影片
营业时间
今日营业
10:00 - 21:00
星期一至日
10:00 - 21:00
公众假期
10:00 - 21:00
以上资料只供参考，请与餐厅确认详情
招牌菜
星期六放假，阿仔突然好想食日式饭，但系两个又懒吾想郁，阿仔提议叫外卖，于是即管开个apps 叫外卖送，我其实好少用，意外惊喜新用户免运费。悭家嘅我紧系揾有优惠推介啦，最后选咗呢间外卖店，点餐时发现原来点饭仲包一个饮品，而且消费满$150再全单有八折，感觉好抵。阿仔点了《青芥末炸鸡平吉列广岛蚝饭》（$75）、我选了《日式蒲烧鳗鱼拼牛舌饭》（$90），再加一个小食《泰国炸鸡软骨粒》（$48）。两饭一小食包两盒饮品，八折后埋单二百蚊有找。预计30-45分钟送到，结果准时送达，饭仍热辣辣。急不及待立即开动。《青芥末炸鸡并吉列广岛蚝饭》，伴菜配有中华沙律、粟米及甘笋丝。炸鸡五粒同两粒吉列蚝，炸鸡粒出色肉质嫩滑，有肉汁吾干身，配上芥末酱更好味；吉列蚝松脆有蚝鲜味。整体来说食材新鲜，烹调得恰到好处。《日式蒲烧鳗鱼拼牛舌饭》，汁煮牛舌有四片厚切，肉质偏淋滑，不过我个人偏好较有咬口；鳗鱼肉厚大条，足足盖满大半盒饭，同样配有伴菜，至于饭软硬适中，阿仔十分欣赏。《泰国炸鸡软骨粒》，炸得香脆而份量可以，可惜少了粒柠檬，否则就更完美。送啤酒一流。
继续阅读
典型无骨颓饭。系白饭上面加五块炸鸡，一粒西兰花，再加啲三色豆，落啲芝麻同埋蜜糖芥末酱即成。炸鸡唔会话好硬好鞋，但系就讲唔上酥脆，炸浆偏厚，胜在够热。蜜糖芥末酱几惹味， 配埋啲三色豆食感觉冇咁油腻。卖单43蚊， 贵咗少少。
继续阅读
［日式咖喱吉烈猪饭］.呢间店专做外卖主打日韩式外卖专门店试过一次呢个猪扒饭之后每次经过湾仔谂唔到想食乜嘢我都会买呢个吉列猪扒饭价钱合理而且都真系几唔错几好食.吉烈猪扒定食 ($43）午餐仲免费送一包纸包饮品吉烈猪扒都算大件厚切食落吾算太干身吾太油腻仲好有肉感。而个咖哩都好正常吾辣但又吾会太甜有小小薯仔红萝卜添======= =========================环境： 专做外卖，都有少少bar 枱位置可以堂食。服务质素：正常。价钱： 合理正常。食物质素：都好食，份量足=============================卖相❤️❤️❤️价钱❤️❤️❤️好食程度❤️❤️❤️环境❤️❤️服务质素❤️❤️❤️==============================
继续阅读
今次又系OpenRice外卖自取度揾到呢间餐厅，有时D地点太隐蔽真系需要OpenRice度先揾到啲外卖小店。呢间主要系外卖专店，堂食两边只有几个对墙位，所以都系拎返Office食唔洗同人逼。日式咖喱吉列猪扒饭 $43日式咖哩都应该系预先整左一大盘再笔起用，所以有少少涩塌塌，而吉列猪扒真系即场即炸，外皮够热非常之脆，大大块口感又唔错，刚刚猪扒既饭量够送饭。见佢仲有好多食物选择，Menu多到任均选择，整体黎讲四十几蚊系湾仔区都算合理价格。
继续阅读
Staycation住平时番工既湾仔真系几闷😂，都懒得去太远所以openrice揾左间黄店💛近近地就算。经openrice叫定够钟就去拎好方便，悭番啲时间🏻。🔅白汁三式芝士海鲜杂锦扁意粉配纸包饮品 ($63)呢个意粉好足料，有蚬肉、带子，蟹柳等等，味道都好大路，可惜芝士冻左就硬左一旧，比较难食到意粉，不过咁既价钱都唔错👍🏻。🔅茄蓉蚬肉吉列鱼手指饭配纸包饮品 ($45)茄蓉就麻麻，蚬肉都ok多，鱼手指都够脆。🔅炸薯条 ($15)薯条几大份，炸得几香脆，粗薯会加分😍。🔅日本牛肉薯饼 ($13)同出面既牛肉薯饼都差唔多味，炸得外层都好脆。🔅经典盐酥鸡粒 ($18)鸡粒唔错，$18都好大份，够抵食，最钟意呢个😚！🔅吉列虾饼(2件) ($15)虾饼好少食咁细旧(大炸带子少少…)，可惜个边㶶㶶地，大旧啲就好。🔅炸带子(3件) ($12)味道怪怪地，又唔似雪味，唔推荐☹️。💬虽然呢间系小店，食物系有极多选择！最钟意系多小食😂，大大份但价钱都唔算贵，味道就普普通通，不过胜在💛同多选择，湾仔区黎讲价钱相宜。
继续阅读