飯丸屋 (國泰大廈) (已結業)

琴日黎呢到幫襯，因為我要去聖保祿醫院探病，但係按錯左拎外賣自取嘅時間，我飛奔過去同員工講，佢地超好，知道我原來係趕時間，立即整比我先🙏🏻我太感動啦！當然落緊雨，沒有帶雨傘☂️，非常狼狽！好彩我都唔黑仔得晒🥹佢地既野食係即叫即整，所以都要預一啲時間比佢哋！其實整出嚟都非常好食，個飯團好厚身，薯條炸得好脆！個芥末醬超級好食😋！仲有一杯豆漿🙏🏻外賣自取真係好平$48！抵抵抵食👊🏻員工亦都非常之友善！店舖內亦都非常乾淨

🍙飯丸屋🍙📍:銅鑼灣銅鑼灣道3-17號國泰大廈地下A號舖⏰:11:00pm-9:00pm☎️:63603684《飯丸屋》係香港首間主打沖繩特色飯團嘅店舖🍙 店舖來自台灣 供應多款足料嘅沖繩飯團 除咗飯團之外 店舖仲有小食和唔同特色嘅豆漿等供應 份量足料 價錢唔貴 全部食物即叫即製🥰新鮮惹味！🔸超值套餐🔸 💰58(炸蝦天婦羅+黑糖豆漿+日式炸雞)🍙天婦羅炸蝦飯糰過嚟呢間一定要食人氣排行既炸蝦天婦羅🍤 現炸 炸蝦大大隻 外層金黃酥脆 唔會好油膩 蝦肉爽口彈牙 再搭配埋沙律醬、午餐肉同玉子 口感超級豐富 📎OpenRice 外賣自取限定款「double 天婦羅炸蝦飯糰」有2隻蝦 口感更豐富🥰🍙明太子干貝酥握飯糰 💰45明太子醬經過炙燒後 充滿鹹香 味道濃郁 再加埋炸過嘅帶子 炸過既外皮好薄身 外酥內軟 有咬口 再搭配埋玉子、午餐肉 層次口感都好豐富🤣🐥日式炸雞炸雞既外層好酥脆 好juicy 有鹹香味 熱辣辣一口size一粒 炸雞會配埋蛋黃醬/蜂蜜芥末醬 個人口味比較鐘意蛋黃醬🙈🥠咖喱可樂餅酥脆不油膩 薯仔綿密口感鬆軟🥤黑糖豆漿 甜度適中 黑糖唔會搶晒豆漿味！兩者好夾！🥤日式抹茶豆漿豆漿味香滑

飯丸屋係我近期成日食嘅外賣之一，上次食才知佢係台灣過江龍，台灣有30多間分店，香港都愈開愈多，銅鑼灣呢間係近期新開嘅～原來澳門、新加坡都有分店㗎，厲害👍🏻🍙 明太子干貝酥💰$45主打沖繩飯團，即叫即做，新鮮熱辣之前食過幾款口味，最鐘情都係明太子干貝酥干貝酥係細個必食嘅炸帶子，原來襯落飯團好好好食，特別鐘意佢多沙律醬😍明太子醬超正🉐🍙蒲燒鰻魚握飯糰💰$60新品‼️店員超好，介紹我有咩好食，新出鰻魚口味必食‼️啖啖鰻魚肉，足料美味，鰻魚汁+餐肉+蛋好夾好好食😋呢款成為我新寵兒啦🉐🍋蜂蜜檸檬💰$15🍵日式抹茶豆漿💰$20經常飲呢2杯🤣🤣下次我都要試吓新嘢先得🚩飯丸屋 (國泰大廈) (銅鑼灣) @onigiri_planet_hk 📍銅鑼灣銅鑼灣道3-17號國泰大廈地下A號舖

已經食過灣仔果間幾次…見到銅鑼灣新開，就黎買返屋企試下…店舖只設外帶 沒有堂食位置，而且係即叫即整，熱辣辣，所以買完都要等一陣先有得拎…今次叫左日式炸雞握飯團再加$20有野飲同小食~飯糰足料，超多飯，食一個係夠飽…第一次試日式炸雞握飯團，有D失望…佢飯團炸雞得兩件，有D少，因為夾埋左D醬，拎到返屋企就淋左D，所以就咁叫小食日式炸雞會抵食D，同香脆D~而且今次佢比果塊餐肉簿左D，因為我之前係灣仔食炙燒明太子味次次個餐肉都好厚….但今次個玉子好食，煎得好香但又唔會過老，而個汁都好夠，食到最後都好夠味!! 小食叫左蜂蜜芥末醬薯條!!係粗薯條，即炸，熱辣辣，不過返到屋企就凍左DD但都仲好脆，未影相就已經忍唔到係咁偷食…份量都合理!! 飲品叫左黑糖豆漿，已經飲過好幾次，真係好好飲!!佢得凍但可以冇冰~黑糖味好重，但唔會太甜，豆漿豆味好香，配合得天衣無縫，飲完成杯都唔夠喉!!!

#pb食在銅鑼灣沖繩口味飯團新分店🍙New Restaurant Alert 🚨✨恭喜呢間台灣過江龍飯團係銅鑼灣開左新分店❤️ 佢係全台灣已經有30間分店 上年開始進駐香港👍🏻 銅鑼灣店已經係佢香港嘅第7間分店🤪 佢主打沖繩風味嘅飯團 所有飯團即叫即做😋 款款都非常足料 一定食到好飽😍.依家暫時有8款飯團 遲d會有新口味 價錢$28-$45不等😋 每款飯團都會有基本配料玉子燒、午餐肉 另外再加其他配料😍 當中以明太子系列最出名🥰 加$13就可以跟一款小食 / 飲品 加$20就可以跟小食 + 飲品👍🏻🔹明太子干貝酥握飯團🍙推介❤️ 明太子系列真係必叫😍 一款係炙燒明太子 一款係明太子干貝酥😋 今次試左明太子干貝酥 入面除左基本嘅玉子燒、午餐肉 仲有明太子醬、兩粒炸帶子 配埋一齊食真係好正🥰 明太子唔會好鹹 但係絕對夠香👍🏻🔹咖喱可樂餅握飯團🍙呢款入面就有玉子燒、午餐肉、咖喱薯餅😋 唔係講笑 呢份真係好重量級 食完超爆🤪 咖喱薯餅即叫即炸 熱辣辣入口😍 外脆內軟 又唔會超重口味👍🏻🔹麻糬波波（地瓜、紫薯 ）🍡推介❤️ 一共有六粒 三粒地瓜、三粒紫薯😋 兩款都同樣好食 咬落煙煙韌韌😍 食到落足料

見呢間飯團專門店愈開愈多分店～終於去左試💕飯團好多款式😀全人手製 即叫即煮每款餡料都好豐富 而且全部都有玉子燒 午餐肉（仲可以轉新餐肉）😋——————————-松露炒菇飯團🍙一黎到就聞到好香松露味～～松露打成蓉 再加d醬汁 甜甜地好開胃🥰餸嘅份量都好足 每一啖都會咬到唔同嘅食材玉子燒唔係好甜嗰種 偏向港式炒蛋 加埋午餐肉反而幾夾😍本身驚咁厚嘅午餐肉會太咸 但好彩唔係～絕對唔會蓋過松露同菇嘅香味🤤黑芝麻豆漿養生飲品好吸引😍全部無冰 擺耐左都唔怕溝淡黑芝麻味好濃😀會飲到攪碎左嘅芝麻粒 絕對唔係搵d人工黑芝麻味黎沖水👍🏼豆漿夠滑🥰飯團店都飲到咁有水準嘅豆漿都有d surprise ——————————-麻糬波波 一份可以試哂地瓜球 & 紫薯球兩款意外地炸物都完全唔油😙食落好煙靭🤩而且唔係空心 讚👍🏼——————————-加$20就可以要哂飲品同小食😚好抵食！而且店鋪小小 但款式好多🥰樣樣都做得幾好下次想試埋其他口味飯團🤤