順．和の味 (已結業)

Came here for lunch on a Saturday and it’s quiet, no lunch crowd, very comfortable. Didn’t know what to expect and we saw a few lunch sets which turned out to be delicious and value for money. The staff are friendly and helpful too. Spacious and comfortable seating arrangement for 2 people inside a small shopping mall. Highly recommended if you are in the area, especially on a Saturday.

📍順．和の味📮中環德輔道中173號南豐大廈2樓3-5號舖.收工前🙎🏽‍♂️興致勃勃話今日會黎接我收工帶我食好野, 滿心期待既寶寶🙆🏻‍♀️.黎到餐廳口門已經見到師傳係度燒緊串燒, 好香好似好好味咁😋入到去餐廳設計好有日本feel, 令食客有少少置身於日本既感覺.餐廳主打福岡水炊鍋, 係日本九州福岡的傳統料理🇯🇵水炊鍋用雞湯做湯底, 而雞揀選左華味鳥, 基本上係每一枱黎到都會必叫既item.水炊雞鍋 HKD420店員會全程serve你食呢個水炊雞鍋, 先會同你續一介紹, 再幫你煮好放到你面前😌簡直係懶人之選成個鍋包括雞肉3味🐥（有骨雞件, 無骨雞件同雞肉滑）另外仲配埋一大盤蔬菜🥬1️⃣首先店員盛起雞湯俾你飲, 雞湯奶白色, 嗅落好香, 飲落好甜, 口腔充滿住骨膠原, 加埋少少海鹽調味, 更鮮更濃, 係一個好好既開始2️⃣之後會放入雞件, 有骨雞件嫩滑, 無骨雞件就啖啖肉, 點埋餐廳提供既醬汁味道好夾, 仲可以按自己口味係醬汁加入青蔥, 柚子胡椒, 蘿蔔蓉調味3️⃣跟住店員會用匙羹將雞肉滑整成雞肉丸放入鍋入面, 雞肉滑除左雞肉之外, 加左雞軟滑入去, 食落更有咬口4️⃣最後放埋蔬菜入去, 吸引晒雞湯雞件既所有

great service again, this time we went on Friday night and no set dinner available, but dishes in menu are with great variety and of course so yummy, staffs are very friendly and in great service, we felt so welcomed. we took a huge bday cake but they did not get annoyed and helped us to place in the fridge so probably, highly recommended, thank you

食過一次覺得好好味，所以今次帶埋老公嚟試。本身驚冇位，即刻openrice bk位，12點半睇，最快1點半有枱，好彩都bk得到。去到餐廳，侍應太忙，等左陣，其實早左少少到，佢地都安排到位比我地，好感動。可惜，可能過左一半lunch時間，好多野食都賣哂，想食返牛肉烏冬，但係叫唔到。然後我地叫左牛肉飯定食+水炊雞鍋定食。都等左一陣，有野食上枱，老公見到水炊雞鍋定食好驚喜，佢一食，就已經讚不絕口。我試過個鍋個湯都好鮮，雞好滑，都好多料、好多菇同菜；而我食牛肉飯定食，牛肉係厚切嘅，不過好似有d煮得耐，就唔知係咪我唔食識，有d硬，有dd失望。但係我地兩個都好欣賞佢嘅蒸蛋，好滑+好香雞蛋味，食唔停口。食完，老公係咁話份量好豐富，好好味，要推介朋友。期待下次再嚟可以食到牛肉烏冬啦，哈哈哈！

好怕中環食飯，又多人，又趕。打算輕食，所以選擇食日本菜。訂了位還是要等10-15分鐘。午餐只見定食餐牌。餐牌簡單，無圖亦唔太多選擇，所以人流好快。點左炸雞同湯烏冬兩款。上菜速度正常，大約10分鐘左右。食物夠熱，雞肉都算香口同有汁。烏冬湯有點像即食麵湯底。蒸蛋好滑。兩個餐埋單$300+。其實招待是有禮的，只是環境嘈雜同超多人，所以有食快餐嘅感覺。

朋友帶我嚟呢間食好西，話呢間好好味，所以帶我嚟試！地方都好方便，上環站一出，轉個彎，行幾步路，一過馬路就係果幢野，1條街都唔洗。一入到門口，諗住搵朋友啦，侍應哥哥好客氣，好nice、好搞笑咁話隨便啦......，可能lunch hour，全場都滿哂客，所以都好期待呢間日本餐廳幾正。坐低左，就等食喇，因為朋友幫我叫定左野食，佢好似叫左個燒牛丼定食，我就叫左牛肉烏冬定食。上到枱，賣相都好吸引喇，同埋好多野食，一盤放滿哂。我一食就食甜品先，綠茶味，唔痴牙，已經好鐘意d野食喇！然後食沙律，佢落左沙律醋，又係我最鐘意！帶子邊，我比左我朋友食，應該都係果d味掛...xDD 然後就食我個牛肉烏冬喇！ 本身諗住係平時出面食果d咁，求其一d牛肉，加烏冬咁，點知又唔係噃，好估唔到，佢d牛肉超好味！ 佢嘅牛肉半肥瘦咁，一咬就溶埋一齊咁，好味到想喊、好感動！ 食完d牛，先食烏冬個烏冬就....個湯有d重味得滯，同埋林得滯，不過d牛太好味，所以烏冬好唔好味，對我嚟講唔重要喇！最後，食埋個蒸蛋，都好好味！丫，講返先，我偷食左朋友個燒牛丼d牛肉嚟食，佢d牛係燒得好香，不過可能我碗牛太好味，所以燒牛就覺得失色左，冇

今日甘岩黎開呢頭 上網見到呢間日本野既人氣都唔錯 就想試下係唔係真係甘好食午市黎講 選擇唔算好多 最後揀左自家製雞肉丸丼定食🐥1️⃣自家製雞肉丸丼定食定食包左小食，醃菜，沙律，茶碗蒸，麵豉湯，蕨餅，主食同一杯野食，都算幾豐富沙律算係幾fresh 配既係芝麻醬小食係帶子群邊，醃菜就係黃蘿蔔雞肉丸入面加左啲雞軟骨，都幾有咬口 加埋基本既流心蛋，整體上係夾既 但未到好驚艷 或者會令人念念不忘個隻2️⃣ 跟餐凍柚子蜜呢杯野完全唔得，柚子蜜同水既比例，可能係9:1 成杯野好啖，擺多一陣啲冰溶左之後更淡另外，呢杯野飲係用不銹剛飲管serve，吸唔到啲柚子之餘，仲會拙住左枝飲管，搞到飲唔到，建議加返一隻長匙羹會好啲

服務態度好差，我用 open rice 訂12:00pm檯，遲咗少少到，負責人話下次要致電通知，當時餐廳大把位，之後佢照比但就要我哋坐 bar 檯， 我哋唔肯話走佢先比張二人檯，人哋熟客 walk-in 就ok， 咁為乜比人 book 檯先，完全趕客，無下次！跟住上錯 order 比我， 幾分鐘之後發現出錯，問都唔問就係我檯上攞走，無禮貌之餘，如果我唔為意，已經食咗一啖，咁原先個客咪要食人地嘅口水，好唔衛生，佢哋嘅 lunch 一般都係$150 以上，加上係日本餐廳，無諗過會出現咁嘅服務質素。之後仲要話我缺席 open rice 嘅 booking， 好差囉😡

收爐啦，緊係要揀我平時最愛既日本菜為鼠年做個完美既總結啦店舖比我想像中大，中間有張好大既bar枱，上面擺左d 酒樽作裝飾，二人枱亦都唔算細張，坐得都幾舒服地雞烏冬定食前菜係帶子裙邊，醃得好入味，送酒一流茶碗蒸個蛋好滑，味道亦都唔太咸主菜地雞烏冬個雞非常嫩滑，烏冬煙煙韌韌爭有咬口，而個湯底有濃郁既雞同麻油味，真係忍唔住係咁飲，飲完亦都唔會覺得好口渴，好好食水炊雞鍋定食雞都係一樣咁嫩滑，雞肉丸好好味，菜亦都好鮮甜，雞鍋個湯底就無烏冬個湯底咁濃味，少左個麻油味，清少少但都好好味，如果唔夠飽既朋友白飯係可以無限添加的無諗過呢間餐廳d雞係咁好食，定食又豐富，中上環區黎講價錢都好合理，真係沒有唔再黎既理由

COVID-19全球大流行！所有跨境外遊取消！麼得去日本，想念日本的美食！天氣預報會降溫，發現這家店有搏多水炊，立即訂座和朋友來吃午餐。但是，當天沒有降溫，步行至餐廳已經滿身汗(衣服穿多了！)放棄水炊，點了以下的：#雞肉丸丼定食：我喜歡吃肉丸，見到雞肉丸就想吃，喜歡的味道！#鳥燒丼定食：朋友點這個，雞塊燒得焦香，她說好吃！定食標配：#野菜沙律#前菜#味噌湯#飲料：我們點了１冷１熱的柚子蜜，適合乾燥天氣時喝，滋潤一下。可以再來的店。

有個foodie朋友就係唔同啲！今次佢帶左我地哩間餐廳食好嘢😋餐廳裝潢有啲fusion，日式得嚟又帶點歐陸風格！地方都幾大，坐位唔會好迫，幾舒服👍🏻我地一行三人，Menu嘅選擇唔算多，但都係好事！對於有選擇困難症嘅我，唔好比我揀唔多就岩😆而當日我地三個都點左哩個雞湯set😆一嚟到即刻忍唔住飲啖湯試味，嘩！好正呀🤤超濃味嘅湯底，但又唔會好咸，絕對係會飲完一啖又一啖😋椰菜好甜，感覺好新鮮👍🏻茶碗蒸都幾好味！哩個set絕對係highly recommend呀😋

突然很想念很老公第一次去日本，在温泉旅館食壽喜燒。但而家無得去當地，幸好上網得知這間餐廳，而且評價也不錯，所以跟老公去食餐好的。餐廳的環境很雅緻，梳化坐得好舒服，仲可以望望窗外的風景。我們點了個水炊鍋，主菜是雞肉 3 味，有 有皮雞肉、無皮雞肉和雞滑。先說湯底，相當濃厚的雞味，飲落帶點黏口，滿滿的骨膠原飲落口，仲可以加少少調味，我哋都重複飲咗不知幾多碗。而雞肉方面，有皮雞肉非常香滑。無皮雞肉很厚肉，肉質鮮嫩，完全唔靭。雞滑的肉質非常軟，咬落超彈牙。另外，我們還點了一些串燒，有黑豚串燒、豬頸肉串燒、大蔥雞肉串燒、椎茸串燒、青唐串燒… 而味道較平時食開的串燒較重醬汁味，所以較 juicy。加埋一瓶 sake，原本老公話只係飲一小杯，點知唔覺意已經飲咗 3 杯了。湯底煮完雞之後，就到煮雜菜，職員為我們煮好之後，蔬菜味道新鮮，而湯底也較早前清了一點。食完蔬菜之後，湯底剩下不多，就用來煮粥。粥底綿綿的，又有香濃雞香味，加埋調味更惹味。

Happy Friday，梗係要食啲好西獎勵下自己啦～今次就決定近近地，簡左南豐大廈嘅順。和の味食午餐雞烏冬定食 （$118）一黎到，未除口罩已經聞到好香麻香味每塊雞肉嘅size偏細，每啖一塊就岩岩好。烏冬嘅份量都好足夠，而且質感偏向煙韌。燒鳥丼定食（$158）雞扒燒得好完美！而且好滑，溫泉蛋篤開之前係鮮橙色嘅，好治癒嘅感覺定食入面都配左不同小食；有麻醬沙律，帶辣味嘅帶子裙邊，燉蛋同埋偏甜嘅朱古力布朗尼做甜品總括而言，味道係唔錯，但午市黎食就要預早小小，12點8後就有機會再開始等位了

上環南豐中心有呢間裝修高級嘅日式火鍋餐廳，呢個地區平時收工時間後都唔算多人，想靜靜地傾下計最好不過。我地今日兩個人一早預訂疏化位，一黎到枱面已經擺好留位牌，好貼心！我地今日就揀左呢度嘅招牌菜「水炊雞鍋會席」（$650），呢個係二人份量。有侍應幫手煮個雞煲，仲會解釋每道菜嘅背景。首先上台就比左啲調味料我地，法國海鹽、酸汁、蘿蔔蓉，比我地點雞食。前菜有螢光魷魚、芥末八爪魚、日本海蜇，我鍾意酸酸味味嘅海蜇，八爪魚嘅微辣亦幾好。跟住有大蝦沙律，啲蝦都幾大隻！一品料理係一個鰻魚蒸蛋，鰻魚係高質嘅，肉質軟糯，調味又甜甜地。蒸蛋就較為軟身，唔夠凝固。雞湯本身係每朝廚師用雞全身煲出呢個濃湯底，供應全日大家點嘅雞湯底。今次我地嘅雞肉真係十級嫩滑！全部係髀位，加上雞湯底嘅油份，令整體好正！食完肉梗係要食埋菜，份量都幾多。雜炊有用煲完雞煮嘅湯飯，啲飯好軟身好似粥咁。最後甜品係闕餅，原來都幾多粒，我地本來都已經超飽，不過見甜品又忍唔住食曬！

先以野菜沙律清清味蕾。七味魚翅 燒得乾身有嚼勁，吃起來甜甜鹹鹹的，沾點沙律醬更惹味！ 黎居酒屋食串燒就唔少得，內臟類以外選擇都好多。是次點了6款串燒厚揚係厚身既豆腐，配上特調醬汁，燒到豆腐皮夠乾身脆口，中間綿綿的，好香口！牛肩胛，肉質軟嫩 juicy 黑豚肉口感彈牙帶嚼勁，脂肪香滑免治雞肉捧係我食串燒必點之一將日本蛋黃醬汁拌勻，每一口都沾上蛋汁，令雞肉丸更香滑雞軟骨係雞膝既軟骨，帶鹽香，咬落嚼勁。軟骨與肉之間既脂肪位口感脆爽。 除左肉類都要點蔬菜平衡一下，秋葵總是比人健康既感覺，配上醬汁更惹味。關東煮盛合有牛蒡卷、玉子、竹輪、厚揚，吸滿木魚高湯，味道不油不膩味道鮮味。最中意係飛竜頭，以豆腐、野菜攪勻再炸製成，口感似蜂巢豆腐，好吸湯！無飯不歡既我地，點了個地雞土鍋。土鍋可保持適中既溫度令米粒更甘甜。店員打開鍋蓋時米香撲鼻，更把內裡既水菜、雞肉跟飯拌好～ 用上木魚昆布湯，飯米香甜不濕黏，跟焦香既華味鳥雞肉配合得好好，水菜口感亦清脆。亦可以茶漬食法，加入茶同吃可減減油膩感～ 建議想試既要提早落單，因為準備需時喔！最後點了蕨餅作甜品沾滿黃豆粉，煙煙韌韌既蕨餅作結，好滿足！