韓一館 (已結業)

第一次嚟愉景灣玩，玩完之後又要諗食咩啦😮‍💨突然想食下韓國野就搵下附近有邊間好食，搵完之後先發現好似都無咩選擇😂都係得呢一間，唯有試試佢啦。入去裝修比較暗，我帶埋小朋友嚟就覺得光啲好，不過職員好好禮貌，睇完餐牌之後叫咗餃子同幾碟牛燒下，個餃子都雞好吃，少少辣啱曬我呢啲中意食辣嘅人，之後嘅牛份量都算大，不過味道就唔算超好食，但係可以接受，之後叫多個牛肉石頭飯俾小朋友食，總括嚟講都算唔錯，飽到一個點了。

不嬲都鍾意食韓國菜黎到愉景灣唔太多食店選擇見到有韓國菜冇咩多諗就入左去嗌左個牛肋骨湯 好失望 個湯冇味 牛肉太「鞋」好後悔入左黎食😔呢個價錢黎講實在一d都唔值呢仲嗌左個辣豆腐湯味道還可以嘅

因最近經常到愉景灣工作，而且灣內基本都是西餐。但8月香港太熱了，又想食消暑冷麵，所以第二次都要跟家人再來。第一次來的時候已經知道食物一般，還價錢貴，根本性價比就是低於水平。最重要，服務態度差到極致，不過硬著頭皮這天也選了韓一館。食物方面 - 韓式水冷麵︰連市區平價連鎖韓式小館都不如冷湯底完全沒有味道，如果不是加桌上白醋，就算多冰的水也不會消暑。醃蘿蔔、青瓜絲、雪梨絲真的清爽，是清到一個點的爽脆。配料只有半顆全熟老雞蛋跟三薄片牛肉？薄又沒味道的肉，也吃不到那是什麼了！麵條是很多，應該很矜貴吧，所以這一大碗沒有味道沒有配料的麵索價 $130? 還是 $120? 左右另+ 10%。飲品方面︰朋友想喝韓式酒，這瓶街上買才$20 / $30的桃味燒酒，這裡收 $82+10%。我點了一杯白酒就，質素就跟一般西餐House wine 差不多，售價 $50 多一杯就很合理。

今日放假，一個人捨船入左愉景灣，好多年無黎呢度，啲餐廳都唔同晒，一落船，搵餐廳醫肚先，見到係碼頭附近有間韓國料理餐廳，我係一個哈韓既人，近排煲緊韓劇，所以都好想食下韓國野。我叫左個最傳統既「韓式傳統石頭飯」，我好中意食石頭飯，因為有好香既飯焦。呢個石頭飯好正宗，材料好齊全，熱辣辣既鍋，再倒埋啲辣醬落去撈起，沙沙聲，好香，最後食埋飯焦咁就圓滿啦😊

一早行完山，諗住食lunch，想食韓國菜，未去過不知道是不是正宗的韓國菜，但入左去全部人都廣東話的，咁唯有叫啦（都坐低左）叫左泡菜飯卷、蔘雞湯、同薯仔排骨湯，飯卷一出，都未掂佢已經散哂… 賣相好差 個味正常，我覺得冇誠意，給客人食的東西要賣相加味道。薯仔排骨湯，佢一出個鍋時 有辛辣麵啲味，心想出事了，一食 竟然完全比辛辣麵還差，超hea 沒有下次了。只可以講只有人蔘雞湯是正常的。可能是包裝的，出面買到果啲，整體感覺 不太理想，只是填肚。

在愉景灣食嘢多數都係食西餐！在OpenRice見尼間韓國餐廳有午餐！價錢都OK！在愉景灣嚟講唔算貴！唔使$100一個午餐！不過就冇嘜景睇！見啲牙簽先知原來佢係King Parrot 集團午餐有每人有一碗湯及一碟前菜，不過無得追加蓮藕，秋葵都好好飯午餐～人參雞湯$84～味覺不過不失！不過雞比想像中少！大約1/4隻！有白飯跟！午餐～牛仔骨海帶湯（$82）～麻麻哋唔推介食！海帶湯太清！同牛仔骨唔係好合都係有白飯跟

位於大嶼山愉景灣嘅～ 韓一館（韓國菜）今日同屋企人一齊去到愉景灣渡假😎 行喺愉景灣街頭 好有去咗外國旅行嘅感覺😎😄輕鬆自在! 下午 游水，今日啲水好凍🌬😄傍晚 行街街、行沙灘、在沙灘打千秋，好enjoy🥰晚餐🥣 我哋揀咗韓國燒烤店😋😋 餐廳喺一樓環境唔錯😀我哋叫咗四人BBQ套餐$968🍴頭盤係韓式八小碟 佢俾多咗四碟我哋😌🍴香煎豬肉餃子四只 及 泡菜豬肉餃子四只餃🥟豬肉餃子好食😋泡菜餃子更野味😍🍴海鮮豆腐香辣湯辣椒🌶️我哋唔係好食得辣，但係佢係啱啱係我可以接受的辣度🌶️正👍🍴烤牛肋骨肉、烤牛小排油脂分布均勻，牛味濃郁，令人回味無窮😋🍴豬頸肉、五花腩、烤黑豬梅肉、烤鮮蝦🦐我哋全部人都好鍾意食肉，佢大大塊，醃得好入味！🍴我哋仲加咗一份生菜🥬$60 配肉一齊食，超夾👍#hkfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852foodie

次次都令人失望的餐廳里間韓一館每日話三點收工，但如果你兩點上到去，就鞋口鞋面吾比你入坐。今時今日甘既服務態度都未執笠，可能只因島上無其他韓式食店吧！我哋2:05pm到達店舖，有個女人(吾知係伙記定間野佢有份)佢話：收左！我答：我好遠趕入黎，可以即刻落單，三點前一定食完走。個女人無理我地，即刻west面之後擰轉頭走，態度好差，我地無端端比人WEST面都吾好受。山長水遠搭船入去，一落船第一餐就睇佢面色。我當佢12點開始賣lunch，3點收鋪，但2點已經唔比人入坐！！仲有成個鐘都唔比人食！間餐廳根本無心做午市，只係想靠晚市開貴價才好態度。以前都試過，去食午市好似啲客人就欠左佢甘。晚市佢就帶返個假面具。當然如果3點後才到達，對它已經沒有其望！好多客人個schedule 晚上會同家人吃中菜/西餐，下午吃韓式就要受到佢鄙視？係咩心態？住香港九龍新界，個個返工煩忙，難得趕到船入去！作為一間餐廳，三點就收工，都已經唔方便，仲要2:05答我：收左！如果有一日全香港食市都好似里間鋪頭甘，又無彈性，又無人情味。兩點全部規管吾比入座⋯⋯唉！可能真係有里一日⋯唔好幫佢解釋話外國的鋪頭都係休下午⋯如果當地市民工作

即使公眾假期, 餐廳都有提供午市套餐, 大部份套餐連加一都$100有找, 經濟實惠👍🏻套餐附送前菜和湯韓式海鮮湯麵可以選擇走辣, 麵質彈牙。海鮮一啲都唔hea, 有齊魷魚, 青口, 蜆, 蝦! 朋友都對點嘅套餐讚不絕口! 鐵板雞肉有起碼十件雞, 洋蔥炒到好甜, 拌飯一流! 一人燒肉拼盤更加唔話得, 完全滿足平日食放題唔化算, 但又想享受烤肉過程嘅客人! 整體食物質素唔錯, 份量多, 以愉景灣嘅餐廳來講性價比的確高, 唯一美中不足係用餐當日係公眾假期, 可能廚師和樓面侍應都比較少, 上菜速度較慢。

聖誕節正日，都仲有午市套餐，真心讚！叫左兩份燒肉拼盤，份量OK，質素OK。有兩碟前菜、例湯送俾你。額外叫左雞腿，都OK.服務幾好，侍應生有禮貌。環境衛生。可以一試。

去愉景灣酒店住一星期，酒店本身餐廳唔多，所以大部份時間都會出返去愉景灣碼頭附近食飯。碼頭附近多半是西餐，我唔可以連續咁食咁多日西餐，所以就揀咗其中一間韓國嘢。服務好一般，個個都好似好忙咁。前菜係蘿蔔同埋腐皮，係就係好大碟，但係味道冇咩特別。主菜我叫咗我最鍾意食嘅辣海鮮豆腐湯，個樣好似幾靚，但係味道都幾令人失望，因為一啲都唔辣，急凍海鮮冇味，好彩嘅係豆腐都尚算嫩滑，同埋個飯都係用珍珠米，煮夠熱夠煙勒。

同男友黎食午餐，冷氣唔夠超級熱，問佢地可唔可以開大啲，佢話開到最大😑叫咗個五花烤肉同埋牛肉麵豉湯配飯，烤肉黎咗勁耐個湯都仲未到。烤肉竟然只係俾得一碟芝麻油黎點，真係得油乜味都冇 問侍應先話有個烤肉汁，咁點解一開始唔俾埋呢? 重點係個汁都一樣冇味，完全同韓國野唔同，冇紅色嘅麵鼓醬俾人點，連鹽都冇，五花肉仲要勁硬。後來個湯黎到，個色超級淺，係日式麵鼓湯味自己加啲泡菜黎撈先至好少少。 真心未食過咁難食嘅韓國野

朋友住喺愉景灣如果唔係疫情咁得閒都唔會山長水遠走入去探佢 可能因為假期關係 本身想食泰國餐廳都已經爆曬場 第二選擇就係韓國菜 好彩唔使等位就可以入座卡位我哋三個人叫咗個二人餐加多份年糕 估唔到佢二人餐份量都好多 唔使再加都夠飽二人特餐$398韓國前菜四款四款配菜裏面最欣賞韓式甜薯 煮得好冧又好入味 甜甜地辣辣地 泡菜辣度剛好適合香港人 豆芽就比較淡韓式燒雞沙律個沙律做得好好 烤雞肉仲好多肉汁好juicy 撈埋沙律菜嚟食 好清新好開胃豆腐花湯跟餐嘅湯係唔辣㗎 清淡嘅豆腐花湯可以中和返其他濃味食物 炒牛肋骨牛肋骨嘅份量好多 濃濃嘅牛肉汁配埋洋蔥吸收曬所有精華味道好好炒粉絲粉絲好煙韌好彈牙 發埋啲汁嚟食 好有韓國feel石頭飯 （加$65轉）跟餐本身係白飯 可以轉石頭飯 好大鍋三個人 啱啱好食得曬 石頭飯加入辣醬撈勻後再食 仲有好多配菜 半熟蛋 芽菜 菠菜 菇 牛肉等等鐵板雞肉炒年糕 $160本身怕二人餐唔夠食就加多個炒年糕 點知最後係食唔曬 雞肉夠入味但係年糕就有啲硬 炒年糕嘅甜辣醬偏向辣 仲愈食愈辣 但又辣得幾過引總括嚟講有驚喜 食落幾正宗 幾地道

今日和朋友來到愉景灣，選擇了這裏的韓國餐廳。我們點了牛拼盤燒烤套餐和單點人參雞湯。燒牛拼盤套餐它包了有三款前菜：麻醬秋葵、醬豆腐和韓國泡菜。最好吃的是韓國泡菜，酸中帶辣，作為餐前菜， 10分醒胃。四款烤牛包括：牛肉，牛舌，牛肋骨肉和牛小排。幾款的牛肉也挺好好吃的，只是牛舌有點韌。牛小排很嫩，咬下去，牛脂就濺到口裡的四周，很美味。人參雞湯上來時熱騰騰的，雞肉一夾就骨肉分開，應該是熬了很久，雞湯的雞味濃郁，但人參味不足，稍微失色了。

今日黎左呢間韓國餐廳食佢地既set lunch叫左個kimchi沙甸魚湯會有埋碗飯跟餐非常惹味本來食少carbs多protein但對住呢個湯實在忍唔住了食晒成碗飯好想學自己點整呢個味道既泡菜湯