靚湯水餃 (已結業)

鋪頭座位算多，枱同枱之間唔迫，老闆娘同員工都好親切，閒日下午茶時段唔多人，可以揀自己鐘意嘅座位，我一個人揀左卡位黎坐，其他鋪頭未必比，但宜間就絕對唔介意。下午茶餐只需要$25，就有 5 隻餃連湯加一個麵底加一杯豆漿，食完好滿足飽曬✌🏻是日湯底係響螺花膠煲雞🐔，好濃但唔咸，椰菜雲耳餃口感同味道好，豆漿就偏淡但好過得甜味果種豆漿。唯一覺得要改善係擺放匙嘅盒，希望加蓋，避免有塵飛入盒，睇落都會覺得衛生d。

今日6點半嚟到，竟然唔洗等位就有位!實在太滾動😭Menu上有餃有飯有小食，仲有滷水野🤤諗唔到食咩?餃子係最好選擇，有菜又有肉，要清淡可以揀湯餃😍$33蚊有7隻，雖然有點少貴，但這店的水餃大大隻，每隻都晶瑩飽滿，真材實料，建議細食的朋友唔好叫10隻!餃子皮薄餡料豐富，豬肉跟韭菜的比例相若，咬落去很多肉汁流出😋加$8有上海麵另上，但可惜的是麵上枱無耐好快就凍，亦食唔出彈性....😣另外叫左杯豆漿，6蚊大大杯，健康且豆味濃😝👍🏻

前幾日食得太多肥膩野，今日想食番清淡啲。醒起屋企附近有間專食無味精嘅湯餃，所以就去試下。去到已經係下午茶時間，叫左鮮肉韮菜餃配米線，仲有豆漿送，都係$25，好抵！啲湯隔日就轉一次，今日就係花膠豬骨雞湯，大碗之餘飲落真係無乜味精，而米線就係另上，唔會浸到"淋"哂。有員工喺鋪頭一角密密包餃子，所以都幾新鮮，每粒都好飽滿，唔錯唔錯！而自家製嘅菜脯辣醬都幾惹味，有蒜頭同豆豉爆炒過，好香，仲要無限添，我都食左好多。總之呢餐就係平靚正！

第一次去 個湯係西洋菜豬骨魚湯 （佢隔日啲湯都會吾同架）一睇就知好野 白湯底 一放低就有好香既味道 試一啖 清清地 算清甜既 再食個椰菜雲耳餃 個質地比較結實 啲涵好甜 係蔬菜既甜味 仲好爽口 吾會林pair pair 甘 最後全部湯都冇淨 飲晒 眼見好多女士會黎買湯外帶 證明都好受街坊歡迎

-----------✏️鮮肉椰菜雲耳餃$33/7隻好食指數:6.4/10之前食過美味餃子之後返唔到轉頭 繼續尋覓餃子之旅呢到賣點係無味精 湯底係西洋菜豬骨煲生魚湯 湯底都幾清 都近乎無咩味 😂雖然話有生魚 但好彩無魚腥味 你問係咪靚湯 就未必係啦 唯一好既係 無咩油既個湯至於 餃子 size都幾大 要至少兩啖先食到 但係 個皮唔夠薄 如圖所見係北方style既餃子 裡面既椰菜同雲耳唔夠爽口 減低口感滿足度🤔嗯 唔係話唔好食既 standard 野 正常味道🤔試過就算---------------靚湯水餃大角咀埃華街103號地下

自己都幾鍾意食餃子, 時常幫襯太子某間專賣無味精湯餃的排隊店. 這間店也是同一風格, 標榜無味精湯底水餃. 湯底隔日不同, 分別是「野葛菜豬骨煲生魚」和「花膠螺片豬骨鮮淮山煲老雞」. 當天喝的湯底是後者, 湯呈奶白色, 看似有料到, 但飲落較淡, 不太喝出雞湯味, 但好肯定沒有味精. 鮮肉粟米餃$39十隻, size正常, 粟米配豬肉未能帶出肉味, 味道偏淡, 還是配韭菜比較好, 惟粟米的爽脆提升了口感. 不知道是餃子皮太薄, 還是煮得太耐, 十隻餃有四隻都穿皮, 餡料散在湯內, 成為最大敗筆.

喜歡食餃子.......又是湯怪.......哩間真是完全中晒我的喜愛........基本上....門口已睇晒個餐牌.......坐在店內就睇牆上面啦........2:30pm........有下午茶.....清清地要了10隻鮮肉粟米餃.....是日星期三......湯是野葛菜鮮豬骨煲生魚湯........湯呈奶白色......急不及待......先飲湯......呀.........冇乜味既.......飲多啖........呀.......對不起........個湯真係好清...........鄰枱的2位大姐也有同一反應...... 異口同聲說.........冇味既唯有放棄飲湯........餃子......粒粒都包得好靚好工整........餃皮不算厚.......滑身口感......內餡有超多粟米......增加了不少甜度.......餃子真的不錯另. 叫了一杯豆漿.......像是冇糖般有機會再來試下另一個湯底.......花膠湯.......

話說我真係好少寫食評。今日因爲病左，就係屋企附近揾d清淡食物。點左份早餐。又幾好食wor。特別個湯，無味精又鮮甜。餃子好味得來，5係味精果種味。老闆知道我病緊，仲煮淋d面，俾杯温水的我食藥。仲話d湯無味精飲多d好，面無簡水。呢間店我會再黍食的。

今朝覺得乾燥左，突然好想飲碗老火湯，我見平時出門口返工8點幾佢都已經開左門，於是拎個保溫壺落去問下有湯賣未，老闆好好，佢話幫我入滿佢，仲話星期一啲湯係最靚，今日係西洋菜湯，一壺湯滿哂先收我$25！其實我周不時都幫襯晚餐，靚湯加雞飯都係$45，真係好抵，自己煲湯買料都要幾十蚊啦，而且啲湯超好飲！水餃我都試過，食落似屋企包嗰啲水餃，唔會有味精嘅感覺，湯底都係用靚湯！真心希望呢間小店繼續做，等我可以間中想飲靚湯就有得飲！

晚餐時間，與家人正煩惱在那兒開餐?家人提意嚟靚湯水餃，因剛去完越南回來，腸胃仍有點不適，心諗..飲碗湯都好吧？我們叫了韮菜水餃，粟米水餃，椰菜雲耳水餃。款款都要多菜少肉，大隻又材料多，粟米水餃更要一讚，粒粒都是超甜粟，好味又健康。至於個湯底，有兩款，分別星期一，三，五，日是野菜豬骨生魚湯及星期二，四，六是花膠豬骨准山老雞湯，今日飲到的是老雞湯，味濃而不油，飲完都冇口乾，飲得出真係冇味精的，我們幾個人都把湯飲清光，抵讚!至於手撕雞，雖然肉不多，但味道做得唔錯，等我腸胃好番點，要再嚟試吓家人推介的手撕雞飯。

Very nice no MSG soup and delicious dumplings. Their Shanghainese noodles are very good too! Planning to go back more often! They open till late so perfect to come by if you have late evening hunger! Hoping they would have more dumplings and soup options in the future!

連湯底都飲埋 - 靚湯水餃大角咀埃華街呢間在車品品對面的靚湯水餃，第二次幫趁，點都要介紹吓。自包餃子，標榜以老火靚湯做湯底，食完餃子可連湯都飲埋。今天的湯底是花膠螺片豬骨淮山雞湯，睇落濃郁，飲落亦很清甜，很不錯﹔鮮肉韭菜餃子餃皮薄餡料爆滿，如肉的比例多番點會更好反而鮮肉粟米餃聽落騎呢，但肉與粟米兩種甜味夾埋估佢唔到咁夾，又甜又鮮好好味。這兒提供的上海麵是幼身的，彈牙煙韌，正喎﹗連湯清哂，重點是飲完湯完全唔口渴，真係無加味精，大角咀健怡美味之選啊！

下午茶時間無咩人，清清靜靜，而我就準備食緊今日既第一餐。星期日通常都好晏先起身，梳洗下都已經三點幾，食tea剛剛好。呢間餃子店其實我已經食過無數咁多次。從佢岩岩開張到而加都差不多有半年(大約)。仲記得第一次食既時候，應該係佢開張無耐，當時食完非常想比一個好評佢，但無奈openrice未有佢既身影。到而加已經食過唔知第幾次！哈哈！我終於醒起要打返個食評。睇圖已經可以證明我呢個好評係幾咁真誠。最後想送段文字比大家。車水馬龍的街道上，奔馳著各人的步伐。各類商廈人聲鼎沸，顯得耀目璀璨，喧囂在繁華都市裡不曾息止。 都市人啊！你是否還保留著一顆溫暖的心？還是你已經被無情的社會所感染，變得冷漠？不妨來到這裡飲一碗湯，嘗試重拾一份溫馨一份感情一份真摰。

大角咀雖小，但都算多野食，有雲吞麵，煎水餃，蒸餃子，但好似冇湯水餃之前都食過呢間幾次，不過都唔得閒寫落黎，今次的起心肝寫，因為真係好食，健康下午茶餐 2pm後$25/5隻水餃湯麵 + 凍豆漿1杯，好味又抵食又健康隔住個皮都見到粟米粒粒粟米味好濃郁，有咬口，一定唔係罐頭粟米個湯冇味精，足料，好味，冇得輸上海麵，今次煮耐左少少，林左少少，冇之前食咁彈，不過都唔差韭菜餃，一咬，成個口都韭菜味，鍾意食 韭菜就一定要揀韭菜餃平時有樽醃左嘅酸白蘿蔔，可以用個夾夾落隻碟仔食，消磨下等湯餃嘅時間，又可以開胃，味道就見人見致必試麻辣醬，除左辣椒d基本野，仲有豆豉，菜甫等，唔覺得有麻味，但冇仲好，唔會影響到飲湯，好惹味，唔會太辣，我會拌麵食，好正

經過見到有野葛菜生魚湯，清吓熱氣都好喎，見有餃子，有雞飯，前日先係山東小館食咗餃子，今晚一於試吓用雞飯嘩，碗湯一啲都唔弧寒，好大碗，好濃好夠火喉，飲落好舒服，冇味精，我仲飲唔哂要攞走唔好嘥雞飯啲雞都夠瘦，不過我怕唔熟嘅雞，如果下次去食會單聲要熟啲見好多人都食餃子，下次一於試吓先