韓樂 (啟田商場)

营业中

休息中

今天下午與朋友家庭聚會後，朋友介紹去咗呢間餐廳食late下午茶，朋友也介紹飲冷壓檸檬茶，唔錯！凍飲+ 3蚊合理，也叫了温泉蛋套餐及焗豬扒飯，食物方面熱辣辣，奶茶、鴛鴦就一般。因那時人不多，不用等及待應比較好招呼（焗飯小心燙）。整體來說，地方都算乾淨，感覺良好，若在其他地方遇上這店可以再試試。

這個脆炸雞脾配脆炸薯條下午茶真的讓我有驚喜！首先，雞皮外層炸得金黃酥脆，一口咬下去噴出豐富的肉汁，絕對是肉食愛好者的夢幻享受。雞皮的調味恰到好處，帶有微妙的香料和微辣的風味，增添了食欲。而脆炸薯條也是完美的搭配，外層酥脆，內裡軟熱，口感十分滿足。薯條上的鹽巴粒粒分明，增添了層次感。整體而言，這個$40包飲品的下午茶讓我回味無窮😋

今日再到韓樂吃下午茶， 其實這間餐廳下午茶的款式很多，有焗飯，有湯粉絲，有炸雞髀薯條，有芝士炸雞，凍餐飲仲免費升級紅豆冰添。 今次再畀多一次機會佢，再食叉燒滑蛋湯通粉， 很喜歡這個綠色嘅菜圍繞住黃色嘅蛋，內裏有紅色嘅叉燒，五顏六色很有睇頭，依一次叉燒多番 感覺好好多。

與朋友於啟田商場午膳後，意猶未盡再到商場 一間韓式餐廳 ‘’韓樂‘’ 食下午茶。餐廳裝修較有時代感，又係採用數碼下單，不過這間餐廳內手機根本收不到訊號，餐廳行政上並沒有顧及客人實際需要，政策盲推。我點了一個這裏最平的 29元 下午茶，叉燒炒蛋湯通粉，叉燒份量少，湯底唔錯值得一食。

我已經光顧韓樂多年算係老顧客！衰啲講咁耐以來全間餐廳淨係覺得炸雞髀好食！今天約三時到啟田商場韓樂下午茶食炸雞髀，食到半路覺得有啲唔妥，有啲粉味同唔熟嘅味，切開睇清楚雞髀完全未熟，尤其是入面纖維完全未熟是透明反光及粉紅色，通知店員後他們完全沒有諗過處理，就咁行開就算！我都已經食咗落肚驚食物中毒！已經報咗食環睇吓人哋點處理！我唔驚你話我誹謗啊俾啲相你睇睇吓邊個有問題連炸雞髀都搞唔掂仲咁嘅態度以後唔使旨意再幫襯

今日去探朋友，順路附近食飯。門口見餐牌幾吸引，小朋友又想食部隊鍋，就入去試吓。我哋叫咗一個陸軍部隊麵（走辣，走芝士），一個赤豚骨部隊辛辣麵，一杯凍朱古力，一杯熱朱古力。兩個麵都唔算係用碗上，用個大碟，快啲涼。食物偏咸。小朋友食陸軍部隊鍋，食咗一半就想放棄。我食赤豚骨部隊辛辣麵，豚肉有燒香過既味，辛辣麵都蓋唔哂咸味。叫兩杯朱古力，因為唔鍾意飲冇檸檬嘅檸檬茶。總括…..普通啦，未必再食，有很大的進步空間。😋Yummy Yummy: 5/10😋

早上去開藍田，找個地方食個早餐，近近地地鐵附近啟田商場，韓樂，試試韓式有咩早餐食，朋友叫咗 韓式泡菜豚肉牛角酥(忘記影相)，味道都ok，我早餐就唔食咁刺激，叫返個正常清淡d，叫咗 無糖高纖鮮奶燕麥片 配鮮野菌鮮奶炒滑蛋+牛角酥+田園沙律，味道賣相都唔錯

入座點下午茶輕型芝麻汁雞扒焗飯。及後向職員查詢銀魚仔是否油炸。該職員說唔清楚未食過。我再向另一職員查問銀魚仔職員說睇落唔似，我向該職員表明油炸的我不要。 我相信職員所以我追加一份銀魚仔。焗飯上枱，我見小小的焗碟上鋪滿醬汁，食一口非常咸…銀魚仔上枱，食一口，又乾又鹹是油炸了。因為食物實在太鹹，我職員索取一個放醬油size的塑膠盒，職員放低一個塑膠小盒及一個小塑膠袋，二話不說取走我的帳單並加上一蚊收費。並無早早話我知要額外收費。餐廳室內空調非常不足邊食邊出汗。我第一次在餐廳不愉快用膳。食物味道樓面職員唔清楚可以問廚房，廚房也唔清楚，是大問題。焗飯好滿醬汁 太誇張太鹹食物太鹹。職員冇事先向顧客說明盒子，袋仔外帶要收費。在櫃檯付費時職員話櫃檯枱前以寫明外帶餐盒要收費。太伏，唔會有下次。

lunchtime突然好想食韓國公仔麵，所以就嚟左韓樂。其實平時我點都唔會叫即食麵呢啲，因為覺得屋企煮都係幾蚊包，做咩要比幾十蚊人地，但真係突然好想食，所以破例一次啦🤣陸軍部隊麵($55) 包一杯熱飲，其實一睇就知真係好唔健康，全部都係加工食品，但係開心唔理🤪 最鍾意係佢放左啲炸魚仔，好脆，食落去個口感豐富左😋 個湯唔夠熱令到芝士溶，有啲浪費左，條腸都有些少太鹹，蛋係溏心蛋，咬落去偏涼，但味道係好食的。喺出面餐廳食辛辣麵係唔抵㗎啦，但鬼叫我想食咩🤪

經過藍田食下午茶，無意間發現呢度有間食韓國菜嘅餐廳，裝修唔係好韓國style，但算係餐牌上面有啲韓國風味嘅菜式。當然感覺上都唔覺得係好正宗嘅韓國菜，但係個口癮都可以。我哋點左個魔鬼芝士，一口炸雞，同埋韓式泡菜豚肉pizza。魔鬼芝士醬，芝士味唔太濃郁，反而件炸雞其實淨食都幾好味。整體來講同喺韓國餐廳食嘅炸雞嘅感覺比較差得遠，當普通炸雞食則可。至於泡菜pizza則有驚喜，泡菜同埋腩肉都幾豐富，加埋蕃茄醬，味道有層次，呢個價錢性價比高。結論，如果突然間想食韓國菜嘅都不妨一試，不過唔好同正宗韓國餐廳有比較。

之前去過將廣「韓樂MoMoku」，覺得佢哋嘅食物調味唔錯，今次嚟到啟田商場，又👀佢，於是順便一試，看看不同地區會否有不同特色呢！😉呢款套餐賣相👍🏻兼有田園風味，有沙律菜、蘑菇炒滑蛋、鮮奶麥皮，加埋靚靚牛角包，好豐富！值得一提，個牛角包好有水準、夠鬆脆！豬排香腸湯扁意粉～大致上😋。豬排香滑肉嫩，香腸就一般👌🏻啦…意粉都算彈牙！😉我的致愛😍～雞扒滑蛋湯意粉。雞扒煎得又香又脆，蛋又炒得夠滑，食完好滿足！😚總括而言，雖然味道略咸咗少少，但以三十幾元一個套餐嚟計，水準相當唔錯喇！😄

話晒今日聖誕節，想食咗個西式早餐，所以去咗呢間餐廳。第一次食，見門面裝修不錯，諗住唔會有伏，所以叫咗個黑松露鮮奶炒蛋，早餐來講本身食物質素尚可，44元，喺性價比來講，就一般般。至於服務質素，非常差。侍應服務態度惡劣，等咗半個鐘都未上食物，問佢係咪漏單，就Hea答話整緊，最後發現真係漏單，簡簡單單一個早餐，都要等成個鐘頭，下次都係唔喺度食了，奉勸各位，喺度食起碼要預留兩個鐘頭…………………………….

早前已試過早餐了…很想再來試一下下午茶，今天再來點了一個「野菌豚肉炒烏冬」，和一個鐵板的「韓式芝麻燒汁焗雞扒飯」；先說烏冬，吃第一啖覺得很有驚喜，因為烏冬的質量很彈牙，就喜歡它不會太軟、有咬口，而且以下午茶來說份量相當足夠；至於鐵板飯的米，吃下感覺像是日本米煮成，看一下菜單就是珍珠米，分量相比烏冬較少一點，也就跟一般下午茶的份量相約，我們還加錢叫了一杯特飲「碟豆花檸檬茶」紫紫的很漂亮，整體來說，這個價錢有這個份量及味道以算是十分不錯，下次會再來的。

呢間店舖好耐之前嘗試外賣過一次，印象中都唔錯所以今次想試吓佢個早餐，叫咗兩份早餐一個有沙律、有牛角包、蘑菇炒蛋仲有燕麥𠻹，另一份簡單啲火腿通粉加多士，落咗order冇耐啲食物已經陸續到，上菜上得好快，而食物嘅份量都唔少喎，至於杯奶茶同咖啡就中規中矩冇乜特別，價錢相對上你喺同類嘅店鋪都算抵食，服務員嘅態度都可以，付款有幾種唔同方法選擇，整體來講都算滿意，下次會再去試佢其他午餐、晚餐，希望都會有驚喜啦。

當晚點了4個菜式 石鍋飯，薄餅，芝士薯條，三文魚炒飯。一開始石鍋飯黎先正正常常鍋夠熱牛肉較乾但泡菜薄餅都唔錯架口味幾幾開胃，然後芝士薯條上菜 我一望落去咁濕既反哂光 心諗：「死啦唔對路。」之後一食 個薯條心凍既🙂有一啲微暖 但大部分都係凍 咁我叫侍應幫我處理下佢啦，之後返黎都係少少暖 有啲熱都冇！咁都算！我等左半個鍾個炒飯都未到咁我問下個侍應個炒飯點啦個女侍應話：「炒緊架喇炒緊架喇」咁我算啦反正有薯條食多陣囉雖然凍左啲，之後過多5分鐘都仲未整好！咁我搵令一個男侍應請反個飯啦佢都係秒答我：「炒緊㗎啦，炒緊㗎喇。」我真係唔明又冇問廚房又冇耳機點解個個都個炒緊？ 炒咁耐都未炒好？心諗啲飯啲飯炒燶都黎，最無奈係隔離遲入黎碟炒野都上左先 我個個炒緊炒緊？之後第三個員工過嚟催埋單 我直接同佢講：「個飯都未到要我賣單吖？」個下真係好嬲我同佢如果真係漏左就算我想取消因為食薯條加上埋等都等飽 之後佢話即到 係都唔比我取消 咁最後都上左個炒飯啦 我一食🙂以後唔洗黎呢間野，個飯冇味😀唔知係咪廚房大佬心情唔好 我頭頭以為我問題 我女朋友試完都話無味。真係好無奈 第一次咁嬲 嬲都想寫食評服務差到呢 漏左咪漏左