風月堂 (已結業)

27-06-2009由於友人愛上了風月堂, 故他特地book了奧海城看transformer亦由於我遲收工的關係, 我地都要急急地食完我們叫了一個當日的set dinner和一個鰻魚炒飯嘩!!!食物賣相十分精緻, 見到師傅真有心思堆砌味道更是上上, 十分欣賞由於我們早一點去, 不用等位, 可以坐到一張人多位, 是梳化來的很開心!個環境很relax, 令我有不想走的衝動!那天, 我只是看menu, 都看了很久, 決定不到因為太靚了, 樣樣都想食!所以最後都係由友人決定首先來了一個餐包, 很新鮮, 是熱的搽上牛油, 成個包變成軟軟的, 很香, 只是一個小包都可以咁好味!之後來的是紅餐湯由於我是不吃蕃茄的, 所以唔知好唔好味, 但都應該唔差之後再來的是應該係雞肉粒芒果沙律菜很鮮, 沙律油很香, 而且賣相一流, 隻碟靚到暈!嘩!!!!!! 主打來了, 是牛扖和三文魚柳配意粉一個簡單的菜, 竟然做得如此好味真係勁佢個牛扖比起outback更要好食可能誇張左一點, 但是事實真係咁好食, 個汁、口感同個口感配合得天衣無繨這一刻, outback都比下去了之後來的是另點的鰻魚炒飯, 粒粒珍珠米, 很熱

風月堂這間有名的連鎖日式西餐廳，其實都幫襯過好幾次，給自己的感覺係好舒服。不過因為它的價錢相對起一般的西餐廳或茶餐廳貴，所以都較少幫襯。呢日趁住放假，一於同老婆先來這裡嘆番個悠閒的午餐再過海shopping。坐在這裡舒服的白色座椅上，欣賞著這裡帶著濃厚西洋風的裝修，一人叫左一個set lunch。今次叫的餐湯係蜆肉周打湯，主菜就係忌廉汁煙三文魚海鮮墨魚麵同三文魚及豬扒香草汁意粉，此外，仲有甜品：窩夫跟雪糕添。其實這裡的食物味道雖然都算ok，但係呢度最大嘅賣點不在食物處，而係佢每樣東西，無論牆上的裝飾、餐牌的設計，以至各款精緻的餐具，都給人一種漂亮、美侖美奐的感覺，不期然地令人對佢d食物加了分。就好似呢日咁，其實佢d主菜味道只係普普通通，味道係比較淡的，算不上很好食，但假如把環境分加上去之後，呢度就立即變成一個非常舒服，令人久不久想再去幫襯的地方了。

一個識左19年既朋友從澳洲返港探親, 當然要出來聚聚為方便友人及其半歲大既小朋友, 因此選擇左lee 間餐廳打開menu, 真係有好多野食....好多野都好想食....不過叫得d咩好呢?? 友人憑前幾次經驗話d set dinner 好抵食 才 發現原來有 set....有餐湯or 沙律 + main course + 甜品 + 餐飲, set 價錢係 $118蚊, 都尚算合理, main course 有3個款式比你選擇, 我一望set A, 竟然係有我喜愛既鵝肝及肉眼扒, set B 係雞扒配銀雪魚, set C 係蜆肉三文魚天使麵, 我地一行4人, 咁o岩都有自己喜愛既野食....唔洗花多眼亂麻....餐湯 + 餐包 = 係我喜愛既蘿宋湯, 無咩特別, 餐包, 只要係熱既餐包+牛肉就得嫁啦...main course = 鵝肝配肉眼扒, 個鵝肝唔係我食過最好食果d, 並不是入口溶化但尚可接受, 其實不嬲都唔係好鍾意食肉眼扒因唔喜歡肉眼太"林", 不過出奇地個扒竟然有咬口而且有牛肉味tim wor,只係有d懷疑係唔係肉眼扒lor...甜品 = 雪糕配格仔餅, 竟然有7種雪糕比你選擇

朋友最喜歡奧海城的風月堂。再次來到風月堂，我們點了菜單上的下午茶餐 - 西冷羊菠菜意大利麵和日式豚肉飯 - 和「指定」的熱咖啡。朋友喜歡奧海城的風月堂是因為它的寧靜和方便泊車 (單可以用來免費泊車)；我則戀上它的熱咖啡，加上 cream，香醇幼滑。每次，我都拿著典雅的英式茶杯，用小匙攪拌，啜一口，然後說：「還是這裡的咖啡最好！」是種享受。其實這裡的甜品也很不錯，尤其是夾餅和芭菲，可以配多種不同的雪糕 (喜歡咖啡和芝麻)。但說到至愛，還是熱咖啡。後來發現原來是 UCC 咖啡，怪不得。

今日同阿女友係早上只係食左粥, 腸粉同米粉, 好清淡.所以到晚上就餓到咩咁la...... 所以原本諗住一日ge清淡就變半日清淡加上半日放縱!之前一直都好想去試風月堂. 但因為實在人太多, 而我又唔係好鐘意等, 因為係要work in 先得. 依家咁早就肚餓再加上今次係去奧海城個間唔駛等.今日係瘋狂肚餓情況下點左醬燒雞肉柚子沙律. 但到現時都係ceasar salad係我最愛.不過d雞又真係幾滑幾好食. 唔知係唔係因為好餓!Pizza - 好好食, 初頭覺得好細個, 會唔飽, 點知發覺都ok woo!女友點左個焗什菜飯, haha! 我地2個食得好營呀!以下呢個係一個唯一一個我覺得不太好食ge芝士雞肉菠菜卷. 因為我覺得雞/ 菠菜/ 芝士味道都係淡, 我覺得如果雞肉轉為煙肉/ 牛肉我信相會好d. 當大家都食到想嘔時, 但依然要食埋個出名好食ge甜品, 雖然話好飽, 但依然覺得好好食! 正

和式洋食我認為在香港算是獨特的一門菜，不像正宗的西式菜，不是牛扒，羊扒就是三文魚。吃一頓飯又要分前菜，主菜之類，往往更花上數小時。和式洋食說穿了就是把西方的菜系混入日本風，成為香港女孩子最愛的菜式之一。一來份量不太大，價錢又不昂貴，重要的是裝潢舒舒適之餘不會過高格調，最適合三五知己共聚一晚。除了風月堂，和式洋食之類的餐聽還有UCC和Pokka Cafe，當中我認為風月堂的環境最好， 過價錢也是三者中較高的。我最愛的炸雞藍。其實都是炸雞腿肉，熱度還好，味道卻淡了一點。不過，當中的炸磨菇反而不俗，經過油炸後，還能保持鮮嫰多汁。泡菜蜆肉意粉。其實是個很奇怪的配搭，和風餐廳，有韓式的意大利粉。哈哈，香港就是這樣集百家大成的地方。意粉略嫌太軟，蜆菜沒有沙，但鮮味也不多，泡菜很香，辣味也夠。整體來說，是不錯的選擇，起碼我旁邊那位吃的津津有味。蟹肉西蘭花，很中式的一道菜。除了蟹肉，墊底還有薯蓉。味道不算濃烈，西蘭菜很軟，很嫰。清新的口味，很適合女孩子。花費總共HK$19X，三道菜可能有人說貴，不過如果你能坐上三四個小時，跟朋友高談一晚，又可以免費看那些日本時裝雜誌，我認為價錢還是可以的。 詳細食評和

十二月二十日 (星期六)先後等了銅鑼灣,旺角分店...因太多人,最後都放棄今日終於有機會,來到奧海城看"荒失失奇兵"+風月堂店是純白色的裝潢,走minimal簡約的路線我們吃了:雜菌海鮮意大利粉套餐可選沙津或湯,我們選了沙津,有雜菜和火腿,份量不是太多,沙津汁帶不起味道餐飽是剛叮熱的,非常軟熟,不用搽牛油已經很好吃因為老公仔對磨姑"敏感"(其實是偏食),意粉走了雜菌,海鮮都頗足料,有帶子,青口,蝦,魚肉等,而忌廉汁不是太濃,算是不錯的海鮮蛋包飯是海鮮放在最上層,中間是蛋,下層是炒飯海鮮與意粉的差不多,用料尚算新鮮最大敗北是"蛋包飯",這裡只是蛋還蛋,飯還飯,而且炒飯有一點凍較為失色燒牛舌意料以外的好,雖略嫌有點貴($45),但起碼覺得值,燒得很惹味,很醒胃如果切得厚一點會更有口感芝麻雪糕窩夫好味呀!雪糕芝麻味很濃,還有芝麻在內,令雪糕有口感,窩夫是四分一塊,呈焦啡色,灑上糖霜,但吃落並不太甜太膩;質地較鬆軟而不脆若不計食物質素,這裡的環境是三五知己聚舊的好地方有九折Coupon(年底到期),如果大家有興趣,請留言給我

今晚同媽 2 個去奧海城 II 期食晚飯，見好日都唔一次出街食，就當然係食貴野啦~~最後我又揀左黎風月堂！ ( 今次係奧海城呢間，前 2 日同朋友食就係銅鑼灣果間 )點左個一個海鮮意粉、一個野菜焗飯同一個甜品~~個意粉 d 帶子咸左少少，但整體而言都好食~~個野菜焗飯上面果層芝士幾香，又唔太重芝士味，配合得唔錯，但因為菜唔係我喜好，所以梗係冇個意粉咁好食啦~~之後個甜品係熱紅豆酥盒，味道唔錯，紅略嫌紅豆少左 d，而個紅豆雪糕好快就溶，可能因為個酥皮底熱熱地啦~~

睇戲後,順便過黎食dinner,座得低都21:45喇, 呢間分店比mk o個間靚好多~我地兩個人座卡位, 好大張枱,sofa 幾舒服.因為太夜的關係,費事食咁多野,所以就冇order set dinner, 原來set 只係至到10點就last order.我地要左個公司三文治+紅豆waffle夾餅.公治先到, 好大份都多餡,仲有粗薯條添,餡料有雞肉,芝士,蛋,煙肉,火腿, 青瓜,蕃茄, 生菜,夾到厚厚的,食得有d失儀~哈哈~Side dish仲有椰菜沙律, 係酸酸的. 有幾粒提子乾.我同個fd一人兩件再食埋粗薯都飽飽地~當然個waffle都係我地既main course啦~Waffle好脆,total有3件, 夾o係入面的紅豆蓉感覺係罐頭的, 仲有一pat cream,伴碟要綠茶雪糕.整體ok~但呢度d waitress就唔會主動斟水, 可能臨收工啦~想搵個人都難.但因呢度度座得舒服,又有9折,所以得閒黎下都無妨…

睇戲之前, 見有位入去食dinner環境係 OK, 但D 野食難食到你唔信.我地叫咗食一個 set dinner. 係牛排. 另加一個 pizza.第一, 牛排唔夠熱..... 大家樂果d 仲好過佢.第二, 無味.第三, d 汁難食到呢....pizza 味道普通. 野唔好食, 價錢又唔係平, 已經好唔高興. 再加埋侍應串樣.今時今日咁既服務態度,下次一定無幫襯!

27/6(五) 7:45pm終於KO了那份其樂無窮的business plan,疲弊!先返家易服,再赴奧海城跟組長會合.是晚卻覓一寂靜處作晚膳地點.風月堂的佈局全符合!一室聖潔雪白,裝修雅致,窗明几淨.而L形沙發可讓我等懶骨頭放肆一下!我倆點了照燒三文魚豬扒定食$108跟及帶子沙律,餐飲及甜品)和青芥末牛肉薄餅$62作晚餐.餐包--嘉頓小餐包,溫度微暖,入口軟熟有彈度;塗上anchor牛油,不過不失.帶子沙律--沙律菜之新鮮爽脆及柚子醋汁之清新補足兩粒熟帶子之不濟.照燒三文魚豬扒定食--沙律剛上桌,定食僅跟隨而上!定食質素教人悶納!火腿沙律,梳打豬扒搭上韌度甚高的三文魚;白飯亦然,珍珠米乃次品,軟糯煙韌不全.反之其水果黑提子,火龍果及西瓜蠻清甜的!青芥末牛肉薄餅--其面積屬東洋風格;餅底薄脆可口,麵粉香略欠;牛肉份量及質感不差;跟撒面的木魚及被香軟芝士覆蓋著的洋蔥蘑菇粒同吃,還喫出芥末的嗆香;原來以牛肉作薄餅食材是滿膩滯的一回事!畢竟乃屬高可塑性的出品!豆腐雪糕窩夫--於芸芸口味中選了豆腐味,該屬雀巢出品;薄薄的窩夫呈焦啡色,面頭灑上糖霜,吃落並不甜膩;而質地脆卻不鬆;至於牛油,倒沒佔

在小吉(笑)推介下，我們在前晚(13/5)跑到大角咀奧海城二期這間「風月堂」吃晚飯。先說環境，如大家所說，以簡潔白色為主的裝潢，有一種悠閒的感覺見樓下「丁丁丁」食家的經驗，我們一進去沒有像往常般特別要求坐卡位只是隨著侍應坐在最右邊近門口的位置兩個人點了以下食物：煙三文魚薄餅 ($52)　　　　：一片薄薄的餅上盛著多片磨茹和大大片厚煙三文魚　　　　　　　　　　　　　　味道很濃，愛吃清淡的朋友可能會略嫌鹹了點，不過我和小吉就覺得好好味　　　　　　　　　　　　　　若要說不滿的地方，就是那個「底」太薄太脆了，用刀叉吃很麻煩　　　　　　　　　　　　　　大家還是先洗淨手，直接拿在手大口大口地吃會比較方便和好吃。金茹牛肉卷烏冬 ($52)　　　：普通的金茹牛肉卷跟普通的烏冬　　　　　　　　　　　　　　建議一上桌便趕快吃牛肉卷，因為它會很快涼而且涼了更不好吃芝士煙肉焗青蠔 ($4x)　　　：青蠔不算肥，可是配上煙肉很好味，而且底下有薯蓉，整個不算差焗海老帆立貝莧菜茄子 ($4x)：蝦爽口、貝大粒，而且有我喜歡的莧菜，最重要不會太鹹蜜糖肉桂香蕉夾餅 ($40)　　：一款暖暖的甜品，夾餅太乾，宜伴多一點蜜

陪老媽到這兒辦事後，跟她找個地方歇腳，說想到風月堂飲咖啡，便依她。餐桌間距算寬敞，點了兩個夾餅和兩杯冰咖啡，合共 $165，不便宜，但環境很舒適。先來咖啡，她的是凍炭燒咖啡，我的是凍鮮奶咖啡。賣相和味道都是是水準以上。再來就是夾餅，她的是綠茶冰淇淋紅豆夾餅，我的是鮮果吉士夾餅。前者用料簡單便味道好好，後者賣相超好，那吉時醬料亦是很豐盛，令人滿意。絕對有下次。題外話：對面餐桌有兩名主婦級人馬，大談「師奶炒樓經」，話調囂張，很殺風景！

HSBC最後一日優惠, 點都要食多次, 叫左:薑汁豚肉pizza ($52): 配料真係得豚肉、芝士同磨菇。但d豚肉好稔好香, 味道好好, 只係個pizza底較薄, 差d口感和風併盤($68): 鰻魚夠熱, 好味; 雞串一般; 餃子係來貨, 又煎得唔香; 多春魚太厚炸粉, 唔咩味。都係洋風盛盒好d海鮮焗飯($68): 好細碟wor; d白汁同椰林閣d白湯一樣味; d蝦同scallop都新鮮; 又有d牛油果同菠菜, 都豐富甜品係朱古力蛋糕杯同咖啡杯。但個咖啡杯好闊, d朱古汁太少, 攪到齋食cream好漏; 最慘係d爆谷稔o既失望ah有排都唔再來la

一個人, 在oc睇完戲, 無所事事, 就入黎食個tea, 但好似hsbc card有buy one get one free的優惠, 而自己一個人都食唔到咁多野, 就拉住在附近的朋友過黎一齊食menu上有好多waffle, 唔知食邊隻好, 但見過其他or食評話熱紅豆酥盒好似不錯, 就點黎試下朋友同我點既一樣, 上木台既時候present得好靚, 有scope雪糕係上面, 好多紅豆, 望落都覺甜! 食落覺得紅豆好甜好甜, 甜得有d過份, 冇咩層次感, 但個scope雪糕就好好喇, 我覺得一凍一熱好正! 全白既環境, 幾grand, 好簡單乾淨既感覺, 我覺得相當唔錯, waitress既反應都ok, 問佢menu上既野都答到我, 但食物既quality就有待改善, presentable係唔足夠, 但都要以味道取勝* 笑面比presentation