飛鷹餐廳

营业中

休息中

幫襯了超過二十多年近三十年的老店，食物水準近两年下降了不少，明白百物騰貴，加價是必然的，但希望能保持質素。我和家人每一至二個月便幫襯一次，今天就幫襯了一次外卖，食得出食物处理的手法不同，以為是換了厨房而導致，但楼面說沒有，例如要求牛排要五成熟，但上碟只有二成，豬排是烚熟，以前是煎熟。醬汁亦只有咸味，如是同一伙人做，不明白做法為何差異如此大。我想此店會在我的名单除名，未必再有下次。不知大家有否同感，歡迎分享一下。

以前飲開嗰間羅宋湯餐廳結業了，就會諗起心目中排第二好飲既餐廳--飛鷹餐廳羅宋湯味道香濃，而且仲有好多蔬菜係入面，好好味每日兩款特價快餐 $46 牛扒豬扒燒汁意粉，上枱快，牛扒豬扒醃得好淋，好易咬，意粉又煮得好淋，岩曬老人家食，而且仲有個大大熱辣辣餐包，加埋杯凍飲，抵食自選常餐 $56（加一，無餐包）焗芝士肉醬意粉，相對地唔抵食，加一後等於$61，無餐包不特止，因為選了焗意粉，所以等好耐，朋友食完我都未上餐，本身用了不誘鋼盤焗，唔知點解服務員自行倒入餐廳上，唔通驚我辣親

好耐無去食諗住同朋友去食扒，點知😡真係一次比一次差！我叫咗一個牛柳餐要黑椒汁，點知佢嚟咗個蒜蓉汁，最搞笑就係佢喺上邊再加黑椒汁啲汁多到好似湯咁樣，都唔知食咩味道，間嘢又菜！話加$20想要一碗仔都無，都唔識做生意，係咁叫我加多碗羅宋湯比多啲菜我！又話係佢親自去攞！真係辛苦哂😡個肥阿姐啲態度真係差到不知得了！🤬我係客人我想要啲咩！你無唔緊要！解釋我聽囉！我又唔係喺度返工嘅！點知咁多！咁唔想做就咪做啦！以後都唔會再去🤬

鐵板牛扒，相信都係唔少香港人的童年回憶。我以前都係考試默書考得好嘅時候，媽媽就會帶我去食鐵板獎勵我。時至今日，我哋好容易就可以買到一啲好靚嘅牛扒，日本美國澳洲，好多選擇，價錢亦都平過喺出邊食。有時都會喺度諗，究竟港式鐵板餐，仲有冇生存空間呢？我喺嗰日同女朋友開開心心鋸扒嘅時間中，搵到答案。為咗避免排隊，我哋特登揀係下午茶嘅時間去食，嗌咗兩份鐵板餐，包括一份西冷牛扒，同埋一份肉眼扒。牛仔型嘅鐵板，香噴噴嘅薯條，再由店員負責將蒜蓉汁倒落塊鐵板，發出jaja聲響。童年嘅快樂，就係咁簡單。牛扒喺鐵板上邊加熱，肉味香濃，同熱辣辣嘅醬汁相形見絀。加埋傳統嘅配菜同埋薯條，令到整個用餐體驗好似一首命運交響曲咁樣，有晒起承轉合。🥰孩子的一天很快過去 一年卻很漫長成人的一天很漫長 一年卻轉眼過去咬住件牛扒，真係令我諗翻起小學時候嘅回憶😎😎

做完秘書小姐，回家路上被馬騮帶去吃飯飯～🍽🍞餐包超軟，好好吃～🍵紅湯好濃茄味，白湯沒什麼味～馬騮的是黑椒T骨扒🥩($118)，我的是燒汁肉眼扒🥩（$105），都是7成熟～來到的時候真的是⋯⋯超級大塊！薯條都熱，但是稔掉了，沾汁吃勉強可以～ 試了一點黑椒汁，有點辣，燒汁有點像洋蔥汁～（但他們另外有洋蔥汁的耶～）因為不太會分肉眼扒、西冷扒，所以上網找了一下，肉眼是比較稔和滑，西冷是肉味比較濃，瘦和韌一點，所以我要了肉眼扒～切下去真的超級軟！很好切也很滑，不過呢⋯⋯吃得出來應該是用鬆肉粉弄過的味道～不過這價錢又湯又飲品又扒的，也ok啦！餐飲要凍檸茶🍹和熱奶茶☕️，凍檸茶很小一杯，但有3片檸檬！奶茶熱飲還不錯，有茶香也滑，但冷了反而很水的感覺～因為喝了湯和包，結果我們各自都只吃了半件扒，剩下的打包回家～（馬騮第二天晚上當晚餐）今天難得跟馬騮出去吃飯飯，開心心耶～🥰

經典港式扒房， 位處於深水埗區內， 距離西九龍中心都要行15-20分鐘左右。 店面懷舊的港式餐室， 我地2個人去獲待應安排卡位就坐， 環境細少， 但尚算ok. 午餐時段去， 主要叫左2個餐： 1） 精選午餐 HKD45: 雜扒餐 有一塊豬扒，火腿， 煙肉配意粉餐湯， 餐包及餐茶 。 份量相當抵食， 配搭港式洋蔥汁 。 有90年代味道 。 2） 鐵板西冷牛扒餐 HKD128 大大塊超淋肉質牛扒配黑椒汁， 配菜薯條份量好少 得2-3條 。 餐跟餐湯，餐包及餐茶 。 味道尚可 **餐包夠熱，大大個，幾好食**餐湯： 忌廉湯同周打魚湯基本上一樣味， 好淡，但大大碗** 待應服務正常， 未有如其他人所講般惡劣**比較同類餐廳： 荃灣莎樂美會勝一籌

呢啲懷舊扒房，其實慢慢係香港買少見少，今日星期日，晚飯時間6點幾入坐，好好彩唔洗等位。我地叫左一個牛柳餐，一個肉眼牛扒，兩個都係五成熟，湯就一紅一白。我覺得羅宋湯比忌廉湯好飲，起碼有啲菜食下😂忌廉湯味道比較淡，又冇咩料。餐包黎到仲係暖嘅，加埋牛油，幾好食。至於個扒餐，原來一早已經淋好汁先拎過黎，等我仲拎定紙巾，期待會有滋滋聲🤣講返個扒先，其實兩個扒餐分別不大，食落口感一樣😂肉質都係好稔，但肉味就欠奉。不過黎得呢到，都唔會對食物有太多要求，其實都係食回憶😄另外跟餐仲加左個意粉，個意粉偏淋，煮得太耐了。

已經好少見嘅平民扒房適逢父親節 爸爸點名要幫襯呢間鋸扒上網睇下食評 好壞半參食完我覺得唔錯😍值得推介餐廳裏面嘅格局都好懷舊用咗舊式枱墊 主要用紅色營造懷舊風 燈光昏暗不過座位唔算好闊落 每個餐會跟餐包 餐飲 餐湯（紅 白）大大個餐包真係冇得頂 仲要熱辣辣 勁煙韌 加埋牛油 絕配🤩爸爸講笑咁話 好味到想加錢買多個包都無本人推薦紅湯 好足料 ✨T骨配黑椒汁一上枱 嘩左聲 連鐵板都唔係好夠裝 超級大塊 我地叫左7成熟 岩岩好 肉汁鮮嫩 啖啖肉✨荷蘭牛柳配燒汁呢個都係叫左7成熟 可能肉身厚 反而有少少生 肉都係好嫩滑😍 ✨什扒好豐富嘅餐包左隻雞翼 香腸 牛扒 豬扒 火腿 煙肉豬扒又好林身 好香口😍想食多塊都無側邊有薯條做配菜 略嫌唔夠脆 唯一上碟嘅時候 職員預先倒咗啲汁落鐵板未有「炸」一聲嘅感覺 但整體黎講都好高質素😍

見到OpenRice入邊有好多評語都話侍應態度好差，可能內心打咗個底入到去又覺得冇乜嘢，都係正正常常嘅態度，仲比想像中好少少添。😂食得呢啲港式西餐都唔會預咗佢會俾啲非常高級嘅肉，純粹食感覺。嗰陣政府仲實行緊二人一枱，所以座位會有少少窄。不過都可以接受。首先係佢嘅羅宋湯，正常餐廳水準，嚟到呢啲港式西餐識叫一定係叫羅宋湯！配埋佢復古嘅碗碟加埋張枱墊真係幾有feel。餐包係比較香甜嗰種，個人幾鍾意。鐵板餐都係想像到嘅嗰種味道，鐵板風味都幾香，配上蒜蓉汁。特別一提，鐵板嘅份量都幾大，女仔有機會食唔晒。茶味比較淡嘅檸檬茶冇乜特別嘅紅豆冰，鍾意飲紅豆冰嘅都可以叫。

之前每次行經荔枝角道，見到「飛鷹餐廳」，豬先生都話好想食，話係舊式扒房夠抵食。今日終於如他所願同佢去鋸扒😆淨係睇門面同招牌就已經知有返咁上下歷史！原來飛鷹餐廳於1977年開業🫡 內裡燈光較暗。除左卡位外，其他枱都比較逼夾，人多時更需要搭枱。我地今次就揀左2份午餐$45，有：1️⃣鮮油餐包、2️⃣羅宋湯/蘑菇雞湯、3️⃣蘇格蘭牛扒/鮮茄火腿蛋（飯或意粉）、4️⃣咖啡或茶好快就先上2份餐包，大大個食落都軟熟，唔會凍冰冰硬哂。 之後就到餐湯，羅宋湯唔似平時飲開會偏酸，呢度反而剛好❣️ 而內裡既蔬菜都幾多👍🏻 蘑菇雞湯豬先生就話普普通通。主菜方面，我地分別揀左蘇格蘭牛扒飯同意粉。份量比平時食既偏少，但以$45來說絕對合理！牛扒份量正常，肉質軟腍。但意粉就煮得過腍☹️。凍檸茶就正正常常，杯比較細些少。總結：🔅食物唔可以講係好食（同花園餐廳差唔多？如果同金鳳比，金鳳應該好食啲😂） 🔅網上話佢既服務差，咁啱今次我地又唔覺，但就唔好期望有好服務。🔅$45一份午餐，有餐包、湯、牛扒意、餐飲（凍飲唔洗加錢），仲要唔收加一，真係算平‼️🔅利申：今次我地無食鐵板扒餐，唔知佢地鐵板扒餐質素如何。純粹就今次食既午餐評分…

聽聞好食 第一次去試試亦係最後一實在太令人失望到極點，明明入邊好多空枱都要我哋出去等一輪,環境衛生差食物質素差,餐廳侍應服務態度非常惡劣極差，一行入餐廳有個札小馬尾髮底highlight 了金色的侍應呼喝我們du安心出行和針卡，開開心我同小朋友一齊費事與她計較,然後金色馬尾侍應很大力飛本餐薄拍一聲放在我兒女面前小朋友被嚇了一跳，實在太驚嚇，我諗全港九全世界第一位最差嘅服務餐態度就係飛鷹餐廳了！ 搞到我地好似去左惡人谷到食霸王餐甘，食物質素差牛扒好鹹問佢攞兩杯水俾小朋友仲要俾佢鬧，杯嘢飲冰水多到淡如無味,餐湯道又唔記得比餐包問佢攞,唔記得比唔好意思都冇聲,受盡侍應白眼,第一次黎這餐廳亦係最後一次。

話說今日同老公一齊去食，一入到去嘟完個安心出行，諗住個女待應會帶我地入座，咁就跟住佢啦，然後佢原來係去左收枱，跟住我地又唔知坐係邊，佢都仲係到收緊枱，其他待應都冇表示，咁我地就是但搵個位坐。然後到落單，都係同一個女待應，老公講左幾次飲咩湯同咩汁，佢都仲要問，重複左3次終於成功落單。前菜同個扒嚟到嘅時候都冇咩問題，到個飯黎到嘅時候，張枱都冇咩位，但佢又冇收走啲食完嘅碟，然後成碌木咁樣企係我老公後面，示意我老公將啲碟整埋一邊，然後再自己係個女待應手中拎個飯擺係張枱到，食完個啲碟同樣冇收走🤷🏻‍♀️大佬，你係待應黎架喎，收碟擺碟唔係你嘅工作黎架咩，點解會係要我老公做呢？啲野上齊哂，咁有啲口渴就叫左個一罐可樂啦最後食得七七八八，佢無啦啦收緊第二張枱啲碟嘅時候，無啦啦拎住啲碟行過黎講：「飲咩」跟住我問：「咩飲咩」跟住佢就望住我講多次：「飲咩」明明我哋叫完個可樂之後都冇話過要加嘢飲。咁我自然覺得好奇怪啦，然後佢一路都冇講嘢，我就講話：「我哋冇嗌嘢飲喎」然後佢就話：「餐飲 飲咩」咁嗰時我都一頭霧水 佢一開頭又冇問我飲啲咩，咁我就預咗係冇嘢飲嘅 因為佢嗰啲嘢飲全部都係要加錢嘅 同埋我哋已經嗌咗個可樂 跟

想當年能走入這格局西餐廳已經叫好高級，食一餐都唔簡單不過係講緊 60 年代，現在係食懷舊，所以價錢都好懷舊，$45一份午餐免加一，凍飲都唔會加 $3 蚊去邊搵啊！一推門入去都聞到陣懷舊味道，加上牆身全部用類似氈物料，其實都暗藏細菌。不過係幸尼興致勃勃話帶我去就當見識下喇！🤣我們叫了二份午餐，不得不贊佢個羅宋湯又真係幾好味，酸酸甜甜味道清香可口開胃。👍熱辣辣餐包頭咁大個，香軟可口超好食。🍴蒜蓉雞扒飯好香蒜蓉味，雞扒都算入味，不過個汁就一般，個飯都無咩飯味有點乾。🍴俄式牛肉意粉同雞扒飯個汁一樣，意粉太淋好淡，牛肉都腍。 🥤凍檸檬茶無咩檸香# 價錢取勝算不錯👍

去開深水埗，突然諗起呢間舊店飛鷹，以前飛鷹出名要排隊、迫、快過快餐、雖然係咁，但都一定要食佢蒜蓉汁牛扒。 以平民食物價貴dd就食到”高級”餐廳嘅扒，只要食到個味道，要用刀叉，服務其次，仲有一定要鐵板，因為無咁好嘅肉扒一般會用鐵板，唔慣食生牛就可再熱一熱自行整熟佢，呢個就係懷舊平民扒嘅情懷！ 如果以平民公主王子態度去飛鷹就勸你唔好去啦，食平民餐廳就應以平民口味身份去食！中午去到，都無乜人，但可能侍應習慣以前座無虛席，所以比咗張share枱，因疫情前面有塊板擋住好迫咁重點係塊板好多食物汁，好在後來比我換一張前面無板嘅位我。二話不說當然叫返經典蒜蓉汁牛扒配紅湯。餐包嘅光面😁就係經典之一，不過紅湯就少咗牛味，轉左雜菜湯味了。鐵板牛上枱，只味到一般蒜蓉汁味 無咗勁蒜香，我的經典回憶就係想食返超級勁蒜香嘛，果然，真係少咗招牌蒜香味幸好要7成熟都仲keep到，再喺鐵板熱一下就剛好啱我，肉係鬆軟嘅口感。粗薯條底部有點焦就係鐵板精髓，焦香。餐飲照舊細細杯過種凍飲。有啲地方嘅懷舊就只有裝修，飛鷹係真懷舊，所以無論裝修環境，服務，枱墊，食品等都係從前帶落嚟。想真懷舊一下呢度就最啱不過。唔好又等舊店話要執先話

一入餐廳已經感受到唔多友善的氣氛。我單獨一人，又是下午茶時間，餐廳有好多空位，但侍應卻要求我去同人搭枱。係，我係貪平，想食下午茶餐。但入到去發覺餐廳無放個下午茶的餐牌出來，心想莫非星期六是無下午茶餐。唯有問一問態度冷漠的侍應，(其實不是冷漠，冷漠的侍應最多是唔理你，但這兒的侍應是唔想你入來，你阻住緊佢地的感覺)，結果都問左佢拿下午茶的餐牌，佢應左，但走開去做其他嘢，之後無左件事。唯有再問，終於肯俾，但佢補充一句"要等好耐"。我明白了，原來我阻住佢地，原來我不應該入來，原來我不應該要下午茶餐。評分有零分的話我會俾零分，有負分的話更加好。