頤庭冰室

营业中

休息中

去上環海味舖入貨，途經食肆唔多選擇，但求就腳就喺地鐵站口見到呢間叫Cafe嘅茶記，本來諗住求其叫份多士填肚最穩陣，但啱啱隔籬枱上咗碟肉絲炒麵，賣相幾唔錯，兼有鑊氣，我立即改變主意，點咗碟乾炒牛河，一上枱香味撲面，雖然係下午茶，但份量唔少，唔係橡筋牛肉，最難得嘅就係整碟牛河唔油膩，冇一滴多餘嘅油，如果改用滑啲嘅河粉就更理想，至於奶茶就OK啦！$43有咁嘅質素已經好難得👍。睇佢哋嘅午餐定價平均都係50幾蚊，平嘢都唔一定冇好嘢

偶爾經過西環呢間冰室，望到門口個餐牌好似幾吸引，就入咗去試下。叫咗是日午餐「芥末三文魚忌廉焗海鮮飯」，配汪阿姐，送例湯。芥末同三文魚真係絕配！一啖飯放入口，一股清新而又有少少刺鼻嘅芥末味就湧上嚟，再加上少少忌廉輕輕中和咗，非常醒腦提神又開胃，好啱冇乜胃口嘅夏天食。而配料方面，除咗有好多三文魚粒外，仲有勁多款海鮮，包括蜆肉、魷魚粒、八爪魚仔、蝦仁、蟹柳，同手掌心咁大塊嘅鱈魚柳，真係未試過海鮮飯會有咁多款嘅海鮮！雖然啲海鮮預咗係急凍，但係鮮味嘅鮮味、彈牙嘅彈牙、爽口嘅爽口、軟滑嘅軟滑，絕對係急凍海鮮中嘅上品。是日例湯係合掌瓜甘筍煲豬骨，啲瓜煲到好腍 ，飲落好濃甜，唔覺有味精或雞粉，都幾好飲。汪阿姐不過不失，不贅。

平日星期四下午4點多在西營盤經過，見店內頗多食客，上網查下，見評論不錯，有位直入。店舖面積不大，座位有限。環境一般，衛生乾淨。服務員主動迅速，我叫了焗飯一段時間，我抬頭望望，我都無問，服務員卻即刻前來說明焗飯要等多一啲時間。食物選擇多，份量足，價格相宜。枱面註明繁忙時段用餐時間係45分鐘的。香草雞扒焗飯 - 喜歡焗飯其中一個原因就係一定夠熱，雖然係茶餐但碟頭都幾大，番茄芝士味濃郁，雞扒肉嫩，米飯也好食。所用食材有質素。奶茶 - 好香滑，茶味濃，但奶偏多。

已經唔係第一次喺等候早餐的時候响查詢什麼時候到的時候員工態度極為惡劣比面色都算仲要畀說話餐廳食物質素其實還好行員工服務質素實在太差我真係唔明白點解餐廳會請埋呢啲咁嘅人不知所謂以後都唔會再幫襯呢間餐廳

今日lunch 經過呢間冰室，望落企企理理，就入去試下我無叫午餐，散叫左菠蘿生炒骨飯同常餐！常餐～意粉，奄列普通，牛角包唔好食下次如有機會轉多士咖啡唔錯菠蘿生炒骨飯～飯同汁ok, 生炒骨唔好食，無肉得d 骨, 菠蘿生鮮好食整體好普通。也不算抵食！！

嗰日出開西環去孫中山公園玩，出咗地鐵站就見到呢間餐廳，茶餐廳格局，睇餐牌都係食啲茶餐廳嘢，不過勝在就腳，唔想再搵就坐低咗簡簡單單食咗個雞翼沙律凍檸茶，有茶餐廳水平，其實食個下午茶都唔使要求咁高

今天經過西環，覺得有點餓，就找間餐廳吃下午茶，心想在酒店內開舖，整體該不錯吧，就入去坐下。餐廳挺多食客，為安全起見，找個較少人的座位坐下。侍應態度普通，沒有特別。點了雞扒+火腿湯通粉，配熱檸水。食物約等了20分鐘，雞扒味道正常，但湯底勁鹹，我懷疑廚師煮食時沒有試味，煮食誠意欠缺。熱檸水杯邊不潔，請看圖片。近期疫情仍有變，但餐廳衛生已鬆懈，令人卻步。現時人們消費意識減退，餐廳若不思進取，可能很快會關門大吉!

間店就係地鐵站隔離，而且係酒店開的冰室，就過來食個中午飯啦。裡面環境真係唔錯，好乾淨整潔，裝修比一般的冰室好睇，點左個蜜桃汁雞扒焗飯，雞扒煎得岩岩好，加上蜜桃汁，唔會太甜，味道係適中的，焗飯份量係夠的，飲料係隨主食的，所以就一般般吧。

今朝，去了幫襯公司附近酒店地下個層間茶餐廳。心諗酒店會比較清靜同人小，但剛好相反。好彩，這裏樓底高，所以就算多人傾計都唔算嘈吵。   我叫咗個香煎香草雞扒併太陽蛋茄汁豆加牛角包同凍檸茶。 雞扒上面有個汁，都幾特別，似朱古力汁甜甜地。同個雞扒混埋一齊食，都接受。而塊雞扒都算大塊，混合左煎同炸既煮法，幾有口之餒鎖到雞汁令人覺得塊雞扒新鮮。 至於牛角包就唔夠鬆軟，似放左隔夜。而杯凍檸茶， 好過好多地方。 有茶味同5塊檸檬，可惜唔夠冰。呢個向酒店裏面歎既西式早餐，收費唔洗40元，我個人認為算係非常之便宜，快去試。

Went here randomly because of the funny name.The menu will amuse you for a while if you study it properly.Stuff like Alfred Steak, coka cola, spicy pork chop with coke sauce in Thai style are fascinating.Under the baked rice section,  I was delighted to see Bechamel Sauce used which makes me wonder if it was a wonderfully weird translation or they do use yummy bechamel cheese.Condensed Milk Toast:Singapore Fried Noodles in Malaysian Style {EXACTLY HOW IT IS on the MENU}I was impressed

今日喺公司諗住叫下午茶外賣食，落左單，都好快送到上公司。點知送外賣個阿姐態度何其差劣，比張五百蚊紙淨係望住我講「無」「無」「無」，無乜野？原來佢係想講「無得找」，仲叫我下次如果係五百蚊紙就要落單嗰陣講聲。好，咁我比散紙。比完錢我拎啲外賣入去，諗住開餐，一開黎睇係不禁「嘩」左一聲，點解？隻雞翼係全翼黎，仲好細隻添，同包紙巾一樣大小...仲有就係啲薯條，少得可憐...比$38得到一個咁有份量既下午茶我真係想講句「真係恭喜哂！」食落口隻雞翼係鞋烚烚...點解會有比錢買難受既感覺？另外有個同事叫左個雞扒沙律，塊雞扒又係同包紙巾一樣大細，食落又柴皮...酒店級便宜下午茶？酒店級價錢既便宜質素下午茶咋掛？

呢間茶記係正西營盤地鐵站出口隔離我同女朋友都想知呢間由酒店開既茶記會有咩咁特別我地首先叫左個香草煎雞扒沙律幾欣賞佢個沙律餡幾多又大粒有咬口雞扒就稍微煎得太乾應該係煎耐左跟住我地再叫個馬來咖喱雜菜焗飯咖哩本身都幾重口味配返堆雜菜其實係會解左d膩既感覺呢個焗飯份量都幾大亦唔太辣有菜心啊西蘭花啊薯仔青椒等等最重要既都係嗰層厚厚既芝士 係拉絲芝士啊整體黎講呢間餐廳比我印象都唔錯尤其係個雜菜焗飯幾有特色酒店開既茶記其實都係茶記大家平常心看待就得

今早和女兒在時間緊迫之下走了入這間冰室食早餐, 由於沒太多時間細想, 馬上點了通粉餐和豬排餐, 在我點餐時某女侍應巳經要我重覆說了2-3次所點的餐她才聽得明白, 過了數分鐘後我發現點菜單紙上顯示的是檸茶, 而我叫的是奶茶, 女侍應說巳下單不能改, 我說我不喝檸茶, 請她換回奶茶給我, 她便說是你說要檸茶的, 堅持不換給我, 那和不吃牛肉的人強迫你一定要吃牛肉有什麼分別??? 和這個講廣東話都不純正的女侍應, 我不想在大庭廣眾之下和此人再理論, 這間服務如此惡劣的食店此後都不會再來, 各位食客,下次 點餐時記緊要錄音!

今天外出工作。中午時份，在西營盤附近尋找食店吃午飯。由於早幾天在附近工作，都已經品嚐鄰近幾間餐廳。今次我選擇了「頤庭冰室」。這間冰室在地鐵車站旁，原來它是屬於酒店的冰室。如果不是仔細看都不知道有間酒店冰室。冰室的內部環境美觀和光線充足。侍應的待客服務友善及送餐上枱的時間大約五分鐘左右。我點了馬來咖哩魚柳飯，例湯及熱奶茶。馬來咖哩魚柳飯有煎魚柳，薯仔，椰菜及白飯。煎魚柳，似乎煎了一段時間待客人點餐後，才將咖喱汁倒在魚柳面。肉質偏腍，而且沒有味道，應該在煎魚柳前沒有落調味料。薯仔，又腍又軟，口感也好。椰菜，不太油，味道也爽甜。椰菜，鮮嫩爽脆，味道清甜。白飯的飯質幼嫩綿密，好易入口。咖哩汁除了有咖哩辣味外，還有辣椒的辛辣味道，味道好濃烈，用來撈飯，好惹味，相當不錯。例湯是赤小豆扁豆葛根豬骨湯，味道濃郁，十分足料。熱奶茶，暖暖地。紅茶和淡奶比例適中。奶味偏重。總括而言，馬來咖哩魚柳飯，咖哩汁辛辣惹味，味道不俗。可惜，魚柳不夠脆口，內裡味道幾乎沒有。例湯及奶茶質素不錯，幾好飲。

這間位於香港島西營盤茶餐廳「頣庭冰室」，其實是附屬於同名酒店「頣庭酒店」名下的茶餐廳。通常在我知道有存在的酒店裡面，通常有以下幾款食店，一是以食自助餐，或者甜品下午茶為主的西餐廳。另外三種酒店食店，第一種酒店食店是高級日本料理餐廳，第二種酒店食店是中菜廳，至於第三種的酒店食店，則是在酒店大堂裡面的開放式咖啡室。這三種酒店類食店都會有個共通點，就是食店售賣的價錢會較坊間食店昂貴。但是「頣庭酒店」裡面的茶餐廳「頣庭冰室」，「頣庭冰室」不屬於以上三種酒店類食店。「頣庭冰室」食品飲品既定的售價，偏偏就跟傳統的酒店食店剛剛好相反，食品價錢只是一般坊間港式茶餐廳食品的平民價價錢。講句發自真心的由衷說話，如果我不是有位朋友，誠意把「頣庭冰室」介紹給我的話，我可能直到這一刻為止，也不會知道原來自己可以，以一個平民價的價錢，享用一間酒店名下的茶餐廳推出下午茶茶餐。「頣庭冰室」內部的裝修擺設，真的像一般的港式茶餐廳，多於酒店附屬的自助餐餐廳，因為餐廳樓面內掛了一大部闊螢幕等離子大電視，大電視的面積不像是一般播放電視新聞臺節目的等閒節目。「頣庭冰室」的店員侍應在我享用下午茶期間，一直都未有打開電視機，直到我