韓宮 (已結業)

其實一開始係為咗佢$68嘅醬油蟹而嚟嘅 咁嚟到就嗌咗個人蔘雞 同嗌咗個海鮮煎餅$68嘅醬油蟹嚟講 仲有一個飯餸，我覺得其實係非常之抵㗎啦 雖然呢醬油蟹細咗少少 不過味道都唔錯 蟹膏就唔算話好多 但呢個價錢嚟講都冇得輸人蔘湯都送咗一碗飯 人蔘湯有半隻雞 雞裏面都有飯嘅 非常之有誠意 人蔘就唔係好食到 不過味道都OK嘅另外海鮮煎餅其實都夠晒大件 即叫即整都算係新鮮好食 見見到餐廳都幾多韓國人喺度食 而且係韓國人煮 大家用韓文嚟溝通 好有氣氛啊

一定唔會再去嘅餐廳！第一次比差評！！叫咗一碟炒牛肉粉絲，同醬油蟹加白飯。炒牛肉粉絲 hkd 118個粉絲好似惠康買嗰啲即食粉絲咁，價錢貴，份量細，配菜冇炒熟，口感好硬，牛肉得三小片。醬油蟹加白飯hkd 198 個醬油蟹最近做緊優惠賣緊$68一隻，要叫滿$300先有優惠。hkd 198 同hkd 68 出醬油蟹係一樣嘅，size得半隻手掌心咁細，完全冇膏。我明白而家唔係醬油蟹嘅旺季，但比200蚊都唔係差成咁。。。都唔緊要，我有禮貌咁問佢兩個價錢嘅蟹嘅size係一樣㗎 ？佢話係，然後話我點解唔嗌多碟餸嗌夠$300。。。放工去享受個晚餐，已經食得唔開心好失望，冇諗過咁多要俾人話🥹

今日同朋友嚟咗呢間位於黃埔站出口嘅韓國餐廳食飯，因為佢喺同事口中聽返嚟話餐廳嘅醬油蟹好食，所以一早係 社交平台訂咗位嘆醬油蟹。仲未落單前侍應已經好快手送上四碟前菜。餐廳有四款套餐揀，我地叫咗牛豬燒肉Set C 餐 ($499) : 鐵板放哂套餐嘅食物唔洗再逐碟上非常方便，套餐都幾豐富有醃左味嘅牛肋骨、牛肉卷、五花腩、豬頸肉、香腸、茄子、雪耳、泡菜、大豆芽同埋芝士。牛肋骨好鬼正，肉質軟腍牛味濃，五花腩油脂多，煎出嚟又香又脆口。醬油蟹 ($68) : 依家餐廳做緊優惠兩位顧客入座，可以用優惠價 $68 蚊就食到一隻 😋 醬油蟹大大隻又多膏，蟹肉鮮甜入口嫩滑，將蛋黃攪勻加埋蟹膏淋上紫菜飯食好味到暈，佢同事真係冇介紹錯。😍人蔘雞湯 ($148) : 食完咁惹味嘅食物，所以就叫返個湯解解啲油膩感。人蔘雞湯非常足料，足足有半隻雞，而且湯底仲有糯米同人蔘，味道清清淡淡，最後配埋白飯食一流。

勁耐冇食過韓國菜，超期待醬油蟹🤩🇰🇷所以特登約咗朋友同我一齊食呢間近排好人氣嘅韓國餐廳🍴食物味道真心好味而且超正宗，期間韓國老闆娘亦都有問我哋啲嘢啱唔啱食，態度好親切👍🏻-BBQ set C $499 套餐包括調味牛肋骨Marinated Beef Ribs 、牛五花 Beef Belly、烤五花腩Pork Belly、烤豬頸肉Sliced Pork Neck調味牛肋骨超入味，五花腩好肥美，同烤泡菜食會冇咁膩😝仲有好多配菜，例如泡菜、豆芽、酸蘿蔔、木耳、拉絲芝士等等-醬油韓國蟹＋白飯 $68醬油韓國蟹好好食，兩個人share啱啱好，醬油調味，剛剛好唔會太鹹太甜，蟹膏撈白飯超滿足🥰-蜜糖牛油炸雞(半雞）Honey Butter Fried Chicken (Half) $148無骨雞食落啖啖肉，炸雞外脆內軟，調味偏甜，亦提供蜜糖芥末醬點😆

今日我去了位於黃埔的韓宮食韓國菜。首先是醬油蟹，這道菜以新鮮的蟹膏為主角，搭配著濃郁的醬油調味，帶來無比的鮮甜滋味，每一口都充滿了滿足感。到燒烤時間，牛肋骨，勁香口同重牛味，入口即化。豬頸肉，這道菜將豬頸肉切成薄片，經過燒烤後十分香脆，外皮煎至金黃酥脆，內裡則保持著肉質的鮮嫩多汁，配上韓式辣醬再加上生菜一齊吃，更添風味。值得一提的是，韓宮餐廳的特色在於能夠以優惠價格品嚐到高質素的醬油蟹，讓人能夠在不負擔太多的情況下享受到這道美食的美味。除此之外，餐廳的其他菜式也都保持著正宗的韓國菜風味，味道美味而價格相對實惠。一個字，正

今日喺黃埔放工就順便約埋同事食埋飯先走，去左民泰街一帶行下，見到呢間韓國餐廳門口做梗自家醃製醬油蟹優惠，心郁郁有啲想食所以就入咗去幫襯。餐前小食分別有菠菜、泡菜、醬油薯仔同醃蘿蔔，每款前菜都非常夠味。醬油蟹 ($68) : 見到實物流晒口水 🤤 醬油蟹一開四，每件都有勁多膏超鮮甜，口感同味道都超級正 😍 食完返唔到轉頭，見到每一台客都有叫，呢個醬油蟹必食。BBQ Set C ($499) : 有調味牛肋骨、牛五花、五花腩、豬頸肉同其他伴碟。牛肋骨啖啖肉超多汁，經調味後煎熟就已經食得，五花腩同豬頸肉同樣燒至微微焦香，由於未醃過所以要配泡菜或者芝士食就更佳，第一次食燒肉有雪耳真係幾特別 😂 等雪耳吸哂肉類嘅油脂再入口，食起嚟油香滿溢非常邪惡，埋單時店員提到經社交平台訂坐，都可以以優惠價 $68 食到醬油蟹一隻。

今日去左紅磡食呢間韓國菜。我地叫左野食後好快就有四個小菜，包括泡菜，醃蘿蔔，甜薯仔同波菜。四個小菜都幾好味，我尤其鍾意薯仔！我地叫左一隻醬油蟹，咁啱做緊優惠，所以都好抵食。個醬油蟹食得出好新鮮，真係不得了，鮮甜惹味，食完仲想食！浸喺特製嘅醬油度醃製，蟹肉鮮嫩多汁，醬油嘅鹹香同蟹肉嘅鮮甜完美融合。 我地叫左韓國燒肉set C，喱到既韓國燒肉就用全碟拼盤上，夠哂方便。燒肉拼盤包含肥牛、牛仔骨、豬肉和雞肉，同各種配菜。值得一提係呢到既牛肉肉質鮮美，口感豐富，夠哂油份。 我地仲Order左支啤酒試下，與其他國家啤酒相比，韓國啤酒苦味更淡，甜味更重，泡沫更豐富，爽啊！ 喱到個老闆娘仲會同客人傾下計，相當有人情味，令到整餐飯更好味。

今日夜晚同朋友一齊食韓國嘢，俾$68推廣價醬油蟹吸引咗，即刻嚟試吓！前菜好味！醬油蟹醬油蟹率先上場！蟹肉十分新鮮，而且有滿滿嘅蟹膏，調味都剛剛好，一啲都唔鹹！另外蟹殼仲有蟹膏、蛋黃，伴埋紫菜白飯一齊食，超級滿足！🥰BBQ Set A豬肉呢個set有三款豬肉：烤五花腩、辣醬烤五花腩、豬頸肉，都唔錯喎，唔會靭，辣醬嘅調味都好好，唔會太辣！而且食落份量原來都幾多😂人蔘雞湯入面有半隻雞，雞入面都有釀咗少少糯米！雞湯入面有人蔘味，感覺好滋補！

在social media上看到一間餐廳被推薦,環境及價錢不錯成功引起我的興趣。餐廳的服務人員當中有一位韓國阿珠媽,頓時感受到濃濃的韓國氣息。用餐滿$300後,可享有$68的優惠價食醬油蟹🦀味道沒讓我失望 - 都幾大隻,而且鮮味十足,還有香濃的蟹膏。除此之外,燒肉的質素也相當不錯。前菜種類也很豐富,包括泡菜、酸瓜等,口感清新可口。這間餐廳的食物和服務都讓我十分滿意,隨即將它推薦給了幾個好友,希望他們也能感受到這份韓風的魅力。

紅磡黃埔一帶，都幾多嘢食，一出地鐵站a出口，我就被韓宮呢間店舖吸引咗，見菜單嘅價錢都幾合理，就入去試下。我叫左韓式燒肉，同醬油蟹，另外再加一個牛肉石鍋拌飯。韓國燒肉SetD餐好豐富，有幾款嘅牛肉，旁邊伴住一啲蔬菜，有茄子，芽菜，仲有兩嚿邪惡的芝士，啲牛肉都幾有牛味。至於醬油蟹，醬油蟹配紫菜飯都係一個幾夾嘅配搭，將生蛋撈埋，加落紫菜飯，味道幾好。不過如果唔敢食生的話，就考慮下食其他啦個人偏愛石鍋牛肉飯，飯鍋送上嚟嗰陣，仲冒住煙，聞到嗰陣香味，飯鍋底部嘅飯焦脆得嚟唔會太硬，同上面嘅菜同肉混合埋，再加d韓式辣醬，真係好惹味。總體嚟講，一切都唔錯。

今日嚟到黃埔去返之前喺呢度食過嘅一間由韓國人主理嘅韓式燒烤，餐廳位置就係黃埔站A出口隔離，行一方鐘倒就到，好方便。今次我哋韓燒叫咗set C，主要有牛肋骨、牛五花、五花腩同埋豬頸肉，肉嘅份量都好多，仲有其他配菜，例如雪耳、泡菜、芝士。每次見到店員端上一大盤咁豐富嘅食物比我地韓燒都覺得好打卡able，咁多樣嘢入面我自己最鍾意就係牛肋骨，牛味濃郁，口感軟熟。另外都好推介將五花腩同埋芝士一齊燒，五花腩燒到表面焦脆，同時芝士燒到拉絲狀，入口就可以同時試到豬肉嘅油脂香同芝士嘅鹹香。上次覺得佢嘅醬油蟹唔錯，所以今次我哋都encore。今次仲多左醬油蝦，蝦肉一樣醃到好入味，蝦肉結實彈牙有咬口又鮮甜。醬油蟹肥美爆膏，蟹膏鮮甜口感綿滑，將蟹膏同醃到入晒味嘅蟹肉撈埋紫菜飯，再配上豉油同生蛋黃撈勻一齊食，非常開胃。最尾我哋仲叫咗個小食芝士紫菜蛋卷，蛋味香濃，將蛋卷點埋茄汁一齊食，味道酸酸甜甜幾開胃。最估唔到就係，老闆娘居然認得我同我朋友，好熱情咁招待我哋，非常好客，每次黎呢到都感受到佢滿滿嘅誠意。

今日我哋一班喺韓宮食韓國菜,位於紅磡嘅一間由韓國人開嘅韓燒店。1.醬油蟹，十分不簡單！蟹膏吸收了正宗韓國醬油味道，食落去食欲大開，咸咸的餸飯一流。2.烤五花腩由外到內,肉質細嫩多汁,上面再灑一點辛辣醬料,令人進一口又一口。3.牛五花同樣肉質順口，脂肪加上嫩滑既肉感！口感豐富。4.最後一道牛助骨湯，由骨頭熬出的清湯入口瞬間暖身同時滋味清新。整場飯局食得飽足開心,而餐廳由韓國主理,每一道小食都能嚐到正宗韓國味道。以往我地都一定去韓國食,原來香港都有這樣正宗的韓國料理店！

紅磡正宗韓國料理，韓國嘢少不了燒肉炸雞🤓先嚟開胃前菜有蘿蔔菠菜同埋泡菜😙燒肉方面呢度提供咗唔同嘅set啱晒兩個人到四個人嚟食～我哋今次叫咗set C 主要提供牛肉同豬肉🐮🐷例如有調味嘅豬肋骨，牛五花，烤豬牛五花，豬頸肉～仲有茄子腸仔芝士雪耳等等，好豐富！🤩配上醬汁就更加出味，分別有燒肉汁辣汁同埋鹽～或者可以將燒芝士連埋豬頸肉一齊食😈set當中最鍾意就係呢一個調味牛肋骨，好大一條需要鉸剪展開😛牛味好出唔需要另外點醬汁已經好惹味😋另外少不了炸雞！份量比想像中多，脆炸嘅外皮同鮮嫩嘅雞肉配上甜甜酸酸嘅醬汁😙有韓國嘅味道👅海鮮純豆腐湯，熱辣辣十分足料，有各類海鮮，豆腐好滑身，食得辣嘅朋友表示都算有啲辣既！🤓食韓國嘢，再加上呢個忌廉梳打或者配上一個啤酒爽一下😝

呢間韓國餐廳好近黃埔地鐵站，一出站就見到，今次係比佢地既有醬油蟹吸引黎試一上黎係韓國餐廳必備既小菜，今次除左泡菜仲有菠菜同黃瓜，味道都唔錯👍🏻首先就梗係要試下個醬油蟹，宜家經ig訂座仲有優惠$68就有一隻，都幾抵食！仲有一小碗加左紫菜既白飯，醬油蟹分量比想像中大，膏都算多蟹蓋仲加左蛋黃，配飯食好正如果唔係因為仲想試埋燒肉一定唔止食一隻燒肉餐我地叫左Set B，雖然佢寫係二人餐，但真係夠晒分量，我地都差啲食唔晒。個餐一共有4種牛，仲有啲配菜可以燒黎食，好有韓國風味。我覺得調味牛肋骨最正，原條上，仲可以包芝士一齊食最後叫左個水冷麵收尾，清清地可以消下食味道都唔錯，唔會太酸。呢餐食得好滿足

今日來到尖沙咀找韓國餐廳，韓宮老闆娘應該是韓國人，她十分熱情又有禮😊 她告訴我現在有活動，就是透過Instagram訂位，只需68元就可以品嚐到醬油蟹😋醬油蟹首先上場，蟹肉新鮮甜美，完整地體現原蟹的鮮味，用蟹殼蟹膏搭配蛋黃、紫菜，拌飯，真是吃了一口又一口！韓牛燒肉擺盤很吸引，四種不同部位的牛肉，肉質好嫩滑，調味不會太甜。牛五花有肥肉，但經調味後不膩口，搭配泡菜或醃製的大豆牙，清爽！牛小排是最好食的部位肉質鮮美，套餐還包括湯和飯或炒韓國粉絲，品嚐了這麼多牛肉後，想喝點熱湯，所以點了一份人參雞湯，雞湯的人參味道不會太濃烈，但味道十分正宗，很快就喝完整個湯，太幸福了！