靠得住粥麵小館 (康怡廣場北座)

营业中

休息中

難得今日可以食下午茶，睇咗幾間最後去咗靠得住。果然係米芝蓮，食物同埋服務都好好🫶🏻入到去服務員嘅笑容同埋溫柔嘅說話，已經好窩心。下午茶餐叫咗牛腩麵有專人灌湯，牛腩好腍，三嚿牛腩兩嚿根，啲麵好爽。再跟一個混醬腸粉，份量好足好好味。為食再叫多份甜品，$12腰果露，絕不欺場，好香，好明顯係炒完即磨，冇溝粉，太美好。😋😋😋

昨天是第一次光顧此店，正奇怪在晚上8：30還需要排隊輪候。茗茶我們點了菊花杞子，已經是非一般的選擇。主菜點了春日豐年訟，包括的竹笙椰子雞窩出奇地鮮甜，馬友加上花雕和金華火腿粒配合得恰到好處。平民價錢侍應有禮招待也是意料之外。總括而言，此餐廳是5星級性價比！

今日係母親節嘅大日子。我隻死仔，話要請佢母親食飯. 作為父親的我 當然可以黐餐。 我老婆（就住）佢嘅荷包，求其搵一間。我哋決定去咗太古城嘅 靠得住。 門口寫住米芝蓮推介餐廳。我都估唔到 粥粉麵飯嘅連鎖店都會有米芝蓮！先畀我介紹一下， 太興 集團上市之後， 除咗佢哋嘅手本名曲太興燒臘 亦都起咗 幾個大品牌, 敏華冰室, 茶木, 亞參雞飯, 靠得住。。。靠得住大家都知道做粥粉麵飯。佢哋對馳名嘅係 以自家魚湯粥底馳名！ 佢哋嘅粥底係用海鮮淆出個海鮮湯，再煲粥！我哋叫咗個鮮甜帶子粥佢嘅粥底果然鮮味， 但係老實講， 可能用得太多海鮮之旅嘅嘢， 我食落感覺得有少少 味精感覺。 總體味道不錯。 帶子大大隻， 唔會煮個籠。我亦都叫咗個 滑牛肉粥。 粥底基本上係一樣。 牛肉方面算係 軟硬適中。 感覺可以。我亦都叫咗一份雲吞麵， 因為我不嬲鍾意食雲吞麵。 佢上雲吞麵嘅時間係用個煲仔喺你面前放啲湯上去， 目的就話唔好浸淋啲麵。 佢嘅雲吞麵都可以， 小弟覺得佢偏鹹。我哋亦都叫咗啲小點。 混醬腸粉， 蘿蔔糕， 炸醬麵， 銀芽炒麵。混醬腸粉， 我覺得都可以，唔會有 冰過嘅感覺。蘿蔔糕就一般。銀芽炒麵， 食落好味

又到新年初七人日，開始諗去邊度獎勵一下自己作為生日禮物🤣🤣去到康怡廣場見到有間係中式小菜嘅餐廳就膽粗粗行入去試下。一去到餐廳門口，收銀姐姐便講有粥麵小菜，一睇餐牌先知道原來呢度晚上仲有粥麵，下次可以約埋屋企人黎食。一坐底侍應就介紹我試下新推出嘅雞油花雕蒸馬友，對於我呢個魚類愛好者緊係唔會錯過啦。上菜嘅時候令到我有啲驚喜，估唔到係咁大條，仲有個小蠟燭熱住，好體貼。食到大半有另一個侍應行過來問呢個新出嘅食品如何，我直言簡直完全超乎我想像好好食好入味，我仲講笑咁同侍應侍應講下如果啲飯可以多番少少就好啦，點知二話不說便拿多一碗來，真貼心。整體來講，呢度環境舒適係唔錯嘅選擇，雖然眼見侍應唔太多好似得4-5個左右，但都服務都非常好。

你地有冇試過靠得住粥麵小館嘅招牌美食呢？佢地嘅粥麵經已連續13年入選米芝蓮指南，而家又獲得首間「必比登(Bib Gourmand)『米芝蓮』美食推介」嘅殊榮！😱靠得住粥麵小館於2000年開業，以自家製鮮魚湯粥底聞名，用心熬製嘅鮮魚湯粥底，令粥品更加鮮美！🤤除咗粥之外，佢地嘅招牌【鮮蝦雲呑麵】都絕對值得一試！鮮蝦雲呑麵上面擺滿咗鮮蝦，麵條有彈性，鮮蝦鮮美多汁，加上湯底鮮甜，一碗雲呑麵即刻帶你食遍香港嘅街頭風味！🍜💰 人均消費：$200#香港美食 #hkfoodie #hkfoodlover #香港餐廳 #香港餐廳推介 #hkfood #香港甜品 #hkrestaurant #餐廳優惠 #香港 #食物分享 #美食推薦 #foodiehk #香港生活 #香港飲食 #餐廳特色 #推介 #必試

我印象靠得住係標榜無味精，但點解我今日食個心肝寶貝粥咁強味精？ 老實個豬膶係前所未有咁滑，滑到有d 唔真實，但愈食愈咸，仲要食完有食左味精好口乾我感覺。 本人對味精直好敏感，會口乾、頭痛同條氣唔順，現在真係好唔舒服，變左靠唔住！

中午想食碗粥又想坐得舒舒服服，靠得住係唔錯選擇，可能因為位置在商場幾入嘅位置，唔留心根本唔知道，但仲有一排窗向街曬太陽🌞好爽🫖菊花杞子茶$10: 侍應姐姐幫我開咗壺菊花杞子茶，味道幾清香而且可以兩個人飲，仲可以加水，其實幾化算又健康，好過飲汽水👍🏻,不過原來可以唔開茶，俾姐姐誤導咗，飲到成肚水😅🥣回味魚鮫粥：粥底綿滑，米香撲鼻，魚鮫滑嫩，仲有4、5件唔細嘅魚鮫，一點腥味都冇，新鮮😋🥣滑牛肉粥：粥底一樣香滑，牛肉新鮮無揦到爛晒，正👍🏻🥣爽滑肉丸粥：肉丸係爽嘅，不過無牛肉粥咁鮮味囉🥢🐷白灼豬腰豬潤：呢個點粥加$20啫，非常值得，不可不食👍🏻👍🏻。豬腰一啲腥臭味都無，豬膶啤水啤得好乾淨，兩樣都厚切，爽口到不得了，加埋執底嘅薑蔥，點埋鼓油真係只有華人識食嘅美食✨✨🥢白灼鵝腸：又係連粥點+$20👍🏻👍🏻。鵝腸乾淨爽口，肥羔剪哂，所以一啲罪惡感都冇，加埋灼到剛剛好嘅芽菜，得吖得吖😍雖然呢度唔係正式酒樓，但呢度有加一，但冇人催你埋單喎，抵唔抵自己諗啦🤔

朋友話「靠得住」嘅下午茶餐好抵食、星期日放假就同家人嚟試下啦！😬😎一入嚟先要經過敏華冰室同阿參，之後就會見到「靠得住」呢間粥麵小館。雲吞麵$49，仲包一款小食，值得一試！侍應嚟到先會倒湯落碗麵入面，唔硬唔淋剛剛好，好爽口！😋👍😍豬手麵$49，唔會好油膩，炆得好淋，有兩大嚿！好正呀！😋😎😀這裏的粥也很出名，下次再嚟要試下食粥先！😀🤗😛

古法羊肉煲+生菜一碟單$188, 呢個價錢坊間已經很難找, 二至三人份量有十舊羊肉左右(有一半真係羊腩), 羊肉和羊皮炆得很軟淋入味, 裏面還有枝竹,馬蹄和子薑, 比起所謂的大酒樓這一煲貨真價實, 絕對誠心推介！

🎈餐牌粥是靠得住有名的，很多選擇，尤其出名的是豬肝粥，本是十分期望的。另外他們的東江鹽焗雞是米芝蓮、必比登推介的，我們只有兩個人沒有叫。除粥外，還有小菜，以下是多頁餐牌。.👇下午茶 2-6pm，週末則至5pm.🎈食物總體而言大部分食物偏鹹，尤其心肝寶貝粥，邊食邊好渴，要不斷飲水。.👇心肝寶貝粥 $78 ⭐️⭐️⭐️有3件帶子，4件豬肝。足料，好可惜是極級鹹，飲了很多水。.加A小食 $95加B小食 $90 如炒麵有點似兩麵黃的口感，有點脆口，難怪頗油膩，可能經油炸。.👇豆豉蒸厚切金錢鱔 $168 ⭐️⭐️⭐️⭐️的確好厚切，豆豉惹味，如果減少鹹度便太好了，因為偏鹹，同時比心肝寶貝粥好多了。.總結是好鹹，可能是恰合，會願意再試一次，如果仍是超鹹的話，便會短期內會去別的地方。希望下次好轉。

Score 分數： A邊個話連鎖店“唔掂檔”？今次這間粥鋪真心“靠得住”。老實講，本身都冇咩期望，咁就應該唔會失望啦。但估你唔到嘅係，食落又都真係幾正喎！個豬潤粥好滑好味，豬潤又夠大夠多，而d蝦子麵又彈牙，油炸鬼又脆口......只係個價錢對粥鋪黎講算貴。咩粥可以咁好味架咩？係咪新高科技嘅煮爐呢？ 相信大家都冇咩興趣想知，只係想知好味？價錢？環境？服務？等.....我覺得太古這間全都到位唔怪得啦～ 傳統粥鋪真係冇得Do。位於太古商場內先咁嘅價錢，如果去到街鋪，可以平d嘅話，邊有得同佢鬥呀～ 之前d傳統連鎖粥鋪真係買少見少，遲早變集體回憶。有時如果想食得清淡d，又想好味，又要衛生。這間係不錯嘅選擇

平時經常下午茶, 今次係第一次同家人晚飯, 所以就叫店員推介了幾度菜式, 挺不錯.... 食物新鮮有一定水平, 店員友善, 枱面, 環境整潔, 都係我滿意在內的😊👍🏻下星期約了表弟一家過來晚飯再品嚐其他菜式😋

同朋友聚會，咁啱喺對面做gym，假期都有下午茶嘅，跟住睇到呢間comment唔錯，所以就入去試吓啦，環境好得意，因為首先你要入咗敏華冰室，再途經阿參，經過晒呢兩間店舖先見到條柱寫住「靠得住」，入到去座位不錯，餐廳好闊落，大部份都係卡座，最入就有幾張圓枱，但都係有梳化位，應該可以儲到6、7個人都得，我見到佢終於入仲有間房，私隱度極高，望到好似一張大圓枱，唔知嗰間房會唔會有最低消費呢？下次想再去要問問先，今日叫咗個客家豆腐、佢用個火爐一邊㷫住，熱辣辣都會特別好食啲，豆腐算滑，掛個汁都幾好，賣相也好，再叫咗個炸大腸，正👍🏻，外皮脆卜卜香，不會覺得有「壓」味，跟住，叫個酸菜魚，其實酸菜魚就唔可以話佢唔好食，不過佢唔係我哋食開四川嗰隻酸菜魚味咁囉，同埋唔鍾意佢係䱽魚，不過配料都有薯粉都幾好食，但下次再嚟我就一定唔會再見酸菜魚囉，酸菜魚始終都要食返正宗啲好啲🤨仲有推介雲吞麵$48/碗呢個就真係值得一讚👍🏻侍應會嚟到先倒湯落去碗麵度，麵質唔硬唔淋啱啱好，爽口有彈性，直得比米芝蓮，佢個豬手都唔錯，食落你唔會覺得好油膩，炆得恰到好處，味道也不錯，朋友仲想叫多一份打包返屋企送啤酒，仲有滑鷄粥配油炸鬼，鷄滑

早幾晚去食晚飯，本着低醣飲食，叫了個客家黄酒煮雞，最初還怕會太重酒味！點知攞出嚟時只聞到酒香，卻沒有丁點兒酒味，雞肉嫩滑入味，配料准山入味超好食…只是量小咗啲！還點了個鲍汁帶子海鮮豆腐煲，鲍汁濃而不膩，有蝦仁帶子，成個餸都只有蛋白質，係減脂飲食一定要叫嘅菜式！最後都係受唔住引誘，叫了條油條，外脆內鬆軟，沒有失望😋😋

最近發現康怡呢間靠得住粥麵小館，便買些豬潤魚腩粥，炒麵、油條和鰻魚雞粒炒飯回家吃！一到餐廳門口，已有熱情又好笑容的女員工幫我落單了！她很耐心聆聽我落單，然後便禮貌地叫我等十分鐘左右！但最後也等了差不多廿分鐘！這也不過份的等候時間！不過回家後，卻有很大的驚喜，因為豬潤魚腩粥不但好味，而且豬潤同魚腩都非常滑，油條不油但脆，一個 字 ‘正’！看見餐牌裡還有很多未試的食物，真心希望另外的食物，也一樣這麼好味！更加希望水凖一路穩定下去！👍👍👍