影片
开饭介绍
位于荃湾的韩国餐馆，提供各种韩国地道美食，例如韩式无骨猪手和人蔘鸡汤等。
继续阅读
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
-
网上订座服务暂停
相关文章
之前老公嘅舊同事約噚晚(24-5-2024 Fri)食飯，佢哋原本想去香車街街市裏面嘅大排檔食，但由於可能會落大雨，所以就改嚟呢間食。我哋book咗8人，由於出面舖位整唔到8人枱，所以畀我哋坐入面一間房食。我哋睇完menu，決定要$608.00嘅豪華4人套餐，套餐包4罐提子汁。落1完單，嘢食就好快嚟，有:1. 套餐中嘅生菜蒜片,沙律配豆腐前者其實係夾韓式無骨豬手同食，而沙律配豆腐係加入柚子醋，幾好味清清地又唔澀，沙律菜又新鮮又嫩，豆腐豆味濃又滑。5分2. 套餐中嘅三色前菜我只夾到中間唔辣嘅菜食，其他冇食到。3. 套餐中嘅韓式無骨豬手(大)豬手爽口唔覺膩，本身唔辣，旁邊嘅醬都唔辣，OK嘅。4分4. 套餐中嘅鐵板燒辣炒魷魚鬚爽口，辣係正常，我都接受到。4分5. 套餐中嘅石頭芝士香辣豬肉飯呢個我覺得唔辣，食到好濃嘅紫菜同芝士味，呢個ok冇問題。3分6. 套餐中嘅鐵板燒牛仔骨呢個甜甜地，啲肉夠腍，牛肉味又濃，好味。5分7. 套餐中嘅韓式炒水晶粉絲(沒肉)水間粉口感啱啱好，唔太鹹。3分8. 另叫$42.00嘅韓式炒年糕口感正常煙韌，但對我嚟講係辣。3分9. 套餐中嘅人蔘雞湯味道清，雞肉腍晒，連骨都腍晒，但好似冇乜人蔘嘅香同甘。2.5分10. $55.00嘅韓式炸雞同老公share食，我咩嘢都唔蘸，佢唔太惹味，亦唔太脆但juicy嘅。4分11. 另叫$62.00嘅韓式芝士蛋卷都幾大條，落咗啲芥末醬，幾惹味，蛋卷口感鬆軟。5分其他:女友人TP要咗杯凍柚子茶,老公要$12.00嘅凍人蔘茶.環境:冷氣較大。價錢:唔知幾錢，最後係7個人食，只知每位$10X。2.9分
继续阅读
呢間韓國餐廳嘅海鮮豆腐湯真係好正！我哋今次外賣咗一碗，湯底濃郁，味道非常香，新鮮嘅海鮮味。湯裡面有好多海鮮，豆腐又滑，真係好正而且，佢哋嘅份量都幾足，食完全唔會覺得唔夠。配埋白飯，真係一餐好滿足！再加上一啖泡菜，味道更加出色。外賣方面，包裝都幾好，唔會漏，送到時都仲熱熱地，食落去都幾有韓國風味。如果你鍾意韓國食物，想試下好味嘅海鮮豆腐湯，呢間餐廳絕對值得一試，不過以荃灣區既餐廳外賣價錢稍為貴左少少，但我都覺得值得
继续阅读
一早訓醒，失驚無神想食海鮮豆腐湯，即刻上openrice睇吓，原來呢個位有間韓國野，一直無留意。11:30開門，我係第一個客。豆腐湯呢D咁standard既野，只要足料，好難唔好食，呢間亦處理得宜， 而且62蚊真係唔貴。呢個海鮮豆腐湯都算足料，豆腐一大舊，有蛋，青口有4細隻，其中一隻DND🤫。八爪魚仔蝦有幾隻See you tomorrow食韓國野，通常都有kimchi任食，呢間lunch就冇。想食泡菜要另外叫，呢碗要15蚊，味道一般。凍檸茶加3蚊，最憎用不銹鋼杯，睇唔通睇唔透，督檸檬好唔方便。枱底櫃桶有紙巾結果湯飲清，飯食晒😋 韓癮起可以隨時翻兜👍紙巾提供: 有，枱底櫃桶自取廁所狀況: 冇去過回味指數: ****翻兜指數: *****備註: 收八達通，300蚊以上收咭
继续阅读
這間位於荃灣的【韓正屋韓國料理】，主打多款地道的韓國料理，全日不收加一，食物份量十足而且便宜，十分抵食。吉列炸蝦紫菜卷炸蝦香脆，新鮮熱辣，卷至剛好一口一件，旁邊還有爽脆的沙律菜。海鮮燉豆腐湯豆腐嫩滑，有青口、蜆肉及墨魚仔，帶微微辣香，十分惹味。韓式豬手豬手炆至入味，豬皮彈牙，膠骨豐富，用生菜、泡菜及蒜片包著吃，不覺油膩。韓式芝士排骨每條排骨都沾滿了新鮮熱辣的半溶芝士及特製醬汁，排骨略有咬口，醬汁帶甜辣又惹味。鐵板魷魚魷魚用洋葱爆香，加上韓式辣醬爆炒，十分爽彈。
继续阅读
這家韓國餐廳絕對是我近期吃過最好吃的韓國料理之一！其貌不揚，但是極多回頭客，韓式料理款式也很多😆😆首先，他們的芝士排骨讓我驚艷不已，肉質嫩滑多汁，搭配上濃郁的芝士，簡直是絕配😋😋！另外推薦的是韓式豬手！🤩🤩啖啖肉，省去吃豬手的不便，配搭生蒜、辣椒、泡菜，包在生菜中一起吃是一大享受😎海鮮煎餅也相當美味，裡面的海鮮新鮮又多樣，口感香脆可口。調料恰當，不會太油膩，有種愈吃愈想吃的感覺😝😝接著是我最愛的韓式炸雞，外皮香脆內裡多汁，搭配上特製的辣椒醬更是美味無比！炆牛肋骨煲則是讓人感受到濃郁的湯汁和嫩軟的牛肉完美結合，每一口都讓人回味無窮。蘋果梳打水清爽又不失甜度，喝完後整個人都感覺清涼舒爽。整體來說，這家韓國餐廳給我的印象非常深刻。食物不僅美味豐盛，而且服務周到親切。如果你想要品嚐正宗道地的韓國料理，這裡絕對是你最佳的選擇！強烈推薦給所有愛好美食的朋友們！#韓國菜 #韓正屋 #韓國美食 #芝士排骨 #韓式豬手 #荃灣美食
继续阅读