影片
电话号码
52742658
开饭介绍
正宗流浮山窯雞 🍴120分鐘放題 任食韓燒+ 窯雞😋 中午有飯餐，全日供應BBQ BUFFET👉🏻場內可容納160人 👨👩👦親子 🍻聚會 🐈寵物🐕 🚘揸車 💕拍拖 📸打卡
继续阅读
营业时间
今日营业
11:00 - 00:00
星期一至日
11:00 - 00:00
以上资料只供参考，请与餐厅确认详情
有关奖赏计划
流浮山出名食海鮮估唔到原來開左間燒烤店經過既時候，仲話會送一隻窯缸雞聽落好吸引就試下晚市120 分鐘任食$278 外牆裝飾好靚好岩打卡出面係炭燒如果覺得熱，可以煮完拎野食入去涼冷氣入面都好有特色🍗窯缸雞出面兩個大缸燒出黎色水好靚外脆內軟仲好多汁份量都唔細多人share 都夠食🩵韓式泡菜估唔到燒烤都食到泡菜醃完味道都幾夠酸酸辣辣更加開胃🩵魷魚燒完都幾彈牙🩵牛仔肉有幾款味道揀，韓式，BBQ,泰式個人鐘意韓式多d 夠濃味d 肉都幾淋，唔算厚身所以唔需要燒太耐🩵蒜蓉牛肉焗野菌用錫紙包住燒焗完好香牛油味仲有好多款可以點但我地真係太飽下次要叫埋朋友黎先得！
继续阅读
重陽節假期去流浮山行吓，唔係去食海鮮，今次係食開咗幾日嘅任食韓燒同窯雞，係咪估唔到呢？餐廳原址為法國fusion菜，韓泰太接手之後保留上手裝修尤其係幅著名藍白希臘🇬🇷女神打卡牆壁畫. 餐廳樓高三層，室內充滿歐陸宮廷風夠典雅，室外露營風座位好好feel，而家開始秋涼真係好舒服，多啲活動空間小朋友同毛孩最開心. 最正嘅係早啲訂位，同餐廳講就可以預留車位🤑免費泊車.午市放題90分鐘大人小朋友𠄘為$168同$118，晚市120分鐘就$278/$148. 包埋飲品任飲（生啤除外）可以話係超級癲！ 因為連隻古法窯雞都可以任食（如果你食到嘅話😂）. 呢隻雞真係不得了，雞皮超香脆，雞油飽滿，雞肉嫩滑，原隻食真係寧舍原汁原味. 坐低先叫飲品再用QR code點餐好方便，呢度主打樽裝軟飲料，😎樽裝可樂超爽，又係另一加分位，因為出面真係買少見少. 至於韓燒部份，令人驚艷當然有罕有嘅炭爐燒烤‼️真係好風味好多而且老闆仲不計成本用咗靚嘢❤️荔枝炭. 食物選擇都算充足，肉類選擇都多大路款，例如牛仔骨、豬頸肉、豬五花、午餐肉、腸仔、丸類等等，蔬菜都有南瓜、粟米、菇類、洋蔥、菠蘿等，海鮮就有魷魚圈同埋錫紙包蜆. 醬汁分咗韓式、惹味同泰式. 肉類醃得好好夠入味而肉類質素都不俗，又大塊又厚身，牛仔骨同豬五花都好正，不過太飽豬頸肉就冇試但係店員話好好食下次要試. 個人大愛芝士腸、雞軟骨、魷魚圈、蜆(超級鮮甜），仲有個檸檬魚柳. 另外值得一提係佢個泡菜係原條勁巨型要自己剪開食. 只係食咗一round已經飽到郁唔到，投降🤣有陣時如果想買餸加料，都可以就咁零售買隻雞返去，都要兩百幾蚊一隻. 餐廳只係開咗幾日，員工陸續到位，所以暫時人手可能有啲緊張，要多多包容下. 嚟緊店員話都會不斷改良各方面迎合顧客需要，例如推出午市飯套餐、散叫等等. 幾個哥哥店員都真係好友善，食完如果想行一陣街都可以同佢哋講聲拍多陣佢哋都會盡量配合，好抵讚. 年尾啲gathering有着落啦，仲唔快啲試吓
继续阅读
🍗 **韓泰太流浮山特色BBQ** 在流浮山的**流浮山特色BBQ**，這裡的午市放題只需$168，讓你享受到豐富的美食選擇。許多人以為來流浮山必須吃海鮮，但其實這裡的BBQ同樣出色，值得一試！環境優雅，讓人感到放鬆，適合與朋友聚餐。😊這裡的招牌**炭燒窯雞**，外皮脆口，肉質鮮嫩，口感一流，讓人一試成主顧。🍗除了窯雞，還有多款選擇，包括**牛仔骨**、**牛扒**、**雞翼**、**腸仔**、**菠蘿**、**金菇**、**冬菇**和**豬頸肉**，樣樣都讓人垂涎欲滴！🥩特別推薦他們的**炭燒窯雞**，獨特的炭燒技術讓雞肉吸收了炭香，味道更加迷人。這裡的食物不僅美味，還充滿了多樣化的選擇，絕對能滿足不同口味的食客。總的來說，流浮山特色BBQ是一個值得推薦的好地方，讓你在享受美食的同時，也能享受優雅的用餐環境！👍***韓泰太流浮山特色BBQ** 流浮山深灣路（迴旋處旁邊）
继续阅读
᪥這一間打卡西餐廳最近搖身一變，變成韓燒烤雞店，同樣地壁畫的外場保留了，也可以在餐廳內瘋狂打卡。᪥餐廳樓高兩層，還有室外座位，主要推介任件任食韓式套餐，這裏重點特色的窯鷄是必點的，即窯即吃，外脆的雞皮內嫩的雞肉，再加上特製香草檸檬醬汁，好juicy。᪥肉類方面有泰式、原味和韓式可選擇，牛仔骨，牛仔肉，厚切豬頸肉，厚切豬柳，肉類的醬汁豐富而入味。這裏還有免費泊車。᪥除了肉類，還有其他配菜，如翠肉瓜，香菇，燒菠蘿，雞髀菇等。還有焗錫紙食品，金銀蒜焗白蜆，可以一試。
继续阅读