順。越南牛肉粉

营业中

休息中

翻新咗嘅中環街市除咗有好多文青鋪，樓下仲有個food court岩哂想簡單食下野😛 food court 乾淨整潔，有日本/台灣/四川野食，仲有呢間越南🇻🇳菜😉 食物質素比想像中好😚生牛肉牛肉丸湯河 $78湯底好清甜香濃，河粉好滑身，生牛肉嫩滑而且份量唔少，牛丸幾彈牙，整體黎講唔錯😋春卷蓮藕蝦餅撈檬 $75 炸春卷餡料幾豐富，外層用左越式春卷皮唔係好脆但係食得出係即炸唔係炸完放好耐嘅😛 蝦餅幾惹味彈牙😗 撈檬加埋酸辣汁同蔬菜絲同花生碎好開胃，岩哂夏天食🥰📍順。越南牛肉粉中環皇后大道中93號中環街市地下G16號舖🍽️ 7.8/10#janfoodiary_越南菜 #janfoodiary_中環

好少去中環，今次朋友帶我去中環街市遊歷下，它是三級歷史建築物，香港現唯一全座包浩斯建築風格，內有商場和食肆。行完肚餓去下層food court醫肚，food court 周圍坐位十分寬敞開陽，有自助潔手液和冷熱水供應，中西合璧設計，很有特色👍🏻！因好久沒吃過越南菜，見這越南食店menu 食物價錢合理，就坐低幫襯。蕃茄蟹膏蟹肉蝦丸扎肉湯檬這湯檬湯底系蕃茄湯，真材實料，有多塊蕃茄，材料豐富，有扎肉、蝦丸、去殼蟹肉和蟹膏，蟹膏份量多，金黃色，好吸晴！會安雞絲扎肉湯粉湯底好清新，勁多九層塔，雞絲份量多，食落不鞋口，扎肉也大片，湯粉系無味精，食完不會口喝，河粉系幼身個隻，食落質地很滑但不會碎濕濕👍🏻，湯粉加左青檸汁後別有一番風味。蓮藕蝦餅一碟有4件，煎得好香口，入口很有層次感，伴菜有不少酸蘿蔔絲和生菜絲，所以不會太油膩。

中環街市入面其實好多餐廳選擇，類似food court嘅格局，但係座位好坐，環境氣氛亦幾好，嚟呢度食嘢其實幾不錯。第一次試呢間，專賣pho的，就一步到位試試佢最多料既:傳統順化湯檬$82有牛肉、牛丸、扎肉、扎蹄。湯頭微甜微辣，唔會太杰。生牛肉薄切啱啱好,算嫩滑。牛丸細細粒，但超爆牛味，好食！扎肉入面有軟骨，有咬口。扎蹄係黑椒，有大粒黑椒喺入面。配料入面，最鐘意佢個牛丸。順化開茅豬扒$78超大份！兩個人都差啲食唔晒，超入味。越式香茅雞翼$52又係超入味，一份有4件。一於下次可以再黎食牛肉牛丸湯檬😋

很久沒來到中環街市逛逛了！這個見證香港變遷的歷史建築在翻身後一直都門庭若市，自己來過幾次也很喜歡這邊的氛圍，這天晚上要上學去就來到這邊尋美食去～ 葘茄蟹膏蟹肉蝦丸扎肉湯檬 $72湯檬的配搭之中就最愛吃這個！蕃茄搭配蟹膏蟹肉清新又鮮甜，總覺得這款比吃生牛肉河更吸引～ 每家店總有自己的烹調配方，這裡的湯頭會帶濃郁蕃茄的酸甜香氣，蟹膏蟹肉新鮮沒帶腥有提鮮作用，食材方面就以蝦丸跟扎肉入饌，檬粉吸滿了湯頭的味道，一點也不油膩就只有清爽，吃起來沒有太大負擔！蓮藕蝦餅 $42/4件每次吃越南菜都會選蔗蝦或蝦餅這類小食來吃，店家這款是混入蓮藕碎的蝦餅，口感會相對紮實，調味得宜也比較清爽啊～已經不是初次品嘗店家的出品，不過中環店還是第一次來，跟沙田店不同之處是這樣傾向是快餐店的模式。不過中環分店就處於本來就是歷史建築的中環街市內，環境絕對不會差，別有一番風味啊！

間餐廳位於中環街市地下食肆區域首先個餐牌已經唔係多選擇數埋得7款粉麵 仲有少少幾款小食以為佢係貴精不貴多 錯🙅‍♀️大錯特錯🤣初初見到好多人食 大多數都係遊客以為應該品質唔錯 但真係不吐不快😑同朋友一人一碗粉麵 唔講佢嗰碗淨係碗普通雞絲扎肉湯粉都⋯⋯⋯湯式淡冇乜味道 仲要偏稀懷疑大部分嘅錢用咗嚟買河粉同配菜雞絲🐓唔係雞絲 係雞肉乾 鞋口得嚟冇味成碗野係得啲扎肉叫做正常發揮用佢嚟吊返起啲味 如果冇扎肉不堪設想😫以$73蚊呢個價錢雖然係中環食野唔算特別貴但寧願食個普通茶餐廳都好過食呢碗🙁同行朋友食咗碗傳統順化湯檬都係唔掂完全唔辣 啲牛肉又薄又少啲湯又係稀淋淋冇味道可言

平時香港都少有正宗或比較似樣嘅順化檬而見中環街市嘅順 有得叫就試下~ 都成82蚊碗，無野飲。碗麵真係好勁！湯底清到好似飲水，唔鮮又唔濃味。連辣味都清到唔辣咁 👍🏻 點樣可以做到咁高境界？啲料係五隻手指數得晒，最好搵埋放大鏡睇下 ☺️ 唔怪得知可以喺中環街市度開咗咁耐，實力係有返喺度 ！最值得讚下嘅係佢啲米粉咁幾爽口 ✌🏻 Menu 7樣菜式選，樣樣都係精英中選出嚟！當然仲有小食。小食有5款選 朋友叫碗雞絲扎肉湯粉，73蚊。個湯係可以同馴化芒個湯底差唔多。勁到不得了！ 水準真係一路keep住。飲水嘅話可以去斜對面自己斟。

中環街市地下可說是中環上班族的食飯褔地，環境優美，熱水冷水免費自取，選擇多，價錢平。好像這間越南餐廳，售賣幾款湯粉、檬粉，全部都大碗足料又好味。如果可以的建議2點後下午茶時段才食午飯，份量一樣，價錢可是每碗平十幾元呢。想豐富些，又或是多人分享，不妨加個小食。（下午茶時段）🏅蕃茄蟹膏蟹肉蝦丸扎肉湯檬（$72）非常足料，真的有蟹肉和蟹膏的，鹹香好味。蕃茄湯底濃郁鮮甜，而且食到尾仍熱度足夠。🏅會安雞絲扎肉撈檬（$58）雞絲有一碗粉量，加上大量檬粉，好足料。越式酸汁另碗盛載，唔夠還可再添。🏅越南炸春卷（$48）春卷香脆，用生菜包住食，蘸點越式酸汁，美味。生菜特別大塊，爽脆新鮮，吃得特別爽。🏅蓮藕蝦餅（$48）彈牙蝦餅和爽口蓮藕粒，絕配。

自從中環街市重開後，作為中環中不時都儲去看看有沒有新餐廳 ，找到一間吃過幾次價錢有合理的越南粉。MENU簡單清晰，沒有加一，大概六七款粉麵選擇相比起Pho的清甜，順化湯濛集酸、甜、鮮、辣，以及檸檬草的味道於一身，層次更為豐富鮮味，絕對引起食慾。這家檬粉 Bún韌性好，彈牙順滑，有齊牛丸牛肉扎肉扎蹄，其中牛丸細細粒但牛汁豐富幾彈牙，推㊕小食試過蝦餅，春卷和雞翼都不錯，其中最喜歡香茅雞翼，香口、色澤滿分，一咬發出清脆聲音肉汁即時溢出！—————-𝙒𝙚 𝙤𝙧𝙙𝙚𝙧𝙚𝙙:傳統順化湯檬 82順 生牛肉湯河 72越南炸春卷 48越式香茅雞翼 52—————————————————𖠿𖥣 順。越南牛肉粉 (中環)〒 中環皇后大道中93號中環街市地下G16號舖—————————————————⠀⠀⠀⠀⠀⠀⠀⠀⠀

中環街市咁多好嘢食 見呢間咁多人排隊一於等下午茶試試佢 比lunch平成差不多$20㗎會安雞絲扎肉湯粉好清新嘅湯底 勁多嘅九層塔🌿同洋蔥🧅雞絲同扎肉份量都好足蕃茄蟹膏蟹肉蝦丸扎肉湯檬濃郁嘅蟹膏再配上清新嘅蕃茄湯再加埋蟹肉奢侈感up蝦丸夠晒爽口彈牙 仲有幾件扎肉成碗粉滿足咗唔同嘅願望蓮藕蝦餅其實仲落咗豬肉一齊打成成落有蓮藕粒粒爽脆嘅口感又有彈牙嘅蝦肉最緊要豬肉係瘦肉嚟㗎 完全成唔到肥膏嘅感覺食都食得好安心自家手工牛肉丸湯牛肉湯底好濃牛味 三款湯底我最鍾意呢款牛肉丸係店家自家製作 bite-size女仔食啱晒一啖一口 食落好多牛肉汁 而且食到少少牛筋粒 口感一流雖然餐廳位於food court但就一啲都唔hea 㗎💖

跟朋友嚟中環街市食晚飯，近排天氣涼番，想食d熱湯類嘅，呢度嘅越南牛肉河價錢同其他地區嘅相約，一於試試佢～點了順·生牛肉牛肉丸湯河 。順·生牛肉湯河的湯底挺清的，不算油膩，一共有4片生牛肉，份量正常。生牛肉的熟嫩度剛好。每碗粉麵都跟有一件白蘿蔔及大量洋蔥圈、蔥條蔥花、芽菜及脆脆。旁邊另附上青檸及辣椒粒供自行調味。河粉則用上幼身的一種，亦不會煮得太淋，剛剛好。另外加配了小食—蓮藕蝦餅、越式香茅雞翼小食一碟有四件，蝦餅加上蓮藕粒，挺有咬口，調味亦剛好。整體來說，性價比高，在中環食飯又多一個選擇。

中環街市地下個層好多餐廳可以選擇，上餐又好快，所以想快解決一餐都會選擇嚟中環街市，今次嚟呢間越南餐廳。⭐️順、生牛肉，牛肉丸湯粉呢碗湯粉有生牛肉、牛肉丸、洋蔥絲、蔥粒、蔥絲、九層塔，新鮮的蔬菜配搭新鮮嫩滑的生牛肉一齊食好正，增添食物的層次感，仲可以加上一些調味料-檸檬汁、青&紅辣椒粒，會更好食。牛肉丸好彈牙，好香牛肉味。湯底清清地，但有微微牛肉香氣。個粉煮得剛剛好，好Q彈，能夠完美吸收湯底的美味。

今日好忙碌，搞完望下個鐘原來都成2點幾，好肚餓就去咗附近中環街市食lunch。生牛肉牛肉丸湯河生牛肉入口嫩滑，牛肉熟啱啱好，牛肉丸爽口彈牙，好Juice，湯底濃郁鮮甜，有河粉和檬粉可以選擇，我就叫咗河粉，入口幼滑，口感很好。會安雞絲扎肉撈檬雞肉絲份量多，嫩滑唔鞋，扎肉大有少少辣味好食，撈檬味道酸酸甜甜，幾開胃。越南炸春卷春卷炸到外脆內軟，入邊有大量蔬菜。蓮藕蝦餅蝦餅入邊有蓮藕粒粒，口感爽脆，味道唔會過鹹。

我今日去左中環辦事，順道約同好友去中環皇后大道中93號中環街市地下G16號舖的順。越南牛肉粉食午餐。環境闊落，裝修為中環食街形式。我點左個順。生牛肉湯河$72，配自家手工牛肉丸湯$56。好友點左會安雞絲扎肉撈檬$73，配蓮藕蝦餅（4件）$48。蓮藕蝦餅煎得好香脆，好有咬囗，好味又好食；自家手工牛肉丸樣子細細，咬落好彈牙，滿口牛肉味；會安雞絲扎肉撈檬大大碗，雞絲份量不少，扎肉好味；生牛肉片新鮮好味，河粉爽口。整體黎講係好有水準的食物，值得推介！

順，越南🇻🇳平價河粉因為天氣不穩定，似乎要下雨，所以我和朋友約好了去中環街市最底層的「順，越南🇻🇳牛肉粉」享用午餐。中環街市有一個網上連結，你可以提前下單，並可以使用Visa卡、支付寶、PayMe等支付工具進行結賬。所以當我們到達中環街市時，我們預訂的麵食已經放在櫃檯上等待我們拿取。我的朋友點了「生熟牛肉湯粉」，而我點了「會安鷄絲扎肉湯粉」！朋友說他們的湯底有點淡，味道普通，讓他有些失望！相比之下，我覺得我的鷄絲扎肉粉還算不錯。以下是我點的菜單和評價：- 生熟牛肉湯粉$71⭐️⭐️湯底有點淡，比以前差了些，有改善的空間- 會安鷄絲扎肉湯粉 $73⭐️⭐️⭐️味道尚算可以的順，越南牛肉粉地址：G16 Pho Nho，中環街市

呢幾日天氣轉凍，所以就嚟到中環街市裏邊搵一啲暖嘅嘢食，俾我見到呢一間價錢適中，賣相幾好嘅越式牛肉麵餐廳，決定一試。大約六點幾嚟到，人唔算多，位置都算寬敞，亦都可以對住假花園，環境算係幾好。餐牌上邊選擇唔算多，一般都係牛肉粉，可以揀湯河或者撈檬，今次揀咗呢一碗生牛肉牛肉丸湯河。生牛肉大概有三至四片，份量適中，而且加埋青檸嘅點綴，覺得味道幾鮮味。湯底唔算濃，不過就幾暖胃牛肉丸有大概三粒，幾大牙爽口，而且牛肉味幾重，幾有真材實料。另外嗌咗蓮藕蝦餅，外邊煎得香脆，而且入邊嘅蓮藕粒爽口，食落去口感幾豐富。不過值得一讚嘅係佢唔會揸得特別熱氣。Conclusions: 適合想食暖嘅湯河，喺中環附近返工嘅朋友。