韓珍園

营业中

休息中

lunch time 見佢唔駛等，可以直入，就試吓依間啦，見佢有傳統蒸飯定食好似嘅特別，因為韓國菜我一向食開都係石頭窩飯，未試過蒸飯，所以一人叫咗一個試試。落完 order 等咗超過20分鐘先上菜，都理解嘅，即叫即蒸會耐少少都正常嘅。。。牛肋骨蒸飯先上，個樣睇落都ok，牛肋骨有三片，點知個飯底係燶咗嘅！原來蒸飯都會有飯焦㗎？個湯就好咸，飲落有少少魚味，唔知係咩湯，唔會係咸魚湯掛？飲咗兩啖放棄咗之後再上埋個辣炒雞蒸飯，份量幾多，可惜個雞唔係炒出嚟，真係連埋啲飯一齊蒸嘅！唔辣不特止，仲要冇咸味，簡單嚟講就係冇味。。。仲要個飯蒸得唔夠耐，𢳂起嚟仲係濕濕地，食落仲有少少生骨𠻹 算啦，我唯有當自己食緊 risotto吧。。。

屯門商場好少韓國餐廳，今次就試下位處 Vcity韓國野食，VCity地理位置方便，西鐵站上黎就係美食樓層，有各樣美食可以品嘗😝😍呢間餐廳繁忙時間好多人等，位置唔太夠，店員都一樣唔太足夠，🥂但係勝在係QR Code 落單，都算有效率～野食都好快上🩷我地2個人，分別叫佐個海鮮豆腐湯餐及泡菜豬肉湯餐，最特別係個蒸飯，飯入面配有南瓜、菇粒、豆角，又有飯焦，感覺好健康～🥦前菜就有泡菜和辣豆芽～🥢海鮮豆腐湯都足料，但略嫌唔夠辣～🍛至於泡菜豬肉湯定食就相對普通，食完都冇咩記憶點🥙🥓

兩個人去食海鮮豆腐湯飯加炸醬麵加糖醋肉，首先海鮮豆腐湯飯只係加咗好多辣椒嘅湯，所謂嘅海鮮係好細粒嘅蝦米，有少量豆腐，重點係朝着健康，諗住有營養先叫，點知到咗係加咗好多調味，而且好辣，而餐牌冇寫明係辣，消費者會唔知。第二，炸醬麵上菜嘅時間，隔籬枱遲過入座都差唔多食到一半，店員木無表情無動於衷，問佢先至慢慢去跟，一啲都唔緊張，碗麵嚟到嘅時候，都係一樣啦，從洋蔥加醬汁加麵，少少肉粒都冇，味道都係普通韓國可以食到嘅嘢，冇咩特別，糖醋肉更加唔使講40幾蚊得幾舊仔，完全係當消費者水魚。最後，所有嘢冇服務，但收咗+1服務費，係最好笑的

中午同老婆去韓珍園試咗泡菜豬肉紫菜包飯(8件，$56)。味道正常，唔算突出但好食，份量就真係細咗啲，食完未必夠飽。食品部分泡菜豬肉紫菜包飯($56)：紫菜包飯味道OK，泡菜有少少酸辣，配豬肉嚟食仲幾夾，飯團捲得幾扎實。成件食落口感都唔錯，但唔係話特別突出嘅味道。最大問題係8件份量細咗啲，對一個正常食量嘅人嚟講，未必夠飽，感覺仲要叫多啲先滿足到。⭐食品評分：3.5/5環境與服務餐廳環境整潔，坐得舒適，出餐速度快，服務員態度亦算友善，幾適合快食。不過以紫菜包飯呢個價錢嚟講，性價比中等，未算超值，但味道係過得去嘅水平。⭐環境與服務評分：4/5總體感受韓珍園嘅紫菜包飯係一個唔錯但未算特別突出嘅選擇。味道正常，整體唔會失望，但份量細咗啲。要想試簡單韓式味道可以嚟試下，但肚餓嘅話可能要加多幾樣。⭐總體評分：3.5/5

在VCity裡的一間小小韓國🇰🇷小食店舖也真能容納不少人而且也很快可以入座店舖沒什麼特別的裝修但也有種韓式感另外，感覺人手是不足夠的食物也等得比較久來到食物 的環節第一道菜 是牛肉紫菜包飯其實 份量是十足有滿足感的然而 味道就偏乾了一點點🤏但價錢來說 也算是很不錯了不要有太高的要求反倒是主菜 牛肋骨湯定食是很不錯的味道👅湯也好好喝 忍不住整碗都食哂同飲埋湯頗喜歡飯裡的南瓜🎃如果多幾粒更好價錢也不用說 是很抵食的冷泡茶也是好喝的一樽樽的整體來說 是不過不失的主食是建議可以食的是難得在VCity找左的小小韓式小店

唔夠人手就唔好provide外賣自取，我足足等左36分鐘先有餐！系統話7:50pm可取餐，d職員一直不理會我，即到我等左25分鐘先幫我追單！如果我有時候，使乜外賣自取！簡直是我試過咁多間餐廳之中，呢間最差服務！

好久沒有吃韓國小菜式謝謝友人帶我去吃這家小店這家小店位於V City的1樓，就在一田的樓上。這家台店面雖小，但真的很多人來光顧的說。我們都等了一會才有空位😂🍽️韓式炸醬麵🥣這個我覺得麵條熟度還好，但韓式炸醬來說我個人覺得好像有點過咸 所以吃到一大半時最後都吃不到了  炸醬麵另外會附加泡菜及韓式芽菜正2常發揮，不過不失的味道。🐓蒜香奶油醬炸雞🐔這個推介的說，我覺得這裡的炸雞！😂也能做到外皮酥脆，但若然炸雞是去骨的會更好這邊是即點即炸，所以真的好好吃！😆而且味道應該會是所有女生都會喜愛的那種‼️另外就是炸雞附送的小沙拉🥗採用了柚子味道的醋，我覺得吃上去酸酸甜甜更開胃！🐮牛肉紫菜包飯❤️這個真的很足料，味道都尚算不錯，就正正很足料真的超級飽的說。這家店真的大推那個炸雞！下次一定要再去吃😆😆😆。

未食過諗住試吓，見門口有炸雞set廣告就試吓。炸雞薯條…都ok嘅，雞唔算好乾，但係要醬汁點就要另外俾錢😑，仲要之後叫佢先識攞嚟。 跟set可樂唔凍😑。另外叫咗一個紫菜豬肉包飯，沒有味道，近餐有一條條炸嘅肉，非常之硬食唔到…最好食係泡菜😑鋪頭播放韓歌幾大聲，加埋兩個休息中職員嘅電話遊戲同劇集聲，真係嘈到頭痛，極快食完就走😑。全間舖好似得一個嬸嬸做嘢，會同食客溝通，其他後生嘅好似唔識說話，你同佢講嘢唔會俾反應你🙂。

朋友話好耐無食過韓國菜，咁岩大家都係屯門友，見V city新開韓國菜，所以帶佢去屯門食韓國菜止下癮先😚蒜香奶油醬炸雞 $128個醬好濃郁好好味，唔會好流，仲好creamy🤤炸雞外皮酥脆，肉質好軟熟，無雪藏味🤤韓式炸醬麵 $78啲麵好彈牙，索哂啲汁好入味。個汁好濃郁🤣牛肉紫菜包飯 $58包飯入面啲牛肉有淡淡肉香，加埋紫菜同飯食好滿足😌食落去牛肉都好有鮮味，勁飽肚🤤韓珍園 (屯門)📍屯門屯門鄉事會路83號V City 1樓L1-2A號舖

我好少去屯門，咁去到屯門v city 搵食啦，搵到依間韓國餐廳咁入去試吓啦，第一次幫襯坐低本來感覺唔錯，食物選擇都幾有特色，嘢食嚟咗後發覺自己張枱櫃桶內冇匙羹咁問身後服務員攞啦，點知佢面露極煩厭嘅表情並且好唔願意咁去我隔離張枱攞俾我地，都算啦，俾錢時又係嗰位服務員負責收錢，問佢幾多錢佢竟然唔答，又係黑哂面好憎厭咁嘅様，真係唔知有咩得罪佢🙄咁樣嘅服務態度真係唔能夠接受，因為自問都算有禮貌，唔明點解要咁樣受氣😡

#christine開飯日記 好耐冇去屯門行街，行到咁上下就去vcity搵食。見到依間韓國菜性價比都幾高😍坐位都好闊落下，都幾多人食架。我就一於試試⭐️辣味炸雞（$118）食韓國菜我最鍾意愛炸雞。佢嘅炸雞即叫即炸👍送到嚟嘅時候都仲係熱辣辣，加埋辣汁一齊食，都幾有風味。而且佢嘅份量都幾大份，抵食😍⭐️牛肉紫菜包飯（$58）佢呢個紫菜包飯入邊仲有紫蘇葉，食落都好清新 👍加試醃蘿蔔好爽口，食落口感都唔錯⭐️韓式炸醬麵（$58）佢嘅炸醬麵超掛汁，條條面都係佈滿左汁醬👍而且有大大粒嘅肉粒👍好滿意以佢嘅價錢都真係好抵食，份量又夠大份👍韓珍園 (屯門)屯門屯門鄉事會路83號V City 1樓L1-2A號舖

經過見到呢間韓國餐幾吸引，下午2點半至6點有下午茶餐供應，餐廳座位，食物賣相不錯，另有醬油蟹限量供應。 牛肋骨湯定食 $88附送前菜兩小碟，牛肋骨唔韌，有咬口，唔算好淋，湯底香濃，內有粉絲。第一次見韓國菜既白飯會有菇粒同豆角，仲要灑上芝麻同蔥花，感覺似港式蒸飯。 紫菜包飯(半)+小食 $48下午茶餐，飯卷有4舊，幾大舊，肉多飯少，可選牛肉、泡菜豬肉或蟹棒，附上秘製沙律醬，味道特別。小食揀左炸雞，有3小舊，外脆肉嫩，沾上甜辣醬汁好開胃。另附送泡菜一小碟。 魚糕辛辣麵+小食 $68下午茶餐，就係魚糕同辛辣麵，冇乜特別，另外仲有年糕。小食揀左小份芝士球，有2條芝士條，好脆，味道不錯。

今晚同朋友去VCITY食晚飯🥣，見呢間新開既韓國🇰🇷餐廳價錢咁抵，一於就去幫襯下🩷♥︎︎ 烤牛肉傳統蒸🍚烤牛肉搭配蒸飯熱辣辣食落肚真係好暖胃好舒服😌配埋佢個特制醬汁撈飯滋味更上一層樓☝️個鍋底仲有好D飯焦添😍♥︎︎ 原味炸雞餐🍗套餐包括炸雞同埋沙律🥗，炸雞外脆內嫩，非常juicy，原味冇額外的醬料都已經好好食！除左炸雞外，入面仲有炸芝士條🧀同埋炸年糕亦都同樣好味😋沙律係用左韓國柚子醬🍯去調味，酸酸甜甜好開胃，中和返炸雞的油膩感～♥︎︎ 韓式糖醋肉糖醋肉甜中帶酸，酸中有甜，非常開胃，肉質軟嫩，每一口都充滿了韓式風味，食炸雞食到悶既朋友不妨可以食下呢款炸🐖

嗌咗韓式炸醬麵。。。唔知食緊咩 唔好食🥲問佢哋攞兩杯水 話冇水杯🫨走咗幾枱都係冇水杯？啲匙羹係櫃係痴埋。。以為係有水先痴住。抆開先見到有啲硬塊就痴係兩隻匙羹中間🤢

木製簡約韓式設計嘅餐廳,搭配柔和嘅燈光,令人感到舒適🪵今次我哋品嚐咗3款經典嘅國民美食🤗🐓蒜香奶油醬炸雞餐✨炸雞外皮酥脆,肉質鮮嫩,蒜香味濃郁,每一啖都充滿奶油醬香氣〰️🍜韓式炸醬麵✨濃厚嘅黑豆醬,醬汁色澤深邃,味道香甜。雖然無辛辣嘅刺激,但有一股濃郁嘅韓式風味,麵條煮得啱啱好〰️🐮牛肉紫菜包飯✨色彩鮮豔,牛肉切得薄薄的,搭配新鮮的蔬菜和紫菜,口感層次分明〰️🧊🍺下次要叫杯冰冰飲品,就prefect 啦,期待！📍地址：屯門屯門鄉事會路83號V City 1樓L1-2A號舖 #韓珍園 #Koreancuisine #Korean#restaurant #bistro #hongkong #hkig #hkfoodie#koreanrestaurant#屯門#韓國菜#韓國餐廳