韓樂 (MOKO新世紀廣場)

营业中

休息中

行完街想坐底食晚飯，見到呢間不用等位，見佢係食韓國野，於是試試。間鋪入面有幾張枱有客人食緊野，於是我坐低並用數碼點餐，見好多款已經話售罄，其實本身選擇已經唔多，叫左個八爪魚芝士焗飯，諗住應該ok卦。點知呢盆野唔知想點，八爪魚冇味，仲有少少腥，啲飯嘅醬汁正常，好彩有一舊椰菜花同埋一片甘筍食下，全個飯最好食就係面頭焗嗰啲芝士，因為行得太攰，又肚餓，所以食咗1/3飯，成為65蚊。唔好怪人點解北上搵食，65蚊，早知去食KFC!

🤮🤮🤮🤮🤮🤮🤮🤮🤢🤢🤢🤢🤢🤢🤢難食到爆！服務員態度好似踩到屎咁臭，唔知嘅仲以為我又同佢有咩仇。鍋芝士似嘔吐物！懷疑係咪真係有人嘔咗，唔單止食落去嗰下有嘔吐味，一分鐘之後仲會返出來陣令人作嘔嘅味道！！！薯條等咗二十分鐘，食飽晒先上，仲以為會好好食，炸得比個碟仲硬，炸魚柳嘅皮係肉嘅兩倍厚，總之以後唔會再來。踩雷踩雷踩雷！！！🤮🤮🤮🤮🤮😶😶😶

昨天有朋友帶我來到這裏食午餐 ，看看餐牌 有很多 午飯的套餐可選擇， 價錢非常非常合理。我叫了一個流心蛋加菜湯粉絲，再加數件炸雞，再送一杯咖啡或茶或汽水， 也只是60多元。 這碗粉絲非常大碗，其實可以兩個人食，我一個人也無法全部食哂！我朋友便叫了一個 韓式雜扒餐，同樣食不晒， 因為不想浪費食物，我們便打包好了！ 如果在港島區一定冇可能食到這些又平又好味的午餐。 味道也可以，份量大 ，一定夠食！ 可以畀一個讚！ 其實香港也有非常好食， 又不太貴的餐廳。 幾好呀！

呢間餐廳價錢算優惠而且又可以食到石鍋飯石鍋牛肉拌飯 68 石鍋非常熱，端上來的時候滋滋聲，聞到超香，調味比較入味，偏甜鹹口，放既醬汁不是辣醬而類似油醋蒜汁，但是整體味道都幾好，鍋巴也很香，石鍋飯剛好很燙，小心進食，容易燙到手一口炸雞烏冬面，53 到左下午茶菜單，下午菜單比較細份但份量還可以唔算太小， 烏冬味道不錯，湯底是好喝，偏清淡，配上炸雞唔錯。 炸雞是涼的，但是能吃起來味道還不錯，雞肉口感挺嫩，炸的外皮也沒有軟掉。 因為石鍋飯剛好很燙，乾脆直接加到石鍋裡，熱一會兒剛好能吃。

朋友約係旺角 Moko 商場食嘢，我早咗到行行吓見到間叫韓樂，睇咗個出面 Menu 幾好咁就入去食 🤪我叫咗個八爪魚炒年糕，味道幾正少少甜，少少辣，好滋味，但份量好似少咗啲咁，男士可能未必夠飽，建議可以再叫多個小食！ 朋友就叫個「温泉蛋牛肉石頭鍋珍珠飯配韓風配香辣汁」，上枱好夠熱，幾多配料好食。 另叫咗韓式飲品，凍特配奶茶及蝶豆花檸檬茶，幾特別嘅紫色檸茶帶有少少花香味😊繁忙時間比較多人等位，有時舉手侍應都冇理會，服務方面可以改善一下🥹

嚟開Moko，又係下午茶時間自然就會走去韓樂價錢吸引，又不收加一🔅豚肉温泉蛋飯 $42🔅新鮮冷壓檸檬茶 +$3用石鍋盤載，不過飯只係微温所以唔會有脆卜卜飯焦吉穿温泉蛋後蛋漿緩緩流岀混合kimchi醬汁後香噴噴不過豚肉只係三、四小片，份量略為少冷壓檸檬茶好啱小編口味，檸檬非常香清新少甜，感覺健康啲

牛肉未做熟 完全是粉色生肉 同職員講過後只話sry 未同廚房或其他任何職員反饋 牛肉炒飯菜品中有生肉是ok的吗？？？翻面過來整片都是完全未熟的粉紅色 已切成薄片炒的情況下到底是怎麼樣才會生到這種程度就能裝盤上桌

今日諗住同班friend去過生日，食完之後超級drama，返到屋企又痾又嘔，唔好話我玻璃胃，我喺其他地方都係嗌類似嘅嘢食（炸雞、薯條、石鍋拌飯）。環境又唔係話好乾淨，味道一般般，衛生就唔使講啦……服務都幾有趣下，來之前打過電話問可唔可以帶蛋糕，我哋都願意比切餅費（其實個蛋糕唔使切），而對方都同意咗；去到之後就話唔可以食。本人榮獲第一次腸胃炎，建議食環處查下😅😅

環境：地理位置於旺角新世紀廣場，地鐵旺角東站一出就到，係一個大型嘅商場，除咗食飯都有好多嘢行，因為連近歲晚想去買年花，行到攰見到有間意樂就入左去由於我去嗰日平日都好多人，基本上大家都坐得比較逼，但係餐廳就勝在乾淨企理，上菜速度快焗豬扒飯：首先份量大份，上到枱嘅時候都係熱辣辣，芝士醬汁都好多，豬扒好細心已經剪開一嚿嚿，總體嚟講都算唔錯石鍋飯：都係上到枱係熱辣辣，好食嘢味，飯粒粒分明有咬口，唔會太乾身或太濕柚子雞翼好食，皮外脆內軟，重點而家出街食好少有咁大隻雞翼

行moko見到韓樂餐牌有石頭鍋飯食，午餐就揀左佢。餐廳以掃 QR Code點餐，最後揀左温泉蛋豚肉石頭鍋珍珠飯，$68。飯上桌時熱辣辣，好適合冬天凍冰冰日子食。飯配有2種醬汁趁熱淋上飯上，配料入面配有泡菜，撈匀吃好惹味。珍珠米係我至愛，比較乾身可以食到少少飯焦飲品選配新鮮冷壓熱檸檬水，唔駛拮檸檬都幾方便。

今晚上8點多去食，原本冇諗住去食，老婆話唔想行，咁一家五口入去食，啲店員唔知係咪怕阻佢哋收工，啲態度已經燥燥哋用呼喝式招呼(入坐時間應該8:20左右)，叫完嘢，個焗芝士雞扒飯竟然5分鐘左右已經到，心諗都應該死得，塊雞扒凍嘅，啲飯求其用啲冷飯去焗，硬到。。。重有個芝士焗八爪魚，啲八爪魚生嘅，其他食物都唔夠熱求其煮出嚟。。。食完算，淨係叫佢哋減返個八爪魚唔要就走。。。以後都唔幫襯韓樂。。。唔怪得個集團被選為最差食肆！

收工想填飽個肚先返屋企, 行行下就黎咗呢家韓式餐廳，呢度既裝修似韓式快餐店，坐底就快速落咗個晚餐。惹味豚肉湯粉絲 $54當侍應送黎呢碗湯時，見到湯底呈奶白色, 濃郁而清爽，充滿住韓式湯既特色，即刻勾起我既食慾。湯中既豚肉切成薄片，帶住濃郁既豬肉香氣。每一片豚肉都鮮嫩多汁，同湯汁完美融合，令人回味無窮。而湯中既菠菜同蔥為整碗湯增添咗綠色色澤同清新既口感，為湯既營養價值增添咗一分亮點。另外仲有糖心蛋，蛋黃散開同湯汁混埋一齊，每啖粉絲都伴隨住蛋既味道，令人愛不釋手。

外賣服務可以。15分鐘可以準備好。－般食物味道可以，份量十足。唯獨是人蔘雞湯浸娃娃菜，真如其名， 只有人蔘雞湯浸娃娃菜，一件雞肉都冇。性價比就唔高！ 各位請留意。希望有改善。

以前一早moko餐廳唔會咁早有早餐食，今日見呢間韓國嘢有做早餐，咁就去試吓啦間餐廳平時係食開韓國食物，例如辛辣麵啊。部隊麵等等佢嘅早餐選擇都幾特別，可以揀扁意粉我就要咗煎雞扒炒蛋扁意粉，個賣相都幾靚仔嘅搭咗兩條菜😂😂個餐用個超大嘅平碟裝住，佢其他早餐仲有牛角包啦，有啲港式西式早餐等等，都算多元化我要咗啲最經典嘅雞扒蛋熱奶茶，佢仲有啲雜果賓治啊特飲等等，我見都好多人試早餐未算太多人就坐滿左八成，人手唔算好夠，所以都係自己搵位自助點餐，整體嚟講不過不失啦

今次嚟到韓樂食lunch, 叫咗個燒雞扒香蔥粟米•石頭鍋珍珠飯飯嘅份量勁大, 如果細食嘅人可以叫一個飯加小食share都好夠. 性價比好高.上菜速度都好快, 舖頭入面嘅姐姐都好忙, 成個flow比較混亂, 冇好清晰嘅指示邊度拎飛 邊度買單