風月堂 (已結業)

吃了個豐富的"午餐", 在奧海城閒逛, 看看有否其他新發現, 下午5時許來到這間風月堂, 雖然經常路經此店, 但始終未曾光顧過。今天很想喝個咖啡, 在這裡竭一竭, 消閒一番。 在接待處看了餐牌良久, 想看看到底有什麼選擇; 我被那精緻的英式骨瓷茶具吸引, 友人則被甜品目錄吸引, 於是決定入內。不知是否已過了下午茶繁忙時段, 仕應紛紛落場, 竟然沒人理會我們, 我們走到最開揚的座位坐下, 是靠水吧一角, 過了約5分鐘, 還沒有人理會, 要走到接待處自己取餐牌回來, 才有人發現我們的存在, 還問我們幾位?? 風月堂是走中高檔路線的日式咖啡廳路線, 所以裝修, 陳列, 茶具通通都非常精緻, 有點像當年去北海道小樽曾光顧的一間咖啡廳, 地方寬敞舒適, 空間感十足, 純白色的裝修, 讓人有高雅的感覺。我把餐牌翻了又翻, 在想是喝咖啡還是試試其他新意? 最後決定要全新選擇: 蜜糖藍莓茶($38), 友人則選了芝麻班戟芭菲杯($48)。落單時, 剛好有個仕應經過, 她只要我們填紙便趕落場走了 原來落單是填點心紙, 然後仕應入機後, 會有張落單紙一併夾在單夾上, 結賬是拿單夾出去, 可能我

一個人黎食個 tea, 叫左e 件野試下, 好似好開胃咁, 首先黎左杯凍啡, 味道都唔錯, 之後就有e 個類似 pancake既物體出現, 賣相都ok但一食之下, 發覺食物都比較凍, 好似放向雪櫃剛攞出黎咁, 可能係我 expect 佢應該係暖暖地, 而d 藍莓醬就比較酸左d, 而pancake 裡件蛋糕就唔好食, 冇味又好似放左好耐咁.......向度食下環境都算可以, 比較清靜

幾個月的努力，就在今天的六個小時內全力發揮，兩個月後才有結果，但做了的一切已經問心無愧既然咁辛苦，就要好好對待自己。安排了與「野田妹見面」，仲有就係好好的一餐。回想過去，每個午飯，每個週末，都像是虐待我呢個食家咁………時間無多，雖然多選擇，二話不說就要set前菜的拼盤有件米卷，包著爽脆的青瓜，還有芒果及火腿。另一件是炸了的紫菜包著些蔬菜之類的。最後是芝士西蘭花配有白湯餐湯，就不是特別的主菜，是煎鱈魚配意粉。白汁的意粉好像黏口了點，吃不出意粉的味道但就只是白汁魚是可口，肉質軟滑，不會煎得過火或太乾身甜品就是這裡大路的雪糕窩夫，好幾款雪糕味道可以揀，但窩夫始終厚實過頭與cwb 分店一樣，白色的格局很舒服。力量回復了點，心情有點放鬆，就要去找野田妹了

行經此店多次, 未嘗一試, 剛巧今天老媽去了旅行, 女友又不在身邊, 小弟單身一人從家裏尊程步行過去品嚐。從網上得知此店甜品不錯, 正餐靚靚仔仔, 舖頭又乾乾淨淨; 故而有點期望, 誰知整頓飯的感覺卻有如恒生恉數般上上落落, 有點幻得幻失的, 似乎是意料之外。全程如下:進場一刻:感覺不錯, 給人齊潔舒服的洋食日本餐廳感覺, 一入去有人講日語歡迎你。點菜時刻:坐下, 侍應給你一杯清水, 看過是日餐牌後, 有點豫疑不決, 因為餐牌上有一款大蝦蜆肉天使麵不知要還是不要的好。大約多年前, 鄙人第一次在海港城的某間西班牙餐廳吃過了十分難吃的天使麵之後, 從此對天使麵十分討厭, 因為質感有如嬰兒糊仔, 令人食不下嚥。但今次小弟決定多給天使麵一次平反機會, 全因為蔡瀾的一句老話: 因為第一次嚐新卻遇上了廚藝差勁的餐廳, 令人以為這道菜難吃極了, 從此敬而遠之, 卻不知道是自已一時霉運, 但因此而放棄了一項美食, 真是蝕足了大本。正餐決定了, 那餐湯呢? 問了侍應除羅宋湯外, 那個是日餐湯是何東西時, 小妹妹竟然O咀不能回答。小弟心想, 乜而家D八十後真係咁利害, 返工就真係只帶個人, 自家賣乜都未知

男朋友生日當然要來靚靚的環境食餐好的揀左個有康乃馨的桌子(不是母親節, 係我鐘意)好正囉~D花... ....環境: 優雅^^~不過又唔知點解有棵假樹系度~難道是大樹好遮陰? 隔離位一大班人同一個仲未識講野的BB仔慶祝生日 = ="仲係度唱晒生日歌 甘我就借花敬佛~唱完就拍掌~祝男朋友生日快樂~哈哈服務: 入邊男的,女的都OK~不過企門口個位就真係麻麻地 = ="食物: 佢另外有個甜品menu, 超正...見到全部都想試 不過最後都無叫到~個ucc coffee正到無得頂~好滑好香^^ 仲有個焗薯茸帶子蝦都正正正~沙律也不錯, 我嫌它不夠多醬衛生: 係我食野其間無爬行動物出動~安全!

好耐冇去呢間風月堂食飯。選擇呢度通常都係因為睇完早場就腳食午餐，雖然奧海城有好多食店，但係要搵間坐得舒服自在的這間應該是首選。(因為通常都唔駛等位又唔會趕客) 食過旺角那間都覺得奧海城呢間比較有水準。估唔到復活節假期都有set lunch，$72有五款選擇。雖然唔可以話好平，但相比散叫要過百蚊一個人已經算抵食。我叫了雞扒配煎三文魚，老公就叫咗日式薄燒牛扒配帶子飯。塊牛扒也不算細塊，帶子煎得幾香。雞扒皮脆肉軟，最怕熟的三文魚嚡口，好彩呢度煎得剛好。一句講晒，好耐冇出去食過咁有水準的set lunch。讚！頭盤有茄子肉醬沙律，味道OK幾特別。羅宋湯也很濃。不過要彈的是份量很少，男生食可能會覺得唔夠飽，女生食埋甜品就啱啱好。甜品是自選雪榚窩夫。風月堂的窩夫一向都好味。雪榚有幾種味道選擇可惜沒有綠茶雪榚，有點失望呢！嘢食算唔錯如果飲品可以改改唔用現在那種紅茶就好。

回想當年含辛茹苦湊大Suki 妹妹，今日佢學有所成，升職兼加薪，我都總算老懷安慰！作為謝師宴，今日假座於大角咀風月堂為o左佢唔駛等咁耐，真係一開完會就跑去，剛好趕上班地鐵咋其實以前o係度做咁耐，都無o黎食過，因為覺得貴。當然，家o下港島區o既消費水平已經令我升o左呢要set先有白湯同麵包，無失場豬扒魚柳配意粉，意粉少少鹹夠適中，豬扒無"那"味已屬正常亦唔鞋/痴牙後尾o既甜品，係自選雪糕加窩夫。選了菠蘿味的，凍o既雪糕加上暖暖o既窩夫幾時都咁好食~~多謝Suki 妹妹呢一餐！

10月5日, 97週月快樂~! 今晚要同呀比去奧海城睇戲, 時間緊迫, 所以就去咗戲院隔離間風月堂食晚飯~ ::: 扒春雞拌帶子set dinner ::: $118set dinner可選餐湯同小麵包/沙律+ 主菜 + 甜品 + 餐飲~ 都真係相當豐富! 餐湯要了羅宋湯, 味濃菜多很不錯!小麵包唔太熱但係好軟熟~ 圓dumdum實在係好可愛!燒春雞原隻上, 伴以雜菜同埋彩椒絲~ 上面仲有1粒帶子! 仲有飯或意粉選擇~ 講咗粒咁珍貴嘅帶子先啦~ 果然係好鮮! 講完! 燒雞雖然原隻上, 但係d皮肉都幾嫩, 十分容易撕開~ 個燒汁味道都唔錯, 撈意粉食走啱晒!甜品係自選雪糕配窩夫, 我地揀咗豆腐味… 係唔夾架!窩夫夠香脆, 豆腐雪糕好香豆味, 2樣分開食都好味, 不過一齊食就中和咗個甜味得番朕豆嘅澀澀味… 餐飲要了熱奶茶, 茶同奶分開盛載, 用呢個英式茶杯真係倍感高雅~ 奶茶都幾香,份量比例可以自己調教, GOOD~::: 和風帶子炒飯 ::: $80都十分大碟~ 和風調味令個飯味道偏甜. 材料有帶子粒, 蘿蔔絲, 紫菜絲同木魚絲等. D帶子呢就明顯無set dinner粒帶子咁鮮, 同埋

16/7/2009 (星期四)晚上去奥海城的商場購物，路過這間餐廳，見未食過而且環境唔錯，有鮮花點綴，裝修幾靚，於是就入去試下，我叫咗 Set Dinner。頭盤係燒南瓜雞胸沙律： 賣相唔錯，幾好，清清地啱晒我口味。焗芝士火腿釀石斑伴帶子： 很有心思，味道幾好。雪糕窩夫： 選了芒果味的雪糕配窩夫，窩夫略嫌太淋唔夠脆，雪糕好美味。加埋咁靚嘅鮮花，咁靚嘅裝修，當然有一個笑臉啦。

我要同餅餅慶祝，所以等到餅餅返屋企又等佢沖埋涼時已經係八點半喇，屋企樓下大閘都閂咗喇奧海城無乜西餐食，所以又係風月堂我地等咗足足15分鐘，飲品又未到，食物又未到終於係第17分鐘，香噴噴又熱辣辣嘅蒜茸包到咗喇每人三件，好快清晒，剛剛好黎第二樣食物焗薯茸帶子蝦，呢個我去親都叫，可以一次過滿足晒我三個願望，好好食呢前面三隻蝦墊底，後面三隻帶子墊底，上面係香噴噴嘅薯蓉，入口柔軟，正凱撒沙律配帶子，呢個唔叫對唔住自己呀日式炒拉麵，餅餅真係好鍾意食炒面，總之係炒都佢都鍾意食，反而湯都就麻麻地喇呢個幾好味，唔會過濃味，雖然一樣係咁多油大蝦天使麵，又係每一次都會叫的士多啤梨特飲，原來只係士多啤梨汁沙冰，無驚喜相關網誌 : http://hk.myblog.yahoo.com/jessicalim1112/article?new=1&mid=6485

因為成日都見到旺角間風月堂好多人, 所以特地來奧海城風月堂, 最麻煩係無得訂位, 不過唔緊要, 最緊要食得好可惜事與願違, 我地一行十多人來到, 初初覺得服務無咩問題, 後來到點餐時, 我地人地點得慢又picky, 個待應就唔耐煩咁拋一句, 幫你落住4個先然後就走, 其時其實無咩客人, 若果係咁不滿就不如唔好做啦, 我地都唔係為難你, 只不過選擇太多姐點了很多菜, 不記得, 大約有煙鴨胸鵝肝忌廉意粉/三文魚什菌墨汁闊麵/芝士三文魚焗年糕/石鍋燒牛肉雜錦飯/煙三文魚薄餅/海鮮炒烏冬/芝士煙肉焗青蠔/凱撒沙律配燒雞/牛油果鰻魚米卷/焗蟹肉西蘭花/海鮮脆卷等等煙鴨胸鵝肝忌廉意粉: 煙鴨胸乾, 鵝肝又少又唔鮮芝士三文魚焗年糕: 好濃既汁, 但無芝士味芝士煙肉焗青蠔: 又係咁, 無芝士味, 又無蠔味海鮮炒烏冬: where are the seafoods?凱撒沙律配燒雞: 最好食呢個, 因為全世界都係呢個recipe其他都係不過不失......後來食物到齊, 眾人都覺得其實質素麻麻, 呢個價錢, 唔應該係呢個質素, 敗興而回

在香港標榜做日式西餐的咖啡店不太多,和另外幾間比較之下會發覺這間的裝修感覺與日本的最相似!來這裡幫襯的最大原因是去旁邊的百老匯睇戲,方便睇戲食飯泊車一條龍唔駛四圍行.野莓菠蘿滑冰----飲得出係有以上兩種生菓,因為有莓核及菠蘿的纖維在內,但糖水落得太多變成好似街邊賣果D台式糖精飲品咁!雞肉什菜拉麵沙律----這個味道不錯!似一個已拌勻的日式冷麵,醬汁的味道酸甜適中,麵條有彈性,加入青瓜絲食落感覺不單調.海鮮湯意粉----蕃茄湯底只有顏色話比你知係番茄,如果瞌埋眼未必試得出!湯底淡(自己加入大量Tabasco後會好D!)青口、蝦、墨魚等配料雪藏味十足,幾件腥味十足炸到硬晒浸極都唔淋的魚柳,可能是對浮在碗面的那層油出了一分力!栗子香蕉班戟卷----實物和餐牌的圖片分別不大,味道真係….班戟皮硬又靱,粟子蓉淡而無味,質感粗嚡,香蕉完全將粟子的味道蓋過.中間的杧菓雪糕球溶得仲快過軟雪糕!原來隻碟係熱嘅!

去開睇3D電影前, 係戲院門口見到間餐廳咁細, 有D 猶豫... 但係原來柳暗花明又一村入面都好大下, 個裝修都OK舒服喎D食物呢... 細碟就細碟少少, 不過都幾香幾好味...至於甜品就好靚... 味道就一般啦...

昨午和個女到風月堂吃Lunch,看見Mean 有幾款Set Lunch 好似幾底食,我選了個雞扒大蝦餐,先來個雞沙律,味道清新幾片雞肉加少許沙律醬,再來一個麵包真是很鬆軟,咁樣以經吃得半飽,跟注再來主菜大蝦雞扒加意粉,真是很飽很飽,原來重有甜品跟注上,係雪糕加窩夫,真想不到$72.00元咁多野食,最後當然是杯凍奶茶.............

幫朋友慶祝生日他說要有特色的地方就選了這裡薄餅x2燒雞煙肉薄餅先上餅脆與硬之間芝士拉幾cm就斷了餡料不算多辣肉腸煙肉蕃茄薄餅甫上枱就給分屍了相片也沒來得及拍兩個薄餅味道合格友人說某連鎖居食屋較好吃拿破崙雞柳意粉蕃茄味頗濃而且每條意粉也有沾有茄汁不會像廉價西餐廳吃到一半就沒汁可撈芝士焗青蠔青口不會太小價錢也算便宜 好像是$48/6隻還有薯蓉在最底同行朋友一致讚好雖然這裡的也不錯 不過我覺得在大陸coco park吃過的更勝一籌鰻魚五目炒飯用珍珠米炒的飯炒飯一粒粒的不錯只是鰻魚少了點 味道還不錯焗牛油果三文魚雞柳飯在沒有三文魚的情況下只是普通的焗飯但配合三文魚一起放進口則有畫龍點睛的作用三文魚本來就不太濃味和淡芝士一起焗是很好的配搭不會太多芝士味 三文魚味無訂企照燒豬扒炒烏冬豬扒很好吃 有肉汁不會乾爭爭 也很鬆軟容易咀嚼烏冬較扁身且軟綿綿的 有朋友不太喜歡這種烏冬好不好吃就看個人喜好 我就覺得這種烏冬好吃點初時以為份量不多但大家都吃得滿足服務態度也不錯再吃的話會去旺角那間方便和旺角街景vs不方便和室內景 還是前者優勝$451/6匯豐/恆生卡有九折