韓半島 (已結業)

自從係尖沙咀返工就發現厚福街有好多好野食，令我最鐘意嘅就係依間新派韓國餐廳。環境夠靜，多位，亦唔會太多人，午飯時間餐牌平好多，相反夜晚就貴好多。餐牌有好多唔同選擇，我最鐘意就係烤五花腩蓋飯，其實佢有沙律，有餃子，有芽菜，仲有湯，飲品，仲有水果。88蚊真係飽到飛起。唔好以為個飯望落好乾，但d五花腩好入味，加左d燒汁洋蔥，真係食完一啖就想食第啖。d湯望落好清，但其實好鮮甜。所以真係好值得推介呢！其實中午時間有時想食好d，依個就係一個好選擇la。

今天同幾位朋友第一次來韓半島，我叫了部隊鍋，極度有驚喜，只得幾片薄薄的午餐肉，幾粒小小的香腸片，粉絲（乜唔係韓國麵嗎？）價值$88。大家不妨一試⋯奉勸老闆，做得飲食，有時唔洗咁孤寒

尖沙咀厚福街不嬲出名多嘢食，成條街都係餐廳，但要揾間高質嘅都要花花心思🥴 今次🍔推介大家一間食左五道菜而全部都冇伏過仲幾有驚喜嘅餐廳，就係한반도⛰-香煎三文魚配蟶子沙律 ($138) 唔講味道，視覺上已經係個享受！三文魚煎得幾好，充滿住魚油嘅香味，而且外皮煎得好香脆，份量亦都唔細！旁邊係啲海鮮味嘅泡泡，為三文魚增添左少少嘅鮮味🥰三文魚低下放左啲西柚，幾清新，解一解膩！蟶子沙律夾雜左橙，西柚，墨汁脆片。幾精緻但略嫌未夠喉😩 手製紫菜包飯 ($88) 一款係普通韓式包飯，另外一種係炸嘅！兩款嘅餡料都好足，特別推薦炸韓式飯團，食落幾惹味，新鮮炸而且炸得好脆👍🏽-依家餐廳做緊優惠，食滿$500會有額外嘢食送，包括玉米片配韓式烤肉及芝士，年糕或者心太軟。🍔試食玉米片，不錯，覺得芝士可以再多啲🤪🧀 餐牌上選揀都幾多，正宗韓國菜又有，西餐又有，甜品都有好多款。🍔一食就食左2個幾鐘，因為坐得都幾舒服下💕

今日星期六 唔想同人逼所以五點幾就食個early dinner 同男友黎到呢間Hanbando 我哋係晚市第一枱人 見到餐牌好多個set都好吸引 最後揀左Set A $389 四道菜 涼拌辣生金䱽魚沙律Presentation好好 係kimchi既辣 魚生既份量都好多蘑菇意大利燴飯個汁好creamy 上面既arancini balls都好脆好有味燉牛排骨 平時食韓國菜色Galbi Jjim既西化版 所以會食到個陣甜豉油味 再加薯蓉同雜菌做配菜 心太軟加雲呢拿雪糕

下午心思思想食韓國野，咁岩行過好多野食既厚福街，決定去試下依間。佢既lunch set都幾多選擇，每個set都包左好多前菜同小食，好豐富呀今次我叫左牛肉石鍋飯，味道唔錯，份量岩岩好，食完唔會好飽好濟。同埋依度環境都坐得幾舒服，靜靜地一個人食飯或者三五知己同事傾下計都幾岩！😋😋

第三次食呢間啦已經！d味道真係幾好所以其實次次都係叫個d😂大醬五花腩意粉呢個真係次次叫，有韓國風味既意粉，配合得唔錯！五花腩都好有口感，不過份量真係比我上幾次黎少左好多，唔夠飽。海鮮煎餅呢個又係勁好食，個面煎到好脆，入面都有好多海鮮同d紅椒青椒。加埋個sauce簡直一流。好香口，呢個真係要試下！

經過厚福街，決定喺H8尋找好餐廳😋 結果入咗黎食韓式fusion菜。下午茶時間入到黎，唔需要等位便可直接入座。因為少客人，環境寧靜，可以好好座下傾計。 餐廳菜名十分有詩意，正當考慮點叫菜果時突然發現侍應喺韓國人，咁就唔洗煩惱了😂 因為睇唔明菜名，所以就試左比較多人好評嘅仙巖村的秋天（$70）其實我覺得呢款更啱夏天，酸酸甜甜幾開胃。學韓國人講，十分有清爽感。 另外我們家鄉的環形天橋（$108）幾香口，記得要趁熱食呀，凍咗就會開始岀油😣 如果成日食韓國炸雞食厭咗，不妨一試新式韓菜😀

在地下給店員介紹下便搭電梯上去試試，星期六9點左右人不多，坐滿1/3個場到。點了beer，kimchi seafood rice, bbq beef and scallop 甜品都好吸引不過太飽無機會試總括來請，人小小。會回頭

今日秋涼很濃，突然想起之前經過厚福街，有個用唔咸唔淡嘅廣東話介紹佢間餐廳，所以決定去試一試。店內環境簡約 空間感不錯由於初嚟埗到3個人叫左幾款菜試下佢d菜名好特別青松亭之路（五花腩凱薩沙拉配特製醬油）仙巖村的秋天 （韓式蕎麥冷麵配特製甜酸芝麻醬）陽光與搜勝臺竊竊私語 （韓式燉牛短肋骨配土豆泥及什菇）纜車中觀賞麗水市 （香煎扇貝配蟶子沙律及海鮮味泡泡）智異山日出時分（生拌牛肉配自製甜黑醋及時蔬）雜貨店購物去野營（迷你燒烤，4款：五花腩，牛肋肉，肉眼牛扒，牛扒）每款菜式由賣相到味道都很出色韓菜同西方菜合併 配合得很到位份量唔算大 要食返澱粉質先夠飽但卻已令嘴饞朋友留下很好印象大家亦一致認同一定會再嚟食👍🏻

今天lunch，同事們話想食韓國菜，上網睇到呢間好似幾好味，膽粗粗咁上去試下。呢度地方幾大，lunch時段唔洗等位同坐得舒服！午時套餐也夠精緻，包括前菜、小食、湯、沙律、生果....$73-108嘅套餐任均選擇，仲免收加一！加少少錢就有飲品五花腩大醬忌廉意粉$73，同事話出奇的好味，忌廉汁夠creamy，不過個人認為似西式多過韓式韓式海鮮純豆腐湯$78，每次來到韓國餐廳這個是我必點的。一吃就融化在嘴裡的嫩豆腐，加上各式各樣的海鮮和香辣嘅湯底，真係越食越開胃！韓式炒辣豬肉$78，鹹鹹辣辣的辣炒豬肉配飯吃真的一流。

慶祝生日當然要去D正D嘅地方慶祝啦~聽講呢間韓國菜都幾特別,有少少西式感覺,最後我地選擇下午茶時間挑機~~由於大家都唔係好肚餓,所以正餐唔係叫左好多,反而甜品就叫左幾款蔬果水果沙律 $88作為開胃菜佢交足功課~西柚甜得黎帶微酸,沙律菜新鮮夠爽,個沙律醬汁都有酸酸地但又有果味,小朋友都鐘意食大蒜油意粉配海膽蘑菇泡沫醬 $128份量其實偏少而意粉偏硬，但醬汁搭配得宜,容易入口,海膽唔腥會想追吃,不過我自己prefer少D醬汁再多D菇韓式蕎麥冷面配特製甜酸芝麻醬 $78雖然係芝麻醬,但日本o個D好唔同,醬汁有突出甜酸味道配芝麻香,大熱天時食呢道菜真係特別開胃~冷面煮嘅時間都剛剛好,所以好有嚼勁香煎三文魚配蟶子沙律 $138三文魚略為無味，唔會太硬但有點腥,好彩有D水果搭救香煎扇貝配蟶子沙律及海鮮味泡泡 $138帶子鮮甜，熟度剛好,每粒都好大粒,所以入口有厚實口感~D泡泡提升菜式海鮮鮮味,雖然係沙律但都有飽腹感韓式香脆炸雞$128雖然係最基本嘅炸雞,但佢基本得黎最好食,出面o個層好脆但唔會太厚,裡面D雞肉滑得黎唔乾身~加上薯條加持,無醬汁一樣好食朱古力心太軟心太軟有點過熟，不太流心,不過上檯已

星期五晚，無book位，大約8點左右去到，2個人唔洗等位。2個人叫咗3樣食物：- 我們家鄉的環形天橋 $108（薯仔煎餅配泡菜、五花腩、椒絲及香葉）- 升上神仙臺 $128 （五花腩片配特製醬油）- 海浪覆蓋的岩石島嶼 $128 （大蒜油意粉配海膽蘑菇泡沫醬）飲品2樣：- 藍莓米酒 $98- 水果茶（唔記得咗名）$唔記得合共大約 $500開始來第一味：- 多脂肪- 普通腩肉味，我覺得一般- 同埋我唔覺眼佢有比過個咩特製醬油第二味：- 重泡菜味，小辣- 紅椒絲，小小辣- 個醬唔洗釀黎都得- 油膩，食到多油- 偏脆同食食下容易散開- 適合重口味好煎炸食物人士最後一味：- 重口海膽磨菇泡沫醬，但唔講唔覺似海膽味- 似黃色嘅磨菇忌廉意粉- 好食整體來說，可以一試，食物質素其實ok，環境也不錯，只係賣呢個價錢嘅食物無令人有眼前一亮嘅感覺。同埋，佢個gimmick 可能係想改啲吸引人嘅菜式名，但係作為顧客我覺得啲名一啲都唔吸晴，咁多字仲要睇到人有啲眼花撩亂。建議想改好名寫好餐牌，可以參考cwb 有間叫mamaday 嘅餐廳，人哋改嘅名係有趣又易明，例如：唔好咁大期望意粉，睇個名你都知呢道菜係食意粉

因為同好朋友食自己生日飯關係，好努力搵餐廳，諗食咩既時間發覺無咩點同朋友食韓式料理，係揀餐廳途中見到呢間幾特別，加上價錢合理，就決定食佢啦😋訂位訂左8點半，去到一啲都吾多人，可能係星期一啦！餐牌既食物都多選擇，有因應吾同人數既餐，有單叫，我地就揀左單叫，可以試多啲款式我地叫左5樣野食，首先有帶子沙律味道清新，睇落好似好少，但係都有5隻帶子，可以一試另外再叫左個墨汁炒粉絲墨汁意粉就見得多，墨汁粉絲都係第一次見，買相無想像中甘黑，但係味道非常喜出望外，好好食，味道係有少少酸酸地，好開胃，必叫😋再黎有海鮮餅呢韓式海鮮餅同平時食開既好吾同，呢個係用粉絲做餅底，吾係用粉醬，所以食落吾會覺得有粉多既問題，但係因粉絲吸油，所以食完一件之後，再食第二件會覺得好油，不過係好味道既👍🏽因為朋友喜歡飲湯，所以我地叫左個人蔘雞湯侍應放左個小爐，上面再放個鍋，估吾到係原隻雞上，服務員好好仲會幫我地剪開隻雞，方便我地食，人蔘味吾太重，雞肉嫩滑最後係炆牛勒骨望落好似骨大，但係啲肉炆得好淋，好入味總結黎講，餐廳裝修雖然普通，但係食物有驚喜，價錢都合理既，由於食物既份量吾算好大，所以可以叫多幾款食👍🏽

今日行到嚟厚福街就係附近食lunch，厚福街不嬲都多嘢食，喺樓下見到韓半島個banner大大個又想食韓國野，就上左去咗韓半島食韓國嘢。入到去餐廳都幾闊落，仲播緊我鐘意嘅韓文歌，侍應應該係韓國人，見佢地主要講韓文。午餐都有幾多野食揀，諗左好耐決定叫韓式炒辣豬肉，成個餐勁豐富。有魚腐湯，小食有沙律、青瓜、韓式餃子、炸紫菜包粉絲，仲有生果。炒辣豬肉好夠味，韓式辣醬甜得來又唔係好辣，豬肉切到薄薄地好入味， 仲有啲冬菇同蘿蔔絲，唔錯！

Finally came to this korean restaurant which has always been on my list! The overall experience was great 👍 and my friend liked it too. The restaurant located in H8, the popular building with all the delicious restaurants in tst. we ordered the popular pizza with four kinds of cheese and shedded potatoes 🥔 it was so good, first time trying a dish like this! ordered tuna salad as the second starters, it was fresh and huge. Lots of tuna in the salad and the sauce was yummy. I was craving for chick