韓點 (已結業)

我真係好少食韓國野食成日睇RunningMan佢地食韓國野食 好似魚糕啊炸醬麵錦 都講得好好食錦今次Lunch Time去食 叫左以下食物辣年糕食得出一陣酒味 就知道佢落左好多酒落去煮 味道冇想像中禁好食 只係酸 同 辣 而且可能煮得比較耐 啲年糕一啲都唔煙韌 所以都幾失望炸醬麵漏左張相啊 我覺得最差就係炸醬麵 啲醬可能係比得少左啲 所以撈嘅時候已經唔夠 個麵有啲乾 啲配料就比左好多薯仔 但係啲味道真係有啲怪炒粉絲味道最好 我就覺得係呢個炒粉絲 可能佢比較似中菜 香港人就實啱食 但係粉絲比得較少 睇相都知 配菜個啲就多韓式壽司呢個都不過不失啦 我幾中意啲飯嘅口感 粒粒分明 有口感！但係味道係淡淡地嘅 我都幾中意好健康！大部份食物都係四十蚊到 以上叫嘅野食 我地三個share 每人$45唔算好飽 但係每次算係淺嘗下韓點 還可以啦！

聽過韓點呢間野好耐，話說當時仲未有咁多分店食就未食過，聽就聽得多好似話好平好抵食，算係韓式快餐咁今次不如隨機入去填填肚，一探究竟吧:^p環境比較狹小，只有兩枱左右既座位大概好多人都係外賣拎走畢竟呢度賣既野唔少係小食或者唔使局限於堂食既感覺十分家庭風，一路食野一路同店方都有水吹而且麻雀雖小，五臟俱全，餐牌選擇甚多，讓人傷透腦筋了杯杯雞（大）炸雞表面淋上酸甜微辣既自家製醬汁，再灑上白芝麻醬汁稠度很高，緊貼炸雞表面，只係同時變得有少許黏膩炸雞炸過但不太油膩，炸皮厚度尚算可接受，只係入口沒有炸過既香氣雖然我一直強調韓國炸雞唔係脆到美式咁，但佢係完全沒有脆度，炸皮甚至軟化變韌雞肉稔身，稱不上嫩滑，總算不老不柴夠濕潤白芝麻亦增添一份芝麻香氣，令醬汁膩度稍降呢一道我只可說係平價過口癮之選，叫食得落肚。炸醬麵算是回味一下在韓滋味麵條上覆蓋著一大堆厚重炸醬，表面再有青瓜絲及白芝麻炸醬甜中帶鹹，稠身，十分容易沾上麵條炸醬裏頭有少許爽口芋頭粒，當然有點點豬肉絲，算是入味青瓜絲既清新爽脆亦中和番炸醬既油膩稠黏感可惜的是麵條雖夠彈牙，但味道竟然帶酸，更不用說到麵香當然，同記憶中既炸醬麵是差天共地，永別。韓式炒年

第一次吃韓點是在紅磡，現在越來越多分店了，但是也多了很多劣評，我第一次光顧銅鑼灣這間，但是也叫我失望，不是因為味道，而是店員的態度，因為他不是香港人，有些話我聽得不太清楚，我叫他重複，他便很大聲的鬧我，不知道為什麼，店內的人也看著人，服務態度超級差，平是一至五外賣自取會送小食和飲品，但是現在只送一樣，但出面的告示又沒有改，所以我只好選擇杯杯雞，我點的是豬肉飯，因為是辣的。其實味道沒有退步，可惜態度令到我不想再光顧，香辣的豬肉和醬汁加上飯，雖然辣，但非常的美味，每一口飯也充滿醬汁的味道，杯杯雞點了醬汁也增加了味道，可惜只有2粒。

今日無番工,一個人行行下見到呢間好舊的店,話佢舊因為佢無咩裝修,得3張枱仔 ,店鋪很少, 好多食物相片貼滿,另人好易2 就選到想吃什麼, 店主係韓國人, 有我最愛韓式杯杯雞添! 我最後選左牛肉便當,好大份佢用左洋蔥,紅羅白,耶菜炒好健康好味, 旁邊芽菜,脆肉瓜,泡菜都吸引,我喜歡呢間小店,呢間店有種家庭感覺, 簡單而好味!不過坐位有限,繁忙時間外賣好d啦!

突然口痕想食kimbap姐係紫菜包飯order左之後十秒都唔夠就拎到過來好明顯係之前包定的一放入口就覺得中伏d紅蘿蔔硬到喊麻油味唔夠香飯又好爛個舊酸黃蘿蔔幼到差d睇唔到好失敗以後唔會再去

同老公睇完畫展之後經過銅鑼灣韓點，好開心所以入去試吓，開心嘅原因系因為我哋幫襯開紅磡老店，好喜歡以前韓國老闆他們對客，對食物的態度。可惜CWB小店換來的係一肚火！ 因為時間尚早大概五點半，未係食晚飯時候所以就入去叫了一客大的杯杯雞兩個人share。$35 只比了一個半滿的杯，而且D雞係冷冰冰，麵粉又厚厚，同我哋平時係紅磡韓點食嘅又熱又脆嘅杯杯雞簡直天淵之別！因為啲雞唔熱，所以D醬汁都好杰撻撻，食落去個口感非常奇怪，總之就係失望之作！咁小分量我哋都選擇唔食晒，因為味道真係好差！最最最令我老公憤怒嘅就係佢地趕客！我哋係紅磡堂食排長龍那個年代都未試過有咁嘅待遇。我們坐下無耐，佢就已經要趕走隔離一個單身少女，人哋食完野都冇三十秒已經叫人走，因為有其他客係出邊等喎。當我哋嘅杯杯雞送出嚟嘅時候，同樣係那位冇禮貌的侍應竟然問都唔問就把我哋張枱移位，仲叫我地兩個人坐埋一邊。大佬呀，無位點坐埋啊！所以我老公同佢講我哋會食好快，食完就走唔搬，佢好唔憤氣地行開。我哋都好合作嗱嗱臨食完走，我仲carry D垃圾諗住掉入垃圾桶，點知呢位阿姐好大力咁係我手上搶走我個紙盒，一粒聲都唔出。嘩，呢種服務態度再加上食物

不時會吃韓國菜，不過這種韓式小食店則未光顧過。今次經過見到這家店，好奇之下去買來試試看。炒年糕，不算太辣，年糕咬口不錯，很煙紉，不過好像太甜。炸醬麵跟在韓國菜館吃的差不多，料很豐富，麵的軟硬度適中。至於魚旦串，魚旦串加上蘿蔔，是第一次試，味道有點像關東煮。整體來說，我覺得是中規中矩，價錢不算貴，一試無妨。

韓點係一間韓式快餐店，地方細細只得6個座位，相信客源主要是附近住既街坊，大部分都係來買外賣。這已是我第二次來了，坦白講，我冇諗過會二度光顧這店的，雖然我好鐘意韓國，但因為我超級偏食，勁多配料既韓國菜如泡菜煎餅﹑石鍋飯等我都唔食，除非一大班人，否則飯腳要就我的話選擇其實有限。不過朋友主動話要嚟食，咁唔緊要啦，我又懶諗！去到店子剛好還有兩個位，甫坐下即研究食乜好，由於喺之前提過既餅店買了點吃，所以唔敢多點，最後要了韓式炒粉絲﹑韓式炸雞同雜錦冷麵，再加罐韓國芒果汁。食物全部用即棄餐盒端上，方便店員執拾，味道雖不知算不算正宗，但好味！韓式炒粉絲唔算太多配料，所以我都可以好輕鬆咁食，調味同坊間吃倒既差不多。炸雞似係新過下既產品，因我第一次來時冇的，沒有喺韓國吃時辣，偏甜同埋一樣唔熱，少少暖，但味道大致OK既。雜錦冷麵賣相唔錯，顏色夠繽紛，一開始覺得味淡，叫店員加醬時佢仲話冇醬，只有辣醬，後來佢才知道另一店員忘了給我們辣醬去撈，所以我地才話淡口。加左醬後即刻唔同哂，醒胃！價錢一般啦！全部夾埋$96，係飲品偏貴，$8-$10。比較得意既係，兩位店員係識廣東話既疑似菲籍人士，出現喺韓食店，係咪好有趣呢

大慨在一兩年前吃過韓點後就很少再品嚐了當時的韓點可算是紅極一時正因韓風剛襲港,紅磡開業的分店就紅起來了這間韓式小店口碑普遍不錯甚至有接受多次報導和訪問上圖可見,店面的玻璃貼滿了很多報章的報導不過都是很早之前的事了其實店面很細,堂食只有2張桌子但即使是堂食,食客使用的也是即棄的外賣食具店內牆上貼滿了食品圖片,名稱和價錢方便消費者對食物有個初步概念和選購食物由於當時不方便堂食,只好外賣回家享用泡菜年糕$25對比以前在韓點所吃的年糕好像退步了年糕的份量也有接近全滿變成只得八成左右(見圖)女生來說一個人吃就剛剛好了年糕煙韌有口感味道就頗辣, 而當中的泡菜份量少了很多與當時在紅磡剛開張時的分店相比分別很大

唔講唔知原來依間咁家庭式既小店原來都有唔同分店真係失敬見到佢屹立係ＣＷＢ既一角咁耐我都未親身黎過今日有機會黎買左快外賣小店的確地方好細，只有幾個卡位門面係玻璃敞門，貼滿左唔同既報導亦同時有個餐牌方便客人叫外賣入到去直望就係廚房同收銀既地方牆上都貼滿左唔同菜式既相都幾色彩繽紛同吸引其實一心想黎試個韓式壽司係已經做好放哂入紙盒所以好快可以拎走仲諗緊叫多一樣食物既時候見到頭上寫住＂杯杯雞＂用秘制醬汁心諗年糕同炒粉絲都比較普通就試下人地個自家醬係點啦叫左杯細既杯杯雞廚房既男主人就即刻炸等左一陣，就有一大一細既紙杯拎走比埋筷子同紙巾真係幾乾淨整理開餐了就好似開禮物咁先睇下我既壽司第一眼見到幾好笑佢真係成條卷完切完就放入去完全冇理個賣相因為入面既材料都凸哂出黎第一次見咁原汁原味既壽司哈哈其實入面就有腸仔，菠菜，蘿蔔同酸瓜見好多料但其實係冇咩味的可以話係非常清淡飯都冇咩醋或麻油味而亦冇醬汁比你點的所以會有食得多乾乾地既問題不過佢值得讚就係用料足，飯既黏稠度都岩岩好而且份量好多！用黎伴濃味既野就最岩所以杯杯雞同佢係好ＭＡＴＣＨ！唔好睇佢細細杯，都比到好滿有４－５件外層係光亮既鮮啡色有白芝麻係面睇落聞落

韓式炒粉絲：雖然這個炒粉絲並沒有肉類在，但也有蔬菜絲跟香菇絲補充口味上的未完美，粉絲那分動人的彈性，而且也沒有糊口感，整體相當好吃。韓式豬肉飯：豬肉跟米飯是分了兩層放的，就直接把豬肉倒進米飯內就好了。米飯有點糊口，不夠粒粒分明，但醬汁用以伴飯也是令人開胃之作。韓式紫菜卷：這是朋友仔指定要點的，是已經切好並放在碗中的，飯卷內的材料也很充實，有五，六款吧，有腸仔，蘿蔔，雞蛋等等，味道是挺簡單的，也不差。但紫菜如預料般，已是不脆身了。而且店方也真是不浪費食物，連飯卷的頭跟尾也奉上了，所以賣相是會有點偏差的。二人一同分享，就五十幾塊而已，可能說不上是極好，但也真抵食。消費：$53

本想去CAFE R & C, 但再次摸門釘, 所以便隨便在附近吃晚餐。韓點店子小小，只有兩三張檯，看上去似是做外賣生意多。由於很久沒吃韓國菜，於是一試。我們點了韓式炒粉絲和泡菜年糕(少辣)，店員服務態度很好，值得一讚。食物一來到，看到是即棄餐具和紙盒，心中一沉，還是怪自己忘了帶環保餐具出來吧。我明白他們的客人多是外賣客，但還是建議店方提供非即棄餐具和盛載器皿給堂食顧客，堂食座位數目那麼少，應該不會構成很大工作負荷。韓式炒粉絲: 不太油，份量適中，菜多(I LIKE IT)，但真的沒有什麼味道。調味不足，但又不知道可以再加什麼醬汁，最後我們自己用泡菜年糕剩餘的辣醬拌粉絲吃就不錯。泡菜年糕(少辣): 雖說少辣，卻都頗辣啊。份量充足，辣醬超多。這個是很難失手的菜，所以OK海鮮煎餅 (沒圖): 這個真的不行，再次是無味的，只吃到油味 (它油不多，只是在欠缺其他味道時就只剩下油味)，陷料也少入去時只有我們二人，到我們開始吃時客人越來越多。希望下次來調味方面會有改進。可能廚師不喜歡太鹹，可是也不至於沒有味道啊。

見到門口貼上多份報紙介紹此店, 再加上又有電視節目介紹過心想必定好好味.店子細細幸好過左午飯時間來, 如果唔係必定坐得好辛苦叫左一份杯杯雞及一份泡菜煎餅作午餐.先來既杯杯雞, 雞肉炸後再加上醬汁, 味道就似中式微辣版既咕嚕雞, 唔算特別再來既泡菜煎餅就真係令人非常失望, 煎餅唔係即叫即做, 似係叮叮煎餅所以煎面有點濕及軟一點都唔脆身..而且太厚粉又無咩泡菜, 味道好差.有時多報導既店都未必係好味.

是日無叫賓賓煮飯,求其買D野食,呢間野係我以前屋企附近,當支持下佢啦中伏又唔算既,本身無咩期望.呢塊無計錯係海鮮餅(可能唔係海鮮),但呢個唔係重點,重點係無味,落韓式辣醬又唔MATCH,D醬太甜....好灰,酒樓D(薄撐)可能更好食.而且比一般煎餅更濕.我認為調味可以重D壽司又係唔夠味.可能你會同我講,韓國壽司D飯係有麻油味,但係我細味下,真係唔多覺.咁好啦,係D配料係D一般既蛋呀腸呀之類屋企料,加埋無麻油味既飯既我,去左拎支日本豉油出來加D芥辣食左佢,但係都唔係好MATCH.我覺得如果可以D飯多D麻油味既話,應該會比較好唔合格

禮頓道一帶向來美食多，有屹立多年的傳統老店（雖然也已在逐漸消失中），近年有不少輕食店進駐，局面更加百花齊放。其中一家是韓點，專售韓國小吃。韓國菜（尤其是味道又酸又鹹又辣的泡菜）不是人人容易接受，所以很多時都湊不夠人去吃，有了這樣的小吃店，幾多人、什麼時候想吃，都不是問題。店面其實相當狹小，不過店內都有兩張供堂食用的桌子，只是外賣的人也多，站到店裡想轉個身都難；而且開放式廚房油煙相當大，不過今次不便拿出街吃，又剛好有位，便在店裡吃算了。韓式便當 ($45) 內容相當豐富，有黑芝麻飯（份量還蠻大的）、泡菜（酸鹹度剛好，不太辣）、小魚乾、還有口味清新的芽菜和菠菜做配菜。餸就有幾款可以選擇，基本上豬牛雞等等都有，我這個是韓式炒粉絲，也惹味。日本壽司吃得多，韓國壽司卻未試過，覺得很新鮮，所以隔天又來買了紫菜宮廷壽司（$25）回家吃。這個應是預先弄好了的因為很快已有得拿。樣子比較像日本壽司的卷物，用紫菜捲著黃漬蘿蔔、海藻、牛蒡、甘筍、腸仔等等，不是什麼名貴食材，但教人愈吃愈上癮的原因是壽司飯有香香的麻油味，一口一件很快便吃光了！說它是小食店又不完全正確，因為這裡除便當外也有如韓式拌飯等正餐供應，頗