹽燒鯖魚** 燒得香口之餘仲帶有鮮甜魚味第2晚, 落大雨ge 關係...我們倆口子捨棄了BBQ ...都係青島食......Day 2$198 的2人前 1- 蟹子沙律**- 好大碟, 仲有好多好多蟹子2- 什錦刺身**　新鮮, 厚切企身的魚生最為討好, 3 -鰻魚反卷, 螺肉, 麵鼓湯4 -鹽燒鯖魚*** 5-炒什錦野菜6- 蕎麥清湯拉麵, 湯底清甜 但太飽了... 食唔哂小結....鋪子不大, 配合環境燈光同壁畫 ,倒有日本家庭式味道 , 而且不少棒場客 為外藉人仕~~~ 實為價錢相宜, 質素之選

Eel fried rice and seafood fried rice were a bit oily. The grilled salmon was overcooked this time. Maybe it was due to Valentine's day. We will go there again but we won't order fried rice. Their curry pork chop rice is pretty good!

好想重點推介呢一家吉列豬扒,真係好脆好有水準,不是一般貨色去到南丫島,除了食海鮮都可以試下呢一間日式料理丫

早來了食晚餐因為少見南丫有咁多人．早Ｄ黎早Ｄ返。家庭式作業。叫左：＃北寄貝刺身｛ＧＯＯＤ！好味ＷＯＷ．估不到｝＃軟蟹蟹ＲＯＬＬ．飯不夠實．＃一個凍牛肉．一般～不太好牛肉．不過Ｄ汁幾開胃有Ｄ　蕃茄同菜起底。＃一ＳＥＴ７粒ＳＵＳＨＩ＋炒雞烏東餐．幾抵．５０幾蚊．炒雞烏東係用鐵版炒，好有噹噹燒的味道！！男朋友說｛只用燒汁的味道啊．．．．｝食完又幾滿足．幾抵．如果可以搵多Ｄ人黎食多Ｄ就好了～～～～～～

2007年11月16日比想像中好，幾新鮮