頌富美食 (T Market頌富市場)

营业中

休息中

經過見到有小丸子想食，諗住順住前面兩個人排隊買啦，點知第一個客買完又兜返係第二個人後面，企係到等左陣個姐姐先幫我落單，明明前兩個客係俾左錢先等野食，但佢又唔收我錢住喎？整完就咁放係枱面，又冇單，我又唔知係咪我既，問佢先點頭。第一次叫野食叫到R曬頭。而食物都冇令我失望，係我食過最難食既小丸子同珍珠奶茶。明明睇住佢係咁碌啲小丸子，拿到後即刻食都可以冧到隔夜咁，珍珠奶茶完全冇味，一飲就知溝好多水。都推薦大家可以去見識下咩叫劣食

魚肉燒賣是香港🇭🇰特色的街頭小吃🫰，不少人由細食燒賣食到大🤤！的燒賣真係高質👍🏻！最平$10/8粒食到，配豉油和辣油更出色。📝✔️魚肉足料，大大粒🙌🏻✔️呈半透明色，燒賣外皮有光澤✨✔️魚肉味濃🈵✔️口感煙韌😬✔️豉油味道足夠😀✔️蘸辣椒油，食落更惹味🌶️✔️豉油和辣油配合🤝充滿層次感除了主打街頭小食，還包括魚蛋、腸粉！在街市隔離，街坊得閒買餸，仲可以順便嚟幫襯吓🛍️

收我三份燒賣錢俾兩份燒賣我 返到屋企數一數先至發覺少咗一份都唔知係咪特登錢就識得收果個呀叔平日都西口西面之前都見過佢同D客嘈竹籤都係比—支你 我兩個人同份量都唔會俾一支籤咁孤寒啦

新請嘅大陸口音姐姐態度勁差，勁串咀！我哋企左好耐係度排隊， 大陸姐姐話唔係呢度排隊，點左我地去另一邊排隊， 差2個排到我哋買Q餅， 大陸口音姐姐問我地係咪要Q餅？我哋話「係」之後，自己話我哋無排隊！態度勁差！ 無下次！

幾個員工的態度極差，叫人排隊，我排了隊，但不是問我要什麼，反而問我後面的人，我話我排先，佢先問我要什麼，之後還要跟我後面的人說不好意思，明明應該跟我說不好意思，但反而是跟別人說，我理論，還說是我問題，還叫我不要再幫襯，究竟這是什麼態度？現在的人真是不知什麼才是好的服務，不知所謂！

開係頌富商場既街市入面,雖然係街市,但其實地方清潔,仲好光猛,一D都唔覺得污糟,店舖主要賣既係港式街邊小食,好似牛什,雞蛋仔,格仔餅,魚蛋同燒賣等等,而且仲有日式章魚燒,肚餓又趕時間既話去幫襯就岩哂

「換咗俾你啦，係唔係唔滿意呀，你仲想點」看一下之前的食評，果然我地唔係第一個受氣的顧客。叫一盒小丸子，年輕女店員給一盒全燒焦的。麻煩店員給另外未燒焦的，當然沒有反應。意料之外的是，店員仲要發脾氣，大聲呼喝顧客「換咗俾你啦，係唔係唔滿意呀，你仲想點」。我以為我係店員，佢自己係客人。後面等緊既客人大家都聽到。小丸子沒有下次，同時，處事態度影衰晒成個頌富廣場嘅形象👎👎👎另外有叫燒餅，只有一個脆字，沒有什麼味道。

入天水圍做野順便買野食既時候路過見到有小丸子就買左黎食！一埋到就已經叫一份小丸子但過左好耐都無人應！等左五分鐘有人叫小丸子就即刻比！然後我再叫多次一份小丸子過左五分鐘個店員先叫我係台面拎一盒！正常外面小丸子店會問你要唔要沙律醬但呢間無我牛奶敏感唔食得沙律醬！點知番到屋企見到裡面有沙律醬！即刻掉左唔食 以後都唔會再去！

一直想試T town內的小食，在花多眼亂嘅食店入面，我就揀左頌富美食做下午茶。燒賣魚蛋一蚊一粒！(10粒計)有Q餅賣，好啱附近嘅學生，呢度附近都好多學校。我今次就揀左細碗牛雜同魚蛋燒賣做我下午茶。細碗牛雜 $18唔好睇佢話細碗就以為好少，店員姐姐努力堆疊牛雜上去，最後棟到座山咁，抵到爛。原來仲有舊白蘿蔔，無根，索晒啲汁，好好味。好好味，易咬，牛雜各個部位都乾淨，個汁好香，唔會有內臟臭味。魚蛋燒賣 $10 (可以單點或雙拼)魚蛋我揀左唔辣，但都有好香濃嘅咖喱味。燒賣都唔錯，唔會太粉。記得加佢秘製沙嗲醬，好惹味！成個下午茶加埋只係$28，飽到我晚餐都食唔落。下次會叫Q餅同小丸子試下，見到好多學生買，好心動

細細個已經成日幫襯阿叔買牛雜 重遊舊地 食物水準依然好好 重點係無加過價 本人係無辣不歡 大辣魚蛋辣味勁足 再配埋佢地隻秘制醬同辣椒醬 會更加野味 隻醬啊叔話係佢地自己炒架 一定要試下以前佢個小丸子有做雞軟骨 可惜無賣嚕 得返傳統既章魚味 不過都一樣好好味 咬落層皮脆脆地 入面粒粒都有章魚🐙另外牛雜我都好中意 好入味又抵食大大碗 整體上都同以前一樣重係好好 食物上無點變 但係麻煩在要排隊 不過速度都可以 同埋人流多堂食好多人阻住唔係咁方便

天水圍街市界有大新聞！就是T Town 的新街市開幕了。..喺social media 見到介紹熟食區的美食，個video 同篇報導就描述到好attractive 呀，但好多都偏貴。..例如一杯台灣式的奶茶要成$40-$50蚊，貴過出面好多喎，好懷疑天水圍的消費力是不是如此驚人。街市做街坊生意，多是做熟客（周圍的居民）生意，而貴得一次，會否捨得長期光顧？而呢間「頌富美食」，我覺得是十分貼地的- 價錢方面同食物類別方面。例如，燒賣/魚蛋$10 有10粒，好滾動呀！印尼撈麵$10，價錢是難得正常的！..我不是說其他熟食店唔好，但價錢偏貴最多試食一次，唔會長期光顧。好似另有一檔是自家製燒賣，但$15 蚊得幾粒... 其實是自家製的、還是來貨的，我都是簡單想食串燒賣啫......所以呢間店成日都排好長隊。PS. 我呢篇食評是用business 角度睇餐廳