食口福茶餐廳 (已結業)

Saw few pictures of their famous shredded spicy chicken and decided to give it a try. As they have the shredded chicken over rice with eggs instead of having to order as entree only. The fried eggs were okay but they had egg shells so gave it an extra crunch that I didn’t want. Also order the a tofu dish but it never came. Got up to pay as I didn’t want to wait. The lady was nice enough to apologize immediately rather than avoiding the topic. It was okay to try it out but not sure I would come b

朋友講呢度嘅米線好好味， 所以特登嚟試下， 果然真係好好味， 如果食得辣嘅朋友更加要試， 我嗰日食小辣已經辣到口水鼻涕都流， 佢嗰隻辣唔係得個辣字， 亦都唔係麻嗰隻呀， 系辣得嚟好香個隻。 不過如果唔食得辣嘅朋友， 就差少少……因為佢隻米線醬一定係有少少辣嘅。另外可以試埋佢嘅咖哩飯， 隻咖哩汁又係好惹味， 入面有埋幾塊薯角， 都係好好味外脆內軟， 鍾意食唔夠食嘅朋友，可以再叫小食成份薯角黎食。如果要係食飯時間過嚟，就要小心會冇位要等嗱~

假期唔願出去，決定留在元朗食好西🤤🤤🤤呢間手撕雞米線大大話話至少食左十年，由佢之前未裝修冷氣機成日滴水，到裝修完士士正正😂 我都有份貢獻唔少錢😂今日得閒就幫你打篇食評啦！話說以前響圖書館自修室最期待就係lunch黎食手c雞米線，介紹過唔少朋友黎，即使隔左咁耐到宜家佢地都會間唔中黎食，熟嘅程度係暗地裡我地會幫啲職員起花名😂😂😂（起咩花名梗係唔話你地知啦😝)大家記住「手撕雞小窩米線」同「手撕雞米線」係兩樣野來的！「小窩」呢兩個字好重要，小妹覺得「小窩」有埋啲韮菜，酸菜，芽菜，肉碎，芫茜後，味道嘅層次豐富好多，啲肉碎爆過後好香，有少少酸少少辣咁，又有啲菜咬下，好有口感； 佢嘅味道呢幾年有少少調整過，再一期係可以揀麻辣定香辣，而最一開初係麻辣啲，啲雞撕得細啲同真係似撕啲，其實我最鐘意都係最初初嘅味多啲，不過宜家都ok的，間中都會好掛住想放假過黎食😝👍🏻黎開元朗嘅朋友仔不妨試下，好似屯門都有分店架！

呢間算係一間頗具特色的一間茶餐廳, 同樣都是正常早餐,但餐廳總會每一樣都稍為比正常茶餐廳出色一些, 令到你會感覺到有所不同,別看少就這麼一點點的差別, 這樣就為一個早餐帶來不一樣的感覺,我相信, 只要每間餐廳都願意多走一步, 世界會很美.雖然我點的並不是食咩特別早餐，但 其中一碗轉出前一丁（分別係沙爹牛肉一丁及麻辣手撕雞麵） + 兩份轉烘多士 + 一份轉凍飲，埋單係兩位 $61個人覺得出品質素，在元朗同級屬中上，就是我所說的 "用心做多一點", 而令到一個早餐與別不同今時今日既物價，還有地方需要挑剔咩？

必食：手撕雞產品（單點手撕雞粉皮/手撕雞米線配菜/手撕雞飯等等)可以一試：霸王雞飯/鴨飯 - 味道比鄰近的過橋麵檔優勝，薑蔥拌飯非常惹味，可惜雞味不足稍微扣分沒有特別：米線味道不過不失，與其為了米線而去倒不如到臨近的永年士多食車仔麵，米線配料水準不錯伏：暫時吃過的都很好，沒有大伏服務裝修：與一般茶餐廳差不多，位子有點逼，上菜快速，侍應有禮貌會介紹不同菜式。等位狀況：午餐級晚餐時段需要等位，但是絕對值得

上星期去元朗做野，去左做野附近既食口福食早餐，我最鍾意入去食早餐，因為有手撕雞麵，其他地方好少早餐有得揀手撕雞～所以趁有機會，就唔會錯過～價錢唔算太貴，$30手撕雞味道帶有少少辣，好野味

經過給門口米線相吸引就試試，見到多款招牌雞跟飯，家鄉鴨，好吸引因為我最喜歡吃獨特家鄉味由於我晚點還要去聚會所以只點米線招牌米線醬點了小小辣~~配料點了魔女喜歡吃的豬潤(+$7)，唔係咁多地方有，另加招牌手撕雞(+$7)~menu上的配料不是外面米線店的一般丸之類，算有點貴少少配料~手撕雞唔係絲絲個種，算一塊塊，唔太鞋豬潤滾得剛好，上面有米線醬蓋面，有肉碎豆瓣醬味道~幾好味! 米線就如其他食評一樣偏淋~整體唔錯~

今日原本諗住食合興，不過上網見到其他食友啲相，見到個手撕雞好似幾得喎，就嚟試吓先，嗌左個手撕雞腩肉米線，嗌完之後，姐姐兇我地話米線要等十分鐘先至開始淥，無計啦都落左單洛，費事轉啦，你又唔喺我嗌嗰陣講。跟住等咗大約十分鐘米線就到喇，都算係比想像中快嘅，手撕雞味道都唔錯，不過個米線，爛如漿糊，絕對可以用一 pat 嘢嚟形容，其實個米線唔使淥咁耐牙，淥到爛哂，嘥哂個手撕雞，湯底方面唔係好夠鹹同唔係好夠辣，仲要完全唔酸添，呢間嘢一定唔會有下一次，下次都係乖乖地去合興排隊吧啦。

今日去咗有好多元朗人喺facebook推介嘅茶餐廳《食口福》食午餐。係食之前都滿心期待，因為餐牌上面 參考圖嗰啲米線個樣幾正。叫咗個【四川麻辣米線中辣】$29 加【豬膶】$7同埋【麻辣手撕雞】$7。 同阿姐落完單之後，佢先同我哋講話要等成十分鐘去煮米線，真搞笑點解唔係嗌之前就warn定我哋呢? 初時真係畀碗米線外表呃咗，米線個樣幾似樣，麻辣湯底重混有一啲豬潤嘅肉汁。不過一夾起米線就知出事，諗等十分鐘啲米線應該即叫即煮，點知啲米線煮到過曬火，唔煮嗰十分鐘應該冇咁嬲。米線煮到變成半透明，口感有如漿糊一樣糊口、淋pat pat，連我鍾意食淋麵嘅都頂唔順。同埋麻辣湯底中辣就略嫌唔夠惹味，湯底都幾淡，而且麻香亦唔夠，都算係失敗之作。唯一嘅好處就係冇乜加味精，就當食得健康啲。至於豬潤就爽口得嚟帶粉， 薑味濃，唔錯。 麻辣手撕雞亦算好味， 麻香突出， 雞肉嫩滑， 可惜分量唔多，食落唔夠喉。整體感覺，呢間茶餐廳真係「名過於實」， 而且衛生情況亦麻麻，食完嘅餐具同埋菜渣就放喺食客嘅餐枱隔離， 實在有啲嘔心。

成日聽人講呢間茶記幾好味，無乜胃口食飯，過泥叫個特餐先～麻辣手撕雞麵快速上枱，先泥一啖湯，淡淡地嘅福字味粉味，半熟公仔麵好al dente，我鐘意～手撕雞正常，略嫌唔夠麻辣味，同埋麻辣汁唔太惹味。另外炒蛋尚算鬆軟，少許過老，配埋餐肉一齊食都唔錯，反而要讚一讚多士，烘底加煉奶，order果時無睇清楚原來係奶油多，變相多一份驚喜，好滿足。

本來想一碰運氣到人氣麪店《彩》吃晚飯，可是放眼見到長長的人龍和精小的店面，就覺得還是算了😂😂😂不看好到處人山人海的元朗的星期六晚上，逛著逛著就到了這間名不經傳的小茶記～隨意點些特色食品吧！大家都餓了～整頓飯80多元，一老一幼分享份量剛好～超滿足的！

下午茶時段想食啲野過口癮，又唔想食得太飽，於是就叫左個炸魷魚鬚黎食。一上枱就好興奮，因為魷魚鬚炸到好似細個酒樓食果啲咁，上面既脆漿非常立體，唯一唔同既係酒樓果D通常都係凍既，因為酒樓係炸好一大碟，再用推車仔方式黎賣，咁樣推黎推去梗係好快凍啦。但呢到就唔同喇，即叫即炸，上枱時熱辣辣。食第一啖就覺得同細個既感覺好似，因為通常都係比較難咬，呢到都唔例外，不過唔緊要，呢D係童年回憶黎。唯一美中不足係油左啲，如果火喉控制得好啲就更完美了!

朋友叫我入元朗買茶葉，行行下見到有間米線有人在排隊，心思思想試！先去買茶葉，返轉頭見小人左好多，朋友叫左墨魚片仔泡米，比較小地方有墨魚片，但朋友話除左墨魚片好食其他就一般！我叫左金菇蘿蔔米線，配招牌米線醬(碎肉醬)，例牌米線都會跟韭菜，芽菜，酸菜，肉醬，真係幾好味，蘿蔔入哂味，米線好滑身，酸菜都好正，所以好快成碗食晒！下次可以再食！

除夕夜不想再跟人擠，下班後只想吃得簡簡單單，渡過我這2015的最後一夜。一直有留意這間人氣小店，這晚終可到此一嚐。可能大部分人都到港九不同地方倒數的關係，這趟到來不用排隊便可進內。店內整潔，剛好有張四人卡位面向電視，我們倆便坐下，邊吃邊看電視邊聊天，這就是我渴望簡單而滿足的一餐。 沙薑味濃雞肉亦夠味，配上墊底的芽菜吸收了所有蔥油汁，用來拌飯一絕👍🏻👍🏻 這好像是必點菜式，果然沒有令我失望，炸得香脆不厚粉。當然比它炸得出色的大有人在，但以廿多元價錢便吃到這質素，實屬抵食之選👍🏻對於一個米線控來說這實在太令人失望，米線淋得過份，好像在湯裏浸泡很久似的發脹，還好有麻辣手撕雞襯托挽回不少分數，但都忍不住浪費地吃淨一大碗米線...

天晚上落住毛毛細雨，我們還是決定出街去覓食。就一於去元朗人推介的食口福黎幾個小食作為晚餐吧! 據說這裡的食物相當抵食，小妹這次的目標係「魷魚酥」啊，聽說大份又美味!.不過地點對小妹還是有點遠，好彩身邊有位地圖達人才順利去到餐廳。餐廳環境小小的，是一般的茶餐廳格局，我們兩人被安排坐在卡位，坐得頗舒服的。.翻開餐牌，有飯類、泡飯、咖哩、香辣米線、小食和沙律等，價錢很划算啊!.麻辣粉皮手撕雞 $28一向都喜歡食雞絲粉皮，這裡的雞絲份量頗多，就是雞絲未做到入口嫩滑，不過加上芝麻和麻辣汁後是頗惹味的。.酥炸魷魚酥 (大) $28網友大推這裡的炸魷魚酥，據說係黎親這裡必叫的! 大都係賣$28，小的$19，價錢相當親民。一碟的份量都不少啊，而且係新鮮熱辣炸起的。喜歡這裡的炸魷魚酥不是外皮厚厚炸粉的那一種，一層薄薄的炸粉，咬落十分酥脆可口，充滿椒鹽的味道，魷魚咬落不韌頗爽彈，好食!.家鄉煎豆腐 $25豆腐經輕輕煎過，入口非常嫩滑，加上醬汁後也是很惹味的，配飯一流!.咖哩薯角 $25就是因為喜歡食薯角，他又喜歡食咖哩，所以就叫了這個，熱辣辣炸起的，就是香口，但還是比較喜歡醮茄汁。.祖傳咖哩配厚切黑豚肉飯