74
17
3
港铁天后站 B 出口, 步行约9分钟
继续阅读
电话号码
25766577
营业时间
今日营业
07:00 - 15:00
星期一
全日休息
星期二至日
07:00 - 15:00
以上资料只供参考,请与餐厅确认详情
相关文章
每個禮拜都要去報到嘅極品B級美食,怒轟蛋同豬扒😍!・・・・・・・・・・・・・・・・・・・・🍳 滑蛋魚柳飯 HK$60・味道:超重蛋味!極嫩滑!魚柳好滑,加埋甜豉油撈飯,正!蛋同魚柳都係已調味,就咁食都好滿足!・口感:魚柳外脆內嫩,yum!🐷 秘制豬扒飯 HK$60・味道:豬扒外皮煎到焦脆,仲有蜜糖香包住,甜甜鹹鹹的好正欸~個蛋流心啲更好!・口感:軟熟的豬兒最好吃了,嘻♥(´∀` )🐷 秘制豬扒撈米 HK$63・味道:豬扒keep住外脆內軟,甜甜鹹鹹咁好食。蛋都係超水準發揮,重蛋味夠嫩滑。今次個重點:撈米配麻油,美味Σ>―(〃°ω°〃)♡→!・口感:冇嘢講XD 就是正!🐮 招牌五香牛腩飯 HK$63・味道:五香肉丁汁好邪惡但好香口,配埋小小辣油咁好惹味!牛腩同牛筋都好入味,不過8成牛筋,好少牛腩,而且牛腩偏碎,呢個位有啲扣分TT・口感:牛腩同牛筋都好淋好入味嘅,個五香辣汁撈飯一流,幾輕身而且食完唔會好渴嘅~🍹 橙茶 走甜 +HK$3・味道:真係有幾嚿橙,個人覺得少少甜係最perfect,橙同茶比例最好嘅味道,jeng!・口感:飲到橙粒嘅呢~・・・・・・・・・・・・・・・・・・・・🤰性價比:高~🤰9衝度:9衝~🤰結論:同事推坑的好西,舌頭高潮的美味👅!・・・・・・・・・・・・・・・・・・・・
继续阅读
滑蛋豬扒飯 $59炒蛋係半熟嘅,有少少蛋汁,但冇乜蛋香味,配上蔥花、豉油同切好嘅豬扒,豬扒可能係被蛋汁整濕咗,外皮唔酥脆,少少失望。〰️〰️〰️〰️〰本身諗住去食滑蛋菠蘿油,等位等咗15分鐘,坐低落單先講冇菠蘿油,冇麵包類,其實係咪可以係客人排隊之前講有咩係售罄先?等客人唔洗白等呀嘛😢 咁無計啦,叫滑蛋叉燒飯又冇叉燒,叫車仔麵又冇魷魚⋯⋯我哋大概13:00左右到餐廳,可能太晏啦,如果想多啲嘢食就早啲到餐廳。食物質素普通,餐具衛生差,服務更加不值一提,如果山長水遠入嚟食就唔值啦,路過想體驗下茶檔風味,都可以試一次嘅,始終我覺得傳統特色係需要被保留~ 〰️〰️〰️〰️〰️食物: 3/5性價比: 3/5 環境: 2/5服務: 2.5/5Revisit: No
继续阅读
滑蛋豬扒飯據聞大坑順興茶檔有啲名氣,招牌滑蛋叉燒飯,之前過黎食,無食到,因為無開檔😂今日點左個滑蛋豬扒飯。我覺得好好味wor🥰啲蛋夠滑,豬扒份量又足,味道又唔差,黎開呢頭可以一試。
继续阅读
落大坑一係食炳記 一係食滑蛋叉燒飯($62;凍飲加$3 )一定要早啲去,晏少少去一定買晒蛋香又滑 叉燒份量恰當加埋秘製豉油冇得輸女仔一定要嗌少飯!雖然奶茶出名,但本人唔飲奶茶,凍咖啡或者凍檸茶都好飲!除咗滑蛋叉燒飯,都有車仔麵或者淨餸,但相比之下,都係滑蛋叉燒飯最出色!
继续阅读
大坑呢個美食小天堂集合左唔同國家嘅美食,有充滿歷史歲月行跡嘅車仔麵、茶檔同茶餐廳,亦有打卡、歐陸風味嘅咖啡店,好多香港人放假都會過黎Chill一Chill,搵美食!講到大坑必食,問十個,有九個都會講順興滑蛋叉燒飯,有別其他店舖,佢地保留舊香港傳統茶檔鐵皮屋設計,冇冷氣,坐立於唔起眼嘅街邊後巷,但你總會見到座無虛位同排隊嘅景象。香港呢啲鐵皮屋茶檔真係為數不多,好多都俾時代慢慢淘汰。🍚滑蛋豬扒飯 $57★★★★☆份量絕對毫不吝嗇,大大碟,冇好華麗嘅擺盤,但正係見到個金黃色炒蛋個賣相已經吸引死人。炒蛋半熟狀態咁,仲帶有少少蛋汁,加埋蔥花同一塊塊深啡色豬排,冇得輸!個蛋炒得岩岩好,入口嫩滑,仲好有蛋香味,絕對真材實料!豬扒同顏色一樣好入味,一啖飯有哂滑蛋、豬扒、加埋佢地個甜醬油,正!樣樣食材都唔係D咩花巧貴價野,但咁簡單嘅食材反而更加好味,更有港式味道,十分地道!🍚秘製豬扒飯 $56★★★★☆份量依然好足,豬扒大大塊已切好,豬扒望落已經同滑蛋豬扒飯嘅唔同,顏色深好多。食落都係超級入味,個皮焦焦地,皮唔係酥脆個款豬扒,但好惹味,配飯一流。豬扒唔加個甜醬油都好夠味,另外有隻煎蛋跟埋。如果唔太食蛋嘅朋友可以點呢個,都唔會失望!🍚蕃茄汁雞扒飯 $52★★★☆☆茄汁係傳統大排檔個隻茄汁,質地較杰身,似係茄膏煮出黎嘅,酸酸甜甜,兒時回憶嘅味道。雞扒幾香,有煎香過,幾嫩滑,配埋個茄汁食好開胃,不過對比滑蛋飯同秘製豬扒飯就冇咩特別,唔洗專登黎到點呢個。🍚奶茶★★★☆☆行入店舖坐低已經聞到陣陣茶香,飲落奶茶的確是好飲,但佢比我想像中嘅冇咁濃茶香,入口冇好絲滑,未去到驚為天人嘅地步!但已經比起好多茶餐廳嘅好飲,叫野食加3蚊就可以飲到係幾抵,可以一試。🌟總括:原始地道風味,黎大坑必試嘅一間店舖,個滑蛋恰到好處,滑得黎又有蛋香;另外豬扒都好食入味,諗起都想再去食多次。但今次美中不足食唔到最馳名滑蛋叉燒飯,週末中午1點去已經賣哂!
继续阅读