順。越南牛肉粉

营业中

休息中

去沙田做完野周圍望下有咩食行過好運中心，裝修完靚咗好多仲俾一間叫順。越南牛肉粉嘅餐廳吸引🍜我好鐘意越南菜個湯底同埋啲葱，好fresh望下menu ，有下午茶茶，而且又啱食就即刻入去試下啦餐廳內部牆上有花同埋雀鳥圖案🕊️🌿感覺鳥語花香，好係東南亞嘅味道✨生牛肉牛腩片湯粉🐮🥩上菜就俾碗面嘅生牛肉吸引住用熱湯慢慢將牛肉整熟即時放入口感受牛肉嘅鮮味👍🏻而且牛肉好大塊🥩唔係全部肥膏食落牛肉好重牛味似係牛板腱嘅部位牛腩片有四片🥩🍖而且仲好大塊仲要係瘦腩，啖啖肉碗面嘅葱份量好多☘️🍀🌿啱哂我啲食葱撈湯嘅人湯底好甜😋飲落唔鹹，食完碗麵唔會口渴✨通菜🥬要大頭蝦醬炒🦐🦐通菜炒得好香🔥用埋蝦醬炒就仲香口惹味而且通菜仲好掛汁💦食落陣陣蝦膏味通菜份量唔少🤟🏻食落好淋又冇渣亦唔苦✨熱青檸紅茶🍋🍵飲落有紅茶嘅微苦加以青檸嘅酸味回甘味份外清涼餐廳座位闊落而且整潔企理通風亦好充足💨💨食住碗整得熟生牛肉嘅熱湯麵都冇出過汗餐廳侍應態度親切有禮會留意到食客有咩需要一個眼神就會埋來落單🤟🏻會繼續幫襯🥳

今日要一個人早啲嘅時間食晚餐，就入咗呢間越南嘢。地方寬敞，都好乾淨。食完嘢我梗係叫碗牛肉粉啦，我就叫咗一個特色綜合牛肉河粉，入邊有牛丸生牛肉肉片同埋牛腩片。嚟到見到咁大碗，正正合我心意！生牛肉嫩滑，牛腩有牛肉味，而且好淋，牛肉丸食得出係真材實料。河粉係細嘅河粉份量都好多。嗌河粉都唔使另外再叫店員比辣椒你上嗰碗河粉時候佢哋就會直接上埋。呢個湯底食完冇口渴嘅感覺，應該冇落味精！另外見到餐牌有個一人鍋，下次多少少時間先可以食呢個。

今日去到沙田，兜兜轉轉響市中心附近搵嘢食，終於又係揀返呢度～好運中心嘅［順·越南牛肉粉］，原因好簡單：好味又抵食😊上次試過肉嫩入味嘅巴東牛肉，今晚當然吾可以錯過另一款招牌菜～香茅豬扒湯河，豬扒份量吾少，醃得香滑美味，少骨無雪味，肉質鮮嫩，河粉幼滑吾碎濕濕，味道調味得宜，吾會太油膩，食得好順喉😍生牛肉牛肉丸河粉足料地好食，生牛肉切成薄片，肉質細嫩，用湯浸熟吃起來香嫩有牛香，牛丸有咬勁，兩者牛味都突出，加埋香檸和辣椒，別有一番風味。碗湯飲完吾覺口乾，証明係無味精，連埋洋蔥、芽菜和香葉一齊食，CP值超高🤤飲品今次就試咗凍青檸紅茶，新鮮青檸配上濃味紅茶，清新解膩😋呢間餐廳每次食都無失望，環境寬敞舒服，卡位多而距離適中，吾覺擠迫，令人坐得舒服，服務員態度有禮貌，慢慢食和朋友聚會傾偈都幾寫意🥰

好友約我去位於沙田橫壆1-15號好運中心3樓3007號舖的《順．越南牛肉粉》食下午茶餐，環境舒適，坐得舒服。我地點左：主餐係：街頭生牛肉湯金邊粉 $56：份量好大，生牛肉份量都多，金邊粉好食，湯底清甜。街頭香茅牛肉飯 $60：牛肉味濃好咬口，伴碟有2件越式蛋餅，好送飯。小食係：會安烤豬頸肉（海鮮醬少辣）$38：豬頸肉烤得外脆肉嫩，點海鮮醬好惹味。街頭蓮藕蝦餅（甜酸醬）$32：蓮藕蝦餅好香口好食。餐飲係：熱話梅咸柑桔水2杯（跟餐）：過年有些食滯，熱話梅咸柑桔水正好解解油膩。

放工同阿爸阿媽去食飯，近近哋喺沙田就揀咗呢間餐廳。呢度嘅裝修好有馬來西亞或者星加坡嘅氣氛，職員都好熱心講解有啲乜嘢嘢食。食物質素好好而且價錢又適中，真係下次都要再幫襯。扎肉河粉我其實都幾鍾意食扎肉河粉，尤其係爽滑嘅肉質，加惹味嘅湯底同金不換，配合手滑牛丸，令成個河粉都好突出。豬扒同牛扒飯阿爸阿媽鍾意食飯，所以叫咗牛扒同豬扒俾佢哋。塊扒煎得好入味，另外個配菜係雜菜蛋餅，又幾特別，開頭以為係甜品，點知原來唔係。可以試吓。

見到咁多好評價 就入去試下95 蚊一碗越南粉 貴 不過可能好食呢環境係唔錯ge 但未食完就想過黎收走我碗野真係好黑人憎味道係唔錯肉質素都食落okay但我想個份量真係好少飯睇到隔離檯就好似差好遠我正常食量 如果男人黎真係唔會飽個牛腩片簿到 牛肉片得20克？！呢個價錢係沙田又唔係新城市廣場真係接受唔到個碗粉… 真係平時出面食開一半 定1/3我好似食2 淡就無曬講緊平時我出去食麵都係唔會食得曬成碗no next time！ ！！

今日放工唔想煮飯，經過好運商場，見到呢間越南餐廳，就入去試吓。見到佢嘅下午茶餐牌好吸引，但啱啱好過咗下午茶時段，有機會下次試吓。晚市餐牌都好吸引，有各式各樣嘅越南特色菜，而且價錢都好合理，食物質素非常有保證，係有質素嘅連鎖越南餐廳順化香茅豬扒飯份量好好多，豬扒都好多，而且好細心，已經幫你切晒一嚿嚿，啱晒我呢啲懶人，豬扒有好香嘅香茅味，另外仲有兩件蛋捲，裏面混合咗雲耳，有口感，而且好有特色。特別欣賞個飯，軟硬度適中街頭香茅牛肉飯呢款牛肉飯都相當唔錯，份量亦都係好多，牛肉嘅質地亦都好唔錯，送飯一流

今日下午茶時間去咗試呢間越南餐廳，2點開始就會比你入座食下午茶。叫下午茶餐，多選擇。首先試咗個香茅豬扒湯檬$62，香茅味幾濃郁，豬扒大大塊都幾厚肉，唔會韌，幾好食！湯檬嘅份量都幾多，食完都幾飽肚。跟住個河內蕃茄蟹檬$72，個湯底酸酸甜甜，幾開胃！蟹肉都幾多，而且幾鮮甜，蕃茄嘅味道好突出，唔會蓋過蟹嘅鮮味。檬粉滑溜。另外加咗個小食大頭蝦膏通菜$36，大頭蝦膏夠晒濃郁惹味。下午茶包餐飲，我哋揀咗青檸紅茶同埋熱話梅柑桔水，青檸紅茶茶味濃；而話梅柑桔水就酸酸甜甜帶少少鹹，幾特別。

D 間餐廳既越式湯粉麵，我個人覺得係幾好食，價錢又唔貴，份量同午餐咗唔多， 抵食，一個下午茶餐連飲品都係約$60 .餐廳環境衞生整體乾淨， 位置寬躺，座位舒適，有梳化，職員有禮貌，上菜算快，整體感覺良好.街頭生牛肉湯河粉： 生牛肉份量都多，食材新鮮， 牛肉唔鞋口，金邊粉吸晒d 湯，好入味，湯底又係唔會好咸， 清清地，健康之選蒸粉包： 下午茶餐另加$28， 抵食， 有二大件， 餡料多， 一咬就爆餡， 皮夠薄老薑蜜： 冬天飲好暖胃， 推介

今日要自己一條友係沙田食晚飯，諗起沙田好運中心仲有幾間新開嘅餐廳未試過，決定係呢間「順。越南牛肉粉」解決今晚嘅晚餐。因為係新開冇耐，餐廳裝修好新正光猛，店內有唔少卡位，三幾知己或家庭集會都好岩黎食。最重要店內有好多唔同嘅食物可以選擇，無論你想食小食，沙律素菜類，肉類定係麵食，樣樣都有好多款選擇。今次見到好多一家大小黎食，應該好受住係附近嘅沙田友歡迎。今日得一個人，所以只係叫左碗「順化湯金邊粉」。好大一碗，入面有齊牛腩片、牛肉丸、扎蹄，好足料，絕對唔係一樣得一小份，一個人食絕對夠。另外叫左杯「椰青」，靚女店長話係新鮮坐飛機返黎嘅就決定試下。估唔到椰汁好甜，入面嘅椰肉都好嫩好食，係食過數一數二好味嘅椰青！

今晚又嚟到朋友屋企樓下搵食天氣涼涼哋又想打吓邊爐 經過見到呢間越南餐廳有得食生牛河之餘仲有得打邊爐 又幾特別就入去搵食啦🐮生牛肉牛腩片河粉份量算大碗 牛腩片同生牛肉都各有4/5片嚟到嘅時候生牛肉仲呈粉色 用湯浸番熟佢就開得餐🍲一人帽子火鍋個名幾趣緻 個鍋埋到枱就知點解改呢個名🎩呢個火鍋有3款湯底揀 我哋揀咗順化辣湯 保保暖個人覺得幾打卡able㗎都配料有牛𦟌 牛肉 牛丸 札肉 蘿蔔 蓮藕片 越南粉一個人自己食一定夠飽湯底酸酸辣辣幾開胃

今日帶小朋友出沙田檢查牙齒， 睇完醫生已接近2⃣️點，小朋友話有啲肚餓，就係附近搵野食， 越式湯粉麵為主， 都適合小朋友.餐廳環境衞生算乾淨， 位置寬躺，𠕇部份梳化位，座位舒適，職員有禮，上菜算快，整體感覺唔錯.燒雞肉串撈檬： 燒雞肉串有成3 串，份量算多， 啖啖肉，唔鞋口, 我囡食唔停， －串都無留返俾我. 檬粉爽口， 加埋個甜酸汁一齊食， 正😍蒸粉包： 下午茶餐另加$28， 抵食， 有二大件， 多餡， 皮薄， 老薑蜜： 推介， 天氣涼涼地， 飲完好暖胃

一向都好喜愛越式牛肉河嘅我今日試咗呢間越式餐廳，感覺唔錯想推介比大家，皆因價錢合理味道又唔錯👍🏻今日過嚟食下午茶歺，$56牛肉河仲有飲品送！牛肉河嘅牛肉新鮮、牛味香濃，唔會好肥膩，整體份量唔少，食得滿足！湯底香濃，好重越南香料味。另外亦試咗個豬軟骨飯味道都唔錯！佢啲味道唔會調得太重，食完唔好會係好口渴，食材本身ok!值得一提的是餐廳服務態度很好，員工好友善，今時今日香港地嘅服務態度真係買少見少。

沙田好運中心新裝修後，多了很多餐廳，今次我哋想食越南嘢，試咗呢間「順」.呢度座位都算闊落，2人坐4人卡位都幾舒適。食物方面，我哋叫了西貢脆春卷、河內番茄蟹檬、扎肉蝦餅撈檬、椰汁珍多冰。.西貢脆春卷 —炸得很鬆脆，唔油，炸得不錯；唯獨餡料內有一種食材味道比較奇怪，我哋都唔太鍾意，要沾多些魚露一齊食會比較好，但整體都ok。.河內番茄蟹檬 —番茄湯底幾好飲，唔會太酸，檬粉都幾滑；主角蟹肉就份量比較少，只有一隻蟹鉗，但沒有很多蟹肉，而且蟹肉是淡而無味的，比較失望；配料有蟹肉丸、扎肉蟹肉丸彈牙，口感不錯，但都是很淡沒有什麼調味的⋯扎肉就幾好食，肉質爽口彈牙.扎肉蝦餅撈檬 —蝦餅好好味！表面炸得香脆，肉質好爽口，有粒粒蝦肉口感，幾出色👍🏻撈檬都多生菜絲、甘荀絲，但呢度嘅魚露就唔太夠味，略嫌不夠酸。.椰汁珍多冰 —好特別，唔係普通椰汁冰，係椰汁沙冰！甜度適中，幾好飲；但綠色一條條的「珍多」就略嫌太硬身，要用牙力咬，美中不足。

自從沙田好運中心翻新過後，多左吾少食肆進駐，之前就同大家介紹過咖吔，而今次，就同大家介紹位於咖吔隔離既越式牛肉粉 一 順 越南牛肉粉 🌟特色綜合牛肉湯河粉湯頭飲得出牛骨鮮味，綜合牛肉一碗會有齊生牛肉、肉味濃既牛腩、爽口彈牙既牛丸，作為連鎖店，有咁既水準，絕對系意外既出色🤤👍🏻👍🏻🌟越式春卷 22越式春卷採用米紙包住米線、甘荀絲、木耳絲、肉餡等拎去炸，表面金黃，口感酥脆🤤👍🏻👍🏻🥤珍多冰 $12椰汁清香，吾會太甜🤤👍🏻📍順。越南牛肉粉地址：沙田橫壆街1-15號好運中心3樓3007號舖#沙田 #順越南牛肉粉 #牛肉粉 #珍多冰 #覓食沙田 #食在沙田 #留港消費 #越式春卷 #好運中心 #為食關注組 #沙田食乜好 #越南牛肉粉 #香港美食地圖 #特色綜合牛肉湯河粉 #九十後行到邊食到邊#HKIG #HKIGER #HONGKONGFOODIE