韓樂 (天耀廣場)

营业中

休息中

外賣叫網上外賣平台 送到上黎 雞扒米粉d雞扒冧而且硬仲要d皮係脆 咩事 我宜家食炸雞咩 仲差過炸雞tim 堂食好好地 外賣難食到pk 點l樣 宜家外賣唔係野食‼️‼️‼️ 跟住仲要勁細舊 以後堂食都唔會光顧 唸住可以退少少錢 或者優惠卷 點知道話已經出餐就咩都無 堂食同外賣差咁遠

今日又來到「韓樂」，平時幾鍾意這間連鎖餐廳亦都在其他分店用過餐😝不過今次這間分店是第一次光顧😀感覺上這間分店與其他分店相比，餐牌的選擇及人流都比較少，曾經去過其他分店，逢星期一至星期五每晚都會有特選晚餐，亦有豬手，但這間分店沒有！🔹韓國野菜豚肉炒年糕味道的確幾入味，而且份量多，不過年糕煮得不夠軟身，入口偏硬！🔹韓國野菜牛肉炒粉絲炒粉絲通常是我在分店必點的食物，味道同炒年糕一樣，煮得很入味，這碟不錯！光顧當天還做緊優惠，惠顧滿150加一蚊便可以換一份炸雞小食😆不過味道一般，但係價錢抵所以ok啦👍🏻👍🏻

嗰日游完水就去咗附近嘅商場食下午茶，依家下午茶價錢唔貴，於是決定去試吓！兩個下午茶餐分別係流心芝士烤多士同輕量辣八爪魚野菜炒年糕。流心芝士烤多士一次開唔到流心嘅效果，可能由於芝士份量比較少。不過味道都好食芝士味幾香，熱辣辣非常脆。食完都覺得幾熱氣！輕量辣八爪魚野菜炒年糕，味道唔算太辣，啱晒我呢個唔食辣嘅人！八爪魚份量都唔算少，炒年糕質感煙煙韌韌，都幾入味好食！不過炒年糕就濕咗啲，本身以為佢係乾炒，點知原來係濕炒。我諗乾炒會更加好食。

外送平台叫外賣食食吓見到有大隻蟲（如圖），用外送平台申請這一盒飯退款都附上相片及說明，但韓樂拒絕退款申請，之後直接電話聯絡店舖，接線後交由經理接聽，他只說我的外賣是兩個餐所以不能退叫我直接搵外送平台客戶服務就直接cut線。看經理的服務態度就知道呢間店的出品為何會有蟲。

叫了一份豚肉粉絲外賣，返到家先喝一口湯，點知係味精湯底，啲豚肉放落口，口感也不似豚肉，反而似肥豬肉，難食到一個點，唯有再落街去另一餐廳叫另一份外賣，花了冤枉錢！！

新年期間與舊同事吃了一頓飯期間她不斷推介我吃章魚八爪魚🐙石鍋飯，於是我們便挑了這章魚八爪魚🐙石鍋飯來吃，當然也有叫其他菜式來吃，比如甜酸醬炸雞與辣炒年糕，還有叫了兩杯特飲也算便宜，另外加$8一杯而已最為令我印象深刻的是章魚石鍋飯有兩個醬汁，一個是燒汁醬，另一個是辣醬。本身以為兩個醬汁是夾不來的，怎料到原來也不錯吃。當然石鍋飯的飯焦也是亮點之一。而甜酸醬炸雞第一口認為也不錯吃，但之後認為它的炸雞可以炸得更鬆脆一些，但它的醬也是不錯，為炸雞添分可惜的是辣炒年糕，不是圓柱體的年糕，口感有些欠奉，以及辣炒年糕的辣醬不夠正宗。總的來說，石鍋飯是值得一吃

每次肚餓嘅時候，諗起如果眼前有一塊新鮮熱辣嘅豬扒…香氣逼人嘅厚身豬扒～～每一啖飯都食到濃郁嘅汁，配合又酸又甜既蕃茄，加埋鹹香嘅芝士真係好吸引！諗起都流哂口水呀～～呢間連鎖餐廳嘅豬扒飯係我必食嘅三大餐廳之一，下午茶嘅份量加埋嘢飲啱啱好佢嘅炸雞髀其實都唔錯，不過可惜我食唔到兩份今次我叫咗下午茶餐（茶）鮮茄焗豬扒珍珠飯+凍奶茶佢嘅飯除咗係炒飯之外，仲係珍珠飯，粒粒分明，有鑊氣之餘，加埋焗蕃茄芝士豬扒嘅配搭，令到我成日都諗起大家其實有時間嘅都可以試埋佢嘅早餐都幾有誠意同埋大份

心血來潮，下午1點30左右，walkin 就即刻有位，餐廳大約8至9成滿。午餐叫咗「韓式芝麻燒汁焗雞扒飯」和「韓式牛肉野菜炒粉絲」，一杯熱朱古力，一杯凍檸茶。雖然好肚餓，但係個焗雞扒飯鹹到食咗1/3就唔想再食。 買相其實算幾好，份量亦好足。 個飯底冇味，D飯係冇飯香。 芝士焗得唔差。 雞扒係炸雞，皮脆但肉韌，皮和肉都勁鹹。 個燒汁又係勁鹹！炒粉絲就唔夠乾身，濕到黏糊糊的。 牛肉好散好碎。檸茶係無檸檬片，用檸汁。

早餐蕃茄肉碎米粉咸到食唔到午餐牛肉烏冬都係咸到提食唔到上嚟睇佢話餐廳係少鹽，咁咸都少鹽如果唔係咁咸其實都還可以啦服務態度又唔算差嘅，真係味道方面可以改善，咁咸始終唔係咁好

呢間係大型連鎖快餐，有別於大快活等，餐類都幾多元化，今次試左下午茶，韓式芝麻燒汁焗雞扒，可配珍珠米/扁意粉（$41），我選了意粉，等侯時間約13分鐘，可能因為焗野，時間尚算合理飲品選擇都多，倒如蝶豆花雜果賓治，凍大韓生薑🫚蘆薈茶，需要額外+$8 ，若選擇檸檬🍋zero 可樂，要+$5 ，所以我都係選擇熱檸檬茶野飲好快送上，唔好比佢杯內的碎嚇親，職員話佢餐廳用冷萃方式，所以沒有檸檬片小煎pan 端上意粉，看落Size 好細，但分量有一碗多，只是壓扁了，面頭有燒到金黃色的芝士🧀️，吃時有拉絲的感覺，這做得不錯👍🏻，雞扒算大份，煎得好香脆，冇雪味美中不足係，芝麻燒汁甜甜鹹鹹的，真係刺激左味蕾，鹹味好重，令到我口渴

食個下午茶食出火！同細佬一人一個餐，偏偏趕時間先唔出我個餐，等20分鐘都未有餐黎，發現原來漏單，最後唯有退單急急腳走重點黎啦！由於餐配飲品，飲品就出齊但黎得1個餐 最後埋單竟然唔系以未出餐既飲品計算，以高價錢飲品計算，問翻服務員仲串到話6蚊咋窩！hello？到底用咩理據可以理直氣壯同客人講6蚊咋窩？咁想跑數不如同每個客人都收多錢 然後同人講幾蚊咋窩 簡直離譜！找翻錢仲要串柒柒大孖聲話 ：嗱！找翻你6蚊請人都請個服務好啲啦！野食唔算好食都算 態度差到咁都有 要唔要請總公司派人黎再培訓？

天耀開了不少餐廳，最近同阿女去韓樂，以前對韓國料理麻麻，阿女想試同她去食，估唔到又幾好食，份量夠大，價錢不是太貴，2人食了150元，地方都大，服務還可，食物味道又幾好，值得一試

服務員態度差，野食叫左$66唔平但味道亦都麻麻，真係唔會再食。頌富間鋪都好啲，會幫手落埋單。呢間啲服務員懶到叫你自己係手機點餐…（因為網絡收得唔好，諗住叫佢地幫手點，佢地唔肯，叫我地等一陣），5G都要一陣先點到餐。。。。。。。。。。。。。。。。。。。。。。。。。。。。。。

天耀韓樂出品唔錯，但係廳面就係垃圾之中嘅垃圾，今晚係第三次幫襯，其實頭兩次態度都係麻麻哋，今次唔反應唔得，我哋17:55入坐，一坐低落咗個茶餐，跟住3分鐘後上嘢飲發現原來帶位嘅阿姐將兩張枱號都係寫55 A（我張枱其實係54號）對方又係已經嗌咗一個餐，錯咗都唔緊要，叫同事去處理唔親手去處理返，跟住唔知頭唔知路嘅同事將兩張枱嘅食物掉轉咗，最終處理好嘅時間係相差左20分鐘先可以再落單，張枱細都只可以放麥當勞食物盤兩個，上菜嘅同事問我放喺邊，我話張枱有幾大可以放喺邊呢？仲未完，俾錢嘅時候我係比八達通，收錢嘅同事收完係冇反應，我等咗佢1分鐘，佢望吓我態度唔多友善同我講得啦收咗啦，我話我要張單，我要用張單嚟投訴你哋真係好垃圾

服務態度差！之前試過見下午5:56分都照樣入客，顧客仲可以叫下午茶。今日到下午5:55分到店，即使有空座位，職員亦表明唔再叫號碼入座，唔再做下午茶餐。明明餐牌顯示下午茶到下午6:00才結束，現在未到下午茶完結時間，職員已經不讓顧客入座，OpenRice apps 已自動暫停外賣自取服務。同區另一分店比這分店更多人光顧，職員一有位就安排顧客入座，OpenRice apps 亦可讓顧客選用外賣自取服務。這間分店職員的做法絕對不合理！