非飯

营业中

休息中

食物一般，但係個女員工不知道是否得罪了她？態度十分之差以為我爭佢錢？？全程都係比氣我地受。之後再睇返之前啲評論，原來全部客人都話佢呢間態度好差咁我就知道唔係單指我問題啦。食物係OK 㗎，都會想返嚟食但係呢個女員工真係嚇親我總之就係冇下次！

呢排剛剛晌附近返工，行過見到有椰花飯，一定要嚟試下，好難得搵到間餐廳咁啱我呢種長期話減肥嘅人士。餐牌寫'非飯'其實是由椰菜花、杏鮑菇、藜麥整成。我點左：💛和風溫泉玉子牛肉非飯$68椰菜花飯唔會太咸，而且牛肉份量都唔少，撈埋溫泉蛋一齊食唔錯👍🏻💛餐飲配熱Latte +$8仲有拉花，都好有heart呢度不設加一，唯一要留意就係餐廳人手唔夠，呢度係需要自助式取餐用同收盤，lunch hour去可能要等一下，我肯定會再嚟，我仲想試埋沙律。

叫咗個豬軟骨椰菜飯餐，食物都可以，但價錢貴、豬軟骨又少。由於第一次光顧不知店規矩，離開時被喝叫要放回食具餐盤，感覺尷尬又緊張，佢就‘唔該’ 都冇講一聲，這樣的服務態度，肯定唔會再來。

規矩多多， 冇服務。 我第一次去食嘢， 我點會知道要自己去捧餐， 我點會知道完餐後， 要自己收拾餐具及放回取餐處？ 咁多規矩， 做乜唔寫在枱面上，人客點餐時 ，可以自己考慮繼唔繼續幫襯！

好多人減肥個陣都無啖好食，究竟美食同減肥可唔可以共存？今日終於比我係紅磡廣場附近搵到間主打椰菜花飯既日系餐廳，間餐廳叫非飯。雖然店舖面積唔算大，坐位更加係有限，但食物水準非常高，完全唔馬虎。我今日就叫左滑蛋雞飯，餐牌更標明食材係無激素，令注重健康既人更加放心。滑蛋雞飯（無激素）$68+$8 轉牛奶咖啡驟眼睇完完全全係一個正常既親子丼，但撥開雞同蛋後，會見到以椰菜花碎混合藜麥取代原本既白飯。雞肉同蛋非常滑，又不失食材原本既味道值得一讚,但另人驚喜既係椰菜花飯非常容易入口，而且食完之後飽腹感十足。📍非飯地址：紅磡馬頭圍88號青海閣地下C號鋪

今晚諗住試吓健康啲食嘢菜花飯，諗住入去試，要自助俾錢都唔係問題，點知自助俾錢嘅時候個System好難用，要我入咗幾次密碼。我同朋友兩個食咗椰菜花飯同拌麵，一嚟到個賣相唔差，啲餐具幾decent, 但去到最尾嗰個椰菜花飯竟然好多水，個拌麵更加係湯麵！利申第一次食椰菜花飯，唔知係咪我見識少。食完諗住走嘅時候，店員竟然叫我哋餐盤自行清理，其實本身冇問題，但係佢舖頭裏面根本冇呢個指示，同埋一個飯本身都唔平，諗唔到點解會冇服務🙈返屋企唔夠10分鐘路程已經覺得好頸渴，我對味精都敏感，完全違背間嘢標榜既健康飲食！呢間嘢真係令到我寫第一個食評☺️

似飯「非飯」— 椰菜花飯🥦 將椰菜花砌碎代替白飯 可以減少攝取碳水化合物 再混合藜麥、杏鮑菇 食落口感爽脆 相比真米飯較濕 -🔹無激素滑蛋雞 $68個人比較鍾意雞肉滑蛋飯 比較多汁洋蔥份量都幾多 帶甜雞肉雖然唔算嫩滑 但都唔太鞋-🔹和風溫泉玉子牛肉 $68牛肉雖然偏瘦 但唔會覺得柴但無咩汁有啲乾整體味道比較清淡 最主要都係靠七味粉-另外配有 大大杯茶！🫖🍃-老實講個人都係鍾意食飯多啲㗎啦🍚但偶爾想食健康啲 唔想食咁多澱粉質都可以考慮下！

叫左個滑蛋雞肉飯 再加太陽蛋味道不過不失 雞肉都係雞柳咁太陽蛋係幾好 不過係另外加錢但其重點椰菜花飯真係做得比較差一黎切得唔夠細粒 影響口感 好hea 好似就將椰菜花切粒咁 二黎有草青味 好難接受 明顯煮得唔好三 份量真係好少 唔會夠飽 但收費竟然要$79（連太陽蛋同埋茶）依家唔少餐廳都推出左椰菜花飯 都做得好好多 例如itamma coco壹番屋 等等但作為專賣椰菜花飯既餐廳居然做得咁差 實在令人失望 希望店主用心改善質素 做好本業

上星期放肆不停食好西，今星期要食番健康啲，得知啲間店有椰菜花飯，就當然要幫襯下啦。透過網上外賣平台落單有8折，而且滿$120再平$15，平過門市買好多！知道個portion係好少，所以我哋都額外加左底（加$8）所謂「非飯」，其實就係椰菜花+少許藜麥+少許杏鮑菇（生酮人士注意‼️藜麥其實都有carbs不能多食）咖哩香煎午餐肉太陽蛋 （另加 100 克非飯）$58午餐肉好乾身，都好食嘅，咖喱汁就比較少，椰菜花飯亦冇好多油or好多調味，感覺好健康😂咖哩炸豬扒（無激素）（另加 100 克非飯）$68一打開已經勁香咖喱味，塊豬扒好淋好香，加埋椰菜花飯好好食。咖喱汁一樣係比較少，而且個椰菜花飯都好乾身，成件事有非常健康嘅感覺。同區有另一間叫「紅燈籠」，都係有keto friendly 嘅椰菜花飯。比較之下，「非飯」比較健康啲，啖口味啲，各有其特色。啲間店唯一不足嘅地方，就係太細份，就算加左底，份量都係比較少，女士okay但男士就未必夠食了😅食物：❇️❇️❇️❇️價錢：❇️❇️❇️翻兜指數：❇️❇️❇️❇️

有時晚餐想食肉，食正常野又唔想要飯🍚呢間岩曬👍🏾！------------------------------滑蛋🐓，凍鮮奶咖啡------滑蛋超滑🤣，從圖可見仲有蛋汁係面，雞仔都整得幾好，但少左啲～飯底係切碎左既椰菜，洋蔥等，輕食感，對於晚餐想食清啲既朋友一流！😌------凍鮮奶咖啡用大粒波波冰😆，勁鐘意（小編屋企都用），可以更加保持咖啡嘅原味，冇咁快溶。------整體份量小，店舖環境好細，請留意。

每次路過都見到一間粉藍色外型嘅餐廳叫做「非飯」，不論顏色或者餐廳名都非常之搶眼。適逢最近開始咗生銅飲食，開始搜索多啲適合生酮嘅餐廳，所以lunch就落去非飯買個外賣😎-佢個menu其實有好多選擇，取其名非飯就話咗俾你聽餐牌上嘅鰻魚飯/牛肉飯通通都唔係真正嘅白飯底，而係有椰菜花，鮑菇，藜麥混合而成嘅一個健康低碳「飯」🤭-今次外賣試咗佢嘅鰻魚飯，如果Walk in買要$88，但係透過美食平台可以平少少，就算喺外賣平台標價抬高咗，但因為唔使最低消費就可以享有八折優惠，美食平台落單 $79😁😁--外賣個碗較細，有半條鰻魚，油脂豐富，滿滿嘅魚油真係好香！椰菜花飯底因為混合左藜麥同菇，所以更加食落有啲咬口，真係似食緊飯。而且烹調椰菜花時唔係落咗好多油，所以唔會好似其他椰菜花飯咁食到滿口油。-唯一唔好嘅地方係佢份量真係好少，食完都唔飽😭😭😭 唔使一個鐘已經要另外自己整兩隻烚蛋充飢，如果椰菜花飯分量多少少就更好啦！

大家有冇食過似飯但又唔係飯嘅食物🤣🤣，近年來佢唔係疫情嘅關係，我覺得香港人注重多咗健康。所以餐廳食肆，會出現咗一啲健康嘅食物。就要同大家介紹吓呢一間餐廳，餐廳喺紅磡，馬頭圍道附近，如果喺嗰頭返工嘅朋友仔，會認識呢一間咁特別嘅餐廳。我叫咗一個非飯系列-滑蛋雞肉🥚🐣餐廳所用嘅食材都係冇激素，所以我都食得好放心。呢一個非飯係由椰菜花、杏飽菇同藜麥組成，完全沒有米飯嘅元素。✌🏻滑蛋雞肉都好好食，仲加咗我最鍾意嘅洋蔥，真係好香口。🙊呢一餐主要係由蔬菜同埋蛋白質組成，我呢啲平時大飲大食嘅Foodie來講，偶爾一餐半餐食得健康啲，其實都幾好㗎。👍🏻👍🏻我仲會另外加左一杯熱嘅台灣四季春茶，呢一個茶好香，味道好夠。🍵整體來講，呢一餐我都好滿意。😚

新年大飲大食過後想食得健康D，一直有留意紅磡開左間非飯餐廳😉叫左個外賣和風溫泉玉子牛肉非飯，“非飯”底用花椰菜粒、藜麥代替白飯，食曬成碗都幾飽肚☺️$68一碗非飯包一杯熱咖啡，係又抵食又健康嘅午餐選擇👍🏻

約了朋友食晚飯，她話大節後一定食咗好多餐，她建議不食澱粉質，就建議來這間。果然全部都真係無米飯，個擬似飯底係椰菜花加藜麥，以為好齋，但食落竟然好好味。我點了五目野菜咖喱藜麥，朋友要了滑蛋雞，我哋再加了雞皮餃子。滑蛋雞，雖然無咩特別，好多地方食到。但勝在椰菜花加藜麥夠特別，及滑蛋炒得夠香及夠味。而五目野菜咖哩藜麥飯，超級有驚喜。內𥚃有菇，洋蔥，翠肉瓜，椰菜，豆卜，芋絲，車厘架…. 等。好有層次之餘，無想過好夾，以及炒得夠味，不會覺得只係度食齋咁。最後這個雞皮餃子小食。我初時好低能咁以為餃子內包著雞皮，咁好肥喎。其實正正相反，係雞皮包著隻豬肉餃子落去炸。雞汁滲入餃子內，好香，又不會炸到好乾。大家都食到停唔到😝每個餐都有跟茶或咖啡，舒服的一餐。下次一定再試埋其他。

今日我最好嘅朋友離開香港，下晝去完送機一個人返屋企，冇乜心機食晚餐，但知道點都要食啲嘢唔好餓壞，於是行吓行吓，就去咗屋企附近呢間小店試試。平日嘅晚市堂食唔算多人，相信因為今日開始強制用安心，所以唔多唔少影響咗堂食嘅生意，但相信呢間餐廳都幾受歡迎，因為都見小店間唔中都有接啲外賣單。我第一次嚟食，就揀咗期間限定嘅滑蛋鰻魚飯。跟餐免費可以飲美式咖啡或者台灣花茶，我見佢係現磨咖啡豆，其實好吸引，不過夜晚都係唔好飲咁多咖啡，於是決定揀台灣茶。落Order之後，聽到佢哋即刻準備製作滑蛋，即叫即做，用心製作。大概7、8分鐘就有得食。第一個感覺，賣相真係好靚，滑蛋超級鮮嫩，應該用咗日本蛋，因為有好濃嘅蛋香。鰻魚份量都好夠，上面仲有啲紫菜碎，增加咗成個飯嘅香氣。呀，唔好意思，我成日講「飯」，但其實裡面真係「非飯」，成碗「飯」都係椰菜花碎+少少藜麥，食落口同食緊白飯好似，但感覺好light好輕盈，食晒成碗都零罪惡感，但又有飽肚感，真係好開心！原本心情好差，但結果我越食越開胃，一口氣食哂成碗見底，超滿意，大滿足！誠意推介各位努力減肥但又唔想捱餓嘅同路人嚟試試～